ГАШИ

Гаши на комеморативната седница за Кочани: Песната на ДНК „Ако утре ме нема“, која до таа ноќ беше само рефрен, денес добива поинакво значење

Комеморативната седница за годишнината од трагичниот настан во дискотеката „Пулс“ во Собранието започна со минута молк.На почетокот на седницата се обрати претседателот на собранието Африм Гаши.Некои ноќи завршуваат рутински, некои ноќи завршуваат оставајќи спомени, но има и такви што никогаш не завршуваат. Постојат утра што будат надеж и раѓаат нова сила, но има и мрачни утра што ја гасат надежта и предизвикуваат само болка. Такво утро беше 16 март минатата година кога осамна по трагичната ноќ во Кочани. Ноќ што започна со забава, со млади што славеа, со пријателства и насмевки, а заврши со плач со рани и болка што длабоко продре во срцето на целата држава. Таа ноќ Кочани и Македонија не ги изгубија само своите синови и ќерки, туку изгубија и дел од својата иднина. Еден неповратен дел од нашата душа таа ноќ изгоре во Кочани. Таа ноќ, заедно со животите на 63 млади луѓе, со себе ги однесе и соништата и плановите кои штотуку почнаа да се градат. Приказните што штотуку почнаа да се пишуваат, и утрешнината на многу семејства во нашата земја. Денес стојам пред вас, со длабоко чувство на тага и тежок товар на одговорност, затоа што да се зборува за трагедијата како што е оваа, можеби е една од најтешките задачи што можат да и припаднат на една институција или на едно лице. Дури и по една година, тешко е да се изберат зборови, но уште потешко е да се изговорат, постојат моменти кога и да ги изберете зборовите, внимателно, тие секогаш изгледаат недоволни за да го изразат она што човекот го чувствува и што го преживува. Таква е и оваа обврска за мене. Иако јавниот збор е должност, тој никогаш не бил толку тежок. Особено кога си свесен дека во ваков случај ниедна реченица не е доволна за да ја исполни празнината и за да ја ублажи болката што оваа трагедија ја остави кај семејствата и во совеста на ова општество“, изјави Гаши.Гаши изрази огромна благодарност кон сите кои помогнале и додаде дека таа помош нема да биде заборавена.Според претседателот на Собранието, правда мора да има бидејќи таа може да донесе мал спокој за семејствата и општеството. Гаши ги охрабри институциите да дејствуваат правилно за да се дојде до правдата.Меѓу оние кои ги загубивме имаше уметници кои со години ја осветлуваа сцената, имаше фудбалски ѕвезди кои постепено се издигнуваа, и којзнае колку професионалци од разни области кои требаше да не направат горди. Песната на групата ДНК „Ако утре ме нема“, која до таа ноќ беше само рефрен, денес добива поинакво значење за секој што ја слуша, затоа што за некои од оние коишто пееа, утрешниот ден никогаш повеќе не дојде, додека за другите утрето дојде но без оние кои ја пееа“, изјави Гаши.Гаши се обрати и до родителите на загинатите.Вашата болка е болка на целото наше општество, но и споменот на вашите најмили е дел од нас и од нашата колективна свест. Сакам моето обраќање да го завршам со истите зборови кои ги напишав во книгата на жалост, оваа трагедија е последниот аларм за сите политички и општествени чинители, да се вратиме кон самите себе, кон нашата човечност и конечно да се издигнеме како феникс за повторно да ја изградиме оваа држава од почеток, но овој пат врз основа на правда, чесност, чиста совест и искреност. Трагедијата од Кочани нека биде последна трагедија во нашата земја, но и наш водич кон праведна држава со владеење на правото. Нека е вечен нивниот спомен“, изјави Гаши.

Македонија | пред 2 седмици

Гаши во официјална посета на Вашингтон

Претседателот на Собранието на Република Северна Македонија, г. Африм Гаши, во периодот од 2 до 7 февруари 2026 година ќе престојува во официјална посета на Вашингтон, Д.Ц., Соединетите Американски Држави.„За време на посетата, претседателот Гаши ќе учествува на Националниот молитвен појадок (National Prayer Breakfast), еден од најзначајните традиционални настани во САД, како и ќе оствари низа средби со американски конгресмени и претставници на меѓународни партнерски организации, со фокус на зајакнување на институционалното и политичкото партнерство.Во рамки на агендата, претседателот на Собранието ќе се обрати на Форумот за безбедност во Американскиот конгрес, на кој учествуваат лидери од европските земји и претставници на Американскиот конгрес, каде што ќе се дискутира за инвестициите во областа на одбраната, регионалната безбедност и трансатлантското партнерство.Исто така, претседателот Гаши ќе биде дел од панел-дискусијата на конференцијата „Balkans Forward Summit“, организирана од Атлантскиот совет.Целта на посетата е продлабочување на односите со Соединетите Американски Држави и унапредување на соработката во областа на демократијата, безбедноста и интеграциите“, информираат од Собранието.

