ЧАИР

Хигиеничар повреден при работа во Поликлиника Чаир

Шеесетгодишен скопјанец завршил во болница, откако се повредил извршувајќи работни задачи како хигиеничар во Поликлиника Чаир. За случајот е известен трудов инспектор.На 24.8.2025 во 11:57 часот во СВР Скопје, од Градската општа болница „Св.Наум Охридски“ било пријавено дека кај нив со повреди бил донесен Ф.Б.(60) од Скопје. Според пријавеното, тој се здобил со повредите додека извршувал работи задачи како хигиеничар во Поликлиника Чаир. За настанот бил известен трудов инспектор.фото: архива/Скопје1

Скопје | пред 7 месеци

Османи гледа бетонска џунгла во Чаир, општина во која ДУИ победува на избори повеќе од деценија

Кандидатот за градоначалник на Чаир, Бујар Османи од ДУИ, денеска го претстави системот „Градежна стража“ како дел од својата програма против урбаниот хаос и нелегалното градење. Иако зборува за „бетонска џунгла“ и политичка заштита на дивоградби, критичарите потсетуваат дека токму ДУИ повеќе од една деценија ја контролира општината, па одговорноста за хаосот кој денес Османи го осудува е во голема мера нивна.„Во Чаир одамна е изгубено чувството за ред и поредок во градењето. Се гради без дозвола и без план, и тоа директно поддржано од општинските власти. Граѓаните гледаат како нивната општина се претвора во бетонска џунгла. Овој урбан хаос нема да продолжи“, порача Османи.Најавениот систем предвидува јавна интерактивна мапа за градбите, анонимни пријави за сомнителни градби, QR-кодови на секое градилиште, „црвена линија“ за пријавување на корупција и целосна ревизија на сите дозволи. Но, иако овие мерки звучат како иновација, останува прашањето зошто партијата на Османи не ги спровела досега – кога токму таа ја имала власта и институциите под своја контрола.„Градежниот криминал не се решава со изјави, туку со механизми на контрола и транспарентност. Овие алатки се мојот одговор“, рече Османи, но токму граѓаните кои секојдневно се соочуваат со дивоградби и хаотичен урбанизам најмногу се сомневаат дека ваквите ветувања ќе останат само предизборна реторика.ДУИ досега секогаш победувала во Чаир и редовно ја користела таа доминација за да управува со општината. Прашањето е дали жителите овој пат ќе ѝ веруваат на нови ветувања, или ќе ја казнат партијата која има најголем удел во создавањето на проблемите што сега сака да ги решава.

Скопје | пред 7 месеци

Меџити и Османи во трка кој ќе ангажира попознат архитект, секој со своја визија за нов изглед на Чаир

Изборната трка во Чаир добива нова димензија – кандидатите за градоначалници најавуваат соработка со светски и регионални имиња од областа на урбанизмот и архитектурата, со цел општината да добие современ и функционален лик.Кандидатот на „Алтернатива“, Изет Меџити, во својот тим го вклучи урбанистот Бајрам Вардар, скопјанец кој оставил силен белег врз турските мегаполиси Истанбул и Бурса. Вардар бил дел од тимот на Реџеп Таип Ердоган во периодот кога тој го водеше Истанбул, а подоцна ја извршуваше функцијата главен урбанист на Бурса. Меџити најави изработка на мастер план за Чаир, што ќе се креира во консултација со жителите и ќе има конкретна стратегија за имплементација.– Чаир има предизвици слични на оние што сме ги гледале во Истанбул или Барселона. Наша цел е да изработиме план за иднината на општината кој ќе биде основа за нејзина модерна трансформација – изјави Меџити при претставувањето на Вардар.Од другата страна, кандидатот Бујар Османи најави соработка со мексиканскиот архитект Мишел Ројкинд, светски познат по тоа што ја спојува архитектурата со социјалната и културната димензија. Неговото студио „Rojkind Arquitectos“ е избрано од магазинот „Форбс“ меѓу десетте најиновативни во светот, а самиот Ројкинд е добитник на бројни меѓународни признанија, меѓу кои и наградата „Emerging Voices“ на Архитектонската лига на Њујорк.Ројкинд стана глобално познат по проектот „Nestlé Chocolate Museum“ во Толука, футуристичка структура која освои награди и беше номинирана за „British Museum Award“. Престижни медиуми како „Њујорк Тајмс“ го вброија меѓу имињата што ја обликуваат иднината на современата архитектура.

