КОВАЧЕВСКИ

Најчевска до Ковачевски: Ма ти не си само безобразно глуп, ти си арогантно глуп

Професорката Мирјана Најчевска со остар тон кон премиерот Димитар Ковачевски по неговата фамозна изјава за внукот на Али Ахмети, кој стана нов сопственик на трговскиот центар „Соравија“.- Ма ти не си само безобразно глуп, ти си арогантно глуп.Граѓаните те прашуваат како премиер за корупцијата направена од страна на министри и функционери кои се одговорни пред тебе.Те прашуваат како премиер кој наводно отвори војна на корупцијата и како премиер кој е задолжен да спроведува одредена политика која треба државата да ја внесе во ЕУ.Ич не ни е гајле за твоите внуци освен ако не се дел од коруптивнат мрежа создадена и заштитена од власта - пишува Најчевска на својот Фејсбук профил.Таа исто така дополнува „Дај престни да тресеш зелени и однесувај се како премиер ако воопшто имаш интелектуален капацитет да разбереш што е тоа или тргни се од функцијата од која правиш непоправлива штета на државата“.- СДСМ како една од нјголемите партии треба да се засрми премиер од нивните редови да биде овој лик.И ова воопшто не значи дека на твое место треба да дојде Мицковски како твој пандан по сите основи.Треба да дојде човек со два грама мозок и два грама принципи и два грама морален интегритет - заклучува Најчевска.

Коментари | пред 2 години

Ковачки до Ковачевски: Видовме колку сте самостоен во одлучувањето кога Ви ја искинаа оставката

Премиерот Димитар Ковачевски тврди дека ако тој бил ставен на црната листа на САД, не само што ќе дал оставка, туку ќе го сметал и за најголем пораз. Оваа изјава доаѓа откако беше прашан дали струшкиот градоначалник Рамиз Мерко треба да се повлече од функцијата која ја извршува.„Јас да се најдам на листата на САД, не само што ќе дадам оставка, јас тоа ќе го сметам за најголем пораз во мојата лична и професионална кариера“, рече Ковачевски, по што на социјалните мрежи се огласи Драган Ковачки од ВМРО-ДПМНЕ.„Неизбран премиере, Вие се најдовте на црната листа на македонскиот народ кога одбивте да облечете униформа и лажно се претставувате дека имате трајно ограничување.Вие го предадовте македонскиот народ во 2001 година, го предадовте и со бугарскиот договор и сега зборувате за чест и морал.Пародија.* А кога зборувате за оставки, видовме колку сте самостоен во одлучувањето кога Ви ја искинаа оставката.Не смеете ниту оставка да поднесете ако не Ви дозволат Али Ахмети и Талат Џафери“, напиша Ковачки.

Коментари | пред 2 години

Ковачевски за изјавата на Црвенковски: Секогаш зависи од која перспектива гледате

Премиерот Димитар Ковачевски ја проследил изјавата од експретседателот Бранко Црвенковски. Тој смета дека излагањето било корисно, иако се спротивни на тезите кои Владата ги застапува. За песимистичкиот став дека на Црвенковски кој кажа дека Македонија нема шанси до 2030 година да биде членка на ЕУ, Ковачевски искоментира: „Секогаш е од која перспектива гледате. Имаше луѓе кои беа песимисти дека никогаш нема да станеме членка на НАТО – ние станавме. Така што, важно е да се остане верен на целта која ја сакаат граѓаните и да се работи таа цел да се оствари“.„Кога ќе погледнете од временска перспектива, тогаш во еден момент некои работи можат да ви се чинат неостварливи или тешко остварливи. Јас сум зборувал со негови колеги кои биле советници во неговиот кабинет, кои се мои блиски пријатели, кои велат: ‘За нас од тогашна перспектива беше несфатливо да се дојде до договор со Грција и државата да стане членка на НАТО. Од оваа перспектива гледаме дека можело да се постигне договор’. Исто така, никој не очекуваше дека минатата година ќе добиеме преговарачка рамка, по 17 години, но ние заедно со пратениците и 27 членки усвоивме преговарачка рамка. Јас верувам дека до 2030 година можеме да бидеме членка на ЕУ ако ги донесеме одлуките кои се очекуваат од нас. Подоцна, да го довршиме и процесот на скрининг, да ги отвориме поглавјата и да ги затвориме поглавјата. Има отворен прозорец од ЕУ“, рече Ковачевски.Посочи дека ги цени ставовите на Црвенковски и другите експретседатели и експремиери.

