ДУИ

За ДУИ ветото на Сиљановска е скандалозен напад врз правата на Албанците

Демократската унија за интеграција најостро ја осудува, како што велат, скандалозната одлука на претседателката Гордана Сиљановска Давкова за ставање вето на Законот за двојазичност на лиценците во градинките.„Ова е отворен напад врз албанскиот јазик и обид за поткопување на правата на Албанците во Северна Македонија. Но, ова не е изолиран чин, туку јасно координирана стратегија. Прво, лидерот на ВЛЕН, Африм Гаши, јавно настапи со изјава со цел да го подготви јавното мислење против албанскиот јазик и да создаде алиби за овој чекор, а веднаш потоа, разгорениот антиалбански национализам се активираше за да негира и напаѓа сè што е албанско.Ова е агресија против Албанците, во која влен свесно ја презема улогата на соработник.Ова не е само удар врз јазикот – ова е обид за враќање на Албанците назад, за демонтирање на сите тешко стекнати права. Владата предводена од ВМРО-ДПМНЕ, со поддршка на ВЛЕН, покажува дека нема никаков интерес за соживот, туку следи реваншистичка, антиалбанска и опасна агенда.ДУИ има јасна порака: Албанскиот јазик не е монета за политичко поткусурување! Тој е уставно загарантирано право, а не инструмент кој оваа влада може да го користи по сопствена волја!Им упатуваме повик на сите Албанци, сите граѓсни кои веруваат во соживотот, граѓанското општество и сите демократски сили во земјата да се мобилизираат и да не дозволат оваа срамна стратегија да се реализира. ДУИ нема да седи со скрстени раце! Ќе ги искористиме сите политички и правни механизми за да го спречиме ова антиалбанско лудило. Претседателката и оваа влада треба да знаат едно: Албанците нема да дозволат да бидат избришани! Нашиот јазик е нашето достоинство, нашиот идентитет и нашата иднина – и ќе го браниме по секоја цена!“, се вели во соопштението на ДУИ.

Македонија | пред 1 година

Меџити: Албанскиот простор не е засолниште за корумпираните и нон-грата

Првиот заменик-претседател на Владата на Северна Македонија, Изет Меџити, остро реагираше на изјавата на лидерот на ДУИ, Али Ахмети, за неговиот партиски колега Артан Груби, кој по ставањето на црната листа на САД и прогонувањето од страна на македонските органи за истрага, се сомничи дека се наоѓа скриен во албанскиот простор.„Албанскиот простор не е засолниште за корумпираните и нон-грата! Не ја дампирајте албанската просторија со печатот на корупцијата и не вклучувајте ја во криењето на обвинетите за корупција и злоупотреба на службената позиција,“ напиша Меџити.Тој нагласи дека албанскиот простор треба да остане симбол на гордост и достоинство. „Личностите од црниот список на САД не смеат да ги прават албанските држави заложници на правдата и да ги вклучуваат во нивните злоупотреби. Ова е срам за политиката и политичарите албанци во Северна Македонија“, заклучи Меџити.Неговиот одговор следува по критиките кон политиките на ДУИ и улогата на партијата во заштитата на личности вклучени во корупциски скандали.

Македонија | пред 1 година

Ахмети ретерира, сепак не знаел каде е Груби

По вчерашната изјава дека Артан Груби се наоѓа на албанска тетиторија, лидерот на ДУИ и пратеник, Али Ахмети денеска ретерира, не знае каде се наоѓа неговиот прв соработник.„Лично немам контакт со Артан Груби и немам детални информации каде актуелно се наоѓа. Мојата изјава во текот на вчерашниот ден е базирана на тоа што е јавно изјавено од претставници на Владата, но исто така и од фактот дека тој легално си ја поминал границата Македонија-Косово. Верувам силно дека секој граѓанин вклучувајќи го и господинот Груби заслужува еден правичен и неселективен судски процес далеку од селективна апликација на правото“, изјави Ахмети за ТВ 21.Вчера за косовските медиуми, Ахмети јасно кажа дека Груби се наоѓа на албанска територија. Ахмети побара правдата да не биде селективна и одмаздничка.Груби е осомничен за проневера во Државна лотарија.

Македонија | пред 1 година

ВЛЕН: ДУИ биле посветени на служба на Мијалков и Груевски

ВЛЕН, која за себе вели дека е надеж за Албанците во соопштение напипа дека во рок од еден месец, се срушила кулата изградена две децении со криминал и корупција.„Американскиот Стејт департмент го прогласи Артан Груби за нон грата, означувајќи го како непожелна личност. Мирисот на корупцијата им ги сруши нивните лажни шатори, но албанскиот јазик не беше засегнат.Бегството го гледаа како пат за спас. Откако ги избркаа граѓаните, дојде моментот да ги спакуваат куферите и да избегаат, први Груби и Бајрами, а другите со една нога се внатре, а со друга надвор од државата. На Рамиз Мерко му беше одземен пасошот. Гореа возила и локали, с сега започна горењето на партијата од корен“, стои во соопштението.Направени се милионски штети во Домот на културата велат од ВЛЕН, потоа корупција во Државната лотарија.„Најсериозното, чисто разоткривање дека вршеле валкана служба за криминалецот, Сашо Мијалков.Сериозен обид за враќање на Никола Груевски, преку конкретен и организиран план.Секоја минута што овие валкани слуги останале на власт предизвикала ненадоместливи штети за Албанците и за нашето национално достоинство. Тие, со целото свое битие, биле посветени на служба на Мијалков и Груевски“, велат од ВЛЕН.

