КОВАЧЕВСКИ

Хајредини до Ковачевски: Ниеден премиер не отишол во РЕК Битола да се слика со трансформатор

Премиерот Димитар Ковачевски пред неколку дена беше во посета на РЕК Битола каде беше пуштен во употреба и третиот блок на Комбинатот.„Како што сите можеме да видиме денеска овде, РЕК Битола работи со полн капацитет. Монтажата на новиот трансформатор, што го изработи турската компанија Астор заврши успешно.Пуштен е во употреба и третиот блок во РЕК Битола, којшто веќе испорачува електрична енергија. Ова е голем и значаен придонес во зголемувањето на домашното производство на електрична енергија“, посочи премиерот КовачевскиНа социјалните мрежи реагираше Џевдет Хајредини кој вели дека досега ниту еден премиер не се сликал со трансформатор.„Ковачевски: Тоа што ветивме и го направивме, РЕК Битола е во целосна употреба.РЕК Битола 40 години бил во целосна употреба и ниеден премиер за тоа не се фалел, ниту некој министер од Скопје отишол во РЕК Битола да се слика со трансформаторот“, се вели во објавата.

Коментари | пред 3 години

Ако директорот на Телеком Љушев зема плата од над 700 илјади денари месечно, колку земал Ковачевски како десетгодишен директор, вели ВМРО-ДПМНЕ

Ако директорот на Телеком Љушев зема плата од над 700 илјади денари месечно, колку земал Ковачевски како десетгодишен директор во Телеком, вели ВМРО-ДПМНЕ„Функционерите на власта, па и Ковачевски се паразити кои ги цицаат парите на граѓаните.Додека граѓаните и со две минимални плати не можат да го прехранат своето семејство, луѓето на Ковачевски земаат енормни плати без притоа никој да не знае и што работат.Еден од паразитите на власта е и Фестим Халили, пак, од позиција директор на ФИТР зема 1.000 евра месечно и скоро 50 илјади за мандат, за нешто за кое граѓаните немаат апсолутно никаква корист.Уште еден пример за неразумна плата е и Миѓен Селмани член на Управен одбор и директор во М-НАВ кој зема 3000 евра месечно или 144 илјади за мандат.Тука е и Кире Наумов од СДС, директор на Македонска банка за обнова и развој, е уште еден во низата функционери дел од аферата Паразити. Наумов, кој беше допопнителен заменик министер за финансии на СДС, денес месечно зема над 2.500 евра плата, за една година тој наплаќа над 30.000 евра, а за еден мандат дури 120.000 евра. Значи додека владата им зема оброк на студентите, Наумов заработува на грбот на државата 2.500 евра секој месец.Додека пак директорот на АЕК, Јетон Акику, зема плата од 132.000 денари, поточно над 2.000 евра месечно или за една година околу 30.000 евра.Уште еден во низата функционери со високи плати, е и Славко Пројковски, финансиски директор во Телеком, каде сопственост има и државата, е со плата од над 6.000 евра месечно. Тој, за една година зема 72.000 евра, а за еден мандат од 4 години дури 288.000 евра.Тоа е исто, како директорот на Телеком Љушев, кој за само еден месец зема 11.500 евра, тоа за една година се над 138.000 евра, додека за еден четири годишен мандат над 552.000 евра.Но исто така и Ковачевски го граба народот. Имено, соларниот картел почнува со доаѓањето на СДС на власт, од тогаш до денес бизнисот е тежок 26 милиони евра.Дезертерот Ковачевски ја основа „Пиксел Груп“ 5 месеци по доаѓањето на СДС на власт.„Пиксел Груп“ е централната фирма во аферата „Броило“, и таа сега е содружник со бугарска фирма, со која заедно градат фабрика во Тетово од 54 милиони евра.„Пиксел Груп“, основана од Ковачевски добивала и државна помош, и тоа во време кога тој е и заменик министер, но и мандатар за состав на влада.Функционерите на СДС наместо да работат за граѓаните, тие се грижат колку повеќе да грабнат пари и да склучат договори во четири очи“, се вели во соопштението.

Македонија | пред 3 години

На Ковачевски му се здосади од тостови, се префрли на друга храна

Премиерот Димитар Ковачевски денеска претпладне ќе се обрати на настанот „Вкуси ја традицијата – Прв национален саем за храна и пијалоци“, заедно со министерот за земјоделство, Љупчо Николовски, на парцелата пред градскиот стадион во Скопје.Покана до граѓаните упати министерот Николовски.„Ве поканувам сите со вашите роднини, другари, дечиња да дојдете од часот во Градскиот парк во Скопје на Првиот национален саем на храна и пијалоци каде 200 македонски производители и 40 локални здруженија ќе го презентираат македонското земјоделство и гастрономија.Никогаш да не заборавиме како нашите сограѓани земјоделци, пазарџии, продавачи, работници во компании и други, на секакви временски влијанија макотрпно работат за да ни обезбедат храна, нешто што за жал се повеќе станува луксуз насекаде во светот“, објави Николовски.Настанот е во организација на Министерство за земјоделство и Слоу Фуд Македонија. Ова е прв саем со ваков обем, на кој ќе се претстават повеќе од 200 производители од над 40 локални здруженија, кои заеднички ќе ги презентираат македонското земјоделство и гастрономија.Инаку Ковачевски во изминатиот период често се фотографираше како порачува сува храна - еднаш во мензата на РЕК Битола и на два пати за време на партиските трибини во Прилеп и Битола, додека во една фабрика дегустираше чипс.

