Граѓаните денеска традиционално го одбележуваат Први мај со излет во Градскиот парк, каде уште од претпладневните часови може да се забележи голема раздвиженост и многубројни посетители.
Паркот е исполнет со луѓе кои уживаат во сончевото време, седнати на ќебенца поставени на тревата, додека дел од граѓаните со себе понеле и столчиња за поудобен престој на отворено. Семејства, млади и групи пријатели го користат празничниот ден за дружење, релаксација и престој во природа.
Сепак, дел од граѓаните поради продолжениот викенд одлучија празникот да го поминат надвор од главниот град, па се упатија кон туристичките центри во земјава, но и во соседството.
