ЦУК

(Видео) Успешно извлечен маж од длабока тиња и кал како „жив песок“

Денеска, од пред зори имаше неколкучасовно, успешно, а опасно извлекување од длабока тиња и кал како „жив песок“ и за заробениот човек и за спасителите - пожарникарите, конкретно, покрај кумановскиот дел од река Пчиња, имаше комбинирана спасителан акција од страна на пожарникарите од Територијалната противпожарна единица и Итната медицинска помош од Куманово.Тим кумановски пожарникари, на чело со командирот на смена Сашо Илиевски, неколку часа, од околу 04.00 часот па до 07.00 часот утрово беа во спасувачка акција. Итниот случај го пријавил на 112 во ЦУК риболовец, којшто ги слушнал повици за помош на лицето кое покрај реката заглавило во длабока тиња и кал, на тој потег од реката Пчиња.Ситуацијата била опасна, бидејќи полека, како што лицето, возрасен маж, сакало да се самоизвлече се повеќе пропаѓало на местото каде што почвата била како маскиран „жив песок“ со исушен слој најгоре, на површината, од топлото време, а надолу како да немало дно.Тимот пожарникари, за среќа, брзо и на време стигнал до оддалеченото место од пристапен пат, бидејќи лицето било веќе речиси до рамења и врат пропаднато и било снеможено и на крај од неговите сили заради долготрајното заглавување при што полека тонело во меката почва. Пожарникарите успеале да го фатат со јажиња од нивната опрема и полека почнале да го извлекуваат, при што било потребно и нивно доизвлекување, бидејќи и тие тонеле полека во меката почва. Еден со друг тимски си помагале, етапа по етапа, од сложеното, а навидум едноставно, извлекување и спасување на заглавеното лице, од опасниот терен.Откако пожарникарите го извлекле од длабока тиња и кал, што била буквално како „жив песок“, лицето речиси се онесвестило и го ставиле на специјалната спасителна даска за носење. Додека едни го носеле, други со секири го расчистувале пред нив патот од вегетација и дрвја за да се пробијат до пристапниот пат каде ги чекала Итната медицинска помош. Настраданиот е жив, но многу истоштен и снеможен од долготрајното заглавување. Тој е веќе во болница во Куманово и е надвор од животна опасност.

Македонија | пред 1 година

Осумнаесет пожари на отворено, гореле депонии и ѓубришта

ЦУК информира дека имаше 18 пожари на отворено во последното деноноќие, сите се изгаснати од пожарникарите и од нив активни утрово нема. Една третина од вчерашните биле на повик на гаснење депонии или ѓубришта, а од нив вообичаено се шират и на поголем простор во околината.Алел до граѓаните да не се палат отпадоци и ѓубре на ова топло време и сува вегетација во природата.

Македонија | пред 1 година

Девет пожари на отворено во последното деноноќие, сите успешно изгаснати

Вчера имаше девет пожари на отворено, сите се изгаснати од пожарникарите и активни нема, утрово. Пожарите на отворено беа во општините:Општина Гази Баба, ул.Зендел Џемаил (горело ѓубре); Карпош, покрај ул.„Скупи“ (горело ѓубре и сува трева); Арачиново, крај стариот пат за Арачиново (сува трева и грмушки); Сарај, с.Копаница (стрниште); Битола, с.Габалавци (ѓубриште); Струга, во реон кон ГП „Ќафасан“ (ѓубриште); Свети Николе, кај с.Горобинци (изгореле грмушки и сува трева, нискостеблеста шума и помошен објект); Општина Кочани, кај с.Облешево (стрниште) и во Општина Куманово, кај населбата „Диво Насеље“ (горела сува трева).

