Голем пресврт на времето: Арктички студ стигнува на Балканот

По периодот на натпросечно топло време, Европа ја очекува нагло заладување, при што студен арктички воздух ќе се спушти кон источните и јужните делови на континентот. Според прогнозите на Severe Weather Europe, најизразена промена се очекува на Балканот, каде што температурите во вторник и среда значително ќе се намалат.

Силниот блокирачки антициклон над Северниот Атлантик и Скандинавија ќе овозможи продор на студен поларно-арктички воздух кон истокот и југот на Европа. Во погодените подрачја, дневните температури би можеле да бидат за 10 до 15 степени пониски од неодамнешните просечни вредности.

— реклама —

Студениот фронт во вторник ќе опфати голем дел од Балканот, а во среда ќе се прошири кон Грција и Егејското Море, Црното Море и Турција. Во најниските и средните слоеви од атмосферата, температурите ќе бидат околу 6 до 10 степени под просекот за крајот на септември.

Најизразено заладување се очекува во Македонија, Србија, Босна и Херцеговина, Романија и Бугарија. Во овие подрачја, температурите во вторник локално би можеле да бидат и за 10 до 15 степени под долгорочниот просек. Ладен бран ќе има и во Грција и северозападна Турција.

— реклама —

Во среда, студениот воздух особено ќе се почувствува во Бугарија, Грција и Турција, каде што на западот од Турција температурите локално би можеле да бидат и 12 до 16 степени под вообичаените вредности за овој период.

— реклама —

По продорот на студениот воздух се очекува и значително заладување во текот на ноќта. Ведрото време и послабиот ветер ќе создадат услови за појава на првиот утрински мраз во пониските предели, котлините и земјоделските подрачја, од Балтикот преку Балканот до Романија и Бугарија.

На повисоките планини на Карпатите, а можно е и на северниот дел од Балканот, температурите би можеле да се спуштат до границата на замрзнување, што би создало услови и за првите позначајни снежни врнежи оваа есен.

Најстудено се очекува да биде во вторник и среда, кога температурите во централниот и јужниот дел од Балканот главно ќе се движат од 10 до 20 степени. Станува збор за значителен пад во однос на периодот на необично топло време.

Сепак, студениот бран според прогнозите ќе биде краткотраен и главно ќе трае до средината на неделата. Потоа се очекува потопол воздух од запад повторно да се прошири кон централните делови на Европа.