Илјадници откажани летови во САД по дефект во системот за контрола на летањето

По повеќечасовниот прекин на полетувањата низ САД поради дефект во системот за контрола на летањето, Федералната управа за цивилно воздухопловство (FAA) ја укина забраната и им дозволи на авиокомпаниите да ги продолжат летовите. Сепак, надлежните предупредуваат дека доцнењата и откажувањата ќе продолжат.

— реклама —

Забраната, која влијаеше врз милиони патници, беше укината во 20:15 часот по локално време, соопшти американскиот министер за транспорт Шон Дафи. Од FAA информираа дека извршиле темелни проверки на системите и потврдиле дека тие се стабилни пред да дадат одобрение за продолжување на летовите.

И покрај тоа, за денеска се откажани околу 2.000 полетувања, додека претходниот ден во САД биле откажани повеќе од 7.700 летови, а над 8.000 доцнеле, пренесува Си-Ен-Ен.

— реклама —

Министерот Дафи предупреди дека враќањето на авиосообраќајот во нормала ќе биде бавно, бидејќи голем број патници сè уште се заглавени на аеродромите. Тој повика Конгресот да обезбеди средства за модернизација на системот, предупредувајќи дека слични проблеми може повторно да се појават доколку застарената технологија не се обнови.

— реклама —

Американскиот министер за внатрешна безбедност, Марквејн Мулин, претходно изјави дека прекинот бил предизвикан од проблем во телекомуникациските врски при ажурирање на застарените системи на FAA. Тој нагласи дека нема докази за сајбернапад и дека прекинот не бил предизвикан од безбедносна закана за САД.

Поради недостиг од слободни места на излезите за патници, дел од патниците со часови чекале во авионите на пистите, без можност да се симнат.

— реклама —

Ова е вторпат во историјата САД да воведат ваква забрана за полетување. Првата беше прогласена по терористичките напади од 11 септември 2001 година.