Македонија | пред 3 години

Kога ќе биде отворањето на клубот во Благоевград и тогаш ќе одам и јас, вели Ковачевски

Јас во Бугарија сум одел на многу средби, и кога ќе биде отворањето на клубот во Благоевград и тогаш ќе одам и јас, рече премиерот Димитар Ковачевски во одговор на прашање во однос на недостигот на наши државни претставници во врска со посетите на Македонците во Бугарија во споредба со бугарските државни претставници кои присуствуваат на отворање на бугарските клубови во земјава.– Вие кажавте дека бил поранешниот бугарски премиер во Битола на отворањето, и не можам да кажам дека беше многу позитивно тоа доаѓање.Сметам дека кога се оди од страна на државни претставници таа средба треба да биде официјална, истакна премиерот на гостувањето во вестите на Сител телевизија.

Македонија | пред 3 години

„Триглицеридите плафон му се на Таче“, загриженост за премиерот кој секој ден јаде брза храна и се слика

Ми беше задоволство што денешниот појадок со вкусен сендвич со мортадела и сок од боровница, го имав во кујната на РЕК Битола, објави вчера на фејсбук премиерот Димитар Ковачевски.Тој им се заблагодари на вработените во кујната на РЕК Битола за гостопримството и честа да појадува во нивната кујна.Пред една недела, Ковачевски објави фотографии од позната битолска сендвичара кае јадеше тост.За граѓаните ова е само лош ПР на премиерот, па се пошегуваа дека триглицеридите му се до плафон оти постојано го носат во сендвичари, бурекџилници и кебапчилници.https://twitter.com/deleted90808465/status/1588962826567430144?s=20&t=WY4NpLDRmGV-mDhG1cgZRQhttps://twitter.com/MuTetka/status/1589011405390303232?s=20&t=WY4NpLDRmGV-mDhG1cgZRQhttps://twitter.com/Gerasim_mk/status/1589014409040789504?s=20&t=ynrezREsINZJafb97mSW8ghttps://twitter.com/zena_sva/status/1588985071889186816?s=20&t=WY4NpLDRmGV-mDhG1cgZRQhttps://twitter.com/pandorabox97/status/1589075904860676096?s=20&t=WY4NpLDRmGV-mDhG1cgZRQhttps://twitter.com/pandorabox97/status/1589077987085135872?s=20&t=WY4NpLDRmGV-mDhG1cgZRQ 

Коментари | пред 3 години

Ковачевски не седнува со Мицкоски во четири очи

Димитар Ковачевски, премиер, најави дека за во среда се поканети Христијан Мицкоски и двајца економисти од ВМРО-ДПМНЕ. Ковачевски посочи дека нема да прифати т.н. „неутрално место“ за средба, туку само на состанок во Влада, во среда.„Местото каде се носат економски политики е Владата односно во економскиот совет во проширен состав, кој функционираше во корона кризата. Сите решенија од таму беа преточени во одлуки на комисии, тела и седници на Влада. Тоа е институционалниот начин за одлуки. Во среда има закажано состанок, каде поканети ќе се претседателот на ВМРО-ДПМНЕ и двајца економисти од ВМРО-ДПМНЕ кои и претходно беа поканети но не дојдоа“, посочи Ковачевски.Тој одби состанок на како што вели „во четири очи“, кога во прашање е Мицкоски.Инаку, претседателот на ВМРО-ДПМНЕ побара од Ковачевски да се сретнат во седиштето на неговата партија, за да му даде понуди односно контакти за купување на поевтина сруја.

Актуелно | пред 3 години

Милошоски: Ковачевски за 7 дена во Њујорк остварил само една билатерална средба, а трошел по 20000 долари за ноќевање

Дипломатски туризам на Ковачевски во Њујорк. Како премиер да предводиш делегација во Обединетите Нации, каде во исто време престојуваат над 130 државници од целиот свет, и за 7 дена да оствариш само една официјална билатерална средба (со МНР на Азербејџан), е голем дипломатски неуспех. Така заврши скапо платената шанса што ја имаше премиерот Ковачевски како шеф на делегацијата на 77-то Генерално собрание во ОН во Њујорк, со патување и ноќевање кое чини најмалку 20.000 долари за владината екипа, вели Антонио Милошоски од ВМРО-ДПМНЕ„Исходот, трошокот и престојот на Ковачевски во Њујорк повеќе наликуваат на државно-платен фамилијарен туризам, наместо на државнички престој исполнет со многу корисни средби со странски премиери и претседатели. За жал.Споредено со Ковачевски, хрватскиот премиер Пленковиќ не престојувал 7, туку 4 дена во Њујорк, но не остварил една, туку 5 билатерални средби на највисоко ниво: со премиерот на Канада, со претседателот на Словенија, премиерот на Норвешка, со државниот секретар на САД, како и со Претседателот на Советот на ЕУ.Тоа е големата разлика. Хрватскиот премиер со помала делегација, помалку денови престој во Њујорк и повеќе официјални средби, додека премиерот Ковачевски обратно, гломазна делегација, долг престој во Њујорк, и само една официјална билатерална средба. Резиме: Македонија не виде корист од оваа посета на Њујорк, но битно Ковачевски го виде Њујорк“, додава тој.