Македонија | пред 2 години

Ковачевски: Сега е моментот да се обединиме и заедно да донесеме одлука за европска иднина

Претседателот на СДСМ во интервју во емисијата „360 степени“ на телевизија Алсат посочи дека со приклучување на ВМРО-ДПМНЕ во процесот државата има единствена можност за обединување околу врвниот национален интерес.„Сега е моментот да се обединиме, рамо до рамо, сите, да ја донесеме оваа одлука, заради иднината на сегашните и идните генерации. Оваа одлука е за граѓаните на државата, оваа одлука е за обичниот граѓанин на државата, за оној граѓанин кој што станува секое утро и оди на работа. Ова е за оние граѓани кои што работат во медицинските центри во државата, ова е за наставниците, ова е одлука за младите, ова е одлука за земјоделците, ова не е одлука за една мала група на луѓе кои што и со ЕУ и без ЕУ, живеат на висока нога, повисока и од некои земји членки на ЕУ. Ова е за граѓаните, за обичниот граѓанин кој што си ја сака својата држава, кој што си ја сака иднината на своите деца да им биде во ЕУ, ама во земја членка на ЕУ, Северна Македонија. А не децата да ни одат во туѓина да живеат во ЕУ, ама во туѓа држава, тоа го заслужуваат граѓаните. Тоа е одлука на највредниот и ова е одлука за највредниот граѓанин на државата, за оној кој што со труд, со пот, со мака, со работа, ја гради државата 32 години“ порача Ковачевски.

Македонија | пред 2 години

Домазетот во владата Ковачевски и Груби ќе потрошат дополнителни 11 милиони за специјалисти со плата од 36.500 евра за надзор над коридорите, вели ВМРО-ДПМНЕ

Домазетот во владата Ковачевски и Груби ќе потрошат дополнителни 11 милиони за специјалисти со плата од 36.500 евра за надзор над коридорите, вели ВМРО-ДПМНЕ„Според деловите од договорот помеѓу изведувачот и владата кои до ВМРО-ДПМНЕ ги доставија свиркачи може да се заклучи дека ќе бидат исплатени дополнителни 11 милиони евра за ангажирање на најмалку пет специјалисти за надзор за период од пет години со месечна плата од 36.500 евра.Домазетот Ковачевски и Груби се обврзале дека изведувачот има право да ангажира специјалист или специјалисти во множина чии што број ќе биде договорен помеѓу изведувачот и Владата, кој што ќе имаат четири насоки на работа, создавање на спецификации за автопатите, создавање на студии за влијание врз животната средина, понатаму студии за влијание врз заштитеното богатство од УНЕСКО во Охридскиот регион, како и разгледување на спецификациите на автопатите.ВМРО-ДПМНЕ од сам почеток кажува дека изградбата нема да чини 1.3 милијарди. Првин власта се обврза на пенали од над 150 милиони евра, а сега секој ден излегуваат нови детали од договорот, со кој гледаме нови ставки кои ќе треба да бидат платени од буџетот.Дополнително на сето тоа, се става и сумата која ќе биде потрошена на покривање на експропријациите на недвижниот имот на трасата, што може да оди и до неколку стотина милиони евра.Домазетот во владата Ковачевски и Груби го прават грабежот на векот, и за тоа одговорност ќе има“, се вели во соопштението.

Македонија | пред 2 години

Ќе направам граѓаните пак да имаат стандард како што имавме во Југославија, вели Ковачевски

Ние во Југославија имавме подобар стандард од сите земји од источна Европа кои станаа членки на Европската унија и јас ќе ги донесам сите потребни одлуки нашите граѓани пак да имаат подобар стандард од нив, рече денеска премиерот Димитар Ковачевски, зборувајќи за американските инвестиции во Македонија.„Нашата држава потекнува од поранешната југословенска федерација. Во тоа време имавме поголем стандард и од Словачка, и од Чешка, и од Романија, и од Полска, и од Бугарија, и од сите земји кои стана земји членки на Европската унија. Јас ќе ги донесам и ќе ги предводам сите потребни одлуки кои што ќе обезбедат граѓаните на Северна Македонија повотрно да имаат поголем стандард од сите граѓани од кои порано сме имале поголем стандард, бидејќи тоа нашите граѓани го заслужуваат и на тој пат сметам на поддршката на нашите стратешки партнери, пред сè САД, и земјите членки на ЕУ“, изјави Ковачевски, на заедничката прес-конференција со американскиот сенатор од Конектикат Крис Марфи.