Македонија | пред 1 година

Лимани, алатка на Мицковски или министер за граѓаните, прашува ДУИ

„Министерот за социјална политика, Фатмир Лимани, вчера покажа дека нема никакви други приоритети освен да ги спроведува наредбите на Мицковски“, велат од ДУИ.„Неговиот срамен потег, со кој реши да ја отвори градинката дури откако доби јавна критика од премиерот, е јасен доказ дека тој не е министер за децата и граѓаните, туку само политичка алатка која не работи за интересите на народот, туку за исполнување на барањата на неговиот газда.Ова однесување не е само личен проблем на министерот, туку и проблем на партијата која го именуваше.Овој министер, дали е на БЕСА, или е само инструмент на Мицковски, без никаква чуство за интересите на граѓаните и децата?БЕСА, која тврди дека ги претставува интересите на граѓаните, треба да преземе одговорност за оваа ситуација.Дали ќе продолжат да поддржуваат министер кој е само алатка на премиерот, или ќе заземат став против ова злоупотреба на должноста и недостигот на посветеност кон граѓаните?“, прашува ДУИ.

Македонија | пред 1 година

ВЛЕН: ДУИ нон грата крадеше и во пописот на населението, милиони евра во нивните џебови

„Кога зборуваме за корупција, мислиме на ДУИ нон грата. Корупцијата не е болест, туку ноторна појава која е присутна во едно општество како резултат на ненаситни и деструктивни луѓе“, соопшти ВЛЕН.„Претходната власт, особено партијата на црната листа ДУИ, исто така го злоупотреби процесот на попис на населението. И во овој сложен процес ДУИ не остави без злоупотреби и преку овој процес се обиде да ги збогати своите функционери. Тие мислеа само на џебот, а не на фер процес и олеснување на процедурите за граѓаните каде што ќе им овозможат на сите да се попишат. Потсетуваме, во овој период директор на Државната агенција за статистика беше Апостол Симовски, додека заменик директор беше Илми Селами од редовите на ДУИ, но во овој случај во процесот на регистрација тие имаа обврзан потпис.За процесот на регистрацијата обезбедени се буџетски средства во износ од 7,9 милиони евра, од кои 49% од трошоците се наменети за техничка опрема, поточно за набавка на лаптопи.За потребите за регистрацијата, на јавниот тендер се побарани 5.650 лаптопи со вкупна вредност од 3,9 милиони евра, под услов веднаш да се испорачаат.На вчерашната прес-конференција обелоденивме шокантни детали за тоа како ДУИ го спроведе процесот на регистрација, но партијата нон грата продолжува да молчи.Ваквиот начин на спроведување на постапката за јавна набавка, со приложување на анекси кон основниот договор со кои се менуваат условите и роковите за реализација на договорот и времето на плаќање предвидено во тендерската документација, без професионално и соодветно прифаќање на лаптопите, не обезбедува целосна транспарентност на постапката и не овозможува фер конкуренција на сите оператори. Во овој случај имаме работа со прекршување на законот. Како што потврди Државната ревизија, во овој случај имаме повреда на постапките за јавни тендери.Прашуваме како се дрзнале да примат/испорачаат 5.650 лаптопи знаејќи дека немаат соодветна експертиза.Коалицијата ВЛЕН ќе ги демаскира пред јавноста и ќе ги открие нивните вистински лица. Додека ДУИ заедно со нивните следбеници ќе остане само лоша приказна за Албанците. Партиа нон грата ДУИ освен во конкуренција за криминал во ништо друго не може да конкурира за првото место.Коалицијата ВЛЕН најави дека нема да има компромис со оние кои се вмешани во корупција и 20 години по ред им нанесуваат штета на Албанците, затоа го повикуваме Обвинителството да ги истражи овие злоупотреби при процесот на регистрација, кои се забележани и во извештајот на Државниот Завод за Ревизија.Лагите, манипулациите и тајните зделки, мораат да излезат на виделина. Дојде време за одговорност!“, соопшти ВЛЕН.