Македонија | пред 1 година

На 112 континуирано многу повици – иако во Скопско невремето се стиши, тоа продолжи во Струмичко, Битолско, Гевгелиско и други региони во нашата држава

На Единствениот повикувачки број за итни случаи 112 во Центарот за управување со кризи (ЦУК) се добиени повеќе пријави за штети и информации за опасности за граѓаните и околината, настанати од невремето во Скопје, што зафати дел од градот. За сите пријавени случувања и итни случаи на 112, преку Секторот за операции и координација во ЦУК се известуваат и координираат надлежните служби од општините и Град Скопје за постапување по пријавите за штети и опасности.За сега билансот, според досегашните пријави и информации за опасности и за итни случаи на 112 во ЦУК, што и се зголемуваат, заради невремето во Скопско е следен: дрвја паднати 16; возила оштетени 3; кабли откачени од бандери 7; откачени и оштетени кровови 3 и паднат дел од фасада 1 и за повредени лица 1. Конкретно е добиена пријава за паднато дрво врз жена на улицата, во близина на пекара Пастел на локација: Булевар Свети Климент Охридски, бр. 66., Скопје. Известени се ИМП и Полиција за натамошна постапка.Линиите на 112 се вжештија: повеќе од 160 до 200 во првиот час, темпото на постојано добивање пријави за штети, информации и итни случаи заради невреме не застанува иако во Скопско невремето се стиши, бидејќи заради локалните обилни врнежи од дожд, град на места и засилен ветер во Струмичко, Битолско, Гевгелиско и други региони во нашата држава

Македонија | пред 1 година

Најавено невреме, со грмежи и дожд, до град: УХМР алармира да се винмава веќе од утре

Под влијание на влажна и нестабилна воздушна маса во текот на ноќта кон вторник и во вторник на повеќе места ќе биде нестабилно со пороен дожд и грмежи, локално во форма на невреме со интезивен пороен дожд, силен ветер и град. Потоа во среда и во четврток ќе преовладува променливо облачно и посвежо време со повремен пороен дожд и грмежи и ќе дува умерен северен ветер..Во Скопје, во текот на ноќта кон вторник и во вторник ќе биде нестабилно со пороен дожд и грмежи, а во делови од котлината ќе има појава на невреме со интензивен пороен дожд, грмежи, силен ветер и локална појава на град. Повремен пороен дожд со грмежи ќе има и во среда и четврток.Препорака: Во случај на појава на електрични празнења се препорачува поголема внимателност, да не се престојува на отворен простор и под осамени дрвја.

Македонија | пред 1 година

Рекорден број на повици во ЦУК во изминатото деноноќие, невремето предизвика огромен број на штети низ целата држава

