Грција ги засили истрагите откако дрон полн со експлозив беше пронајден во морето кај западниот дел на земјата.
Според информациите, беспилотното летало било откриено минатиот четврток во пештера во близина на островот Лефкада од страна на рибар, а специјализирани тимови за деактивирање експлозиви подоцна го детонирале на море.
Министерот за одбрана Никос Дендијас изјави дека дронот најверојатно пристигнал од „странска држава“, но не прецизираше од која.
„Знаеме за што станува збор и приближно знаеме што содржи“, рече Дендијас, додавајќи дека Грција работи на развој на напредни дронови и системи за одбрана од беспилотни летала.
Според грчките медиуми, се верува дека станува збор за украински поморски дрон „Магура В3“, кој можел да носи и до 300 килограми експлозив. Неофицијално, леталото било натоварено со околу 100 килограми експлозив.
Истрагата се води во воена база на грчкото копно, каде што експертите ги анализираат серискиот број и GPS-системот на дронот за да утврдат од каде потекнува.
Инцидентот отвори сериозни прашања за безбедноста во Грција, особено поради долгото крајбрежје и можноста земјата да биде вовлечена во пошироки регионални конфликти.
Опозициските партии ја обвинија владата во Атина дека не е подготвена за заканите од новите воени технологии.
(Видео) Рибари во Грција пронашле морски дрон со 100 килограми експлозив
Морски дрон опремен со околу 100 килограми експлозив, кој рибари го пронашле во близина на грчкиот остров Лефкада, е неутрализиран во контролирана експлозија, објави грчката радиотелевизија ЕРТ њуз.Дронот, долг околу шест метри, бил забележан во четвртокот покрај карпест брег на Јонското Море, а неговиот мотор сè уште работел кога рибарите го извлекле и го однеле во мало пристаниште, без да знаат дека носи експлозив.Според грчката крајбрежна служба, експлозивот бил безбедно детониран, а дронот б
Свет | пред 2 месеци
