Градоначалникот на Карпош ги предал сите надлежности на член на Советот, ама Општината демантира дека поднел и оставка

Општина Карпош ги демантираше информациите дека градоначалникот Сотир Лукровски поднел оставка, посочувајќи дека тој во моментов користи боледување и е привремено отсутен поради здравствени причини.

„Општина Карпош ги демантира наводите дека градоначалникот Сотир Лукровски си има поднесено оставка. Тој во овој момент користи боледување и е привремено отсутен поради здравствени причини, за што замолуваме за разбирање“, соопштија од Општината.

— реклама —

Од таму уверуваат дека работата на локалната самоуправа продолжува непречено

„Уверуваме дека Општина Карпош продолжува да функционира непречено, со целосен капацитет и посветеност кон потребите на граѓаните“, додаваат од Општината.

— реклама —

Согласно законските процедури, надлежностите привремено ќе ги извршува членот на Советот, Неделчо Крстевски.

— реклама —

Од Општина Карпош апелираат до јавноста и медиумите за разбирање и почитување на приватноста на градоначалникот и неговото семејство во овој период.