Во изминатото деноноќие, „рекорд“ годинава од вкупно 2 778 повици на 112 во ЦУК, најмногу заради невремето, за разлика од претходното деноноќие кога имаше „само“ 2 388 повици, имаше и две спасителни акции, а медиумите многу брзо и пред време ги соопштуваа предупредувањатаЦентарот за управување со кризи (ЦУК) информира дека имало зголемен број повици, што резултирал, за жал, со „рекорд“ од вкупно 2 778 повици на Единствениот повикувачки број за итни случаи 112 во ЦУК, во последното деноноќие.Од нив „реални“ повици биле 57,16%, а 42,84% биле за други потреби на граѓаните што не биле итни. Кон Полиција биле упатени 34,48%, кон Итната медицинска помош 15,27%, а кон пожарникарите 2,63%, од реалните повици кон 112 во ЦУК. Инаку, имало 1 076 повика за итни случаи на 112 за во ЦУК, што се вкупен збир од тие што биле за комбинирано решавање од „реалните“ повици (47,62%) и на тие што се именувани како „неитни повици“ (42,84%). Сите тие биле предмет на примање, на обработка во ЦУК, а и на директно координирање за нивно решавање со институции и служби во Системот за управување со кризи (СУК).Вчера имаше појава на невреме со поројни врнежи од дожд, силен ветар, молњи и на места и врнежи од град, согласно правовремената најава од УХМР и објавувањето на медиумите за внимателност, што предизвика штети во Скопско, Кумановско, Кривопаланечко Велешко, Кавадаречко, голема нестабилност во источниот дел на Пелагонија и делови од Мариово и во други делови од државата.Како резултат на силното невреме што ја зафати Скопската котлина во попладневните часови, преку Единствениот број за итни повици 112 во ЦУК, се добиени зголемен пријави и известувања за: паднати и навалени дрвја, како и за скршени гранки, скинати проводници, за навалени бандери и за други проблеми со електрични, интернет и телефонски кабли, за поплавени куќи, поплавени подрумски простории и гаражи, поплавени улици, за проблеми во снабдувањето со електрична енергија, оштетени покриви, скршени стакла и откачени лимови и олуци од куќи и згради, за оштетени патнички моторни возила, паднати огради, блокирани улици и слични случаи предизвикани од невремето. Сите повици за итни случаиза поединечни или комбинирани интервенции се транферирани, преку Секторот за операции и координација на ЦУК, до надлежните институции и служби во Системот а управување со кризи (СУК).Регионалниот ЦУК Скопје известува, дека како резултат од поројните дождови и силен ветар што ја зафати Скопската котлина во попладневните часови, на 112 во ЦУК, се добиени многу известувања и пријави за штети и за итни случаи. Најголем број од пријавите се однесуваа особено за населбите „Волково“ и „Даме Груев“ (Општина Ѓорче Петров), како и во населбата „Шуто Оризари“ (Општина Шуто Оризари), додека имаше пријави и за во општините Аеродром, Карпош, Чаир, Гази Баба, а и во другите скопски општини, односно населби.Сите овие пријави од РЦУК Скопје се веднаш итно трансферирани соодветно според итните случаи до Бригадата за противпожарна заштита (БППЗ) на Град Скопје, МВР СВР Скопје, ЕВН Македонија, јавните претпријатија на Град Скопје како и Единиците за итно решавање на настантите ризици и опасности.РЦУК – Велес информира дека пожарникарите од ТППЕ Велес, во која се наведува дека испумпувале вода во подрумски простории во „Македонска пошта“ во Велес.Регионалниот ЦУК Куманово информира дека од ТППЕ Куманово, интервенирала на испумпување вода од подрумски простории на 6 куќи: на ул. „Никола Вапцаров“, 1 куќа во нас. „Карпош“, 1 куќа во нас. „Перо Чичо“ и подрумски дел на зграда на ул.„11ти Октомври“. Интервенирано е со пумпи за испумпување на вода со 3 ПП возила и 10 пожарникари. ЈП „Водовод“ – Куманово, во текот на денот имале интервенции за итни случаи на делови од атмосферска канализација низ улиците во Куманово.Во Општина Крива Паланка, од поројните врнежи од дожд кои беа во последните две деноноќија, ТППЕ Крива Паланка, од 08:00 до 12:00 часот, вршела испумпување вода од простории на детска градинка „Детелинка“ во Крива Паланка. Биле поплавени подрумски простории на ул.Свети Јоаким Осоговски бр.146, каде водата сама се повлекла. Имало отсечен пат во с.Станци, на кој се работи на расчистување на истиот. Имало зголемен доток на вода од „Куков Дол“ кон населбата „Бегови Бавчи но по јавување и координација од 112 во ЦУК е брзо интервенирано од ЕЛС Крива Паланка и истото е санирано во ноќта. ТППЕ Ранковце, од 10:00 до 11:00 часот, со 2 пожарникари интервенирале поради падната врба на локален пат во с.Псача.РЦУК – Тетово, ја пренесува информацијата од ТППЕ Тетово, во која се наведува дека во текот на денот интервенирале на места каде сеуште имало потреба по невремето со пороен дожд.Вчера попладне, а потоа и доцна навечер имаше спасувачи акции координирани преку екторот 112 и Секторот за операции и координација во ЦУК.Регионалниот ЦУК Охрид, во близина на хотел „Десарет„ Охридско, лице (странски државјанин) паднало во непристапен терен и од паѓањето се здобило со телесни повреди. Екипата од ТППЕ Охрид со 1 ПП возило и 3 пожарникари интервенирале, во координација со Итната медицинска помош и Полиција, така што лицето од местото на настанот е префрлено во полициски глисер и преку езеро било пренесено до возилото на Итна медицинска помош, а потоа во болница во Охрид на понатамошен третман.Регионалниот ЦУК Велес известува дека сношти, на 112 во ЦУК беше добиена информација за камион кој заглавил со предните две тркала кај ресторан „Јавор“, месност „Камен Дол“, на патот помеѓу Росоман и Прилеп. Известени се ТППЕ Кавадарци, кои интервенирале со 3 пожарникари и 2 ПП возила и камионот е извлечен по 22:00 часот.Четири пожари вкупно имало на отворено и неколку помали интервенции во последното деноноќие и сите се изгасени во општините: Босилово, кај с.Еднокуќево ( горела депонија, стрниште и сува трева); Валандово, помеѓу селата Пирава и Јосифово (сува трева); Велес, кај Раштани, на месноста „Гробот“ (сува трева) и во Општина Кавадарци, на месноста „Танкото патче“ во Кавадарци (каде што горела сува трева).Граѓаните се уште треба да бидат внимателни заради можно невреме. Од УХМР известија во ЦУК дека во Скопје времето ќе биде променливо облачно со повремен пороен дожд и грмежи. Инаку, за време на викендот и во понеделник времето ќе биде стабилно и потопло, а повторно дестабилизирање се очекува од вторник.Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации. Истовремено, ЦУК информира дека е корисно да се следат препораките и информациите од медиумите за превенција, а и за реагирање при итни случаи.ЦУК изразува благодарност до медиумите за брзото пренесување на предупредувањата, како и за превентивните работи, а секако и за сите итни ситуации во нашата држава и за континуираната соработка во интерес на безбедноста и посигурното живеење на граѓаните, во случајот - од аспект на кризните и итни ситуации со коишто се справуваме заедно во општеството, секојдневно.

