И втор странец уапсен на Табановце: возел со двојно поголема брзина, фатен е на „Сејф сити“

Полски државјанин е лишен од слобода на граничниот премин Табановце, откако при проверка било утврдено дека системот „Безбеден град“ го евидентирал како сторител на кривично дело за безобѕирно управување со моторно возило.

— реклама —

Според МВР, на 22 август во 17:53 часот, на излез од државата, полициски службеници извршиле проверка на автомобил „форд“ со полски национални ознаки, управуван од 46-годишниот М.Ј. од Полска.

При проверката било утврдено дека возачот претходно бил евидентиран од „Безбеден град“ како сторител на кривично дело по член 297-А од Кривичниот законик.

— реклама —

Тој управувал со брзина од 164 километри на час на место каде што максималната дозволена брзина била 80 километри на час.

— реклама —

Тоа значи дека се движел 84 километри на час над дозволеното ограничување.

М.Ј. бил лишен од слобода на Табановце, а од МВР најавуваат дека против него ќе биде поднесена соодветна кривична пријава.

Случајот доаѓа во период кога на Табановце веќе функционира системот за проверка на странски возачи со прекршоци евидентирани од „Безбеден град“, при што тие се идентификуваат пред да ја напуштат државата.