Скопје | пред 7 месеци

Бујар Османи со „Граѓанско око“ против корупцијата во Чаир

Кандидатот за градоначалник на Чаир од ДУИ, Бујар Османи, најави дека по промената на власта на 19 октомври ќе стави крај на корупцијата и непотизмот во општината. Тој го претстави пакетот антикорупциски мерки „Граѓанско око“, со кои ветува целосна транспарентност, јавен увид во тендери и буџетот, независен мониторинг и контрола со вештачка интелигенција.-Чаир денес е една од најнетранспарентните општини во Македонија. Корупцијата и непотизмот го задушуваат развојот, а општината е узурпирана од оние кои ја водат. Наместо да им служат на граѓаните, тие работат за свои интереси„ - истакна кандидатот за градоначалник на Чаир, Бујар Османи.„Денес сум тука да дадам збор дека тоа завршува по промената на власта на 19 октомври. Од најнетранспарентна, Општина, Чаир ќе биде во првите пет општини по транспарентност,“ порача Османи.Тој истакна дека празните зборови им ги остава на неговите политички противници, а дека тој самиот ќе докаже со дела. За таа цел го претстави новиот сет механизми за борба против корупција и заштита на јавниот интерес под името „Граѓанско око“.„Овој сет вклучува четири нови решенија што досега не ги вовела ниту една општина. Не е доволно само да се има желба, потребни се и јасни механизми„ Четирите механизми кои го сочинуваат „Граѓанското око“ се:Јавно отворање на тендерите - Секое отворање на понуди за јавни набавки ќе биде јавно, со пренос во живо и снимка достапна на интернет. Ова е дозволено со законото за јавни набавки до одредена фаза на постапката.Во текот на целата постапка, ќе се спроведува независен мониторинг од НВО и експерти за антикорупција во процесот на избор на најповолен понудувач кај поголемите тендери, за да се обезбеди фер и законска постапка.“Јавна каса” - Онлајн следење на сметките, приходите и исплатите на општината, преку едноставна алатка со која граѓаните во секое време ќе можат да знаат за што се трошат нивните пари.“AI контрола” - Постепено воведување на автоматизација на проверките со алатки за вештачка интелигенција, кои ќе ја елиминираат човечката пристрасност и ќе алармираат доколку нешто не е во согласност со законот.„Со овие конкретни и ефикасни механизми ќе обезбедиме вистинска транспарентност и ќе ја заштитиме општината од корупција. Тоа е мојата заложба до граѓаните на Чаир,“ нагласи Османи.

Скопје | пред 7 месеци

Бујар Османи ќе се фокусира на спортот - ја претстави програмата за Чаир

Кандидатот за градоначалник на Општина Чаир, Бујар Османи, вчера пред спортистите и спортските работници во Чаир ја претстави својота сеопфатна програма за развој на спортот, изготвена врз основа на детални анализи и препораки од домашни и меѓународни експерти.Анализата откри сериозни недостатоци во спортот во Чаир: недостиг на развојна стратегија, нефункционални сали и спортски игралишта, нетранспарентно користење на постојната инфраструктура, ограничен пристап за маргинализираните групи, жените и повозрасните лица, како и речиси целосно отсуство на натпревари и организирани активности за младите.Османи најави дека приоритет во првите две години ќе биде целосната ревитализација на постојните спортски објекти. Спортските сали „Енвер Идризи“ во Серово, „Васил Главинов“ на Џон Кенеди, „Имри Елез“ во Дижон и „Лирија“ во Гази Баба ќе бидат целосно реновирани - од покривите и осветлувањето, до соблекувалните и санитарните простории.Ќе се легализираат и реконструираат салите „Шабан Трстена“ и „Партизан“, при што „Партизан“ ќе се претвори во современ мултифункционален спортски центар кој ќе го носи името на легендарниот олимписки шампион Шабан Сејдиу. Исто така, ќе се изгради нова спортска сала во едно училиште кое досега немало таков објект, а таа ќе го носи името на познатиот боксер Азис Салиу.Програмата предвидува и создавање нови отворени спортски игралишта во Гази Баба, Серово и Топанско поле, како и уредување на парковите и училишните дворови со спортско-рекреативни содржини. Ќе се обезбедат програми и пристапна инфраструктура за лицата со попреченост, како и активности прилагодени за жените и постарите лица.Младите талентирани спортисти од Чаир ќе добијат стипендии и финансиска поддршка за подготовка и учество на меѓународни натпревари, а спортските клубови ќе имаат можност да аплицираат за општински средства и техничка помош за аплицирање во европските фондови. Османи, исто така, најави основање на гимнастички, атлетски и џудо клуб - спортови кои досега недостасувале во Чаир.Во образованието, училиштата ќе се специјализираат според спортовите, на пример, „Лирија“ за борење, „Шабан Трстена“ за кошарка, „7 Март“ за ракомет, „Исмаил Ќемали“ за одбојка, „Имри Елез“ за карате, без исклучување на другите дисциплини. Учениците ќе имаат 3 часа физичко образование неделно, плус 2 часа воннаставни активности, со наставници субвенционирани од општината.Ќе се организираат: „Недела на спортот“, училишна спортска лига, турнири и мала општинска олимпијада за поттикнување на натпреварувачкиот дух. Османи предвидува и основање Центар за истражувања во спортот, кој ќе ја интегрира науката, физичкото образование и здравјето, со цел позитивно да влијае врз социјалниот развој преку спортот. Во рамки на програмата се вклучени и обуки за младите за алпинизам, кампување и активности во природа.Бујар Османи посебно го нагласи значењето на проектот за помош на спортските клубови при аплицирање за европски фондови: обуки и работилници за запознавање со програмите за финансирање, критериумите и роковите за аплицирање; техничка асистенција при подготовка на проектни предлози, буџети и потребната документација; посредување за меѓународни партнерства со клубови и спортски организации од земјите на ЕУ за развој на заеднички проекти.„Ова не е само список на проекти, туку стратегија со јасна визија - Чаир да стане пример за современа, достапна и сеопфатна спортска средина, каде секое дете и секој граѓанин има можност за активен и здрав живот,“ нагласи Османи, додавајќи дека програмата дополнително ќе се разработува во консултација со граѓаните и спортските работници.

