Поранешниот ирански министер за надворешни работи Камал Харази почина од повредите здобиени во воздушен напад, јавија иранските државни медиуми рано утринава.
Харази, кој беше на чело на Стратешкиот совет за надворешни односи, бил ранет неколку дена претходно во израелско-американски воздушен напад, пренесе државната новинска агенција ИРНА, наведувајќи дека „починал пред неколку часа“.
Тој беше министер за надворешни работи на Иран од 1997 до 2005 година. Последната функција му беше советник на долгодишниот врховен лидер на Иран, ајатолахот Али Хамнеи, според медиумските извештаи.
Во извештаите се наведува и дека Хамнеи бил убиен на почетокот на американските и израелските напади врз Иран.
