Градоначалникот на Скопје, Орце Ѓорѓиевски информира дека во Градски парк се спроведуваат активности за уредување и разубавување, со фокус на обновување на пешачките патеки, поставување нова урбана опрема и засадување дрвја, со цел создавање поуредена и позелена средина за граѓаните.
„Градскиот парк е срцето на Скопје, каде градот дише, а луѓето уживаат во природата.
Во овој момент ги уредуваме пешачките патеки со поставување на бела ризла и ја обновуваме урбаната опрема со нови клупи и канти за отпадоци.
Паркот го оплеменуваме и со нови дрвја, создавајќи похумана и позелена средина за сите.
Да го чуваме и да уживаме во него, затоа што ова е наше заедничко богатство кое треба да го оставиме и на идните генерации“, вели Ѓорѓиевски.
