Камерите на „Безбеден град“ ќе ловат нов прекршок со помош на вештачка интелигенција

Системот „Безбеден град“ наскоро би можел да открива уште еден сообраќаен прекршок – управување со мотоцикл или скутер без заштитна кацига.

— реклама —

Според најавите на министерот за внатрешни работи, системот ќе се надгради со технологија базирана на вештачка интелигенција, преку која камерите поставени на улиците и патиштата автоматски ќе можат да препознаат дали возачот на мотоцикл или скутер носи кацига.

— реклама —

Тошковски ја најави новината при посетата на фестивалот „Мото Илинден Урбан Драјв“ во Скопје, при што ја нагласи важноста на безбедноста на мотоциклистите и правилната употреба на заштитната опрема.

— реклама —

„Безбеден град“ официјално почна да функционира во февруари годинава.

Во моментов системот регистрира недозволена брзина, минување на црвено светло, како и нерегистрирани возила.