Македонија | пред 1 месец

Денеска Гаши ќе ги распише локалните избори

Претседателот на Собранието, Африм Гаши денеска се очекува да ги распише локалните избори, иако се уште нема официјална потврда од Кабинетот на спикерот.Ова ќе бидат осми локални избори по ред од независноста на државата.Утрешниот ден всушност е и последниот рок за распишување на изборите кои, според најавите треба да се одржат на 19 октомври.Со чинот на распишување ќе почнат да течат роковите за изборниот процес. Локалните избори треба да се одржат и завршат на 19 октомври за советниците, а доколку има втор круг за градоначалници гласањето ќе биде на 2 ноември.На локалните избори, граѓаните ќе бираат градоначалници и советници во 80 општини и Градот Скопје.Веднаш по распишувањето, ќе се состане Државната изборна комисија и ќе го утврди календарот-роковник.Рокот за поднесување на листите, според законот е најдоцна 35 дена пред денот на одржување на изборите, што значи подносителите имаат рок најдоцна до 15 септември за да ги поднесат листите со советници и градоначалници.Државната изборна комисија ќе има неколку дена да ги провери и најдоцна 27 септември да ги утврди листите.Изборната кампања ќе трае започнува на 30 септември.Вкупниот буџет за одржување на локалните избори 2025 изнесува 9 милиони и 760 илјади евра, од кои две третини се пари наменети за медиумите и платеното политичко рекламирање.т

Македонија | пред 7 месеци

Апасиев поднесе тужба против Собранието и претседателот Гаши: „Поништувањето на расправата за Кочани е противзаконско“

Лидерот на Левица и претседател на Постојаната анкетна комисија за заштита на слободите и правата на граѓанинот, Димитар Апасиев, денеска објави дека поднел тужба до Управниот суд против Собранието на Република Македонија и неговиот претседател Африм Гаши.Причина за тужбата, како што наведува Апасиев, е одлуката за поништување на надзорната расправа за случувањата во Кочани, која требаше да се одржи токму на Комисијата со која тој претседава. Според него, ваквиот потег е противзаконски.„Денес поднесов ТУЖБА до Управниот суд против Собранието на РМ и спикерот Африм Гаши – за противзаконското поништување на Надзорната расправа за Кочани“, напиша Апасиев на ФБ.

Македонија | пред 8 месеци

Африм Гаши хоспитализиран со стомачни болки – состојбата стабилна, засега без потреба од операција, велат од Министерството за здравство

Претседателот на Собранието, Африм Гаши, е хоспитализиран и се наоѓа во стабилна здравствена состојба, информира Министерството за здравство.Гаши бил примен на Клиниката за дигестивна хирургија околу полноќ, поради силни болки во стомакот. Веднаш по приемот му биле направени сите потребни радиолошки и лабораториски испитувања, при што е дијагностицирана интестинална опструкција на тенкото црево – состојба која подразбира нарушено движење на содржината низ цревото.Според официјалната информација, Гаши е задржан на болничко лекување и е под постојан лекарски надзор. Во моментов се применува конзервативен медикаментозен третман, односно терапија без хируршка интервенција, бидејќи засега нема индикации за операција.Министерството најави дека јавноста ќе биде навремено информирана доколку има промени во неговата состојба.

Македонија | пред 8 месеци

Кабинетот на Гаши потврди: Хоспитализиран е, состојбата му е стабилна и се вршат испитувања

Претседателот на Собранието на Република Северна Македонија, Африм Гаши, е хоспитализиран на Универзитетската клиника за дигестивна хирургија, потврдија денеска од неговиот Кабинет. Во соопштението се наведува дека здравствената состојба на Гаши е стабилна и дека се вршат детални лекарски прегледи.„Во врска со информациите објавени во медиумите за здравствената состојба на Претседателот на Собранието, ја информираме јавноста дека тој вчера беше примен на Клиниката за дигестивна хирургија. Неговата состојба е стабилна, а сите понатамошни информации ќе бидат навремено соопштени од надлежните институции“, стои во реакцијата на Кабинетот.Скопје1 прв ја доби потврдата од директорот на Клиниката, проф. д-р Огнен Костовски дека Гаши е згрижен на нивниот оддел. Тој изјави дека бил примен околу полноќ со симптоми на претплет на цревата, поради што веднаш бил задржан во болница.„Пациентот е хоспитализиран и засега се третира со медикаментозна терапија. Не е предвидена хируршка интервенција. Состојбата е под контрола и се следи од страна на стручниот тим“, изјави проф. д-р Костовски.

