Именувана нова портпаролка на Белата куќа: Која е Кејти Захарија?

Американскиот претседател Доналд Трамп ја именуваше Кејти Захарија за нова портпаролка на Белата куќа, која ќе ја замени Каролин Ливит.

— реклама —

Кејти Захарија моментално работи како виш советник за комуникации во компанијата „Трамп Медиа енд Технолоџи Груп“, а претходно била портпаролка и заменик-помошник секретар за односи со јавноста во американското Министерство за внатрешна безбедност.

— реклама —

Таа е адвокатка, дипломирала на Универзитетот „Пепердајн“ и на неговиот Правен факултет „Карузо“, а често гостува како коментаторка на телевизиите „Фокс њуз“ и „Њузмакс“.

View this post on Instagram

— реклама —

Трамп истакна дека Кејти Захарија учествувала во неговите предизборни кампањи и му помагала во клучните сојузни држави, во кои, како што наведе, победил во сите седум.

— реклама —

„Таа е посветена поддржувачка на движењето МАГА и негова членка! Уверен сум дека Кејти ќе постигне одлични резултати за нашата земја на функцијата портпаролка на Белата куќа, како што го правеше тоа и досега. Ја почитуваат претставниците на медиумите, американскиот народ и членовите на мојата администрација, со кои одлично ќе соработува“, напиша Трамп на социјалната мрежа Truth Social.