Македонија | пред 1 година

Ковачки: ДУИ стана бренд на криминалот, криминална структура која не му мисли добро на сопствениот народ

Во вечерниот поткаст „ВМРО-ДПМНЕ зборува“ гостуваше пратеникот и член на ИК на ВМРО-ДПМНЕ, Драган Ковачки кој говореше не само за безбедносните сили на државата и целокупниот безбедносен систем за кој веќе се издвоени 30% од буџетот, средства кои ќе се искористат за негова модернизација, туку и за една од најактуелните теми периодов, а тоа е ставањето на Артан Груби на црната листа на САД.„Акциите коишто сега следуваат од страна на Министерството за внатрешни работи, меѓутоа и самото ставање на црната листа на високи функционери на ДУИ, е факт и показател дека станува збор за една крајно криминализирана структура којашто во изминатиот период се брендираше како криминална структура, како штетна структура и за државата меѓутоа и за Албанците ако сакате“, прецизира Ковачки во своето излагање.Според него, ДУИ криејќи се зад превезот за европска иднина, под приказните за некаква албанска кауза позната само на нив, го крадеа, пљачкаа и осиромашуваа сопствениот народ во изминатите години, но она што е најважно во оваа ситуација е дека таквото нивно однесување е препознаено не само однадвор, туку и одвнатре.„Гледате дека надвор веќе не ги примаат никаде, не одат никаде ни на посети, тотално се екскомуницирани, а внатре мислам дека и самите Албанци гледаат дека станува збор за една криминална структура којашто не им мислела добро ни на самите Албанци. Од тој аспект сакам да кажам дека ДУИ стана бренд, значи заштитник на криминалот и познати по „транспарентните“ нели набавки на „Еуровиа“, фирмата којашто е нивен спонзор и донатор на нивната политичка партија, а ги добиваше најголемите тендери во државата во тоа време“, вели Ковачки.Тој исто така потсетува дека ДУИ истовремено се познати и по „Соравија“ или купување трговски центри во градот Скопје за само нула денари, понатаму препознатливи и по големиот грабеж на Лотарија, нешто што е особено актуелно периодов, а нешто од коешто СДС не најде сила да се огради и да им се извини на граѓаните што тоа го толерирале.„Така да, ДУИ не може да се огради од аминувањето, односно ставањето на јавниот обвинител за гонење на организиран криминал, за неговото назначување и штитење на сите овие криминални активности коишто пред малку ги споменав“, заклучува Ковачки.

Македонија | пред 1 година

(Видео) Филипче: Остро ја осудувам стратегијата на ДУИ за подигање етнички тензии

Претседателот на СДСМ, Венко Филипче, на прес-конференција по повод шест месеци од Владата на ВМРО-ДПМНЕ, ја осуди стратегијата на владејачките партии за користење на етничките тензии како средство за одвлекување на вниманието од реалните проблеми со кои се соочуваат граѓаните.„Покрај партизацијата, во изминатите шест месеци јавниот простор е затруен со етнички теми и наративи и поделби. Стратегијата на ДУИ за подигање етнички тензии СДСМ остро ја осудува. Оваа стратегија на ДУИ впрочем најмногу од сѐ му одговара на ВМРО-ДПМНЕ и нивните сателити во власта,“ истакна Филипче.Според него, овој таканаречен конфликт меѓу ВМРО-ДПМНЕ и ДУИ е само театар кој им служи на нивните политички агенди.„Наводниот конфликт меѓу нив е всушност љубовната кавга која ни ја сервираат како перманентна дестабилизација. Оваа политика има само една цел, да ги оттргне граѓаните да мислат на реалните проблеми. Ќе им се полнат главите со омраза и поделби додека им се празнат џебовите од страна на власта. Ќе се отвораат стари рани и стари прашања за граѓаните да гледаат назад наместо да гледаме напред,“ рече Филипче.СДСМ е уверена дека оваа стратегија на ширење поделби е осудена на неуспех.„Но, оваа политика секогаш, порано или подоцна, е силно поразувана. Така ќе биде и овој пат, но се надевам дека многу порано граѓаните ќе го разберат тоа,“ додаде Филипче.Претседателот на СДСМ ја отфрли пропагандата која се обидува да ја одржи во живот таканаречената мантра за „СДС-ДУИ“.„Гледам Мицкоски и мегафоните упорно се обидуваат да ја одржат во живот пропагандната мантра СДС-ДУИ. Може слободно да ја прогласат за пропадната,“ заврши Филипче.СДСМ останува цврсто посветена на тоа да ги врати реалните теми во центарот на политичката сцена, а не да дозволи поделбите и тензичните теми да го диктираат јавниот дискурс.

Македонија | пред 1 година

ДУИ упати неколку прашања до Мицкоски: Премиере, каде се истрагите за министерот за „смртта,“ како што го нарекувавте Арбен Таравари