Македонија | пред 8 месеци

Директорот на дигестивна хирургија, Огнен Костовски: Гаши е хоспитализиран на Клиниката, се третира со медикаментозна терапија

Претседателот на Собранието на Република Северна Македонија, Африм Гаши, доцна синоќа бил примен на Клиниката за дигестивна хирургија при Универзитетскиот клинички центар „Мајка Тереза“ во Скопје.Информацијата за неговата хоспитализација ја потврди директорот на клиниката, проф. д-р Огнен Костовски, за Скопје1. Тој изјави дека Гаши бил примен нешто по полноќ, со сериозни болки и тегоби во стомачната регија.„Пациентот беше примен поради претплет на цревата. Состојбата внимателно се следи, а за сега не е планирана хируршка интервенција. Се третира со медикаментозна терапија и е под постојан лекарски надзор“, ни изјави проф. д-р Костовски.Засега нема официјални информации за тоа колку долго ќе остане на болничко лекување и дали неговата здравствена состојба ќе влијае на неговите активности како претседател на Собранието.

Македонија | пред 8 месеци

Околината на Собранието ќе биде безбедна зона, а во неа забрана за протести и дронови

Претседателот на Собранието, Африм Гаши денеска најави дека со посебен закон, околината на Собранието ќе биде прогласена за безбедносна зона. Тој информира и дека тој дел не е во рамките на реформите кои се подготвуваат за безбедност и независно обезбедување во Собранието.Предлог-законот предвидува сериозни ограничувања во периметарот околу Собранието, вклучувајќи целосна забрана за одржување јавни собири, протести, манифестации и летање со дронови. Покрај тоа, ќе се забранат и сите градежни активности и поставување на инсталациона или линиска инфраструктура во дефинираниот безбедносен простор.Според член 8 од законот, ќе бидат забранети:Градежни активности;Поставување на линиска и инсталациона инфраструктура;Јавни собири, протести и манифестации;Летање со дронови и други беспилотни летала над Собранието и безбедносната зона.Со законот се предвидува и укинување на сите претходно одобрени дозволи за градба во оваа зона, како и раскинување на постоечките договори за земјиште во просторот што ќе биде прогласен за безбедносна зона.Покрај Африм Гаши, предлогот е потпишан и од пратениците Беким Коку, Блерим Беџети, Борислав Крмов, Весна Бендевска, Никола Мицевски и Оливер Спасовски. Надлежно работно тело за разгледување на законот е Комисијата за одбрана и безбедност.Предлогот доаѓа во период на зголемени политички тензии и зачестени протести, што веќе предизвикува реакции во јавноста и кај граѓанските организации, поради можноста за ограничување на уставно загарантираните права и слободи.

Македонија | пред 9 месеци

Спикерот Гаши со народни пари на Ифтар угости премиер, пратеници, политичари

Во Клубот на пратеници, спикерот угости пратеници, премиерот, функционери, припадници на верските заедници. Некои пратеници објавија фотографии и се пофалија дека биле на Ифтарска вечера кај претседателот на Собранието, Африм Гаши.Ова ги изреволтира граѓаните и следуваа коментари, критики но и бришења и менување постови.Граѓаните рекоа, ова е во Клуб на пратеници, значи сте биле кај нас дома, ние го плаќаме. Ако сакал Гаши да ве угости можел дома кај него да ве викне или да плати вечера во некој ресторан. И бидејќи празникот трае еден месец, ифтарски вечери од народни пари сега, по стариот обичај ќе организираат министри, директори и додиректори.А нели ние сме секуларна држава, религијата е одвоена од државата. Дали да очекуваме на кршење јајца, јагнешко и што ли уште не, да поканат претседателката, премиеротот, министрите. И повторно народот да плати.Не чувме дека некој изреагира бидејќи народот вели сложни попови и во петок мрсат.Претходно ова го правеше Талат Џафери. И не држи реченицата, „И вие така правевте“, бидејќи за такво правење и ги сменивме.

Македонија | пред 1 година

Гаши објаснува, изгласувањето на интерпелацијата на Даути не значело и нејзино разрешување

Собранискиот спикер Африм Гаши, преку соопштение дообјаснува то значи изгласувањето на интерпелацијата за пратеничката Илире Даути, претседател на Комисијата за социјална политика, демографија и млади.,,Изјавите на одредени медиуми кои велат дека резултатот од гласањето за интерпелација наложува разрешување на г-ѓа Даути се неточни. Нагласуваме дека гласањето за интерпелацијата е израз на пратениците и нема правно обврзувачки последици за разрешување и нема правно дејство.Именувањата и разрешувањата се уредуваат со други посебни процедури утврдени во Деловникот на Собранието, законите и Уставот”, стои во соопштението од Собранието.Собранието на Република Северна Македонија, посочуваат, останува цврсто на заложбата за зачувување на институционалниот интегритет, почитување на законите, Деловникот, Уставот и обезбедување на транспарентност во сите собраниски процедури.Останува нејасно што значи изгласувањето на интерпелација и ако тоа не повлекува и разрешување за што денеска дебатираа и се караа пратениците.Инаку интерпелацијата ја поднесе Левица, бидејќи Даути не сакаше да закаже седница на Комисијата во врска со Законот за бранители, предложен од СДСМ, чии пратеници денеска не беа во собраниската сала.

