Хрват го фатил синот како пуши марихуана, па му удрил шлаканица – судот го казни со 500 евра

Општинскиот суд во Дубровник казнил со 500 евра 45-годишен маж поради насилство врз својот син, откако го затекнал на игралиште во Мокошица како, според неговото сведочење, пуши марихуана со пријател. Инцидентот се случил во август 2024 година.

— реклама —

Како што објавува хрватскиот портал „ДУлист“, судот му ја изрекол најблагата можна казна за тоа што му удрил шлаканица на синот. Во истата пресуда, таткото бил ослободен од обвинението дека го удрил и пријателот на својот син.

Како олеснителни околности судот ги зел предвид фактот дека мажот претходно не бил осудуван, како и тоа што на судењето го признал делото за кое бил обвинет.

— реклама —

На судењето, 45-годишникот објаснил дека на игралиштето пристигнал околу 22:30 часот, додека се одржувал фудбалски турнир.

— реклама —

Според неговото сведочење, ги видел синот и неговиот пријател како пушат марихуана, по што почнал да им вика.

„Во еден момент замавнав со раката и го удрив синот по образот, а истото го направив и со неговиот пријател. Тоа повеќе беше воспитна мерка, бидејќи во тој момент не знаев како да реагирам, а сметав дека нивното однесување не е во ред“, изјавил таткото пред судот.

Сепак, судот го казнил за насилството врз синот со парична казна од 500 евра.