„Демократската унија за интеграција остро го осудува систематскато заробување на институциите на правдата од оваа влада и конформизмот на одредени судии и обвинители кои се ставиле во служба на политиката. Овој загрижувачки тренд го поткопува владеењето на правото и ја уништува довербата на граѓаните во институциите кои треба да гарантираат правда за сите“, велат од ДУИ.„Вчерашната одлука на Обвинителството за ослободување на оние кои беа прогласени за виновни за обидот за државен удар на 27 април, со цел да се спречи изборот на првиот претседател Албанец на Собранието, со јавно признание од самите обвинители дека таму постои селективна правда, под политички притисок, и сето тоа направено на празничен ден со надеж дека нема да биде забележано од меѓународната заедница, е јасен одраз на оваа заробување.Исто така, му се обраќаме на премиерот Мицкоски: Што се случи со „плоштадот Тендербег“, како што го нарекувавте плоштадот Скендербег, за кој некогаш го обвинувавте Изет Меџити?Што се случи со истрагата за 30-те згради што беа изградени како „архитектонски Титаник“, но кои беа антиидатирани, наводно изградени во 2011 година, кога беше во сила законот за легализација?Овие згради не само што се симбол на урбанистичката злоупотреба, туку ја задушуваат животната средина на најгусто населената општина во Европа.Премиере, каде се истрагите за министерот за „смртта,“ како што го нарекувавте Арбен Таравари, кој според вас добил подарок две куќи за да стане министер во нашата влада?Или можеби вие сами доживувате „паничен напад, главоболка“, како што тврдите за обвинителите, и поради тоа сте заборавиле да ги гоните вашите актуелни министри?Вашите министри се претворија во вазали на вашите антидржавни политики, служејќи им на личните и политичките интереси наместо на граѓаните.Наместо да го подобрите владеењето на правото, вие го претворивте во карикатура на правдата. За само шест месеци, успеавте да ги поткопате темелите на граѓанската доверба со воведување селективна правда која служи само на вашите политички интереси.Демократската унија за интеграција ќе продолжи да го осудува и да се бори против овој срамен обид зазаробуавње на државата и правдата.Граѓаните на нашата земја заслужуваат вистинска, еднаква и независна правда, ослободена од политиката“, се наведува во соопштението на ДУИ.

Македонија | пред 1 година

Каде е Груби: Тошковски го поздрави потегот на ДУИ

Министерот за внатрешни работи, Панче Тошковски не сака да шпекулира околу информациите каде се наоѓа во моментов екс-вицепремиерот Артан Груби кој веќе една недела е во бегство. Според него, битно е дека е распишана меѓународна потерница по него.„Не би сакал да шпекулирам“, гласи одговорот на министерот за внатрешни работи, Панче Тошковски.На прашањето од каде му се сознанијата на вицепремиерот Изет Меџити дека Груби се наоѓа во Албанија, првиот полицаец во државата синоќа во ТВ Сител изјави: „Во мојата надлежност, битно е дека кај (полицискиот) службеник кој што работи во граничната контрола и кој што сторил кардинална грешка при постапувањето и не постапил согласно стандардно-оперативни процедури е спроведена истрага и е констатирано дека нема постапено согласно закон. Суспендирано е лицето и поднесена е соодветна кривична пријава за несовесно работење во службата“.Министерот исто така додаде дека е добро што „ДУИ се огради од еден бегалец од правдата и тоа е поздравување“.Идентичен одговор како Тошковски вчера даде и премиерот Христијан Мицкоски дека има „различни се информации“ и дека не сака да шпекулира во врска со тврдењата на еден од неговите заменици во Владата.

Македонија | пред 1 година

Чупеска: ДУИ и ДПМНЕ со иста агенда за раздор меѓу граѓаните

Потпретседателката на СДСМ Ана Чупеска, во дебатната емисија „Топ тема“ на телевизија „Телма“ истакна дека СДСМ и на власт и во опозиција опстојува на истиот, јасен став, за кој нема никакви дилеми и недоумици, ни простор за дополнителни толкувања а тоа е дека на Уставниот суд не смее да му се врши притисок.-На Уставниот суд не треба во ниту една ситуација да му се вршат било какви притисоци, за да постапува вака или онака, албанскиот јазик не смее да биде злоупотребуван против чуваствата на албанските граѓани, исто како што македонскиот јазик не треба да биде злоупотребуван против чувствата на македонските граѓани, а беше многу злоупотребуван, поготово во време на Преспанскиот договор. И како трето се што е став на СДСМ, она што ќе дојде од Венецијанската комисија, сметајќи дека тоа се највиоските демократски стандарди, врзани за Советот на Европа и човековите права и слободи мора да се земе предвид, нагласи Чупеска.Потпретседателката Чупеска посочи дека практиките коишто ги применува ДУИ во периодот се како копирани од тие на ВМРО-ДПМНЕ.-ДПМНЕ секој ден кажуваше дека македонскиот јазик е загрозен, дека идентитетот македонски е загрозен, па се чини како ДУИ и ДПМНЕ да читаат исти книги, да учат политика од исти книги. Идентична реторика, идентична платформа. ДУИ во последно време велат дека албанскиот јазик сериозно е ставен на удар, албанскиот идентитет е ставен на удар, а тоа не е вистина, затоа што законот принципиелно е формиран на темел на амандамонот 5 што прозилегува од Рамковниот договор, рече Чупеска, додавајќи дека уште поважно е што законот за јазиците има една многу специфична особина, а тоа е дека не ја територијализира употребата на јазикот, а со тоа не прави јазични енклави, а со тоа дополнително не прави етнофедерализација.Во минатото слушавме од ВМРО-ДПМНЕ, се обидуваа да го реалитивизираат неговото значење, инистираа на некои други тези, така што вистина веќе доста е од истите методи, истите практики коишто го клатат клатното на меѓуетнички раздор меѓу овие две партии, ДУИ и ДПМНЕ, бидејќи многу се очигледни преференциите, па дури и флоскулите им се толку слични, порача потпретседателката на СДСМ Ана Чупеска, во дебатната емисија „Топ тема“ на телевизија „Телма“.

