„Голф“ удрил во мотоцикл, па во „цитроен“ на раскрсница во Куманово, повредени четири лица

На раскрсницата меѓу булеварот Трета македонска ударна бригада и улицата ЈНА во Куманово вчера попладне се случила сообраќајна несреќа во која тешко е повреден мотоциклист.

— реклама —

Како што информира Министерство за внатрешни работи, несреќата била пријавена на 25 мај околу 18:45 часот во СВР Куманово.

— реклама —

Во несреќата учествувале патничко возило „фолксваген голф“ со кумановски регистарски ознаки, управувано од 24-годишната Л.Ш. од селото Романовце, мотоцикл „кавасаки“ управуван од Љ.Р.(27) од селото Черкези, по што возилото „голф“ удрило и во запрен „цитроен“ управуван од А.Р.(43) од Куманово.

Со тешки телесни повреди се здобил мотоциклистот, додека со телесни повреди се здобиле возачката Л.Ш. и нејзините сопатници М.Ш.(51) и еден малолетник, сите од Куманово.

— реклама —

Повредите биле констатирани во Општа болница Куманово.

— реклама —

Увид на местото извршила увидна екипа од СВР Куманово.