Македонија | пред 3 години

(ВИДЕО) Ковачевски со честитка за Денот на независноста: Обединети во слободата да ги продолжиме перспективите

Премиерот Ковачевски со честитка за Денот на независноста: Обединети во слободата да ги продолжиме перспективите, нека ни е честит и вековит Денот на независностаПо повод Денот на независноста, претседателот на Владата на Република Северна Македонија Димитар Ковачевски, упати честитка до сите граѓанки и граѓани во државата, со порака дека обединети во слободата треба да ги продолжиме перспективите, затоа што историјата не учи дека за секој важен чекор напред, е потребно обединување.Во продолжение е интегралната честитка на премиерот Ковачевски по повод Денот на независноста:„Почитувани граѓанки и граѓани на слободна и независна Република Северна Македонија,Го дочекуваме овој голем државен празник, обединети во едно, заедничко општество дома, како достоинствена членка на НАТО и идна членка на Европската Унија на меѓународен план.Интеграциите се битката на нашата генерација.И затоа повикувам Обединети во слободата да ги продолжиме перспективите.Историјата учи дека за секој важен чекор напред е потребно обединување.Граѓаните Македонци, Албанци, Турци, Власи, Срби, Бошњаци, Роми, и сите други, на историскиот референдум на 8-ми септември, 1991-та година, во огромно мнозинство, сплотени, независно од етничките и политичките различности, одлучија да живеат во независна држава.Генерациите од тие 90-ти години мудро ја извлекле поуката од илинденците и асномците, кои се обединиле во борбата - за слободата и државноста.Се поставиле на висина на својата задача и се обединиле во остварување на независноста, без да ја доведат во прашање веќе извојуваната слобода.Ова е пример што покажува колку е важно заедништвото и што значи да се има мудро, храбро и прогресивно политичко лидерство, посветено на напредокот на граѓаните и на државата.Денес, исправени пред последиците од пандемијата и војната во Украина со коишто се соочува целиот свет, а тоа се безбедноста и достапноста до храна и енергија, можеме да констатираме дека ние, три значајни чекори направивме навреме.Станавме дел од НАТО и ја осигуравме државата, во најголемиот безбедносен сојуз, каде земјите членки солидарно се штитат меѓу себе. Ги започнавме преговорите со Европската унија гордо и со крената глава, за на истата маса, одвнатре да ги браниме јасно и гласно и понатаму нашите позиции. Ја основавме, заедно со Србија и Албанија, иницијативата Отворен Балкан, преку којашто осигуравме сериозно подобрување на регионалната соработка, но и развој на нашите економии со шанси за нови придобивки за граѓаните и компаниите.Обединувањето на граѓаните е гаранција за домашниот мир. Добрососедските односи се гаранција за регионалниот мир. А нашето обединување меѓу 27-те членки на Европската Унија е реална и неопходна перспектива за унапредување на квалитетот на животот на граѓаните, според европските принципи и вредности.Започнатите преговори со Европска Унија во план е да ги завршиме многу брзо. Работиме напорно и со брза динамика граѓаните на Република Северна Македонија да бидат што поскоро дел од европското семејство.На овој 8-ми Септември, повикувам сите заедно, обединети во слободата, да се обединиме и околу идејата за Република Северна Македонија којашто брзо чекори по европскиот пат. Да се издигнеме на висина на должноста, за да ја добиеме нашата генерациска битка.Нека ни е честит и вековит 8-ми Септември, Денот на независноста.“

Македонија | пред 3 години

ВМРО-ДПМНЕ до Ковачевски: Или уставни измени веднаш во Собрание, или оставка и избори

Секојдневните предавства од криминалната власт на СДСМ и ДУИ треба да престанат, вели ВМРО-ДПМНЕ„Константните притисоците од власта на Ковачевски кон пратениците на ВМРО-ДПМНЕ нема да поминат.Јасно му е тоа и на Ковачевски, па затоа на секаков начин се обидува да се задржи на премиерската фотелја што може подолго.За да престанат притисоците од страна на власта кон пратениците, СДСМ и Ковачевски имаат избор и понуда од страна на претседателот Христијан Мицкоски.Доколку Ковачевски и СДСМ се сигурни дека имаат 80 пратеници, веднаш по враќање на пратениците во Собранието да ги стават уставните измени на дневен ред на првата собраниска седница.Но, ако на таа седница не поминат уставните измени за вметнување на Бугарите во Уставот, наредниот ден, да се распушти Собранието и да се оди на предвремени парламентарни избори.Ако од власта се сигурни дека она што го прават е исправно еве им избор, или слугување на Бугарија и промена на Уставот или предвремени избори.Ова е чесна и фер понуда. На потег е Ковачевски.На националните предавства треба да им се стави крај. Секојдневните изјави од страна на бугарските политичари само го потврдува она за кое го говоревме, дека секој ден ќе пристигнуваат нови и нови услови и барања од страна на Бугарија кон оваа сервилна власт на чело со Ковачевски.ВМРО-ДПМНЕ е за европеизација, а не асимилација и бугаризација. Европеизација на Македонија да, но не под бугарски диктат. И за заштита на националните интереси пратениците на ВМРО-ДПМНЕ и коалицијата цврсто ќе опстојат на овој став“, се вели во соопштението.