Македонија | пред 1 година

Толкувањата на Св. Климент „гладен да нахраниш, жеден да напоиш, патник да прибереш и гол да облечеш, чест на презвитери да направиш...“ се врежани во секој наш ден, вели Гаши

„Во име на пратениците и во мое лично име ви го честитам големиот празник "Св. Климент Охридски", патрон на македонската православна црква, прв словенски епископ, духовник, просветител и учител“, вели Африм Гаши, претседател на Собранието и додава:„Толкувањата на Св. Климент „гладен да нахраниш, жеден да напоиш, патник да прибереш и гол да облечеш, чест на презвитери да направиш...“ и денес длабоко се врежани во секој наш ден, постапка и стремеж на чиниме добрина. На овој голем празник да се навратиме на суштината, на темелите на човештвото и да ја шириме добрината, обединето да чекориме кон вредностите за кои беседел Свети Климент“.

Македонија | пред 1 година

Оштетувањето на каналот во Косово е терористички акт и закана за мирот во регионот, регира Гаши

„Оштетувањето на каналот Ибер-Лепенец и фрлањето на граната во близина на општинската зграда во Звечан, Косово, се терористички и насилнички акти кои имаат за цел дестабилизација и закана на безбедноста и мирот во Косово и регионот“, вели претседателот на Собранието, Африм Гаши. и додава:Остро ги осудуваме овие кукавички обиди за оштетување на виталната инфраструктура на снабдување и за поттикнување страв и несигурност кај граѓаните.Силно ги поддржуваме институциите на Косово во нивната заложба за заштита на редот, безбедноста и суверенитетот на земјата“.

Македонија | пред 1 година

Гаши од Рига: Оваа битка не е и не смее да биде битка само на Украина

„Дозволете ми на самиот почеток да искажам дека ми е особена чест што сум денеска тука, заедно со моите колеги, претседатели на парламенти на демократски држави, сите обединети во поддршката на Украина и Крим за зачувување на територијалниот интегритет и суверенитет и одбрана од руската агресија“, рече претседателот на Собранието, Африм Гаши на 3. Парламентарен самит на Меѓународната кримска платформа во Рига.„Оваа битка не е и не смее да биде битка само на Украина. Ова е и наша битка, битка на сите демократски сили, затоа што мора здружено и обединето да се спротивставиме на сите оние кои сакаат со непочитување на територијалниот интегритет и суверенитет, и со непочитување на меѓународното право и принципи, преку агресија да освојуваат туѓи територии и притоа да нанесуваат голема неправда и големо злосторство врз невините граѓани.Честа за мене е голема, но навистина жалам што за некој месец ќе одбележиме три години од агресијата на Русија врз Украина.Тоа се три години страдање, три години кои одземаа многу невини жртви, беа урнати многу домови, милиони Украинци се раселени, одземено е безгрижното детство и уништена е младоста на цели генерации Украинци. Речиси три години војна одземаа значајно време и многу ресурси кои Украина наместо да ги посвети на својот економски развој и напредок, ги посвети на борба за својата слобода и независност.Тоа го гледаме во Крим и во Украина, за жал го гледаме на Блискиот Исток. Со нашето присуство тука, ние денеска ја потврдуваме нашата непоколеблива посветеност на принципите кои нѐ поврзуваат заедно: почитувањето на територијалниот интегритет, суверенитет и правото на самоопределување.Ситуацијата на Крим не е само регионална грижа; тоа е глобален предизвик за меѓународниот поредок заснован на правила.Тековната окупација и анексија на Крим од страна на Руската Федерација претставува очигледно кршење на меѓународното право и наша колективна одговорност е да се справиме со оваа неправда.Денеска, кога сме собрани овде на едно место за да ја изразиме нашата цврста поддршка не само на Украина и Крим, туку и за демократските вредности кон кои сите ние се стремиме слобода, мир и почитување на човековите права одбележуваме еден значаен јубилеј, а тоа е 80 години од депортацијата на Кримските Татари од нивните древни огништа.Важно е да се сеќаваме на овие трагедии, да зборуваме за жртвите, за траумите и за последиците од тие трауми, за ваквите злосторства да не се повторуваат.Дозволете ми на крајот, во мое лично име, и во име на Собранието на Република Северна Македонија уште еднаш да ја потврдам нашата подршката за украинскиот народ и држава со сите наши можности, сѐ до целосна слобода на Украина“, изјави Гаши.

Македонија | пред 1 година

Не бре Гаши, не е ова албанофобија и исламофобија, туку борба со криминалци кои се претставуваат како политичари, вели Најчевска

Професорката Мирјана Најчевска „удри“ по собранискиот спикер Африм Гаши, кој вчера оцени дека предлог за негова интерпелација е албанофобија и исламофобија.„Ако го обвиниш Африм Гаши дека ги прекршил законите и Уставот тоа е албанофобија. Ако го повикаш Афрм Гаши на одговорност за прекршување на Уставот и законите - тоа е исламофобија. Демократијата и владеењето на правото во една држава се обратно пропорционални со нивото на неказнивост на високите функционери во власта“, вели Најчевска и додава:„Според ситуацијата со Африм Гаши, демократијата и владеењето на правото во Македонија се на 0. Не бре Африм Гаши. Не е ова албанофобија и исламофобија. Ова е едноставно борба со криминалци кои се претставуваат како политичари.

