Гореле картони за стара хартија и предизвикале пожар во двор во Шуто Оризари

Пожар избувнал синоќа во двор од куќа на подрачјето на Шуто Оризари во Скопје, при што две лица биле пренесени на Клиничкиот центар „Мајка Тереза“ поради вдишување чад.

— реклама —

Од Министерството за внатрешни работи информираат дека случајот бил пријавен на 28 мај 2026 година во 00:05 часот, а пожарот настанал околу 23:40 часот во дворот на куќа сопственост на Д.А. (47) од Скопје.

— реклама —

Според пријавата, гореле картони кои сопственикот ги собирал за продажба како стара хартија. Д.А. заедно со соседите Џ.А. (23) и Р.А. (23) се обиделе да го изгаснат пожарот.

На местото интервенирала екипа на Бригадата за противпожарна заштита, која целосно го локализирала и изгаснала пожарот.

— реклама —

Поради вдишување чад, Џ.А. и Р.А. биле пренесени во Комплексот клиники „Мајка Тереза“ за укажување лекарска помош.

— реклама —

Од МВР соопштија дека се преземаат мерки за расчистување на случајот.