Градоначалникот на Општина Карпош, Сотир Лукровски, денеска го одбележа празникот Успение на Пресвета Богородица – Голема Богородица, со посета на црквата „Рождество на Пресвета Богородица“ во Скопје.
По повод празникот, Лукровски упати честитка до православните верници, посакувајќи им добро здравје, духовен мир, благосостојба и семејна среќа.
„Овој голем празник нè потсетува на најважните човечки вредности – верата, љубовта, надежта, милосрдието и грижата за ближниот“, порача Лукровски.
Успението на Пресвета Богородица, познато меѓу народот како Голема Богородица, е еден од најголемите празници посветени на Божјата Мајка и има особено значајно место во православната духовна традиција.