Македонија | пред 1 година

Пријавени штети од невремето: Паднато дрво врз три возила во Карпош

На 112 во ЦУК, ноќва, во 03:22 часот, добиена е пријава за паднато дрво врз три возила, како и на коловоз на ул.„Разловечко востание“ бр.16 (Општина Карпош). Увидна екипа од МВР била на лице место и направила увид.Од Регионалниот ЦУК Скопје е информирано за интервенција до надлежна служба за да го отстрани проблемот.Дрвото е паднато поради временската непогода - силен ветер и обилни врнежи.Утрово во 06:09 часот, е добиена е пријава за уште еден оштетен автомобил, на истата улица, но на бр.12.

Скопје | пред 1 година

По невремето, без струја останаа десетици населени места - во Скопје, најпогодени се во Ѓорче Петров

Од ЕВН Македонија известуваат до ЦУК, дека во моментот без електрична енергија се:Скопје - Ѓорче Петров и околината, Сарај, Кондово, Волково, Граничен премин Блаце и Новоселски ПатТетово - Џепчиште, Непроштено, Једоарце, Отуње, СетолеТетово - Сарачино, ЖелиноГостивар - Дебреше,Врањовце Зубовце, Врапчиште, Пожаране и ТоплинциБитола - горно и долно Агларци , Добромири, Далбеговци, Трап, Будаково, Мусинци, Алинци, Трничани, Мојно, Маково, Рапеш, Орле, Долно Орехово, Румази, Паралово, Мегленце и околината.Радовиш - Богулево, Дамјан, Бучим, Коџалија, ПарналијаТимовите веќе се ангажирани за непречено снабдување со електрична енергија во наведените реони.