Скопје | пред 7 месеци

„Бујар Османи е 20 години на функции без проекти за Чаир“ - Вреди порачува, „Чаир ќе избере човек кој ги познава проблемите и ги решава“

Коалицијата „Вреди“ обвини дека Бујар Османи и ДУИ стравуваат од пораз во Чаир и дека, како што наведуваат, граѓаните нема да поверуваат во нивните „лажни приказни“.„Османи е свесен дека неговата политичка кариера без конкретни резултати и проекти овој пат ќе заврши. Тој не е кандидат кој работел за Чаир, ниту пак помогнал на жителите на општината во изминатите 20 години. Секогаш бил присутен само кога имал личен политички интерес,“ стои во соопштението.Во него се додава дека Османи не придонел ниту за други албански општини. „Фактите се јасни: беше осомничен во предметот ‘Пациент’ и доби амнестија за незаконски набавки. Треба да одговори кому му должи за таа амнестија. Како министер за здравство има повеќе негативни извештаи од Државниот завод за ревизија за незаконско трошење милионски суми. Како министер за надворешни работи потроши 120 милиони денари за Самитот на ОБСЕ без соодветна документација, а заедно со Артан Груби го поддржа влезот на МТЕЛ и на српските казина во земјава,“ наведува „Вреди“.Во соопштението се истакнува дека Чаир не заслужува кандидат кој две децении живее од политички функции, без работа за граѓаните. „На 19 октомври Чаир ќе избере човек кој ги познава проблемите и ги решава, а не политичар кој се појавува само за да си ја пополни биографијата. Османи нека објасни зошто, иако целата своја кариера бил министер, не обезбеди ниту еден проект за албанските општини и не придонесе за изградба на улици, булевари, градинки или училишта во Чаир и западниот дел на државата,“ се вели во реакцијата.

Скопје | пред 7 месеци

Чаир не смее да се врати во рацете на човекот кој за 20 години ја претвори општината во приватна фирма за лично богатење, вели ДУИ

„Граѓаните на Чаир добро знаат кој е Изет Меџити и неговиот послушник Висар Ганиу“, велат од ДУИ и додаваат:Знаат дека за време на нивните мандати, општината стана синоним за криминал, корупција и целосен хаос.Знаат дека наместо да живее меѓу луѓето за кои наводно се грижи, тој удобно живее во Бутел, а Чаир го гледа само како поле за лични бизниси и брзи пари.Меџити треба да одговори колку милиони евра влегле во нивните џебови од оваа корупција со градењето на диво?И дали со тие пари Меџити планира да се обиде да прави поткуп за изборите што секако нема да го спаси.Меџити на овие избори не се бори за чаир и граѓаните туку за својот сопствен бизнис интерес.Ако имаше интерес за граѓаните во изминатите 20 години ќе направеше нешто.За време на неговото владеење, од дивоградби и сомнителни легализации криминално беа украдени 225 милиони евра.Ниту еден голем инфраструктурен проект, ниту едно трајно решение за проблемите на граѓаните – само згради, бизниси и договори за неговата мрежа на луѓе.Затоа Меџитит знае дека нема поддршка од Албанците и мора понижено да ја бара раката на Христијан Мицкоски и ВМРО-ДПМНЕ.Седнат во скут на Мицкоски, се надева дека со платената пропаганда на вмровските портали ќе го спасат од пораз.Но Чаир не заборава, а чаирчани нема да дозоволат со парите стекнати преку криминал Изет да го поништи нивниот глас. Ни со украдените милиони нема да ја избрише вистината за неговите 20 години уништување на општината.Граѓаните на Чаир заслужуваат да живеат во општина без хаос, без корупција и без луѓе кои ја гледаат општината само како банкомат за лични интереси. На 19 октомври, време е за крај на ерата на дивоградби, криминал и уцени.

