Во пресрет на четвртфиналниот натпревар меѓу Англија и Норвешка на Светското првенство, готвачот Џони Марш, кој со години подготвувал оброци за повеќе од 100 фудбалери од Премиер лигата, откри како изгледа исхраната на врвните спортисти пред големите натпревари.
Според него, подготовката не започнува на денот на натпреварот, туку неколку дена претходно. Уште два дена пред мечот постепено се зголемува внесот на јаглехидрати, а ден пред натпреварот главните оброци најчесто се состојат од тестенини или ориз, со цел играчите да ги наполнат енергетските резерви.
На денот на натпреварот појадокот е полесен и содржи протеини, малку зеленчук и лесно сварливи јаглехидрати, за играчите да имаат доволно енергија без чувство на тежина.
Марш открива дека многу фудбалери консумираат и цвекло или сок од цвекло, бидејќи се смета дека тоа придонесува за подобра издржливост при физички напор.
Тој истакнува дека во последните години од менито на многу професионални клубови речиси целосно исчезнале кечапот и мајонезот поради високата содржина на шеќер и масти.
Освен исхраната, големо внимание се посветува и на хидратацијата. Играчите редовно внесуваат електролити и свежи сокови, а во оброците често има намирници богати со вода, како краставици и поточарка, за да се одржи оптималната рамнотежа на течности во организмот.