Македонија | пред 1 година

Велес ќе биде зафатен од невреме со град, дожд, ветер

Од УХМР известуваат дека подрачјето на Велес ќе биде зафатено од невреме.Според ЦУК, тоа ќе биде проследено со интензивен пороен дожд, грмежи, силен ветер и можна појава на град.Се алармира на внимателност.

Македонија | пред 1 година

Центарот за управување со кризи прима зголемен број пријави за итни случаи на 112

Центарот за управување со кризи прима зголемен број пријави за итни случаи на 112 - за штети од регионите погодени од локалните налети на невреме.Во оваа прилика Регионалниот ЦУК Крива Паланка, информира дека имаше пријави за итни случи од вчерашното невреме во Кривопаланечко за:- отсечен пат во село Станци, Општина Крива Паланка, известена е локална самоуправа Крива Паланка и во моментот се работи на расчистување;- голем доток на вода од „Куков Дол“ кон населба „Бегови бавчи“, во град Крива Паланка, запознаена е Оптина Крива Паланка и е реагирано ноќеска;- ул. „Наско Тамбурков“, град Крива Паланка, паднато дрво, отстрането е ноќеска од страна на пожарникарите од ТППЕ Крива Паланка;- поплавени простории во зграда на детска градинка„Детелинка“ во град Крива Паланка, а пожарникарите од ТППЕ Крива Паланка ја испумпуваа водата;- Поплавени подрумски пеостории во зграда на ул.„Св.Јоаким Осоговкси“ бр.146, во град Крива Паланка, водата сама се повлекла;- ЈП за одржување на регионални и магистрални патишта подрачна единица ПЕ Крива Паланка известува дека имало повремен регулиран застој поради расчистување заради наноси и одрони на регионални и магистрални патишта во текот на ноќта после врнежите од дожд и град. Известија до ЦУК дека моментално сите патишта во нивна надлежност се проодни.

Македонија | пред 1 година

Спречено поплавување на домовите во кочанско, известуваат од ЦУК

,,Денеска, Регионалниот ЦУК Штип информираше дека околу 13.00 на Единствениот повикувачки број за итни случаи 112 во ЦУК е добиена пријава за излевање на вода од водоводните канали во с.Горни Подлог, при што имаше опасност од поплава во домовите во селото.По итната оперативна комуникациска координација за спечување на опасноста, РЦУК Штип извести дека веднаш од јавното претпријатие Водостопанство од Кочани излегле на терен и увиделе запушување на канал за вода и истите работат на расчистување и отпушување на каналот, за да се отстрани опасноста од поплава во домовите во с.Горни Подлог.”, велат од ЦУК.

Македонија | пред 1 година

Нови детали за екипата на Итната медицинска помош која се заглави во лифт, три лица се жалат на повреди

Денес во 11:22 часот на 112 во ЦУК, добиле пријава дека екипа на Итната медицинска помош од Скопје е заглавена, во лифт во подрумски дел од зграда на ул. Христо Татарчев бр.47, Кисела Вода, Скопје.,,Екипата се движела од приземје кон 6 кат но кога дошле малку над втори кат лифтот забрзано се спуштил (или паднал) во подрум.”, известуваат од ЦУК.Три лица се жалат на повреди.

Скопје | пред 1 година

Во лифтот кој се заглави била само екипа на итната медицинска помош, лифтот паднал од приземје во подрум

,,Лифтот паднал најмалку од приземје во подрум. Во него имало екипа на итната медицинска помош, најмалку 4 лица биле во лифтот во моментот на падот.”, известуваат од ЦУК.Пациент немало, екипата била на констатација на смрт.Екипата на итната медицинска помош е извлечена од лифтот, се здобиле и со повреди.

Скопје | пред 1 година

Нема фотографија

Заглавена Итна медицинска помош со пациент во лифт во Скопје, известени СВР Скопје и противпожарната бригада

,,Во 11:22 часот на 112 во ЦУК добивме пријава за заглавена екипа на Итната медицинска помош од Скопје заедно со пациент, во лифт во подрумски дел од зграда на ул. Христо Татарчев бр.47, Кисела Вода, Скопје.”, известуваат од ЦУКОд страна на ЦУК итно се известени БППЗ Скопје и СВР Скопје.