Македонија | пред 7 месеци

Во Чаир отворена градинка, деца беа облечени во албанска носија и со кече, македонска иконографија „ни за лек“

Вицепремиерот Фатмир Меџити, заедно со градоначалникот Висар Ганиу, кој се соочува со обвинувања за злоупотреби во врска со дивоградби, и министерот за социјала, Фатмир Лумани, присуствуваа на отворањето на новата детска градинка во Чаир. На настанот, кој беше обележан со свечено сечење на црвена лента, се забележа присуство на албанска културна иконографија, додека македонски симболи не беа застапени.„Најголемата детска градинка во Македонија денес ги отвори своите врати за децата, во срцето на Чаир. Модерен простор, изграден со љубов за нашите најмали. Ние не правиме празни зборови, ние работиме. За Чаир, за граѓаните, за нашата земја. Честито, мој Чаир!“ – напиша Меџити на својот профил.Ова отварање беше дел од продолжените активности за подобрување на инфраструктурата кога во прашање се децата од предучилишна возраст, која се смета за еден од клучните елементи во политичките иницијативи на владата.

Скопје | пред 7 месеци

Тројца браќа и нивниот татко од Чаир нападнале полицајци по обид за пукање врз скопјанец

Насилен инцидент и обид за вооружен напад завршил со апсење на четири лица, меѓу кои и малолетник, на подрачјето на скопската општина Чаир. Министерството за внатрешни работи информира дека по претходна физичка пресметка, приведените се спротивставиле и на полициски службеници, напаѓајќи ги при интервенцијата.На 05.08.2025 околу 23:30 часот на подрачјето на Чаир, полициски службеници од СВР Скопје ги лишиле од слобода К.Р.(54), Бе.Р.(24), Б.Р.(24) и 14-годишник, сите од Скопје. Според пријавеното, околу 22.50 часот на подрачјето на Чаир, Бе.Р. и Б.Р. физички го нападнале Б.С. од Скопје, при што Бе.Р. извадил пиштол со намера да пука по што заминале од лице место. Откако биле пронајдени, двајцата со нивниот татко К.Р. и 14-годишниот брат физички ги нападнале полициските службеници, по што сите биле лишени од слобода. По целосно документирање на случајот, против нив ќе бидат поднесени соодветни пријави.

Скопје | пред 7 месеци

Кампања од кабинет – Меџити ќе биде и министер и кандидат за градоначалник на Чаир

Изет Меџити ќе продолжи со министерување, иако е кандидат за градоначалник на Чаир. Тој и другите кои ќе влезат во трката за локалните избори, нема да ги напуштат функциите. За премиерот Христијан Мицкоски, тоа не е ништо ново.„Секој министер има и заменик министер. Тие не поднесоа оставка, нормално е дека ќе ги извршуваат обврските во рамките на министерствата и истовремено ќе бидат кандидати. Тоа не е првпат да се случува, се случувало и во минатото“, рече Мицкоски.Прашан дали е етички и коректно, Меџити да води кампања, а да биде министер, премиерот Мицкоски рече дека политичарите не се тука да даваат морален суд.„Дали сметам дали е етички и коректно, не би дал коментар, односно ќе кажам дека не гледам зошто не би било. Се случувало и порано. Не е спротивно на закон“, рече Мицкоски.Мнозинство за измени на Изборниот законик засега нема. Според премиерот Христијан Мицкоски, измените се заглавени во Собрание.Изборите треба да се распишат оваа недела, а да се одржат во октомври.

Скопје | пред 7 месеци

Изет ќе се судри со Бујар во Чаир?

Се уште непотврдени, но многу сериозни најави велат дека Општина Чаир ќе биде епицентар на албанскиот политички судир на претстојните локални избори. Според неофицијални информации, се подготвува директна изборна пресметка помеѓу Бујар Османи (ДУИ) и Изет Меџити (ВЛЕН)Кандидатурата на Бујар Османи веќе е потврдена, а со себе носи партиска поддршка, дипломатски капитал и искуство на високи државни функции, последно како министер за надворешни работи. За разлика од него, Изет Меџити сè уште не ја потврдил официјално својата кандидатура, но внатрепартиските извори велат дека одлуката е речиси донесена. Ако настапи, ќе значи враќање на теренот каде што тој остави силен локален белег – како поранешен градоначалник и моментален прв заменик премиер.Изборната трка во Чаир би можела да прерасне во најава на поширока пресметка за влијанието во албанскиот политички блок, особено по последните тензии и поделби меѓу ДУИ и ВЛЕН. Два силни табора, со изразена инфраструктура и мобилизирана база, ќе се борат за довербата на граѓаните.Чаир не е само локална битка – туку показател за пошироката политичка матрица во земјава. Очекувањата се дека оваа трка ќе биде една од најжестоките и најнабљудуваните на локалните избори 2025.