Македонија | пред 2 години

Ковачевски треба да покаже кој го платил патувањето за неговите деца бидејќи вака остава лош впечаток, вели Ивановска

Билјана Ивановска, претседателката на Државната комисија за спречување на корупција, го повика премиерот Димитар Ковачевски да покаже кој го платил патувањето на неговите деца кои ги поведе додека беше на работни средби во Вашингтоб и Њујорк.- Значи треба да покаже кој го платил патувањето бидејќи вака остава лош впечаток, лоша перцепција се создава дека ако е таткото некој функционер може цела фамилија да оди. Не е единствен случај, за жал таа перцпеција треба да се промени, но тоа ќе се промени со фактичка состојба. Нека оди, нека патува, но нека покаже кој тоа го покрива, рече Ивановска.ДКСК денеска ќе донесе одлука за тоа дали ќе отворат предмет за овој случај. Тоа ќе се разгледа на Колегиумот и јавноста ќе биде известена.- Ние одлуките дали отвараме или не предмет ги носиме на колегиум, денеска после овој настан ќе имаме колегиум и ќе ги известиме, посочи Ивановска.Премиерот Ковачевски веќе изјави дека нема потреба да покаже кој го платил патувањето на неговите деца во САД каде владината делегација беше во работна посета една седмица.Единствено кажа дека трошоците за синот и ќерката не биле на товар на буџетот.

Македонија | пред 2 години

Ковачевски: Нашите мисли се со српскиот народ и семејствата на починатите и повредените

Премиерот на Република Македонија, Димитар Ковачевски преку социјалните мрежи изрази сочуство до српскиот народ и семејствата на починатите.„Трагична вест од Белград, нема зборови кои ќе ја надоместат болката и тагата на оние кои денеска изгубија свои блиски.Во име на Владата на Република Северна Македонија и во мое лично име, изразувам најдлабоко и искрено сочувство за загубените животи.Нашите мисли се со српскиот народ и семејствата на починатите и повредените, со надеж за брзо закрепнување“, вели Ковачевски

Македонија | пред 2 години

(ВИДЕО) Апасиев до Ковачевски: Дали ви отворија сметка во ‘Дојче Банка’ и колку пари ви легнаа на таа сметка од овие трансакции?

Пратеникот Димитар Апасиев, на собраниска седница, му се обрати на премиерот Ковачевски со две прашања.„Првото прашање се однесува на Вашата некогашна инволвираност во аферата ‘Маџар Телеком’, за којашто некои истражувачки новинари веќе со месеци континуирано објавуваат.‘Маџар Телеком’ е една од најкоруптивните афери во Европа, кога практично цела тогашна владејачка и опозициска гарнитура се поткупени!Во тоа време, премиер е Бучковски, опозициски лидер е Груевски, а коалициони лидери во власта се Али Ахмети и Муса Џафери.Поткупен е практично цел македонски парламент. Срамота е за нас како држава, тоа што американски судови досудија, а нашите дури сега, и тоа само на странци, а не се осудени споменатите политичари кои го зеле митото за кое се зборува дека е од 7,5 милиони, па се до 15 милиони ЕУР.Моето прашање е: Дали ви отворија сметка во ‘Дојче Банка’ и колку пари ви легнаа на таа сметка од овие трансакции?“, вели Апасиев.

Македонија | пред 2 години

Хајредини до Ковачевски: Дали и кога Владата мисли од Македонија да го избрка Телеком поради поткуп на државни функционери?

Џевдет Хајредини, поранешен министер за Финансии на Република Македонија, преку социјалните мрежи го праша премиерот Димитар Ковачевски кога Владата ќе го избрка Телеком.„По десетти пат, истото прашање до Ковачевски:Дали и кога Владата мисли од Македонија да го избрка ТЕЛЕКОМ, затоа што е познато дека нивни менаџери подмитувале некогашни и сегашни високи политичари и државни функционери на нашата земја?Ковачевски не одговара на ова прашање, иако прво за заменик министер, а потоа и премиер на Владата (дали случајно?), дојде токму од оваа коруптивна компанија, во која бил на раководни функции.П.с.Сигурно и самиот не мисли дека на прашањето одговорил кога вели: “Благодариме што нè контактиравте. Ја примивме вашата порака и го цениме што се јавивте”.Не случајно, и Зоран Заев, при една средба во својот кабинет, на актуелните директори на МАЃАР ТЕЛЕКОМ им вети “искрена соработка” на Владата и во иднина, исто како во минатото.Заев пред да замине изјави дека во Македонија нема корупција во првиот и вториот ешалон, туку само во пониските ешалони.Уште нешто: Компанија која ги корумпира државните функционери, како што е случајот со ТЕЛЕКОМ, од каде Вие сте дојдени, не може да биде “препознатлив бренд”, како, од само на Вас познати причини, така ја нарекувате“, вели Хајредини.

Коментари | пред 2 години

(ВИДЕО) Ванковска за Ковачевски: Рацио е сооднос, ама глупиот не знае

На социјалните мрежи се појави видео во кое премиерот Ковачевски на предавање, на англиски јазик објаснува дека треба да се биде разумен, но и да се има, “му*а”.https://twitter.com/BatmanSaysT/status/1649700328080654338?s=20Професорката Билјана Ванковска на Фејсбук го коментира ова и напиша:-Во реченицата за “м*дињата” глупиот Таче од Харвард го употреби зборот ratio мислејќи дека е тоа рацио/разум. Рацио е сооднос, ама глупиот не знае. Или ако знае можеби зборувал за односот на левото и десното маде.Само некој нека ми каже дека било непристојно да се псуе (власт)! Овие се забегани простаци – такви им се и политичари и новинари и професори…Проблемот е што сме ние полоши од овци“, вели Ванковска.

