Градоначалникот на Њујорк: Хамас изврши страшни злосторства, но во Газа има геноцид

Градоначалникот на Њујорк, Зохран Мамдани, денеска, на третата годишнина од нападот на 7 октомври, изјави дека страдањето не се случило само тој ден, туку продолжило со „разорниот геноцид на израелската влада во Газа, кој сè уште трае“.

Во тој конфликт, како што тврдеше Мамдани, биле убиени повеќе од 74.000 Палестинци, од кои 21.000 деца.

— реклама —

Тој додаде дека и по „таканаречениот прекин на огнот“ биле убиени повеќе од 1.400 Палестинци.

„Тоа страдање се засилуваше со секоја израелска бомба фрлена врз возила на итната помош пред болниците, со секој напад со дрон врз станбени згради или новинари и со секоја пратка храна што беше вратена од граничниот премин“, рече тој.

— реклама —

„Многу жители на Њујорк се соочуваат со оваа неподнослива тага и ние тагуваме заедно со нив, а притоа знаеме дека нашите даночни средства се користат за финансирање на овие воени злосторства“, изјави градоначалникот.

— реклама —

Тој порача дека три години подоцна „мора да одбиеме да прифатиме свет во кој окупацијата и апартхејдот продолжуваат, во кој воените злосторства остануваат неказнети, а нашата федерална влада останува соучесник со секоја нова пратка оружје“.

„Овој ден е исклучително болен за многу жители на Њујорк. Со него се одбележуваат три години од страшните воени злосторства извршени на 7 октомври. Тој ден Хамас уби повеќе од 1.100 Израелци и киднапираше 251 лице. Тагуваме заедно со нашите многубројни пријатели и соседи кои и понатаму ја носат оваа незамислива загуба“, напиша Мамдани.

— реклама —

Според официјалните израелски податоци, во нападот биле убиени повеќе од 1.200 Израелци.

„За да им оддадеме почит на загинатите, мора да се бориме за свет во кој секој човек може да живее слободно, безбедно и достоинствено“, заклучи Мамдани.