Македонија | пред 1 година

ДУИ бара итни предвремени избори: сакаат да се вратат на власт

„Актуелната Влада, која без сомнение го постигна највисокото ниво на скандали, неспособност, криминал и корупција во толку краток временски период, се претвори во симбол на неуспехот и недостигот на одговорност пред граѓаните на земјата“, велат од ДУИ и додаваат:Блокадата на процесот на европска интеграција и нападот врз Охридскиот мировен договор, кој предизвика тензии во меѓуетничките односи, создадоа непредвидлива и опасна ситуација за внатрешната стабилност.Во овие околности, Северна Македонија се најде во центарот на вниманието на меѓународните организации, претворајќи се во еден од главните приоритети на Европската заедница за управување со кризи.Оваа состојба јасно го потврдува неуспехот на оваа Влада да ги адресира клучните предизвици со кои се соочува земјата и итната потреба од промена на политичкиот курс.ДУИ смета дека единствениот излез за спас на европската иднина на земјата е оваа Влада да отвори пат за враќање на мандатот кај граѓаните преку нови, предвремени избори.Граѓаните заслужуваат одговорна, способна и посветена Влада која ќе работи во нивен интерес и ќе ја води земјата напред на патот на развојот и европската интеграција.ДУИ останува посветена на својата заложба за заштита на интересите на граѓаните и обезбедување на подобра иднина за сите.Ги повикуваме сите прогресивни сили и граѓаните на земјата да се обединат во оваа борба за враќање на надежта и перспективата во нашата земја.

Македонија | пред 1 година

Се докажа дека создавањето атмосфера на етнички тензии, како таа пред Уставен, е за спас на криминалците како Артан Груби, вели ВМРО-ДПМНЕ

„ДУИ се демаскирани, прочитани и поразени. На ДУИ веќе никој не им верува. Од ДУИ се откажаа и стратешките партнери САД, како и нивните членови и поддржувачи“, вели ВМРО-ДПМНЕ и додава:Само ДУИ и Али Ахмети не се откажуваат од Артан Груби, кој поради криминал и влијание во судството се најде на црната листа на САД.За Артан Груби, Ахмети му се спротивстави и на САД. По ставањето на црната листа на Стејт департментот, Ахмети не се дистанцираше од Груби, не го исклучи од партија и не го разреши од партиските функции. Со тоа директно и отворено му се спротивстави на САД, на чија правда и демократски вредности постојано се повикуваат.Повлекувањето на Артан Груби од јавниот живот не е доволно. Тој треба да сноси одговорност за сторените кривични дела и да ги врати на државата украдените пари.Воедно, Груби сам не ги правел криминалните дела, со него сигурно има соработници како од ДУИ така и од СДС со кои седум години заедно владееле, како на пример Али Ахмети. Имено, Груби постојано во јавните настапи потенцираше дека ништо не правел без знаење и одобрување на Ахмети.Не може Артан Груби да се сомничи за криминал и корупција, а Али Ахмети и останатите да се чесни. Тој имал и соучесници и сите тие треба да одговараат пред лицето на правдата.Сите соучесници на Груби од ДУИ и од СДС треба да одговараат и за сето она што им го направија на македонските граѓани, како на Македонците така и на Албанците. Заедно со СДС ги користеа и злоупотребуваа за нивни цели и за остварување на нивните амбиции за стекнување милиони врз нивниот грб.Седум години го испокрадоа народот и од немаштија го натераа да се иселува за тие да уживаат во луксуз од украдените милиони.СДС и ДУИ седум години го окупираа судството и ниедна одлука не смееше да се донесе без нивно одобрение. Раководствата на овие партии, посебно Артан Груби, што се покажа и со случајот со судијата Енвер Беџети, најмногу влијаеше на судските одлуки.И во однос со Уставен суд, и СДС и ДУИ добро знаеја дека ништо нема да се случи и дека нема да се донесе никаква одлука, затоа што сите девет судии ги избрале токму тие, но сепак се одлучија да прават политички циркус. Тој циркус им беше за создавање на атмосфера на етнички тензии и за дефокусирање од нивните криминали кои почнуваат да излегуваат на површина.Се докажа дека создавањето атмосфера на етнички тензии, како таа пред Уставен, е за спас на криминалците од ДУИ и СДС, како Артан Груби. Но, прочитани се и никој не им верува и сите обиди за избегнување одговорност ќе им бидат залудни. Одговорност за сторените криминални дела ќе има.