Македонија | пред 3 години

Ковачевски до потпалувачите на протестите: Не манипулирајте и не злоупотребувајте млади луѓе за да ги задоволите вашите политички апетити

Претседателот на Владата на Република Северна Македонија Димитар Ковачевски ги осуди нападите врз полицијата истакнувајќи дека иако протестите се демократско право насилството не може да се оправда со ништо.,,Тоа што синоќа се случи пред Собранието не е вистинското лице на европска Република Северна Македонија, земја членка на НАТО. Протестите се демократско право на секој граѓанин, но насилството не може да се оправда со ништо.Најостро го осудувам нападот врз полицијата која синоќа беше на висина на својата задача, професионално штитејќи ги граѓаните и државните институции.Насилството и омразата не се, и не може да бидат решение на ниту еден проблем. На потпалувачите на протестите ќе им порачам - не манипулирајте и не злоупотребувајте млади луѓе за да ги задоволите вашите политички апетити. Вашето сценарио синоќа резултираше со над 40 повредени полицајци и над десетина приведени. 27 април нема да се повтори”, е наведено во ФБ статусот на премиерот Ковачевски.

Македонија | пред 3 години

Што се случуваше по средбата: Мицкоски со изненадувачки потег, Ковачевски се сврте и замина

Претседателот на ВМРО-ДПМНЕ Христијан Мицкоски како ретко кога демонстрираше почит, а премиерот Димитар Ковачевски тотална непочит кон новинарите и јавноста во Клубот на пратеници. Нивната средба траеше околу два часа сосе паузи, а сите останати медиумски работници чекаа во холот на Клубот. Поради големиот интерес на јавноста, новинарите имаа низа на прашања, а тогаш се случи пресврт.Христијан Мицкоски на говорницата беше прилично јасен во ставовите. Кажа кои се позициите на ВМРО-ДПМНЕ, објасни и што се случувало зад затворените врати на средбата, посочи кои се условите. Единствено што не објасни е кои се наредните чекори на ВМРО-ДПМНЕ. Тој беше целосно отворен за одговори кон новинарите, што во суштина покажува негов променет принцип на функционирање, со оглед дека немаше расправии, ниту високи тонови, туку умерен пристап. Интересен момент од прес-конференција е што Мицкоски се тргна, па се врати на говорницата.„Господине Мицкоски имате ли друг начин на протест“, прашуваше новинарката, Тамара Грнчарова додека Мицкоски заминуваше.„Господине Мицкоски не е фер вака, да кажете вие што сакате и да не и одговорите на колешката“, реагираше новинарот Кристијан Ландов.Мицкоски, не се двоумеше и како никогаш претходно се врати на говорницата.„Ајде, повелете. Не ве слушнав, не ве слушнав“, кажа Мицкоски враќајќи се на говорницата и почитувајќи ги медиумите.За разлика од него, Ковачевски не го ценеше чекањето на новинарите. Протоколот имаше „непротоколарно“ однесување. Премиерот не даде конкретен одговор на ниту едно прашање. Постојано го повторуваше текстот напишан на листот пред него. На прашање дали ги прифаќа условите поставени од Мицкоски, не одговори дури двапати, а протоколот гестикулираше забранувајќи прашања.Првпат прашањето го постави Тамара Грнчарова, а вторпат, истото го праша и Кристијан Ландов. Двапати, премиерот си го раскажа тоа што сакаше тој, без да одговори конкретно.„Не одговоривте конкретно на прашањето, кои од трите услови на Мицкоски и дали некој од тие три услови е прифатлив за вас?“, праша новинарот Ландов.„Првин, јас веќе одговорив на прашањето. Сите тие прашања не задираат во чистиот македонски јазик во преговарачката рамка и во сите документи на ЕУ, не задираат во идентитетот на македонскиот народ и во самобитноста. Ова е мултилатерален документ.....“, си раскажа Ковачевски без одговор.Со ваквото однесување на Ковачевски може да се толкува како непочит кон новинарите. Исто така, однесувањето на протоколот со гестикулирање како што е кревањето со очи и остри погледи, мавтањето со раце, тенденциозното прекинување на новинари, може да се истолкува како недолично.

