Град Скопје ги отвори вратите: Граѓаните директно кај градоначалникот

Град Скопје информира дека градоначалникот денеска ги отворил вратите на институцијата за сите граѓани кои побарале прием, овозможувајќи им директно да ги споделат своите проблеми, идеи и предлози.

— реклама —

Според соопштението, дел од комуникацијата се одвивала и телефонски, со цел секој граѓанин да биде сослушан и да добие одговор.

— реклама —

Од Градот наведуваат дека поддршката од граѓаните претставува дополнителна мотивација, но и обврска за понатамошна работа.

„Секој проблем и предлог е внимателно евидентиран и ќе се пристапи одговорно кон нивно решавање“, се посочува во соопштението.

— реклама —

Средбите со граѓаните ќе продолжат и во текот на денот, а по потреба и во наредните денови.

Од Град Скопје порачуваат дека институцијата останува отворена и достапна, со фокус на директна комуникација и решавање на прашањата од интерес на граѓаните.