Коментари | пред 2 години

Мицковски: Абе дечки, не се ни криете веќе од криминалот

Новинарот Ивор Мицковски на социјалните мрежи реагираше во врска со државното жемјиште кое го добила неговата сопруга за 70 денари по квадрат.„Ковачевски вика дека немало конфликт на интереси што сопругата добила државно земјиште по 70 ден квадрат, оти не бил тој ден на седница на ВладаНа ист начин нема криминал од 20 мил. € кај него или Владата со мазутот пошто не ги возеле камионите.Ниту пак се одговорни што кошницата поскапе 15к денари во само една година, пошто они алиби замрзнуваат цени и граѓаните заштедиле 100 денари.Ниту пак со струјата нема криминал, пошто они ја субвенционираат со народни пари.Ни во надзорот на Бехтел нема криминал од 22 мил. €, јер јебига, не работеле они лично со гаќи и чорапи, не го вратиле они криминалецот од Ерменија.Абе дечки, не се ни криете веќе од криминалот“, вели Мицковски.

Коментари | пред 2 години

Ковачевски и Мицкоски немаат легитимитет да менуваат Устав! Секоја промена е еднаква на национално предавство, вели Левица

Откако Христијан Мицкоски го премолчи неуставното воведување на двојазични униформи, деновиве јавноста е сведок на РЕТЕРИРАЊЕ од првичните ставови дека никаква промена на Уставот нема да поддржат пратениците на ВМРО-ДПМНЕ, велат од партијата Левица во својата објава на социјалните мрежи.„Иако ВМРО-ДПМНЕ знае дека барањата на официјална Софија се вметнување на Бугарите во Уставот како конститутивен народ, под изговорот хрватска преамбула, Мицкоски ја отвора можноста за седнување на маса и промена на Уставот под бугарски диктат!Токму Мицкоски тврдеше дека неговата партија нема да поддржи НИКАКВИ УСТАВНИ ИЗМЕНИ и дека не може да се преговара додека нема реципроцитет со Македонците во Бугарија. Политичка НЕЗРЕЛОСТ е да се очекува дека официјалната бугарска политика ќе ретерира од своите неоврховистички барања, со оглед на фактот дека бугарската политика кон Македонија не е промената од времето на Тодор Живков!Дури и ЕУ експерти предупредија дека со внесување на Бугарите во Уставот се отвора можност за Бугарија да се повикува на меѓународни Конвенции за заштита на националните малцинства и официјална Софија да наоѓа оправдувања да го кочи пристапниот процес на Македонија во ЕУ. Македонците со Бугарија не споделуваат заедничка историја, затоа што бугарската фашистичка власт била окупатор и се борела против АСНОМ-ска Македонија, а тоа е темелот на современа Македонија.Дополнително, искуството потврдува дека секое отворање на Уставот под ДИКТАТ на странски сили било погубно по суверенитетот и територијалниот интегритет на Републиката. Промена на Уставот под притисок и уцени на други држави е флагрантно мешање во внатрешните работи на Македонија и секој политичар кој претендира да ја освои власта мора да биде свесен за ваквиот анти-државнички чин, кој е еднаков на национално предавство.#СофискаПлатформа“, стои во објавата.

Македонија | пред 2 години

Ковачевски се фали со 4 денари поефтини макарони, а за покачувањата на платите на функционерите ќе потроши 5 милиони евра од буџетот, вели ВМРО-ДПМНЕ

Речиси половина милион жители живеат во сиромаштија, а Ковачевски нема абер да го намали коефициентот на пресметка на платите на функционерите, кои после одлуката на Уставниот суд треба да земат 78% повисоки плати, вели ВМРО-ДПМНЕ„Среде сиромаштија и економски колапс Ковачевски и екипата ги покачуваат своите плати. Тоа е безсрамно.Ковачевски глуми загриженост и се фали со намалување на цените на макароните за 4 денари, а близу 5 милиони евра народни пари оваа година ќе завршат за повисоки плати за функционерите. Додека рекордната инфлација од 20% го изеде стандардот на граѓаните, функционерите на Ковачевски ќе земаат енормни плати. Па така еден обичен функционер ќе зема плата која може да ги покрие трошоците на едно десетчлено семејство.Додека власта на Ковачевски “штеди“ на земјоделците и на студентите, додека на медицинскиот персонал им ветува покачување од срамни две илјади денари, додека убедуваат дека нема пари за лекови и лекување, тие за себе се дарежливи и си готват плати повисоки за 78%.Потребни се коренити промени. Со Ковачевски на власт, народот ќе страда, а функционерите ќе се богатат“, се вели во соопштението

