Голем шумски пожар на грчкиот остров Евија, испратено итно СМС-предупредување до граѓаните

Голем шумски пожар избувна денеска во областа Милаки на грчкиот остров Евија, поради што властите испратија итно СМС-предупредување до жителите преку системот 112.

— реклама —

Во гаснењето на пожарот учествуваат 28 пожарникари со девет противпожарни возила, а од воздух интервенираат седум авиони и еден хеликоптер, јавуваат грчките медиуми.

— реклама —

Пожарот избувнал нешто по 13 часот по локално време во шумска област кај Милаки, каде што во близина има и повеќе расфрлани куќи.

Во гаснењето се вклучени и цистерни со вода од општината Аливери-Кими, кои им помагаат на пожарникарите да го стават огнот под контрола.

— реклама —

Грчката противпожарна служба соопшти дека на терен е и специјален тим за истрага на подметнати пожари од Пиреја, кој ќе ги утврдува причините за избувнувањето на пожарот.

— реклама —