Скопје | пред 1 година

ЦУК: Прв координативен состанок за справување со змии

Вчера во Центарот за управување со кризи (ЦУК), директорот Стојанче Ангелов, одржа Координативниот состанок на тема “Загрозување по животот и здравјето на луѓето од зголеменото присуство на змии во урбаните средини”, на којшто присуствуваа претставници од Министерство за внатрешни работи и од Зоолошка градина Скопје, а и високи претставници од Центарот за управување со кризи. Инаку, на седницата иако беа повикани, не присуствуваа претставниците од Министерство за животна средина и просторно планирање, од Министерство за здравство и од Министерство за земјоделство, шумарство и водостопанство.На почетокот, од директорот Ангелов, беше истакнато за зголемениот број пријави за змии во државата, како фактичка состојба, што индицира соодветно превентивно да се реагира од државните структури што се во допир со таа тема.Претставниците од Зоолошката градина Скопје информираа дека доброволно во рамки на можностите понекогаш помагаат за безбедно отстранување на змии и тоа го прават за доброто на граѓаните, при што посочија дека корисно би било на идната координативна средба да се викнат претставници и од невладиниот сектор, конкретно од Македонското еколошко друштво (МЕД), („херпатолози“), за да направат стручна експертиза. Напоменаа и дека во Град Скопје нема за сега случаи на опасно повредени или загинати лица од отровни змии, што е во домен на Министерството за здравство и Институтот за јавно здравје.На конструктивната средба стана збор и за работите коишто се, како и во другите современи земји поврзани со лиценци или дозвола за заловување на примероци од див свет, како се заловува дивото животно, а и начин и места каде што потоа живо и безбедно се пушта на слобода во природата или друго одредено место, согласно специфични случаи. Тоа беа прашања што се во сферата на проблематика на Министерството за земјоделство, шумарство и водостопанство и Министерството за животна средина и просторно планирање, коишто, според информациите, во буџетот треба да издвојува финансиски средства за обука, за теренска акција и секако едукација за справување и запознавање на диви животни.Инаку, на Координативната средба беше посочено дека темата е пожелно да се споделува и преку соработка со медиумите, бидејќи токму медиумите во многу нешта ја покажуваат нивната голема општествена одговорност во сферата на подигање на општествената свест и безбедноста на граѓаните и едукативно дејствуваат на поширока основа во општеството.

Македонија | пред 1 година

Ангелов со детали за спасувањето на 16-годишното девојче кое вчера падна во провалија

,,Вчера околу 20:30 часот на бројот на 112 се јави избезумена мајка која што не извести дека над Струмица во околината на манастирот Св.Илија нејзината ќерка која што заминала да пешачи и да спортува паднала во провалија. Ќерката и кажала на мјаката дека не знае каде се наоѓа и дека има повреди на главата.", вели Стојанче Ангелов и додава:По повикот на мајката добивме повик од нејзината 16-годишна ќерка видно исплашена. Нашите оператори ја утврдиле точната локација и итно ги известиле СВР Струмица, противпожарната единица и итната медицинска помош. По утврдување на точната локација, пожарникарите се спуштиле до повреденото девојче и истот го извлекле од провалијата.Девојчето има повреда на главата и е згрижена во болницата во Струмица.

Македонија | пред 1 година

Нема фотографија

Локализиран активниот пожар во Општина Ново Село

Активниот пожар од вчера, во Општина Ново Село, на планината Огражден кај „Хаџиица“ е локализиранРегионалниот ЦУК Струмица информира пожарот во Општина Ново Село на планината Огражден кај место викано „Хаџиица“ е локализиран денеска во 10.00 часот на ден 24.06.2024 година според комуникацијата остварена со ЈП „Национални шуми“- подружница „Беласица“ од Струмица.Со пожарот беше зафатена букова шума, млада јасикова шума, сува трева и папрат. Зафатената, со пожар површина дополнително ќе се утврдува.