Македонија | пред 2 години

Ковачевски откри зошто МТВ не се емитува во Бугарија

Премиерот Димитар Ковачевски изјави дека бил раскинат договорот за пренос на сигналот на МТВ кон други држави.Ковачевски објасни дека потпишан бил договор за емитување на бугарската телевизија кај нас и на Македонската телевизија во Бугарија, што било и направено. Во меѓувреме, вели Ковачевски, бил раскинат договорот со кој може да се пренесе сигналот кон други држави од нашиот национален сервис.„Со оглед на тоа што тие склучиле некаков договор што технички треба да се објасни, со кој давателот на услуги не овозможува бесплатно симнување на сигналот од страна на оператори во други држави, проблемот е создаден од порано. Разговарав со некои од институциите задолжени за медиумите. Планирам состанок со директорот на МРТ за да се види каков договор потпишале, како оди сигналот надвор и каква услуга добива националниот сервис во делот на емитување програма во други држави. Да провериме дали и во други држави има можност да се скине сигналот на МТВ и таму да биде гледан од страна на нашите граѓани“, рече Ковачевски одговарајќи на новинарски прашања.

Македонија | пред 3 години

Таче пак ќе пазарувал во маркети, пред да се слика како тинејџер нека намине во Битола на протестот за Јана, вели Јоци

Претседателот на Владата, Димитар Ковачевски заедно со министерот за економија Крешник Бектеши и директорот на Државниот пазарен инспекторат Горан Трајковски, денес ќе го посети маркетот „Кит-Го“ во Тафталиџе.Јорданка Ивановска Јоци преку социјалните мрежи му порача наместо да шета по маркети, да отиде на плоштадот во Битола каде ќе се одржи протест за правда за починатата Јана.„Премиерот викан Таче утре пак ќе пазарувал во маркети Или се слика со Агелер или м’кне кеси со леб и млеко, како да се сите малоумни во земјава.Пред да се слика како тинејџер со главата во облаци и цела земја да му се смее на инфантилноста, нека намине на плоштадот Магнолија во Битола на протест за правда за прерано починатата, 6-годишна Јана.Нека се качи и во бус со камери да ги праша истоштените, изморени и разочарани 300.000 пензионери, како плаќаат сметки, што јадат и колку луѓе по дома издржуваат.Нека ги праша дали и кој ќе гласа утре за СДСМ, ако претходно не му се плукнат на партијата која измами 400.000 луѓе кои веруваа дека ќе донесат подобар живот, а не дека ќе ја парталосат цела Македонија.Нека помине и кај луѓето кои уште чекаат лек Трикафта, во Детска клиника, на Онкологија, да види колку е животот минлив и можеби ќе сфати колку е небитен и мал под македонсково небо со милион проблеми, просто како маково зрнце.И конечно може да се прости уште утре од функцијата, затоа што толку е безличен и неупотреблив, да само и` го губи времето на Македонија и на сите нас.Ниту нешто направи за земјава, ниту некој ќе го памети дека постоел.Ако уште е лидер на СДСМ следната изборна година, веројатно ќе го паметат сите како ,,оној Таче кој го погреба СДСМ”“, вели Јоци.

Коментари | пред 3 години

Апасиев: Премиер кој свесно оди против народната волја не е наш премиер! Тоа е вазал на туѓи бели дворови и така треба да го третираме

Ако во минатото се слушал гласот на народот, Македонија денеска ќе била без Рамковен договор и надвор од НАТО, вели премиерот Димитар Ковачевски.„Во 2001 ние ќе немавме Рамковен договор, ако ги погледните анкетите пред Преспанскиот договор, ние денеска немаше да бидеме во НАТО, ако ги погледнете анкетите при прифаќањето од страна на Собранието за заклучоците за европскиот предлог и скрининг процесот, па ние уште ќе го немавме отпочнато скрининг процесот, исто и сега, лидерството е да донесете одлука за сегашните и идните гернерации, а не да се криете позади народот“, рече премиерот Димитар Ковачевски.Лидерот на Левица, Димитар Апасиев на социјалните мрежи објави статус преку кој ја искоментира изјавата на премиерот.„Премиер кој на прес-конференција свесно изјавува дека оди против НАРОДНАТА ВОЛЈА, не е наш премиер, другари!Тоа е вазал на туѓи бели дворови и како таков треба да го третираме.#МарионетскиРежим#Антимакедонизам“, вели Апасиев.

Коментари | пред 3 години

Хајредини до премиерот: Кога татко ти ќе ти купи канцеларија, тогаш прави што сакаш, а додека ние те плаќаме, барем обиди се да не тресеш глупости!