Македонија | пред 3 години

„Ако Ковачевски го одбие овој предлог, јас ќе се повлечам од барањето за предвремени избори“, вели Мицкоски

„Му понудив на Ковачевски да го одбие овој предлог, а јас да се повлечам од барање за предвремени избори“, ова го изјви лидерот на ВМРО-ДПМНЕ, Христијан Мицкоски по средбата со премиерот Димитар Ковачевски.„Ќе ги ставам сите капацитети на ВМРО-ДПМНЕ за да и помогнеме на владата во сите предизвици, енергетски, предизвици со храна, безбедносни, и на пролет да седнеме и да направиме репроценка. Ова е преговарачка рамка со која или се асимилираме и бугаризираме како ЕУ или никогаш нема да бидеме дел од ЕУ“, вели Мицкоски.Христијан Мицкоски изјави дека понудил три решенија за францускиот предлог. Тој не добил никаков одговор на барањата од премиерот Димитар Ковачевски. Според Мицкоски, барањата се разумни. Останува на ставот кој го дели со партијата дека предлогот во ваква форма треба да се одбие.

Македонија | пред 3 години

Владата на Ковачевски предвидува Предлог кој целосно ги опфаќа бугарските барања, вели Ковачки

Власта ја лажеше македонската јавност во врска со Предлогот за отпочнување на преговорите со ЕУ. Владата на Ковачевски лажеше затоа што со овој предлог прават трајна штета на македонските национални и државни интереси, кои водат или кон вечно преговарање или кон асимилација, промена на учебниците, промена на историските читанки за лица и настани од македонската историја и директно задирање во идентитетските прашања, вели Драган Ковачки, пратеник и член на ИК на ВМРО-ДПМНЕ„Со еден збор, владата на Ковачевски предвидува Предлог кој целосно ги опфаќа бугарските барања.Ковачевски и Владата го лажеа народот и кога говореа дека наводно одбиле првичен предлог, за потоа да излезе на виделина дека новиот предлог е ист и со козметички и семантички несуштински измени.Вистината е дека прифаќаат предлог кој во себе содржи механизми кои на Бугарија и овозможуваат целосен диктат на процесот во кој или ќе ги прифаќаме нивните барања или ќе добиваме континуирано вето.Тоа е втората лага на Ковачевски и неговата Влада.Тие тврдат дека во рамката за почеток на преговори не се опфатени т.н. историски прашања, но во суштина истата таа рамка содржи Годишен извештај или Протокол кој треба да го цени официјална Софија и од чија содржина зависи напредокот на Македонија.Е токму тука во овој годишен извештај ќе се проценува реализацијата на членот 12 од договорот со Бугарија од 2017 година и во кој извештај таксативно и прецизно бугарската страна бара конкретни промени на учебници за лица и настани, споменици и т.н.Така на пример, со точен рок се обврзува македонската страна да направи промена на лекции во учебникот за 7 одделение по географија, во учебникот по историја за Цар Самоил, а во некоја наредна фаза и промена на учебниците кои се однесуваат на Илинденското востание, Гоце Делчев, Сандански, Груев и сите видни револуционери и историски настани.Ова е диктатот кој владата на Ковачевски е спремна да го прифати за да обезбеди сликање кое треба да биде новото селфи од авиончето, бидејќи вистинскиот почеток на преговори би следел после менувањето на македонскиот Устав.Тука е третата лага на Ковачевски и неговата Влада.Суштинското отворање на пристапниот процес е условен од промена на Уставот, за кој прво истата таа власт тврдеше дека ќе се случи на крајот пред самото членство, за сега да го направи на самиот почеток, без никакви гаранции од нови условувања и понижувања.Попатно, не помалку важно ќе биде оценувањето на говорот на омраза кој ќе се разгледува и оценува во рамки на Годишните извештаи кое е со широк опфат и овозможува селективно толкување од страна на Бугарија.Ете заради ваквите ултиматуми и понижувања велиме не благодарам.Заради ваквите лаги на власта на Ковачевски народот масовно излезе и вечерва ќе излезе, гласно и јасно кажа НЕ на асимилацијата на рати која ни се подготвува со овој предлог.И токму затоа граѓаните ќе продолжат и денес со својот мирен и достоинствен протест и денес во 19 часот пред платото на Владата.Македонија кажува НЕ на асимилацијата, НЕ на бугаризацијата!новото виткање на кичма кое го подготвуваат Ковачевски и Османи не смее да помине!Се гледаме пред Влада во 19:00 часот“, додава тој.

Македонија | пред 3 години

Ковачевски денес на средба со Мицкоски

Премиерот и лидер на СДСМ Димитар Ковачевски денеска ќе одржи средба со претседателот на опозициската ВМРО-ДПМНЕ, Христијан Мицкоски во врска со францускиот предлог за тргање на бугарското вето и отворање на преговорите за членство на Северна Македонија во ЕУ.„Во рамки на широката консултација која започна да се реализира веднаш по добивањето на европскиот предлог, претседателот на Владата на Република Северна Македонија, Димитар Ковачевски, во текот на утрешниот ден ќе ја одржи средба со лидерот на ВМРО-ДПМНЕ, Христијан Мицкоски. Оваа средба е дел од низата планирани консултативни средби со лидерите на опозицијата, како дел од широката консултација за предлогот на француското претседателство“, соопшти Владата.

