Ѓорѓиевски: Во Градскиот парк се засадени 60 нови садници по невремето

Градоначалникот на Скопје, Орце Ѓорѓиевски, информираше дека започнала обновата на Градскиот парк по силното невреме, при што денеска се засадени 60 нови садници од јавор и јасен.

— реклама —

Според него, невремето проследено со силни ветрови предизвикало значителни штети во паркот, при што биле соборени повеќе дрвја и оштетен дел од урбаната опрема.

По вчерашната акција за расчистување на теренот, денеска започнало засадувањето на новите дрвја, кои, како што посочи Ѓорѓиевски, ќе придонесат за повеќе зеленило, сенка и почист воздух.

— реклама —

Тој најави дека ова е само почеток на обновата и дека во наредниот период Градскиот парк ќе биде дополнително оплеменет со нови дрвја, зеленило и други содржини.

— реклама —

Воедно, Ѓорѓиевски истакна дека екипите на Град Скопје продолжуваат со активности за отстранување и санирање на штетите што невремето ги предизвика низ целиот град.