Коментари | пред 1 година

Африм Гаши „на тапет” пред пратениците

Денеска народните избраници за прв пат во овој парламентарен соњтав ќе гласаат за менување или не на првиот меѓу еднаквите, спикерот Африм Гаши.Интерпелацијата за собранискиот спикер Гаши е поднесна од Левица.Според распоредот на силите и најавите кој како ќе гласа, интерпелацијата тешко ќе добие мнозинство.ВМРО-ДПМНЕ и ВЛЕН нема да ја поддржат иницијативата за интерпелација, додека пратениците на СДСМ и Коалицијата и Левица ќе гласаат „за“.Од ДУИ нема прецизен одговор. Неофицијално интегративците на Ахмети на почетокот на седницата ќе го искажат ставот зошто и што му забележуваат на Гаши и ќе ја напуштат собраниската без да гласаат.Интерпелацијата, Левица ја засноваа на 7 точки во 10 страници каде според нив собранискиот спикер работел нестручно, неуставно и неделовнички, но и како што наведуваат ја повредил секуларноста на државата бидејќи дозволил извршување на верски обреди на една од седниците на комисиите . Во забелешките е наведен и случајот со косовската претседателка Вјоса Османи на скопскиот аеродром за што Гаши исто така посочи пак дека реагирал со цел да избегне инцидент а останатите прашања повторно ги адресираше на МВР. Според Левица, Гаши како претседател на Законодавниот дом направил и повреда на употребата на македонскиот јазик затоа што заклетвата што ја даде како веќе избран претседател прво ја дал на албански, а не на македонски јазик. Во интерепалцијата е наведено дека спикерот го злоупотребил и Законот за државни симболи .Опозицијата ќе ја искористи можноста и да говори за скандалот со сватовите и свадбата на Косово.Интерпелација е регулирана во Деловникот на Собранието.Право да ја образложи интерпелацијата на седница на Собранието има еден од пратениците што ја поднеле интерпелацијата, во траење од 20 минути.Субјектот на кого му е поставена интерпелацијата има право да го образложи својот писмен одговор или да даде устен одговор на поставената интерпелација, во траење од 20 минути.Претресот по интерпелацијата трае еден работен ден до исцрпувањето на листата на пријавените пратеници за збор, а се одлучува најдоцна до 24,00 часот.За да биде разрешен функционер потребна е поддршка од 61 пратеник.

Македонија | пред 1 година

Гаши пред обидот за негова интерпелација, испрати порака до пратениците

Среќен сум што имам можност за интерпелација за да објаснам некои работи што во јавноста беа искажани, истакна Претседателот на Собрание Африм Гаши во интервју за ТВ Сител во пресрет на утрешната интерпелација.Според него е ова одраз на демократија и демократки процеси во една една држава: Убаво е да имаме различни мислења, тоа е суштината на демократијата. Би било лошо да има едноумие и тој систем сме го поминале. Многу сум среќен што утре ќе имам шанса да одговорам пред јавноста за се што беше засегната и заинтересирана.Гаши потенцира дека неговата совест е мирна и чиста и со ништо не придонел за да се предизвика проблем.„Имам мирна и чиста совест дека со ништо не сум предизвикал хистерија во јавноста. Самата интерпелација не се однесува за нешто што е принципиелно прекршено во Собранието, или да е скратено правото на некој пратеник или пратеничка група, туку повеќе станува збор за тривијални теми кои добиваат на знаење во социјалните медиуми. Но подготвен сум и за тоа да разговарам. На најдостоинствен начин ја работам својата работа. Најчесно и најодговорно. Утре пратениците ќе го кажат своето мислење, а јас сум подготвен на секаков одговор и секаква одлука што ќе ја донесе нашето Собрание да ја почитувам“. Тој ги повика сите пратеници и од опозицијата и од својата партија утре да гласаат индивидуално според своето лично убедување.„Јас оваа интерпелација не ја гледам тоа од политички аспект, туку индивидуално од секој пратеник. И би го поканил секој пратеник да гласа според своето лично убедување. Ги молам и пратениците од мојата коалиција Вреди, да гласаат на таков начин. Треба да се научиме така да одговараме пред јавноста. Интерпелацијата е една многу демократска алатка што овозможува да дадеме отчет и пред пратениците и пред граѓаните и треба да се научиме на тоа. И утре ќе излезам со свој одговор пред јавноста и пратениците и верувам дека сите ќе гласаат според своето убедување и според својата чиста совест. За оваа интерпелација им се заблагодарувам и на Левица за дадената можност да ги изнесам своите аргументи, позади кои стојам и денес“, дополни спикерот Гаши.