Македонија | пред 1 година

Ахмети: Одлуката на Уставниот суд за еднострано свикување на јавна дебата за ре-преговарање на Охридскиот мировен договор е апсурдна

Синоќа, на голем собир во Гостивар, претседателот Али Ахмети остро ја осуди одлуката на Уставниот суд за еднострано свикување на јавна дебата за преиспитување на Охридскиот мировен договор, нарекувајќи го овој чекор апсурден и неприфатлив.„Охридскиот мировен договор е историски документ, кој стави крај на една војна и ги постави темелите за праведно и еднакво општество.Тој е мировен договор кој не може да биде доведен во прашање или повторно преговаран од никого, а особено не од орган што нема ниту надлежност ниту легитимитет за тоа.Законот за јазици, кој е дел од Охридскиот договор, ги гарантира еднаквите права за сите граѓани и претставува извонредно достигнување за мултиетничкиот соживот во Северна Македонија.Одлуката за отворање дебата за него е еднаква на обид за укинување на мировниот договор и создавање непредвидливост за иднината.Али Ахмети истакна дека Охридскиот договор е неприкосновен и дека секој обид за негово нарушување ќе наиде на силен отпор од Албанците и од ДУИ.Тој повика сите политички субјекти, граѓанското општество и граѓаните да се мобилизираат за заштита на ова историско достигнување и да не дозволат придобивките од мирот и стабилноста да бидат загрозени.Охридскиот мировен договор не е и нема да биде предмет на повторно преговарање.ДУИ останува посветена на заштитата на достигнувањата на Албанците и на изградбата на стабилна и праведна иднина за сите граѓани на Северна Македонија“, вели Ахмети.

Македонија | пред 1 година

„Артан се издвојува од другите, не носи одлуки за личен интерес“ - Бектеши го бодри Груби

Ексминистерот за економија, Крешник Бектеши, застана во одбрана на сопартиецот Артан Груби, кој се најде на т.н. „црна листа“. Статусот на Бектеши може да се сфати и како тешење на Груби, а откако тој реши да се повлече од јавниот живот, но не и партискиот.„Тие што го познаваат Артан, добро знаат дека тој носи одлуки од општ интерес, а не од личен! Така е и оваа одлука полна со храброст, каде семејството е пред се. Артан се издвојува од многу други кога е време за големи одлуки. И покрај се, за мене и јас верувам дека и многу други кои те познаваат колегијално но и приватно, продолжуваш да бидеш вредна личност со високи доблести“, напиша Бектеши.Инаку, Груби објави ферман каде посочи дека е чист како солза, но дека ќе се повлече од јавниот живот.[caption id="attachment_316911" align="alignnone" width="696"] Screenshot[/caption]

Македонија | пред 1 година

Бујар Османи најави лоши периоди за Македонија, предизвикани од моноетнички состанувања

Бујар Османи од ДУИ, тврди дека доаѓаат лоши периоди за Македонија, а тоа го гледа од постапувањето на уставните судии. Тој рече дека ДУИ ќе се врати пред Уставен секогаш кога ќе има седница за Законот за јазици. Според него, се отвораат теми кои што сметале дека се затворени.„Пораката на тројцата судии кои не отидоа, беше доволен сигнал, за да седницата прекине веднаш. Ваквите состанувања на монотетнички состави, биле најава за лоши периоди во мултиетнички држави. Во име на албанскиот народ одбиваме секаква одлука која значи продолжување на процесот за укинување на Законот за јазици“, рече Османи.За него и ДУИ прифатливо е одбивање на сите иницијативи и затворање на прашањето.„Закажувањето на подготвителни седници е продолжување за укинување на Законот за јазици. Пораката е дека продолжуваме со стражата на јазикот, најавуваме дека кога и да се закаже седница, народот ќе биде тука. Ова не е само кауза за албанскиот јазик, туку за заштита на мултиетничка, европска Македонија“, додаде Османи.

Македонија | пред 1 година

Зборуваат за заштита на албанскиот јазик, а не го почитуваат македонскиот: зошто Ахмети и Османи не се обратија на македонски јазик?

Бујар Османи немаше конкретен одговор зошто Али Ахмети и Зијадин Села не се обратиле на македонски јазик, додека зборуваат за мултиетничка држава.„Денеска како што најавив за неколку минути ќе добиете транскрип на македонски јазик од говорите на двајцата лидери“, рече само кратко Османи.Во јавноста пак се покрена прашањето: „Зборуваат за заштита на албанскиот јазик, а не го почитуваат македонскиот, затоа што нема превод“.Дури на прашањето, кои ќе бидат чекорите на ДУИ за Груби кој се најде на т.н. „црна листа“, Османи рече: „Во текот на денот ќе ги добиете транскриптите, и таа изјава“, бидејќи немаше македонски превод.Османи на албански јазик го праша Ахмети дали ќе зборува уште еднаш по ова прашање, за да го преведе симултано, а тој се насмеа и одби.

