Инциденти во Центар, Карпош и Чаир: серија напади во текот на ноќта

Повеќе инциденти со кражби и физички напади се пријавени во текот на ноќта во Скопје, информира Министерството за внатрешни работи.

— реклама —

На 22 март 2026 година во 00:24 часот, 54-годишен скопјанец пријавил дека претходната вечер, околу 21:20 часот, на автобуска постојка во Центар, едно лице го одзело мобилниот телефон на неговата малолетна ќерка.

— реклама —

Во одвоени случаи, во угостителски објект на подрачјето на Карпош, околу 00:10 часот, физички биле нападнати двајца мажи – 27-годишник од Ново Село и 28-годишник од Волково. Двата случаи биле пријавени во СВР Скопје во раните утрински часови.

— реклама —

Дополнително, во 01:00 часот, 36-годишен скопјанец пријавил дека околу 23:45 часот на подрачјето на Чаир бил физички нападнат од лице со иницијали Е.П.

Од полицијата информираат дека се преземаат мерки за расчистување на сите случаи, а по нивно целосно документирање ќе следуваат соодветни поднесоци.