Македонија | пред 1 година

Се појавија и свлечишта: внимателно ако возите на патот Скопје-Тетово

Поради обилни врнежи од дожд проследени со град што ги зафатија скопскиот, тетовскиот и гостиварскиот регион на патниот правец Скопје – Тетово – Гостивар наместа има одрони и помали свлечишта и тоа посебно од наплатна станица Глумово до Карпалак и Групчин.„Кај наплатна станица Желино поради големи колчини на вода на самата рампа сообраќајот се одвива споро што доведува до создавање колони.Ги молиме возачите за стрпливост.Апелираме до учесниците во сообраќајот крајно внимателно да управвууват со возилата како и да ја прилагодат брзината спрема условите на патот.Екипите на ЈП за одржување на магистрални и регионални патишта се на терен и работат на расчистување на критичните места и нормализација на сообраќајот“, велат од ЦУК.

Македонија | пред 1 година

Семејство заглавено во поплавена куќа во Јегуновце

Во поплавена куќа во општина Јегуновце во с. Сиричино има заглавено семејство.Тетовската ТППЕ работи мжна нивно извлекување. Повеќе детали за случајот се најавени за подоцна.

Македонија | пред 1 година

Спасен холандски турист во Охрид, однесен во болница со скршеница на нога

Регионалниот ЦУК Охрид, известува дека Планинарска спасителна служба од 13.40 до 15.00 часот, имала спасителна акција на територија на Општина Охрид. Конкретно, извршено е извлекување на повредено лице од околината на с.Елшани (холандски турист) кое имало скршеница на нога и е предадено на екипа од Итната медицинска помош од Охрид.Лицето е пренесено во болницата „Св. Еразмо“ во Охрид на понатамошен третман.

Македонија | пред 1 година

Ангелов: Верувам дека владата ќе помогне да се стават во функција трите ер-трактори

Директорот на ЦУК, Стојанче Ангелов оддржи прес-конференција на која извести за вкупниот број на расположливи противпожарни ресурси на територијата на државата.Ангелов е оптимист дека за 10 дена со раководството на новата влада на Македонија ќе можат да се решат неколку исклучително тешки проблеми кога станува збор за справувањето со шумските пожари ова лето. Открива дека трите авиони ер-трактори за гасење не можат да летаат бидејќи има само еден пилот.,,Денес сме недоволно подготвени, но за максимум 10 дена ќе бидеме драстично подготвени, бидејќи верувам дека владата ќе помогне да се стават во функција трите ер-трактори.”, изјави Ангелов.,,Во овој момент во државата имаме 4 функционални хеликоптери кои можат да помогнат за гаснење пожари и еден извиднички хеликоптер на МВР кој може да се користи и за 3 ведра, едното ведро е од 2 тона, а второто е од 1,5 пол тон на териот има корито од 1.500 литри вода, коритото е побезбедно за самите пилоти бидејќи го олеснува пилотирање бидејќи ведрата се тешки, особено при слетување. Истото се однесува и на едниот дел на армијата кој можеме да го користиме, но АРМ има зголемени ангажмани, но во одредена сериозна ситуација може да сметаме и на овој хеликоптер со едно ведро кое мислам дека собира до 2,5 тони вода”, вели Ангелов и додава:За жал авионите се нефункционални не можеме да сметаме на ниту еден ер-трактор има само еден активен пилот и со еден не можеме и покрај напорите на ДЗС не е надминат овој проблем. Имаше барање двајцата пензионирани пилоти да се ангажираат ова лето. Немаме позитивен одговор од владата во заминување. Оптимист сум дека идната влада веднаш ќе им даде со договор на дело да работат на пензионираните пилоти. Оптимист сум дека за десетина дена ќе имаме 4 хеликоптери. Сите овие летала имаат број на часови за летање. Сите мораат да имаат еден краток и еден долготраен неколкунеделен сервис. Затоа мораме да бидеме внимателни со користење на воздухопловите, инаку ќе бидат недостапни во критични ситуациии.