Македонија | пред 1 година

„Нема ништо да се случи утре, иако ДУИ кампуваат пред Уставен суд“

Никаква одлука не е возможно да се донесе утре од Уставниот суд, за да ДУИ чува било каква стража. Ова е заклучокот од одговорот на премиерот Христијан Мицкоски на поставено новинарско прашање поврзано со Законот за јазици. Според него, на ДУИ многу им е јасно како функционира судот.„Во ДУИ точно знаат дека за да дојдеме до конечно решение, какво и да е, најпрвин треба надлежниот судија да им објасни на колегите, па следува јавна дискусија и расправа и подготвителна седница. Уставниот суд може да работи на Законот за јазици неколку месеци, па и години. Нивната цел беше сега, како политички глодари да начекаат и да видат дека „еве сега знаеме како одат процедурите и ние ќе правиме политички притисок“. И кога утре ништо нема да се случи, да излезат во јавноста и да кажат, еве, поради тоа што ние правевме притисок, се одложи сето ова. Ним многу им е јасно како функционираат работите. Ги молам нашите сограѓани Македонци, Албанци и сите да бидат смирени, целата работа е под контрола и да не дозволиме да наседнуваме на провокациите на овие луѓе. Не ни е потребно. Тие луѓе завршија на 8 мај. Ништо нема да се случи. Целата ситуација е под контрола – рече Мицкоски.

Македонија | пред 1 година

ДУИ ја почитува одлуката на Стејт Департментот: Остануваме посветени на стратешката соработка со САД

Демократската Унија за Интеграција извести преку писмено соопштение дека ја почитува одлуката на Стејт Департментот на САД.„Како партија, остануваме посветени на стратешката соработка со Соединетите Американски Држави и на зајакнување на демократските вредности и транспарентноста“, велат од ДУИ.

Македонија | пред 1 година

(Видео) „Моментот кога Бујар Османи и Арбер Адеми сфаќаат дека Груби е ставен на американската црна листа...“,

На социјалната мрежа „Х“ е објавен сегмент од јавувањето во живо на „ПорталХ“ од протестот на ДУИ пред Уставниот Суд, под наслов „моментот кога Бујар Османи и Арбер Адеми во живо ја добиваат информацијата за новата американска црна листа на која е сопартиецот Артан Груби“.Се гледа дека двајцата добиваат пораки, по што, Османи, станува и излегува од шаторот кој е импровизирано студио. Сепак, не може со сигурност да се потврди дека станува збор дека во моментот била споделена токму таа информација.

Македонија | пред 1 година

Кои се наредните чекори на ДУИ?

Централното претседателство на Демократската унија за интеграции, денеска ќе одржи состанок на којшто ќе одлучува за следните чекори, информираше за МИА потпретседателот на ДУИ, Бујар Османи, откако вчера ја започнаа иницијативата „Стража на јазикот“ со деноноќно присуство пред Уставниот суд до одржување на седницата за Законот за употреба на јазиците.– До 11 декември сигурно остануваме, а за понатаму дополнително ќе се решава. Денеска има состанок на Централното претседателство, има и координација на лидерите од Европскиот фронт каде што ќе се одлучува за следните чекори – рече Османи.Како што посочи Османи, повикот за „Стража на јазикот“ значи одбрана на мултиетничка Северна Македонија, бидејќи, како што рече, ова не е само кауза на Албанците.

Македонија | пред 1 година

ДУИ до САД, ЕУ и НАТО:Дестабилизација доколку се укинат одредби од Законот за јазици

Пред седницата во среда на која пред уставните судии ќе се најде иницијативата на 13 подносители за уставноста на Законот за јазиците, ситуацијата се вжештува.Демократската унија за интеграција на состанок на партиското раководство било оценето дека овие постапки се дел од оркестрирана кампања на како што велат, нелегитимната влада.Го повторија ставот дека ова е сериозна закана за стабилноста на државата.За да го убедат меѓународниот фактор во исправноста на нивниот став, напишаа и испратија писмо до САД, ЕУ и НАТО.ДУИ бара тие да преземат решителна акција за да се спречело поткопување на мирот.,,На 11 декември, Уставниот суд на Македонија го закажа разгледувањето на иницијативите кои ја оспоруваат уставноста на клучните одредби од Законот за јазиците. Постои основана загриженост дека Судот може да укине до осум одредби, со што ќе се загрози интегритетот на законот и ќе се поткопаат темелите на Охридскиот Рамковен Договор. Ваквата одлука ќе го наруши долгогодишниот напредок, ќе ја загрози меѓуетничката хармонија и ќе ја дестабилизира кревката рамнотежа што ја одржува земјата обединета“, тврдат од ДУИ.Ситуацијата се комплицира што уставните судии се поделија по етничка основа.Судиите Осман Кадриу и Насер Ајдари најавија дека ќе ја бојкотираат седницата бидејќи велат, ќе дошло до надгласување.