Скопје | пред 8 месеци

Бујар Османи кандидат за градоначалник на Чаир: „На Чаир му се потребни вистински, длабоки и човечки промени“

Бујар Османи денеска ја објави својата кандидатура за градоначалник на Општина Чаир, нагласувајќи дека одлуката е резултат на долги консултации и сериозно преиспитување, направени заедно со неговите најблиски соработници и пријатели.„Не станува збор за функција. Тие што ме познаваат, знаат дека сè што правам, го правам искрено и целосно, без задршки. Оваа одлука ја носам од чувство на одговорност кон сопствениот дом“, рече Османи.Тој истакна дека граѓаните на Чаир не заслужуваат да живеат во супстандардни и небезбедни услови, ниту пак да бидат игнорирани и омаловажувани. Кандидатурата, како што вели, е посветена на луѓето од Чаир, неговите соседи и иднината на нивните деца.„Го прифаќам предизвикот затоа што како што пораснав јас во Чаир, така сакам да растат и Мал, и Елиза, и малиот Луан – и нивните другарчиња. На Чаир му се потребни промени – вистински, длабоки и човечки“, потенцира Османи.Тој признава дека промените нема да бидат лесни, но верува дека со чесна намера, секојдневна работа и професионален пристап, Чаир може да се трансформира.„Можеме да го вратиме достоинството и да отвориме нова страница – со врата што никогаш нема да биде затворена за граѓаните“, порача кандидатот.На крајот, тој упати благодарност до сите кои му ја изразиле поддршката:„Од денес тргнувам во овој предизвик. Ви благодарам за довербата.“

Скопје | пред 8 месеци

Неофицијално: Села за Струга, Таравари се враќа дома – ќе се бори за Гостивар, Бујар Османи кандидат за Чаир

Во рамки на договорот за распределба на градоначалнички кандидати во коалицијата „Европски фронт“, неофицијално дознаваме дека Зијадин Села ќе влезе во трката за Струга, додека Арбен Таравари, по пауза од еден мандат, се враќа во битката за Гостивар, каде веќе претходно беше градоначалник.Поранешниот министер за надворешни работи, инаку по професија лекар – хирург, Бујар Османи ќе се кандидира за Чаир, а како што дознаваме, коалициските партнери се согласиле ДУИ да се откаже од кандидатурата на Рамиз Мерко во Струга.Партијата на Села ќе има кандидати и во Дебар, каде во игра е Тирон Јајага, како и во Арачиново со Дритон Небиу.ДУИ пак ќе настапи со свои кандидати во повеќе општини: Еркан Арифи за Липково, Бајрам Реџепи за Тетово, Бесник Емшиу за Боговиње, Емир Сулејман за Желино, Аркин Јахији за Брвеница, Суат Шакири за Чашка и Алија Јаоски за Пласница.Таравари и неговата политичка структура ќе настапат и во Врапчиште, каде ќе го поддржат Исен Шабани, како и во општина Сарај со кандидатот Блерант Рамадани.Официјална потврда од коалицијата засега нема, но очекувањата се дека договорот наскоро ќе биде обелоденет.You said:

Македонија | пред 8 месеци

Уапсен возач на камион по тешка сообраќајка во Чаир

Возач на товарно возило е приведен откако предизвикал тешка сообраќајна несреќа на улицата „Ќемал Сејфула“ во скопската населба Чаир, во која со тешки повреди се здобил возач на мопед.Од Министерството за внатрешни работи информираат дека несреќата се случила во понеделникот, на 30 јуни, околу 14:40 часот, кога се судриле товарен „мерцедес“ со скопски таблички, управуван од 29-годишниот Е.П. од Косово, и мопед, управуван од 32-годишниот скопјанец Ф.А.Возачот на мопедот со тешки телесни повреди бил пренесен во ГОБ „Св. Наум Охридски“, каде му била укажана медицинска помош.Полицијата извршила увид на местото на настанот, а возачот на товарното возило е лишен од слобода и задржан во полициска станица. По целосно расчистување на случајот ќе биде поднесена соодветна пријава.