Џевдет Хајредини преку социјалните мрежи го искритикува премиерот Димитар Ковачевски за неговата изјава во која вели дека кој што сака може да прави во својата канцеларија.„Ковачевски: Кој што сака може да прави во својата канцеларија.П.с Дури и да можат, премиере, нe би требало да прават баш сè.Кога татко ти ќе ти купи канцеларија, тогаш прави што сакаш, а се додека ние те плаќаме, барем обиди се да не тресеш глупости!Лани по еден, годинава се случуваат по два скандали дневно“, вели тој.

Коментари | пред 3 години

Ковачевски купи леб, граѓаните го исмеваат: Дајте список од пр генијалците и колку ги плаќаме

Премиерот Димитар Ковачевски денеска беше во еден од маркетите во Скопје за да купи леб. Фотографиите ги сподели и на неговиот профил на Фејсбук, при што потенцираше дека овој негов потег е за да се увери лично во фактичката состојба.„Денеска, бев лично да се уверам во фактичката состојба со производството и испораката на белиот и полубелиот леб во маркетите. Го разбирам револтот на граѓаните за потегот од страна на трговците и производителите на лебот, како реакција на одлуката за замрзнување на цената на белиот и полубелот леб на 33 денари, што се одрази негативно на секојдневните потреби на граѓаните“, вели премиерот.Граѓаните сметаат дека ова е лош ПР на Ковачевски, па се пошегуваа дека тој ги купил сите лебовиhttps://twitter.com/kacisevidija/status/1631652843252768772?s=20https://twitter.com/roze_______/status/1631696416027410432?s=20https://twitter.com/milanzng/status/1631647150806298626?s=20https://twitter.com/StevanoAna/status/1631932316229541889?s=20https://twitter.com/Gramada_/status/1631756445208248321?s=20https://twitter.com/Igor_rujo/status/1631718736020348931?s=20https://twitter.com/Duarmingyllene/status/1631657951445368832?s=20https://twitter.com/Redington_M5/status/1631653620272754688?s=20

Коментари | пред 3 години

Трајанов му врати на Ковачевски: Се надевам дека не е заложник на ДУИ

Се надевам дека Ковачевски не е заложник на ДУИ, изјави Павле Трајанов од Демократскиот сојуз. Тој вчера го напушти владиното мнозинство.Премиерот Димитар Ковачевски денеска рече дека „се надева дека Трајанов нема да стане заложниик на Димитар Апасиев како што е Христијан Мицкоски“. Трајанов вели дека тоа е ниско ниво на комуникација.„Како и досега, немам намера никого да дискредитирам, но подготвен сум да учествувам во сите расправи поврзани со витални прашања битни за граѓаните и државата“, рече Трајанов.Според премиерот, ддлуката којашто ја донесе Демократски сојуз не претставува никакво нарушување на силината и на стабилноста на владиното мнозинство.

Македонија | пред 3 години

Трајанов до Ковачевски: Не сме подготвени да поддржиме нов партнер во Владата доколку се заканува со дестабилизација

Демократскиот сојуз денеска до претседателот на Владата ги достави своите ставови во врска со најавената реконструкција на Владата.Интегрално го пренесуваме дописот од Трајанов до Ковачевски:„Во тек се активности за реконструкција на Владата на Република Македонија, при што во Владата се вклучува Алијанса за Албанците.Освен персоналниот состав на Владата, за Демократскиот сојуз и пошироко за јавноста се клучни програмските определби, поради што бараме со програмските барања на АА да се информираат партиите и јавноста.Инаку, не сме подготвени да поддржиме нов партнер во Владата доколку се заканува со дестабилизација, радикализација и реорганизација на Македонија, делејќи ги граѓаните по етничка основа околу најавените уставни промени.ДЕМОКРАТСКИ СОЈУЗ ги афирмира приоритетите за кои и досега имаше усогласени ставови со СДСМ, но за нивната реализација досега ништо не е направено:1. Донесување на Измени и дополнување на Изборниот законик, со кои Македонија ќе биде една изборна единица. Предлог-законот е разгледан и поддржан од Комисијата за политички систем и односи меѓу заедниците, кaкo и од Законодавно – правната комисија. Законот е ставен на дневен ред, но претседателот на Собранието го блокира и не ја закажува седницата за да започне расправа по истиот.2. Започнување на робусна и неселективна борба против тешките облици на криминал преку целосна департизација на институциите надлежни за откривање и сузбивање ка криминалот, како и донесување на Закон за Агенција за борба против тешки облици на организиран криминал и висока корупција. Ангажирање на најстручните кадри од постојните институции и алокација на средства од истите во Агенцијата.3. Реформи на судскиот систем преку измени на Уставот со кои ќе се укине Уставниот амандман со кој се амнестирааат судиите од кривична одговорност за донесена одлука, укинување на трајниот мандат на судиите, ревизија на работата на сите судии и утврдување на имотната состојба.Донесување на Закон за преиспитување на факти и докази користени во судска постапка, со кој ќе се преиспитат монтираните судско-полициски случаи, преку обезбедување услови за фер судење и можност да се користат и нови докази.4. Транспарентност на СКРИНИНГ ПРОЦЕСОТ, вклучување на сите креативни и стручни кадри, континуирано информирање на парламентот, а преку него и на опозицијата, за да се обезбеди и поголемо единство, поддршка и континуитет.5. Формирање на ФОНД ЗА МЛАДИТЕ, 2% од Буџетот на РСМ за започнување на самостоен бизнис. Создавање на законски предуслови за секој студент по дипломирањето да може година дена да работи во јавниот или во приватниот сектор, со плата во висина од просечната плата, обезбедена од Буџетот на РМ. На овој начин поголем број од младите ќе останат да работат и да создаваат во Македонија.6. При формирањето (избор или реконструкција) на Владата и покрај тоа што се работи за политичка Влада, да се води сметка за компетентноста на кандидатите, за соодветна и правична застапеност на сите етнички заедници, како и за имплементацијата на правилото на Бадентер и Балансерот при вработување. На правична застапеност на сите етнички заедници во изминатите 20 години инсистираше ДУИ, но со најавите за новиот состав на Владата нема гаранции дека тоа ќе се почитува.7. За да се спречат партиските влијанија при вработување, да се предвиди казна затвор од 3 години, доколку се злоупотребува позицијата за влијание при вработување“.