Македонија | пред 1 година

ДУИ: Доколку Уставниот суд одлучи да ги уништи постигнувањата на Охридскиот договор, последиците ќе бидат непоправливи

„Уставниот суд на Северна Македонија одлучи на 11 декември да ја разгледува уставноста на Законот за употреба на јазиците – еден од клучните столбови на Охридскиот рамковен договор и меѓуетничката хармонија. Секој обид за укинување на било која одредба од овој закон не е само правен чин, туку претставува директен удар врз стабилноста и мирот кои оваа земја ги изгради со многу жртви“, соопшти ДУИ.„Понатаму, уставните судии од албанска етничка припадност јавно изјавија дека ќе ја бојкотираат оваа седница и одлучување, што го прави уште поопасно еднострано решение за укинување на одредбите од Законот за јазиците. Овој бојкот е јасен показател дека ваквите напори за укинување на 10 члена од овој закон имаат длабоко дискриминаторска природа и целат на „поништување“ на албанскиот јазик на институционално ниво.Овој закон е производ на сложен компромис, постигнат по години на макотрпни преговори и претставува темел на меѓуетничката еднаквост и взаемната почит. Одлука која би го загрозила овој закон би претставувала тешко кршење на Охридскиот договор и враќање назад кон неизвесна и нестабилна иднина.Демократската унија за интеграција го смета овој момент за клучна точка, каде секој чекор што има за цел да ја наруши оваа деликатна рамнотежа претставува премин преку Рубикон. Ако еднаш оваа линија се премине, нема враќање назад! Доколку Уставниот суд одлучи да ги уништи постигнувањата на Охридскиот договор, последиците ќе бидат непоправливи, а ние не можеме да преземеме одговорност за тоа што може да се случи потоа.Упатуваме апел до граѓаните, политичките лидери и меѓународната заедница веднаш да дејствуваат за да го спречат овој чин кој ја загрозува стабилноста на земјата и регионот. Албанците и сите заедници кои веруваат во правда и еднаквост не можат да молчат пред оваа закана.Ова не е момент за останување индиферентен. Ова е момент за избор на вистинската страна на историјата. Ќе направиме сè за да го заштитиме мирот и стабилноста, но одговорноста за последиците ќе биде на оние кои избраа да го предизвикаат и да ја загрозат иднината на земјата!“, се наведува во соопштението на ДУИ.

Македонија | пред 1 година

ВЛЕН: И СДСМ почна да бега од ДУИ – каде што допира ДУИ, ни трева не никнува

„СДСМ конечно ја прифати она што граѓаните одамна го знаат, Унијата за девалвација на институциите (ДУИ) е тежок товар за секое партнерство и машина која произведува само кризи и корупција. По години сервилност и обиди да ја заштити оваа трула партија, СДСМ сега прави задоцнет чекор кон оградување од ДУИ, јавно извинувајќи се за неуспесите“, соопштуваат од ВЛЕН.„ДУИ не е само изолирана од граѓаните и гласачите, туку и од нејзините доскорешни партнери. Оваа партија, која 22 години ги нарушува сите норми на доверба создавајќи систем во кој доминираат криминалот и корупцијата, повеќе нема место во политиката. Не може да има соработка со партија која ја уништи секоја институција до која имаше пристап, оставајќи ја државата заглавена во ќорсокак, а граѓаните разочарани. ДУИ докажа дека каде што ќе допре, ни трева не никнува!ДУИ, која две децении ги разочаруваше граѓаните и изгради систем на корупција и злоупотреби, денес остана само со еден партнер во криминалот: Никола Груевски. Со нивните оркестрирани обиди за дестабилизација за време на ноемвриските празници, оваа исцрпена клика уште еднаш покажа дека е подготвена да го жртвува стабилноста и интересот на граѓаните само за да ги заштити сопствените гревови.Времето на ДУИ заврши! Време е оваа разбиена и изолирана клика, која го држеше развојот во заложништво и предизвика стагнација, конечно да биде минато. Ние, како коалиција ВЛЕН, сме посветени на праведна иднина и политика која е во служба на граѓаните, а не на тесните интереси на политичките клики“, се наведува во соопштението на ВЛЕН.

Македонија | пред 1 година

Тошковски за интерпелацијата од ДУИ: Низок обид за манипулација, нека им е со среќа

Министерот за внатрешни работи, Панче Тошковски, одговарајќи на новинарски прашања за иницијативата на ДУИ за негова интерпелација во парламентот рече:„Тезите кои што се поставуваа во изминатиот период од страна на опозицијата, особено од страна на ДУИ, сами по себе контрадикторни. Така да сметам дека македонскиот граѓанин и македонскиот народ, многудобро знае што стои зад оваа интерпелација од аспект на нивно барање. Нека им е со среќа! Ќе си постапи Собранието во насока на она што смета. Јас искрено сметам дека ова е еден низок обид за манипулација на јавноста”.Освен за министерот Тошковски, од „Европскиот фронт“ вчера поднесоа интерпелации и за неговиот заменик Астрит Исени, како и за вицепремиерите Изет Меџити и Иван Стоилковиќ.

Македонија | пред 1 година