КИМ ЈОНГ УН

Ким Јонг Ун се закани: „Ќе платат немилосрдна цена“

Лидерот на Северна Кореја, Ким Јонг Ун, изјави денеска на седница на националниот парламент дека земјата никогаш нема да се откаже од својот статус на нуклеарна сила.„Владата ќе продолжи постојано да го зајакнува статусот на нуклеарна држава како апсолутно неповратен и ќе покрене офанзива против силите што ни се спротивставуваат за да ги скрши сите нивни провокативни акции“, предупреди тој.Како што пренесе државната агенција KCNA, севернокорејскиот лидер најавил и нов петгодишен економски план, паралелно со проширување на нуклеарниот одбранбен капацитет.Во своето обраќање, Ким официјално ја прогласи Јужна Кореја за непријателска држава.„Особено Јужна Кореја ќе ја сметаме за најнепријателска држава и целосно ќе ја отфрлиме и игнорираме со најјасни зборови и дела“, нагласи тој.Според него, секое евентуално мешање на Сеул во внатрешните работи на Северна Кореја ќе биде проследено со „немилосрдна одмазда“.„За какви било дејствија на Јужна Кореја што влијаат врз нашата република, ќе ја натераме да плати немилосрдна цена, без никакво разгледување и без двоумење“, порача Ким.На парламентарната седница беа усвоени и измени на Уставот, а на делегатите им била прочитана и порака од претседателот на Русија, Владимир Путин, кој изразил подготвеност за продлабочување на стратешкото партнерство меѓу Москва и Пјонгјанг.

Свет | пред 6 дена

Ким Јонг-ун со солзи за загинатите севернокорејски војници во Русија

Севернокорејскиот лидер Ким Јонг-ун не ги сокри своите емоции за време на свечената церемонија на која се оддаваше почит на севернокорејските војници загинати борејќи се на страна на руската војска во Украина.Настанот се одржа во недела, по повод годишнината од одбранбениот пакт меѓу Пјонгјанг и Москва. За време на оперската претстава, прикажани беа снимки од боиштата, а на големиот екран зад оркестарот се емитуваа моменти кога Ким клечи и ги положува рацете на ковчег покриен со севернокорејското знаме.Според снимките што ги објави државната телевизија, Ким бил видливо потресен, со солзи во очите, длабоки воздишки и забрзано дишење додека ги гледал сцените од фронтот. Во други делови од видеото се гледа како 41-годишниот лидер ги одобрува плановите за воените операции на Северна Кореја во руската Курска област. Таму, севернокорејски сили беа распоредени кон крајот на минатата година со цел да ѝ помогнат на Москва во борбите против украинските трупи.Церемонијата се одржа само неколку дена по свеченото отворање на ново летувалиште на морскиот брег, каде Ким беше придружуван од својата ќерка Ким Џу-ае. Таа стоеше до него и аплодираше додека пејач настапуваше пред слики од севернокорејски војници и тенкови обележани со рускиот симбол „Z“.

Свет | пред 8 месеци