Голем интерес за филмот за кочанската трагедија: Нови проекции на „Добри луѓе“

Документарниот филм „Добри луѓе“ на режисерот Милчо Манчевски, посветен на кочанската трагедија и на луѓето погодени од пожарот во дискотеката „Пулс“, повторно ќе биде прикажан во Центарот за култура „Бели мугри“ во Кочани.

— реклама —

Од установата информираат дека поради големиот интерес, а откако за првата проекција на 22 август приоритет им бил даден на повредените лица и на семејствата на загинатите, капацитетот на салата бил пополнет за кратко време.

— реклама —

Поради тоа, „Добри луѓе“ ќе има уште две бесплатни проекции – на 24 и 25 август, со почеток во 19 часот.

„Поради приоритетот даден на повредените лица и семејствата на загинатите во пожарот во дискотеката ‘Пулс’, првата проекција на документарниот филм ‘Добри луѓе’ на режисерот Милчо Манчевски на 22.08.2026 година за кратко време го пополни капацитетот на салата“, соопштија од НУ Центар за култура „Бели мугри“.

— реклама —

Од Центарот додаваат дека, доколку интересот продолжи, јавноста дополнително ќе биде известена и за нови термини за бесплатна проекција.

Филмот е директно поврзан со трагедијата во Кочани, па затоа и првичните проекции беа организирани со посебен приоритет за семејствата на загинатите и за повредените.