Македонија | пред 1 година

ВРЕДИ со осудата на интерпелацијата за Гаши ги напаѓа демократските институции и Собранието, укажува Најчевска

Интерпелацијата на претседателот на законодавниот дом наскоро пред народните избраници. За коалицијата ВРЕДИ, бесмислен политички експеримент и обид за дестабилизација, претставува обидот за смена на Гаши. Според професорката по право, Мирјана Најчевска, ова е напад на ВРЕДИ врз демократските институции.„Како може регуларна демократска процедура како што е интерпелацијата да биде напад врз државните институции и да е против евроатлантската интеграција? Всушност, според мене, ВРЕДИ со самиот акт на осуда на институтот интерпелација директно ги напаѓа демократските институции, функционирањето на Собранието и принципот на владеење на правото“, вели Најчевска и појаснува:„Ваквиот директен напад на институт кој е предвиден и гарантиран со Уставот на Македонија (член 72 од Уставот) е директен акт на повикување на противуставно делување и само чекор од насилно рушење на уставниот поредок. Според членот 72 од Уставот: Интерпелација може да се постави за работата на секој носител на јавна функција“.

Коментари | пред 1 година

Гаши индиректно призна дека отишол по невеста во Косово: Известивме во МВР!

„Со оглед на неточните и тенденциозни тврдења на одредени медиуми околу вчерашното патување на претседателот на Собранието, сметаме дека е неопходно да ја информираме јавноста за следните факти“, велат од законодавниот дом откако ЛДП праша „Носеше ли Гаши патен налог со себе денеска кога со службено возило отиде по невеста во Косово?“. Од Собрание додаваат:Претседателот на Собранието е придружуван од обезбедувањето 24/7, како што е наложено со закон. Овој безбедносен детал функционира строго во законската рамка и ги следи сите протоколи што ги бара државата.Претседателот на Собранието на 17 август 2024 година, заедно со неговото семејство, отпатува во соседната земја Косово. Оваа посета беше целосно транспарентна и усогласена со сите потребни процедури. Пред поаѓањето уредно беа известени и Министерството за внатрешни работи и МНР и e доставена сета потребна документација според утврдениот протокол за секое службено лице кое ја напушта државата.Надлежните органи можат да ја потврдат оваа информација, дека сите постапки се во согласност со одговорностите и обврските на претседателот на Собранието“.

Македонија | пред 1 година

Носеше ли Гаши патен налог со себе денеска кога со службено возило отиде по невеста во Косово?, прашува ЛДП

Либерално-демократската партија изразува загриженост од континуираното непристојно однесување и злоупотреба на службената положба на претседателот на Македонското Собрание, Африм Гаши.„Откако неговото обезбедување неодамна успеа да предизвика меѓународен инцидент на Скопскиот аеродром при посетата на косовската претседателка, Вјоса Османи, денеска Гаши повторно е во главна улога, овој пат како сват по невеста, со службено возило во свадбарска колона во соседно Косово.Прашуваме, дали господинот спикер, Африм Гаши, носел со себе патен налог и поседувал официјална документација за да може да оди по невеста со службено возило надвор од државата? Ако имал, бараме образложение по кој основ е издаден тој налог, за која намена, во кое времетраење и нормално, колку сето тоа нѐ чини нас, од чии даноци и се одржуваат возилата и државниот возен парк.ЛДП апелира да престане „каубојското“ однесување на одредени службени лица, претставници на институциите во државата и наместо да мафтаат со пиштоли по аеродроми и да одат на свадби во соседството со службени возила, да седнат и да сработат нешто за доброто на граѓаните и државата. Со единствена цел: спречување на злоупотребата на државните возила, ЛДП предлага сите службени возила да бидат видливо и јасно обележани (како такси возилата во Град Скопје) или сите да бидат бојадисани со иста боја.Само така, со носење на ваква конкретна мерка ќе може да се намалат злоупотребите во иднина, истовремено намалувајќи го и беспредметното трошење на буџетски средства за приватни и лични намени“, велат од Либерално-демократската партија.

Македонија | пред 1 година

Влен го брани Гаши: Со фанфари се бара политичка одговорност, се прави конструкција со обезбедувањето

„Како и во секој политички експеримент, така и во интерпелацијата за Претседателот на Собранието, Африм Гаши, има неопходни елементи. Потребен е мотив како аеродромскиот инцидент. Потоа, координирано се креира хистерија во јавноста“, велат од Коалицијата ВЛЕН.Тие додаваат:„На фанфари се бара политичка одговорност. Се прави конструкција со обезбедувањето на Претседателот на Собранието. Левица е подносител на интерпелација, СДСМ е подржувач, а ДУИ бара алиби за јавно да влезе во ова друштво и од страничен подбуцнувач да ја преземе улогата на политички координатор.Што е целта? Сигурно не е одбрана на дипломатските односи со Косово, ниту Охридскиот Рамковен договор, туку целта е да се предизвика политички земјотрес. Зошто? За да се стави на тест владиното мнозинство и да некој да провери дали опозицијата може да најде заеднички интерес да делува здружено.Пратениците на ВЛЕН се подготвени да ја бранат честа на Албанскиот народ, стратешкото партнерство со САД и ЕУ вредностите. Клучната дилема е дали ДУИ до толку е исплашен од тоа што следи што е подготвен да се координира и со Левица само да не се зборува за криминалот на нивните поранешни функционери? Доаѓа време за вистината!“.