Македонија | пред 3 години

„Ковачевски и Османи се двајцата актери на кои им се случи најголемиот дипломатски дебакл“, вели Милошоски

Антонио Милошоски од ВМРО-ДПМНЕ вели дека Ковачевски и Османи се актери на кои им се случи најголемиот дипломатски дебакл.„Премиерот Ковачевски и министерот Османи се двајцата актери на кои им се случи најголемиот дипломатски дебакл, после оној со Лисабонската декларација.Македонија доби непринципиелен и понижувачки предлог за преговарачка рамка, преполн со наметнати билатерални прашања и со поглед во минатото.Факт е дека во обликувањето на овој документ активно учествувале и Ковачевски и Османи, иако тоа го криеа од јавноста. Затоа нема потреба ниту од два збора, ниту има потреба од правдање со загради. Еден збор е доволен. Оставка“, вели Милошоски

Македонија | пред 3 години

ВИДЕО: Францускиот предлог не е прифатлив, рече Ковачевски и ја искара и ЕУ

Изарзив незадоволсто од динамиката со која се одвиваат пристапните преговори. Македонија е кандидат близу 18 години. Ова што се случува e сериозен проблем и сериозен удеар врз кредибилитетот на ЕУ. Македонија и Албанија не смееме да дозволиме да тапкаме во место поради една земја членка која едноставно не успева да се искоординира и да обезбеди деблокада на нашиот европски пат. Бугарија реши да се врати во минатото и повторно да постави блокада која никому не оди во прилог. Македонија направи многу, донесовме многу тешки одлуки, врме Ееу да ги даде своите ветувања пред да даде нови, ова го изјави Димитар Ковачевски по самитот на ЕУ.„Во врска со францускиот предлог, предлог кој би бил прифатлив треба да ги гарантира клучните елементи: чиста формулација за македонскиот јазик во преговарачката рамка и јасна заштита на македонскиот идентитет. Иаториските прашања не можат да бидат критериуми во преговарачката рамка. Преговорите меѓу Македонија и ЕУ мора да почнат пред почнување на постапката за уставните измени за вклучување на Бугарите, Хрватите и Црногорците во преамбулата на уставот. Предлогот во ваква форма е неприфатлив за мене, претседателот на државата, за Владата, за коалиционите партнери и за граѓаните на Македонија“, изјави Ковачевски

Македонија | пред 3 години

Рама си направи селфи со Ковачевски: „Се уште го чекате Годо?“

Албанскиот премиер Еди Рама на Твитер објави селфи со македонскиот премиер Димитар Ковачевски и порача од Брисел дека повеќе не го чекаат Годо бидејќи се навикнати на ова и двете земји.„Сè уште го чекате Годо? Не, ние сме навикнати на оваа шарада и повеќе од кога било посветени сме да ја поттикнеме модернизацијата на нашите земји и нашиот регион со непоколеблив европски дух“, објави Рама.Утрово тој повторно ја обвини Бугарија дека киднапира две членки на НАТО среде војна во Европа.

Македонија | пред 3 години

Ковачевски: Ако не се обезбеди прогрес на процесот на евроинтеграции, тоа ќе е сериозен удар врз кредибилитетот на ЕУ на Балканот

Северна Македонија има докажани пријатели во земјите членки на ЕУ, вели премиерот Димитар Ковачевски.„Тие се оние земји кои гледаат кон иднината, наспроти минатото и од кои ние, Албанија, но и регионот имаме целосна поддршка во исполнувањето на стратешката цел - членство во ЕУ.Јас, Edi Rama и Aleksandar Vučić денес донесовме одлука, уште еднаш да ја потврдиме позицијата дека Северна Македонија, Албанија и Србија имаат европска иднина. Решивме дека треба, пред земјите пријатели, кои се посветени на напредокот на регионот на економски и политички план и кои се залагаат за брзи и одлучни евроинтеграциски процеси, да ги повториме нашите заложби за европскиот пат на целиот Западен Балкан.Доколку не се обезбеди прогрес на процесот на евроинтеграции, тоа ќе е сериозен проблем и удар врз кредибилитетот на ЕУ на Балканот. Нашите ставови на оваа тема ќе ги пренесеме заеднички, на самитот на ЕУ за Западен Балкан, во широк форум, во центарот на европската дипломатија“, додава тој.

Македонија | пред 3 години

„Таче има суфлер звани Аљи“, „Газда Али и папагалот Таче“, реакции откако Ковачевски одговори како што кажа Ахмети