Македонија | пред 3 години

Ковачевски го осуди каменувањето на македонскиот клуб: Очекувам надлежните да ги санкционираат сторителите

Премиерот Димитар Ковачевски го осуди каменувањето на македонскиот клуб во Благоевград и бара сторителите да бидат санкционирани.„Каменувањето на македонскиот клуб „Никола Јонков Вапцаров” во Благоевград е чин на вандализам кој најостро го осудувам. Ваквите активности не соодветсвуваат на договорената политика за унапредување на добрососедските односи, взаемното почитување и пријателство меѓу две соседни држави.Очекувам од страна на надлежните институции во Бугарија во најкраток можен рок да се пронајдат и санкционираат сторителите и да се осуди вандализмот. Северна Македонија во духот на европските вредности, ќе продолжи со заложбите за зацврстување на дипломатската и позитивна агенда меѓу Северна Македонија и Бугарија“, вели Ковачевски.

Македонија | пред 3 години

Левица: Пола милион евра за советниците на Ковачевски и неговите потсекретаријати

Најпосле, Владата ги објави платите и имињата на соработниците и советниците вработени во трите потсекретаријати на Владата. Имено, од народни пари, за потребите на Ковачевски, ангажирани се 15 надворешни соработници и уште околу 25 соработници и советници кои влегуваат во списоците во трите потсекретаријати, вели Левица.„Голем број од поранешните советници на Заев повторно се најдоа на листите. Иако СДС ветуваше намалување на бројот на советниците на премиерот, очигледно преку манипулативно прераспределување, сепак овие лица останале на платен список на државата.Сега, истите фигурираат како соработници и советници на потсекретаријатите на кабинетот на Ковачески, кои директно работат за премиерот. Власта ќе им исплаќа на овие лица авторски договори за специфични задачи, кои небулозно, не може да ги обезбеди од прекумерната и партизирана администрација, а народот за нив ќе плаќа околу половина милион евра годишно.Највисок хонорар повторно ќе добие Зоран Верушевски, советник за национална безбедност, во нето износ од 74.618 денари, а на списокот повторно е и Љубе Бошковски. Власта ќе ја советуваат и со неа ќе соработуваат професори, „експерти“, бизнисмени и новинари.Јасно е дека ќе се одвојуваат значајни средства од Буџетот на Република Македонија за лица кои имаат единствена задача како облигација на нивната ангажираност во Владата, а тоа е хвалоспевот на власта и клеветење на опозицијата. Овие лица се дел од политичкиот поткуп на власта во нејзината квинслиншка и врховистичка политика и работат против интересите на македонскиот народ“, стои во соопштението.