Македонија | пред 1 година

Гаши не ја признава државата чиј пратеник е, Османи не ја почитува Македонија, алармира Најчевска по скандалот на аеродромот

Професорката по право, Мирјана Најчевска ја обвини претседателката на Косово, Вјоса Османи за непочитување на институциите на Македонија и државата. Истовремено, смета дека Гаши покажал дека не ја признава државата чиј пратеник е.„Прво, низ скенерот на аеродром не смее да се помине се телефон. Значи телефонот мора да биде оставен настрана. Второ, со претседателката на Косово требало да има лице од амбасадата на Косово во Македонија а нејзиното обезбедување нема никакви ингеренции освен заштита на нејзиниот физички интегритет. Трето, доколку имало некаков проблем лицето од амбасадата треба да реагира до МНР кое е единствено надлежно за разрешување на вакви ситуации.Вмешувањето на обезбедувањето на Гаши е спротивно на законите и треба да биде соодветно санкционирано (доклку имало репетирање на пиштол треба да се бара и кривична одговорност. Со тоа што Претседателката на Косово му се јавила на Гаши наместо да оди преку регуларни канали на институциите на Македонија покажала елементарно непочитување на државата во која во моментот се наоѓа. Со тоа што Гаши испратил свое обезбедување да решава проблем поврзан со странски граѓанин Гаши покажал дека не ја признава државата чии пратеник е и не ги признава нејзините институции“.

Коментари | пред 1 година

Гаши си го правда обезбедувањето за инцидентот на аеродром: Они ги смируваа!

Кабинетот на претседателот на Собранието на Северна Македонија, Африм Гаши, демантира какво била вмешаност на членови на неговото лично обезбедување во денешниот инцидент на скопскиот аеродром, како што пренесуваат одредени медиуми.“Наспроти овие информации, членовите на безбедносниот тим на претседателот на Собранието Гаши биле присутни само за да се смири ситуацијата настаната од недоразбирањето меѓу обезбедувањето на претседателката на Република Косово, Вјоса Османи, и припадниците на аеродромското обезбедување.Обезбедувањето на претседателот Гаши, кои се вработени во МВР, интервенирале да ја смират ситуацијата и да им помагаат на нивните колеги за спроведување на безбедносните постапки при посета на ВИП личности.Притоа потенцираме дека секое известување кое го сугерира спротивното е тенденциозно. Исто така ги повикуваме и медиумите кои известуваат за овој настан да ги проверат тие информации пред да објават вакви тврдења и да постапат со професионална и етичка одговорност”, велат од Гаши.

Македонија | пред 1 година

Од ТАВ раскажаа што се случило на скопскиот аеродром со обезбедувањето на Гаши: не беше загрозена безбедноста

“Во врска со објавата за инцидентот кој се случи денеска на Меѓународниот Аеродром Скопје, во ВИП-салонот, би сакале да известиме за следното:Во согласност со Законот за воздухопловство и меѓународната законска регулатива која се однесува на обезбедување на цивилното воздухопловство, ТАВ Македонија како аеродромски оператор има законска обврска за спроведување на безбедносен преглед на сите патници, багаж и стоки на летовите од Меѓународниот Аеродром Скопје и од Аеродромот Свети Апостол Павле Охрид, вклучувајќи ги и патниците кои патуваат преку ВИП-салонот.Оттука, Одделот за Обезбедување на ТАВ Македонија, постапувајќи во рамките на своите овластувања спроведе стандардна безбедносна проверка на споменатиот патник како и на неговиот багаж, на пунктот за безбедноста проверка во ВИП- салонот, со цел обезбедување на конкретниот комерцијален лет.Сакаме да потенцираме дека авијациската безбедност не беше загрозена, поради тоа што споменатиот инцидент се случи во јавната зона на аеродромот, односно пред пунктот за безбедносна проверка на ВИП-салонот од каде ВИП-патниците откако ќе бидат проверени од Обезбедувањето се упатуваат во безбедносно-контролирана зона на аеродромот.Исто така, сакаме да потенцираме дека ВИП-салонот е посебна зграда изолирана од главната терминална зграда на скопскиот аеродром, што значи дека е комплетно неточно дека била загрозена безбедноста на патниците.Со цел точна слика за случката и спречување на ширење дезинформации, за сите детали во однос на инцидентот, ги упатуваме медиумите да се обратат до надлежните институции”, велат од ТАВ Македонија за инцидентот со обезбедувањето на Африм Гаши.