Скопје | пред 8 месеци

„Возила се заглавени, паркот е поплавен“, проблеми во Чаир по невремето

„Преку бројот за итни повици 112 е добиена пријава за поплавена улица на булеварот „Македонска Косовска Бригада“ во Општина Чаир. Неколку возила се заглавени, а паркот во близина е исто така поплавен“, велат од ЦУК и додаваат: Дополнително, пристигната е пријава за навалена бандера од уличното осветлување на улицата „Народни Херои“ кај Мечкаров, во Општина Кисела Вода. За двете состојби се известени надлежните служби, кои ќе преземат соодветни мерки во рамки на своите надлежности. Центарот за управување со кризи е во постојана координација со сите надлежни служби за ефикасно справување со настанатите ситуации. ЦУК апелира до граѓаните да ги пријавуваат сите животозагрозувачки ситуации на бројот за итни случаи 112.„ЦУК преку бројот за итни повици 112 прими пријава дека на бул. „Никола Карев“ кај Бит Пазар, под Стоковна куќа Мост, има приближно 50 см вода. Целиот булевар е блокиран, а повеќе возила се заглавени. Дополнително, пријавено е дека на ул. „Петар Манџуков“ во населба Бутел улиците се поплавени, шахтите се запушени и водата не се повлекува. Надлежните служби се известени и ќе преземат соодветни мерки во рамки на својата надлежност“, додаваат оттаму.

Скопје | пред 9 месеци

(Видео) Правеле зграда каде што била предвидена улица, хаос со дивоградбите во Чаир, вели СДСМ

„Урбаната мафија не спие ниту за викенди“, вели Љубица Јанчева, координаторка на советничката група на СДСМ и коалицијата во Советот на Град Скопје и додава:Наместо да се бара одговорност и да се спречат сите компромитирачки дејствија во врска со 150 дивоградби во Чаир, ситуацијата добива нови размери, а мрежата на инволиврани во овој мега скандал се проширува.Последните информации покажуваат фрапантни работи.Катастарот за недвижнини донел решение со кое ги избришал претходно впишаните нелегални „легализации“ за над 150 дивоградби во Чаир, за кои од јавноста дознавме дека биле впишани во Катастарот врз основа на фалсификувани документи.Според информации, доставени до нас од свиркачи, Катастарот донел решение за бришење на решение за впишување на објект, по барање, кое било доставено на 2.мај 2025 година, а архивирано на 25. мај 2025 година.За да биде ситуацијата уште потрагична, општина Чаир носи документ дека на локацијата каде што е изградена зградата било предвидено изградба на улица, но и покрај тоа на тоа место се изградила зграда. Ова решение на општина Чаир потоа исчезнало во општинските лавиринти.Прашуваме, дали во оваа спрега на урбаната мафија е инволвиран и директорот на Катастарот Иван Живковски?Живковски претходно беше претседател на Советот на општина Кисела Вода и претседател на. Општинскиот комитет на ВМРО-ДПМНЕ од Кисела Вода.Каква корист имаат Мицкоски и ВМРО-ДПМНЕ од 150 дивоградби во Чаир?Зошто од ВМРО-ДПМНЕ ги штитат подобните од нивниот коалициски партнер ВЛЕН?Недозволиво е институциите да молчат и да го покриваат криминалот на урбаната мафија.ВМРО-ДПМНЕ ветуваше де-ДУИзација, само за да ја промени со ВЛЕН-изација.СДСМ бара институционална разврска за овој мега скандал.Како советничка група во Советот поднесовме и барање за свикување на седница на Советот на Град Скопје.Советот има обврска за вака важно прашање да дискутира, да видиме дали и во други општини под власт на ВМРО-ДПМНЕ, ВЛЕН и ЗНАМ има вакви криминали со дивоградби. Недозволиво е членовите на Советот за вакви прашања да дознава од медиумите.Ги повикуваме сите советници да го поддржат нашето барање. Да покажат одговорност и да ги надминат политичките игри.Граѓаните го бараат тоа од нас, од сите членови на Советот кои со својот глас во Советот одлучуваат за нивните судбини.?feature=shared

Скопје | пред 9 месеци

(Фото) Вандализиран автобусот на Чаир 2030 во Куманово на кошаркарскиот натпревар: Ситуацијата ескалираше надвор од паркетот

Кошаркарскиот натпревар меѓу Куманово и Чаир 2030 помина со низа инциденти во салата. Навивачите на Куманово беа избркани од салата поради навредите на национална основа кон гостите од Чаир. Прекинот на мечот траече 40 минути, а за тоа време, полицијата ги бркаше најжестоките фанови на домаќините.Чаирчани преку соопштение се пожалија за тоа што го доживеаа во Куманово и побараа реакција од надлежните.„Кошаркарскиот клуб Чаир 2030 вчера го одигра својот следен натпревар во рамките на Првата лига на Република Македонија против домаќинот, КК Куманово. Натпреварот се одвиваше во исклучително тензична атмосфера, при што за жал се слушнаа навреди и омаловажувања на етничка основа, што е апсолутно неприфатливо во која било сфера, а особено во спортот. Како резултат на навредите и пцовките на етничка основа, делегатот нареди веднаш празнење на салата. Покрај недостигот на соодветна организација од страна на домаќинот – вклучително и технички проблеми со семафорот и осветлувањето – ситуацијата ескалираше надвор од паркетот. По завршувањето на натпреварот, навивачи на домашниот тим се обидоа да го вандализираат автобусот на нашиот клуб, оставајќи и натписи со националистичка и навредлива содржина. КК Чаир 2030 најостро го осудува ова срамно и антидржавно однесување. Спортот треба да биде место на почит, здраво ривалство и обединување, а не омраза и вандализам. Апелираме до надлежните институции веднаш да преземат соодветни мерки и да го истражат овој инцидент, за ваквите појави да не се повторат во нашите спортски арени“, реагира Чаир 2030.

