ИЈЗ предупредува: Мали сипаници се појавија во соседството, родителите да ги вакцинираат децата

По регистрираните случаи на мали сипаници во дел од соседните земји, Институтот за јавно здравје (ИЈЗ) упати апел до граѓаните во Македонија да го проверат својот вакцинален статус и статусот на своите деца, како и да ги надоместат пропуштените дози од МРП-вакцината.

— реклама —

Од Институтот посочуваат дека недоволниот опфат со оваа вакцина во Македонија бара зголемена претпазливост и навремено преземање превентивни мерки. Особено важно е децата да ги примат двете дози од МРП-вакцината, која штити од мали сипаници, рубеола и паротит, согласно со националниот Календар за имунизација.

— реклама —

— реклама —

Граѓаните што ја пропуштиле вакцинацијата треба да се обратат во надлежните вакцинални пунктови за проверка на статусот и надоместување на пропуштените дози.

ИЈЗ нагласува дека вакцинацијата е најефикасната мерка за заштита од мали сипаници и спречување на нивното ширење, а дополнителни информации граѓаните можат да добијат во најблискиот вакцинален пункт.