По новинарско прашање за тоа како ќе функционира оваа држава во случај на голема политичка криза и зошто не се нуди решение, премиерот Димитар Ковачевски посочи дека новинарот цело време поставува прашања со ист тон и начин на поставување.„Сега ќе ви одговорам, гледам дека вие цело време поставувате прашања во исти тон и начин на поставување и тоа е добро… Прво ќе ви кажам како ќе функционираме…“, вели Ковачевски, на што лидерот на ДУИ, Али Ахмети додаде „Како до сега!“.По ова премиерот Ковачевски го повтори истото, по што присутните започнаа да се смеат. Видеото од настанот веднаш се прошири на социјалните мрежи, каде велат дека Али Ахмети е газдата, а Ковачевски папагалот.https://twitter.com/zlatkothegoldy/status/1538659515184427009?s=20&t=fbBfY5zRqAOZ8J8Ftu0d7Ahttps://twitter.com/Aldrigmin/status/1538616747749695489?s=20&t=fbBfY5zRqAOZ8J8Ftu0d7Ahttps://twitter.com/PravednaTavita/status/1538589253499772928?s=20&t=fbBfY5zRqAOZ8J8Ftu0d7Ahttps://twitter.com/Hank___Chinaski/status/1538541680101564419?s=20&t=fbBfY5zRqAOZ8J8Ftu0d7Ahttps://twitter.com/zoreski/status/1538537011015032839?s=20&t=fbBfY5zRqAOZ8J8Ftu0d7Ahttps://twitter.com/lapeshapemape/status/1538532784536535045?s=20&t=fbBfY5zRqAOZ8J8Ftu0d7Ahttps://twitter.com/Aldrigmin/status/1538528941660639233?s=20&t=fbBfY5zRqAOZ8J8Ftu0d7Ahttps://twitter.com/_shieldmaiden89/status/1538595160245911558?s=20&t=fbBfY5zRqAOZ8J8Ftu0d7Ahttps://twitter.com/MrRistov/status/1538622195009785860?s=20&t=fbBfY5zRqAOZ8J8Ftu0d7Ahttps://twitter.com/dukoska_ana/status/1538599033685561344?s=20&t=fbBfY5zRqAOZ8J8Ftu0d7A

Коментари | пред 3 години

Ахмети во анкетниот лист треба да го дополни и Ковачевски, вели Дурловски

Оперскиот пејач Игор Дурловски со саркастичен коментар за суфлирањето од Али Ахмети до Димитар Ковачевски по прашањето од новинар како ќе функционира Владата во време на економска, а сега и политичка криза по вчерашниот протест.„Господинот Ахмети во својот анкетен лист треба да го дополни и господинот Ковачевски, напиша Дурловски“

Коментари | пред 3 години

Ковачевски денес на средба со Ердоган

Премиерот, Димитар Ковачевски, денеска во рамките на неговата работна посета во Истанбул ќе предводи владина делегација на средба со турскиот претседател, Реџеп Таип Ердоган.Како што информираат од владината прес-служба, средбата на Ковачевски со претседателот Ердоган е потврда на исклучително добрите односи со Турција и на неа е предвидено да се разговара за повеќе билатерални прашања од интерес на двете земји.

Македонија | пред 3 години

(ВИДЕО) Од Ковачевски стана Таче, па со незгоди го минува и мандатот: Сите гаф моменти на премиерот

Уште пред да седне во премиерската фотелја, Димитар Ковачевски во јавноста стана познат од средбата во Тирана помеѓу Заев, Рама и Вучиќ на која пресустуваше и тој.На крајот на средбата, тогашниот премиер Зоран Заев му дофрли на Ковачевски „Таче дојди бе со нас“, за да се фотографира со останатите државници од Западен Балкан. Така, Ковачевски се реши да се најде на фотографијата, но го спречија кога се обиде да застане меѓу Вучиќ и Рама. Во дел од секунда го застанаа и му покажаа каде може да стои.И тоа беше неговото првно славно појавување во јавност по кое е запаметен. Но тоа не е се.Во поздравно обраќање по повод одбележување на празникот Свети Сава, Ковачевски ја згреши и државата која ја претставуваше министерот за надворешни работи на Србија, Никола Селаковиќ. Ковачевски го именуваше Селаковиќ како министер за надворешни работи на ентитетот во Босна и Херцеговина – Република Српска.Како појаснување, Република Српска, како дел од БиХ нема свој министер за надворешни работи.Видеото од гафот на Ковачевски може да го видите на следниот ЛИНК.Следеше средбата со државнот секретар на Соединтетите Американски Држави, Ентони Блинкен. На средбата покрај Димитар Ковачевски, присуствуваше и премиерот на Бугарија, Кирил Петков.Двајцата премиери се сликаа со Блинкен, но Петков го скрати Ковачевски од фотографијата и истата ја објави на социјалните мрежи.„Вчера веќе имаше изјава од страна на прес-службата на бугарската влада дека се работи за ненамерен пропуст“, изјави Ковачевски веднаш потоа.Неодамна Ковачевски одржа говор во чест на Денот на македонскиот јазик. Но токму кога сакаше да покаже дека е максимално посветен на писменоста и на македонската литература, тој направи комичен гаф. Писателот Видое Подгорец, автор на Ајдучка Чешма, Белото Циганче и многу други книги за деца и младинци, според Ковачевски, стана ВИДЕО Подгорец.?t=102Пред само неколку дена албанскиот премиер Еди Рама се вмеша во ракувањето на германскиот канцелар Олаф Шолц со премиерот Димитар Ковачевски на самитот на ЈИЕ во Солун.Имено, додека домаќинот-грчкиот премиер Мицотакис на Шолц му ги претставуваше албанскиот премиер, а потоа и Димитар Ковачевски како премиер на Македонија, Рама се приклучи на разговорот со забелешка, „идната, западна Бугарија“.Ова понижување му беше интересно на премиерот Ковачевски па во отсуство на било каков коментар само се изнеасмеа.Денес за време на литургијата во Вселенската партијаршија, Ковачевски беше заинтересиран дали работи микрофонот. Па така, додека стоеше, прво погледна наоколу, по што, потчукна на него за да провери дали е вклучен.Овој негов чекор многумина го споредија со најпознатите моменти на Мистер бин. Па така, се коментираше и: „Прва епизода од Мистер Бин“. Други пак, сметаат дека Ковачевски веќе има страв од камери и микрофони, откако неколкупати досега беше уловен со гафови кои сериозно влијаеа на неговиот кредибилитет.Некако се чини дури и нормално премиерот да проверува дали микрофонот работи, особено ако се има во предвид дека често знаат „бисери“ да излезат од неговата уста.За време на церемониите за Западен Балкан кои се одржуваа во Охрид, присутни беа високи државници на соседните држави. Меѓу нив и Александар Вучиќ од Србија. За топло добредојде имаше погача, за која Ковачевски сакаше да знае дали е тазе. Ова видео се најде на владиниот инстаграм канал.