Спорт | пред 11 месец

За убиството на Буњаку во Чаир: Две лица ги криеле пиштолите, по тројца се трага

Основното јавно обвинителство Скопје донесе Наредба за спроведување истражна постапка против шест лица поради учество во дејствија на кривични дела убиство и обид за убиство при престрелката која се случи ноќта меѓу 10 и 11 февруари во скопската општина Чаир.Постапка е поведена и за уште две лица за дејствија на помагање по извршување на кривичното дело, затоа што по настанот сокриле два пиштоли, помагајќи на дел од осомничените да не бидат откриени.На критичниот ден, на паркинг на улицата „ Втора Македонска Бригада“, по претходна вербална расправија поради сообраќајно недоразбирање кај поликлиника Чаир, започнала вооружена престрелка меѓу две групи, при што првоосомничениот 28-годишник, со употреба на огнено оружје, со умисла го лишил од живот оштетениот Хебиб Буњаку и го довел во опасност животот на уште едно лице. Уште петмина осомничени исто така директно учествувале во престрелката, возвраќајки со дејствија на помагање и соизвршителство во убиство и обид за убиство. Последните двајца осомничени, по престрелката сокриле два од пиштолите користени во оружениот инцидент.Надлежниот јавен обвинител предложи мерка притвор за двајца осомничени за дејствија на убиство и обид за убиство, како и мерка куќен притвор за уште еден од осомничените. Притвор е предложен и за двајцата осомничени за кривично дело – Помагање на сторител по извршено кривично дело.По три лица полицијата се уште трага. Се преземаат и натаму дејствија за целосно расчистување на настанот.

Македонија | пред 1 година

(Видео) Такси-возило се запали во Чаир

Такси-возило вечравечер се запали во Чаир, а итната реакција на Противпожарната бригада спречи поголема катастрофа.Засега непознати се причините за пожарот во такси возилото.Подетални информации чекаме од МВР.

Скопје | пред 1 година

Земјиште на поликлиника „Битпазар“ стана „див“ паркинг каде скопјанец си наплаќал карти

По спроведена претходна постапка, јавен обвинител од Основното јавно обвинителство Скопје поднесе Обвинителен предлог против едно физичко и едно правно лице за кривично дело – Узурпација на недвижности од член 225 од Кривичниот законик.Обвинетиот 47-годишник, сопственик и управител на обвинетото правно лице, зазел во владение туѓа недвижност – земјиште позади Здравствен дом Скопје – Поликлиника Битпазар. Земјиштето во државна сопственост, а доделено со право на користење на здравствениот дом и предвидено како имот во општа употреба во Деталниот урбанистички план на Општина Чаир, обвинетиот го користел како импровизиран паркинг простор. Во име и за сметка на правното лице поставил рампа и пункт за наплата и ангажирал едно лице да врши наплата по цена од 50 денари за 90 минути користење, со што го ограничил и го контролирал влезот и излезот на земјиштето.Заедно со обвинението, јавниот обвинител до Основниот кривичен суд Скопје поднесе и посебен предлог за изрекување мерка на претпазливост – забрана за преземање определени работни активности, односно забрана да го користи предметното земјиште.CategoriesСоопштенија

Скопје | пред 1 година

Едно лице повредено: ново пукање во Чаир

Едно лице е повредено во пукање кое денеска се случи во скопската населба Чаир. Лицето е пренесено во една од скопските болници на лекување, а неговата состојба засега не е позната. Пукањето се случило во близина на чаирскиот стадион.„Денеска (02.12.2024) од ГОБ “Св.Наум Охридски” во СВР Скопје е пријавено дека кај нив со повреда од огнено оружје бил донесен Џ.Х. од Скопје, кој според пријавеното, бил повреден во паркот на ул. “Кемал Сејфула” во Скопје“, велат од МВР..Полицијата е веќе на терен и собира информации, а се гледаат и камерите од „Сејф сити“ за да се дојде до информации за сите кои учствувале во инцидентот.„Пукањето се случило во близина на чаирскиот стадион“, велат од МВР.