Македонија | пред 1 година

Средба на претседателот на Собранието Гаши со албанскиот претседател Бегај

Претседателот на Собранието на Република Северна Македонија, Африм Гаши, оствари средба со претседателот на Албанија, Бајрам Бегај, кој престојува во Скопје, во рамки на Самитот на Процесот за соработка во Југоисточна Европа (ПСЈИЕ).На средбата, соговорниците посебно се осврнаа на соработката меѓу двете земји, при што се согласија дека Северна Македонија и Албанија негуваат одлични меѓусоседски односи и искрено пријателство, иако, како што забележаа, секогаш има простор за уште поинтензивна комуникација на билатерален, но и на регионален план, како и во процесот на интеграција во Европската Унија.Нашите две земји секогаш имале заеднички цели кон кои одиме заедно, рече претседателот на Собранието на РСМ, посочувајќи дека Северна Македонија пред повеќе години се соочи со пречка на патот кон НАТО, каде што, сепак, сега е полноправна членка. Во тој контекст, претседателот Гаши изрази надеж дека овој пат Северна Македонија и Албанија ќе продолжат заедно да напредуваат на патот кон ЕУ и дека во ист ден ќе станат полноправни членки.Претседателот на Албанија истакна дека реформите што ги преземаат двете земји во однос на евроинтеграцијата не се само за остварување на критериумите на ЕУ, туку пред се за развој на земјите и за постигнување бенефити за граѓаните.Како носители на јавни функции, рече Бегај, треба да бидеме фокусирани на сегашноста и на создавање подобра иднина, со цел на новите генерации да им оставиме развиен и просперитетен регион.Соговорниците се осврнаа и на претстојната 11. Пленарна сесија на Парламентарното собрание на ПСЈИЕ, што ќе се одржи од 18 до 20 јуни во Собранието на РСМ, по што Албанија треба да го преземе од Северна Македонија едногодишното претседавање со овој процес.Тоа е уште еден знак за нашата посветеност за продлабочување на регионалната соработка, рече Гаши, изразувајќи задоволство што на крајот на оваа пленарна сесија ќе го предаде претседавањето со ПС на ПСЈИЕ на Делегацијата на Парламентот на Албанија.Во насока на понатамошно продлабочување на соработката меѓу Северна Македонија и Албанија, како и меѓу сите земји од регионот, претседателот Гаши истакна дека приоритет треба да бидат и инфраструктурните проекти. На тој начин, како што рече Гаши, ќе се обезбеди подобро поврзување меѓу државите и граѓаните, како предуслов и за економско унапредување на регионот во целина. Мора да продолжи изградбата на патиштата, енергетското и железничкото поврзување во рамки на Коридорот 8, со цел поголема размена на луѓе, стоки и услуги, за што постои огромен потенцијал, рече претседателот Гаши.

Македонија | пред 1 година

Средба на претседателот на Собранието Африм Гаши со италијанскиот амбасадор Андреа Силвестри

Претседателот на Собранието на Република Северна Македонија, Африм Гаши, денеска оствари средба со Андреа Силвестри, амбасадор на Италијанската Репубика во РС Македонија.Амбасадорот Силвестри му го честиташе изборот на Гаши за претседател на Собранието, како претседател избран со забележителен број гласови, посакувајќи му успешна работа и подвлекувајќи го демократскиот механизам на самиот избор. Притоа, му врачи честитка од претседателот на Италијанскиот сенат, Игнацио ла Русa, со желби за успех во натамошната работа.Претседателот Гаши го запозна амбасадорот со тековните активности на законодавниот дом, претстојното формирање на комисиите и другите работни тела, и очекувањето за брзо формирање на новата Влада. Истакна дека како одговорен претседател ќе остане отворен за соработка со сите политички партии претставени во Собранието, бидејќи сите треба да работат за доброто на граѓаните и државата во целина. Во контекст на билатералната соработка меѓу двете земји, претседателот истакна дека високо ја вреднува соработката со пријателска Италија, земја силен поддржувач на РС Македонија на евроинтеграцискиот пат.Амбасадорот Силвестри го информираше претседателот за постојните релации на планот на меѓупарламентарната соработка и изрази надеж дека успешната соработка ќе продолжи и во иднина по формирањето на пратеничката група во Собранието за соработка со Италијанскиот парламент. Беше споменато и неодамнешното одблежување на 30 години од воспоставените дипломатски односи меѓу Италија и Република Северна Македонија, при што амбасадорот му подари примерок од Публикацијата отпечатена по овој повод.Двајцата соговорници разменија мислења за идната законодавна агенда, фокусот кон евроинтеграцијата на земјата и улогата на Собранието во тој процес, задржувањето на конструктивен и пријателски однос со сите соседи и градење на мостови на соработка со земјите од целот регион.

Македонија | пред 1 година