Македонија | пред 3 години

Апасиев и Ковачевски се препукуваа во Собрание, а си поставуваа и дијагнози

Премиерот Димитар Ковачевски одговарајќи на прашање од пратеникот Димитар Ковачевски му цитираше дефиниција од „Википедија“ за тоа што е паранонија. Апасиев пак му возврати со цитат од антички филозоф и му се заблагодари за дијагнозата која му ја дал. Ова дојде откако Апасиев упати прашање до премиерот: „Дали Македонија односно безбедносните служби го користат шпионскиот софтвер ‘пегасус’ кој од неодамна има извештај во ЕУ дека го користеле 14 земји членки и кој што се користи за компромитирање на политички неистомисленици – се влегува во нивните мобилни телефони, лаптопи, се вадат материјали, потоа се следат новинари, судии, обвинители, се компормитираат за да преземат или непреземат одредени дејствија?“.На ова, одговор даде премиерот Ковачевски кој рече: „Лично нешто што сакам да ви кажам, во ваш стил, а тоа е дека: Паранојa е инстинкт или мисловен процес кој е под силно влијание на вознемиреност или страв, честопати до степен на заблуда и ирационалност. Параноичното размислување вообичаено подразбира страв од прогон или убеденост дека има некаква завера против самиот себеси“, кажа Ковачевски по што додаде: „Изнесувањето лажни обвинувања и општата недоверба кон луѓето исто така честопати се дел од паранојата. На пример, параноична личност може да се убеди себеси дека некоја случка била намерна кога според повеќето луѓе станува збор за несреќа или случајност. Ви благодарам“.Возврати и пратеникот и лидер на Левица, Димитар Апасиев.„Премиере Ви благодарам на дијагнозата. Епиктет (антички филозоф) во еден свој прирачник вели: „Кога за Вас кажуваат лоши работи, немојте да се обидувате да се браните туку речете им на вашите непријатели дека само толку ли знаете, па уште кога ќе дознаете уште повеќе кај ќе ви биде крајот“. Јас ги разбирам вашите напишани панаѓирици во одбрана на безбедносните служби кои ги злоупотребувате за пресметка со вашите политички непријатели – но не се надевав дека на прашање кое не го знаете вие ќе излезете со напишан говор во кој ќе ми дадете дијагноза. Веројатно вие сте го виделе спикерскиот лист на говорница, па сте рекле: „Аа па ќе си спремам една дијагноза“. Јас предавам историја на право, па знаете Атињаните кога отишле кај Спартанците и такви благоглаголиви со напишани говори како Вас, Спартанците биле практични луѓе и рекле: „Абе ние крајот не го разбравме оти почетокот го заборавивме“. Па така и вие. Јас за едно Ве прашувам, вие за десетто ми одговарате. Прашањето беше за „Пегасус“, дали користите шпиунски софтвер, Вие ми мешате молотови коктели, дијагнози, баби и жаби“.Апасиев не беше задоволен од одговорот, па допраша: „Како тогаш нѐ прислушувате, со кои софтвери, преку кои структури, преку комбиња ли, како?“.„АНБ не користи ‘Пегасус спај веар’ софтвер. За целата работа на АНБ како пратеник, можете да се информирате преку комисијата за надзор на безбедносните служби која ја води пратеник од опозицијата и ги има на располагање сите директори на безбедносните служби. И да повторам уште еднаш: „Паранојa е инстинкт или мисловен процес кој е под силно влијание на вознемиреност или страв, честопати до степен на заблуда и ирационалност. Параноичното размислување вообичаено подразбира страв од прогон или убеденост дека има некаква завера против самиот себеси. Изнесувањето лажни обвинувања и општата недоверба кон луѓето исто така честопати се дел од паранојата. На пример, параноична личност може да се убеди себеси дека некоја случка била намерна кога според повеќето луѓе станува збор за несреќа или случајност“, повторно одговори Ковачевски.

Македонија | пред 3 години

Ковачевски насилно ја одржува власта на “апарати“ и со две патерици, вели ВМРО-ДПМНЕ

Ковачевски и СДС ја одржуваaт својата власт на сила и со насилство. Но колку повеќе вештачки се продолжува рокот на оваа власт толку повеќе расте антивладиното расположение кај народот. Затоа на Ковачевски му требаат патерици од Албанија и Бугарија да си ја потпре својата влада, вели ВМРО-ДПМНЕ„Ова очигледно ги фрустрира и СДС и Ковачевски, па затоа се толку нервозни. Веќе не знаат од очај каде попрво да вршат притисоци. Почнаа со закани и притисоци врз медиумите, а сега гледаме декa продолжија и со притисоци врз свои членови и пратеници. Се поголем број членови и функционери на СДС гледаат дека агонијата на оваа власт може да се реши на предвремени избори и колку тоа побрзо се слуши, толку подобро ќе биде и за Македонија и за СДС. Таквите луѓе во СДС се под закани од посредници, но и директно од членови на подземјето. Тоа е автократското и недемократското лице на СДС и Ковачевски кое го гледа јавноста. Очигледно Ковачевски пати од комплекс на ниска вредност во односот со ДУИ во власта, па затоа манифестира сила врз неговите сопартијци кои не се согласуваат со лошите политики.Крајот на власт се ближи и никој веќе не им се плаши. Патериците и “апаратите“ може да ја одржат оваа власт уште некое време, но не може да ја спасат од неизбежното, народната казна, катастрофалниот пораз и одговорноста за криминалот“, се вели во соопштението.

Македонија | пред 3 години