Македонија | пред 1 година

ЦУК: Висока делегација од Националната управа за нуклеарна безбедност при Министерство за енергетика на САД на работна средба во ЦУК

Директорот на Центарот за управување со кризи (ЦУК), Стојанче Ангелов, одржа работна средба со висока делегација од Министерството за енергетика на САД (DOE - Department of Energy), Национална управа за нуклеарна безбедност, предводена од Тифани Бланшард - Кејс (Ms. Tiffany Blanchard-Case), заменик директор на ДОЕ / ГМС (DOE / GMS) и советник на министерот за глобална сигурност на материјали (GMS - Global Material Security).Во делегацијата беа и Мет Сик (Mr. Matt Sick) - Откривање и одвраќање на нуклеарен шверц (Nuclear Smuggling Detection and Deterrence NSDD) - заменик менаџер за имплементација, Емили Инж (Ms. Emily Eng) - Менаџер на НСДД за Албанија (NSDD country manager for Albania), Емили Даглас (Ms. Emily Douglas) и г-ѓа Мојца Андријанчиќ (Ms. Mojca Andrijanič) НСДД (NSDD) - регионален претставник на НСДД (NSDD).Цел на работната посета беше информирање за начинот на функционирање на Системот за управување со кризи (СУК), надлежнитe субјекти за радијациона и нуклеарна безбедност во Р.С. Македонија како и продлабочување на меѓусебната соработка.

Македонија | пред 1 година

Нема фотографија

Прегазена мечка на патот Гостивар-Охрид

Регионалниот ЦУК Тетово известува, дека на Единствениот повикувачки број за итни случаи 112 во ЦУК е добиена пријава за сообраќајна несреќа, при што возило удрило во мечка – утрово во 05.37 часот.Повредени во патничкото возило нема, додека мечката починала на лице место. Настанот се случил на патниот правец Гостивар-Охрид, кај вториот каменолом. На местото на несреќата присутни се полициски службеници од ПС Гостивар и увидна.Исто така известени се и Национален Парк Маврово и ТППЕ Гостивар за отстранување починатата мечка од магистралниот пат.

Македонија | пред 1 година

Пријавени 11 пожари на отворено, успешно изгасени сите

11 пожари на отворено се регистрирани во последното деноноќие и сите се изгаснати, а од вчерашните нема активен пожар.Конкретно, изгасените 11 пожари биле во општините: Арачиново, с. Арачиново (горела депонија); Аеродром, 2 во Горно Лисиче (ниска вегетација и ѓубре и жито и ниска вегетација); Бутел, кај хотел „Њу Стар“ (ниска вегетација и ѓубре); Ѓорче Петров, кај населба „Стопански Двор“ (ниска вегетација); Сарај, Долно Свиларе (сува трева и гранки); Петровец, с.Петровец (депонија и сува трева); Охрид, кај хотел Метропол (трска); Кавадарци, с.Росоман (депонија); Неготино, с.Пепелиште (сува трева) и во Општина Кочани, кај месноста „Трајаново Трло“ (горела сува трева, гуми, пластика и друго ѓубре)

Македонија | пред 1 година

15 пожари на отворено во последното деноноќие: Еден е се уште активен

15 пожари на отворено се регистрирани во последното деноноќие и 14 се изгаснати, а од вчерашните како активен се води само еден пожар.Конкретно Регионалниот ЦУК Струмица, известува дека од 13:50 часот избувнал пожар на запалена ниска вегетација и нискостеблеста шума над душевна болница Негорци.Интервенирано со 3 пп возила со 9 пожарникари, 6 шумари со 2 возила. Пожарот се уште се води како активен, бидејќи преминал во непристапен терен.

Македонија | пред 1 година