Коментари | пред 3 години

Рама обвини дека Македонците се хистерични и се правдаше за „западна Бугарија”

Албанскиот премиер Еди Рама на својот твитер профил денеска објасни дека на Самитот во Солун кој со земјите од регионот во петокот го организираше грчкиот премиер Киријакос Мицотакис, при ракувањето со германскиот канцелар Олаф Шолц ја иронизирал блокадата на Бугарија кон Македонија.По бројните коментари на социјалните мрежи и толкувања што е сарказам и иронија, денеска Рама напиша дека не ја разбира хистерија која настанала во Македонија кога тој со коментарот ја критикувал политиката на Бугарија.„Хистеријата кон премиерот Ковачевски на некои во Скопје по објавувањето на видеото од ракувањето со канцеларот Шолц во Солун, каде ја иронизирав грдата блокада на Северна Македонија од страна на Бугарија е и за смеење и плачење. Кавга во меана над чадот од ќофтињата“, напиша Рама.

Македонија | пред 3 години

(ВИДЕО) Ковачевски продолжи со гафови, јавноста го споредува со Мистер Бин

Нов гаф на премиерот Димитар Ковачевски кого јавноста го нарекува Таче, кружи на социјалните мрежи. Овојпат станува збор за исечок од видео, за време на литургијата во Вселенската партијаршија.Додека ја слушаше литургијата, Ковачевски беше заинтересиран дали работи микрофонот. Па така, додека стоеше, прво погледна наоколу, по што, потчукна на него за да провери дали е вклучен.Овој негов чекор многумина го споредија со најпознатите моменти на Мистер бин. Па така, се коментираше и: „Прва епизода од Мистер Бин“.Други пак, сметаат дека Ковачевски веќе има страв од камери и микрофони, откако неколкупати досега беше уловен со гафови кои сериозно влијаеа на неговиот кредибилитет.

Македонија | пред 3 години

„Бекни бе Таче, ќе ми снема лента“, „Рама: Го Заебаваме, Таче: Ме заебаваат“, реакции по наводната шега

По невкусната шега на премиерот на Албанија, Еди Рама, кој на самит во Солун, Димитар Ковачевски го нарече премиер на „идна Западна Бугарија“, граѓаните веднаш реагираа на социјалните мрежи.Тие упатија бројни критики кон премиерот Ковачевски, кој во целата ситуација само се насмевна.https://twitter.com/onepickright/status/1535754032622579714?s=20&t=CNScgX6g8oxMLYZko2hxLghttps://twitter.com/Ile95906131/status/1535745113531600896?s=20&t=CNScgX6g8oxMLYZko2hxLghttps://twitter.com/JustDDouble/status/1535744751525404672?s=20&t=CNScgX6g8oxMLYZko2hxLghttps://twitter.com/Sangvinik6/status/1535740730295058432?s=20&t=CNScgX6g8oxMLYZko2hxLghttps://twitter.com/makedonec0t/status/1535599733078732801?s=20&t=tZ6hKmYOayfPtmwRPOJZnghttps://twitter.com/drndaloto/status/1535591506219831296?s=20&t=tZ6hKmYOayfPtmwRPOJZnghttps://twitter.com/DeboraSkunk/status/1535732024643813377?s=20&t=CNScgX6g8oxMLYZko2hxLghttps://twitter.com/hebagoddess/status/1535782349241487361?s=20&t=tZ6hKmYOayfPtmwRPOJZnghttps://twitter.com/aleks_petreski/status/1535695762289483777?s=20&t=tZ6hKmYOayfPtmwRPOJZnghttps://twitter.com/AndonovskaDr/status/1535724201386119169?s=20&t=CNScgX6g8oxMLYZko2hxLghttps://twitter.com/NaToshoPomalioT/status/1535699604083286017?s=20&t=CNScgX6g8oxMLYZko2hxLghttps://twitter.com/Biktop16/status/1535885217491308544?s=20&t=tZ6hKmYOayfPtmwRPOJZnghttps://twitter.com/bobstar_m/status/1535634578253131777?s=20&t=tZ6hKmYOayfPtmwRPOJZng 

Коментари | пред 3 години