Скопје | пред 1 година

Нова дивоградба во Чаир узурпира државно земјиште - Ганиу продолжува по стапките на Меџити, обвинува Левица

„Во официјално најгусто населената општина во Европа - Чаир, јавниот простор забрзано се узурпира од страна на урбанистичката мафија, со амин и на актуелната власт. И новата коалиција, составена од ДПМНЕ-ЗНАМ-ВРЕДИ, ги штити моќниците во Чаир по примерот на владеењето на Изет Меџити, кој самиот призна дека како градоначалник незаконски, со антидатирање, легализирал дивоградби!“, обвинува Левица и додава:Левица за јаноста открива нов скандал со дивоградба во општина Чаир, каде на државен имот и без одобрение за градба, фирмата „МАС КОНСТРУКЦИОН” ДОО Скопје, интензивно врши незаконски градежни активности наспроти стадионот во Чаир, додека надлежните институции не постапуваат. Иако група граѓани поднесоа барање за инспекциски надзор до овластениот градежен инспектор во општина Чаир, бидејќи инвеститорот работи без одобрение за градба, речиси два месеци нема никаква реакција по поднесеното барање. Дополнително, за ваквото флагрантно вршење кривични дела, поднесена е и КРИВИЧНА пријава до Основното јавно обвинителство, кое повеќе од три месеци не постапува, со што се пречекорени сите законски рокови за постапување, додека на местото речиси е “никната” новата зграда.Потсетуваме дека дивиот инвеститор во Чаир врши две кривични дела: Бесправно градење и Узурпација на недвижности, казниви по член 244-а и 225 од Кривичниот законик. Иако сите надлежни институции, вклучително и градоначалникот Висар Ганиу, се информирани за ваквото урбанистичко дивеење, нивното непостапување потврдува само едно - дека се работи за криминал заштитен од највисоките ешалони на власта во општината со која владее коалициониот партнер на Мицкоски, ВРЕДИ.Јавно прашуваме, дали Изет Меџити ја доби вицепремиерската функција во новата влада со единствена цел - градежните моќници да продолжат да дивеат во општината со која тој владееше 12 години? Дали ДПМНЕ и Мицкоски се обврзале пред коалиционите партнери дека нема да се “мешаат” во општините и ресорите кои се под контрола на ВРЕДИ, па оттаму власта го штити криминалот кој узурпира државно земјиште во центарот на Скопје?!Токму општина Чаир стана рекордер по дивоградби додека градоначалник беше Изет Меџити,а истата пракса продолжува и со актуелниот градоначалник Висар Ганиу, овој пат под покровителство на ДПМНЕ. Очигледно е дека ветувањата за расчистување со криминалот и воспоставување владеење на право и правда беа само празни ветувања на ДПМНЕ, кои продолжуваат онаму каде што застана режимот на СДС и ДУИ.

Скопје | пред 1 година

Пукање во Чаир

Пукање вечерва во скопската населба Чаир, дознава ТВ21.Според сегашните информации, едно лице е рането и е пренесено на укажување лекарска помош во Градската болница.За само неколку денови, ова е второ пукање откако претходно во престрелка во истата населба Чаир беше повреден 19-годишен скопјанец.

Македонија | пред 1 година

Запалено возило во Чаир, зафатени и други возила

На 12.10.2024 во 02.42 часот во СВР Скопје било пријавено дека на ул.„Цветан Димов“ во Скопје било опожарено патничко возило „опел мерива“ со скопски регистарски ознаки, сопственост на Н.Н. од Скопје. Од пожарот биле зафатени и две други возила, „опел “ со скопски регистарски ознаки, сопственост на Е.Р. од Скопје и возило „тојота“ со скопски регистарски ознаки, сопственост на приватна фирма од Скопје.Пожарот бил изгаснат од екипа на Бригадата за против пожарна Скопје, а повредени лица нема.Увид бил извршен.

Скопје | пред 1 година

По девет дена почна увид во опожарената зграда во Чаир: Се обезбедува пристап, а станарите ќе присуствуваат

Откако од страна на СВР Скопје беа извршени сите подготовки и беше обезбеден влез во објектот, Основното јавно обвинителство Скопје и полициски екипи ги започнаа увидните дејствија во зградата на улицата “Прохор Пчињски” во Чаир каде на 2 октомври избувна пожар во подрумските простории, а беше изгаснат по 30 часа.„Пристапот до објектот се врши строго контролирано и најпрвин во присуство на станарите се врши попис на предмети и штетата на станбените единици.Подрумските простории, од каде според првичните информации започнал пожарот, се уште се обезбедуваат за пристап и испитување на причините.Траењето на увидните дејствија на терен ќе зависи од времето неопходно за прибирање на сите докази“ велат од Обвинителството.

Скопје | пред 1 година