КУМАНОВО

(Видео) Објавена снимка од пукањето во Куманово – маскирано лице вперува пиштол во автомобилот управуван од докторот кој сега се бори за живот

На социјалните мрежи се појави снимка од безбедносни камери на која се гледа моментот од денешното пукање во Куманово, кога непознато маскирано лице со пиштол пукало кон автомобил „Фолксваген голф“ во движење.На видеото, снимено од надзорна камера поставена на околна зграда, се гледа како вооруженото лице стои покрај улицата, го забележува возилото кое се приближува и вперува пиштол директно кон него, испукувајќи неколку куршуми. По ова бега.Според првичните информации, три куршуми завршиле во шофершајбната на возилото. Возачот, 43-годишен доктор од село Слупчане, општина Липково, е тешко повреден и со итна медицинска помош бил пренесен во кумановската болница.Инцидентот се случи денеска околу 13:54 часот, на крстосницата меѓу улиците „Димитрие Туцовиќ“ и „11 Октомври“ во Куманово.Од Министерството за внатрешни работи соопштија дека полициски екипи веднаш излегле на терен, обезбедено е местото на настанот и се преземаат интензивни мерки за пронаоѓање на напаѓачот и целосно расчистување на случајот.Од Основното јавно обвинителство Куманово потврдија дека двајца јавни обвинители излегле на лице место и се прибираат траги и материјални докази кои ќе бидат предмет на вештачење.– „Во пукањето е повредено едно лице, а по напаѓачот се трага. Првичните индиции не упатуваат на политички мотиви, но сите околности се проверуваат“, соопштија од Обвинителството.Случајот предизвика вознемиреност кај жителите на Куманово, особено бидејќи пукањето се случило среде бел ден и на фреквентна локација, во близина на продавници и кафулиња.Полициската истрага е во тек.

Настани | пред 5 месеци

Обвинителите се на терен, ќе се утврдуваат мотивите за инцидентот во Куманово

Во однос на настанот на настанот во Куманово, двајца јавни обвинители од Основното јавно обвинителство Куманово излегоа на лице место и преземаат увидни дејствија.Се прибираат траги и материјални докази кои ќе бидат предмет на вештачење. Во пукањето е повредено едно лице, а по напаѓачот се трага.Првичните индиции не упатуваат на политички мотиви зад оружениот инцидент, но сите околности се проверуваат, соопшти обвинителството.

Македонија | пред 5 месеци

Ранет е д-р Зекирија Шахини, носител на Листата за советници во Општина Липково

Попладнево имало пукање во Куманово.Според неофицијални информации, пуканo е кон д-р Зекирја Шахини од Слупчане, носител на Листата за советници во Општина Липково.Тој бил застрелан со два до три куршуми во близина на зградата на Фондот за пензиско осигурување, по што веднаш е пренесен на Клиниките во Скопје и, според првичните информации, е надвор од животна опасност, ранет е во ногата.

Македонија | пред 5 месеци

Затруени со храна учесници на семинар во Куманово - развиле температура до 41, повраќање и треска

Центарот за јавно здравје Куманово (ЦЈЗ) соопшти дека вчера е пријавена епидемија на труење со храна кај шест лица кои присуствувале на семинар-обука на 11 септември во ресторан во Куманово.Од вкупно 36 учесници на семинарот, шест лица развиле симптоми на труење  со храна – повраќање, дијареја, треска, температура до 41 степен, болки и грчеви во стомак. Двајца од нив се хоспитализирани, тројца се на дневна болница, а еден е на домашно лекување.-Одделението за епидемиологија при ЦЈЗ Куманово вчера пријави епидемија на „алиментарна токсоинфекција“ за шест пријавени - заболени со знаци на труење со храна од вкупно 36 експонирани лица. Се работи за учесници на семинар-обука организирана од една фирма во еден ресторан во Куманово. По консумирање на храната во надворешниот простор на гостилницата во вечерните часови на 11-ти септември годинава, заболените симптомите на труење со храна ги развивале по четири, па сè до 16 часа со обилни повраќања, зачестени столици на секои 10, 15 или 20 минути, малаксаност, температура до 41 степен, треска, болки и грчеви во стомак, главоболка, соопштија од ЦЈЗ Куманово.Епидемиолог на ЦЈЗ Куманово и подрачните единици Куманово на ДСЗИ и АХВ на 15-септември, годинава по добивање на првите пријави за заболени со знаци на труење со храна направиле координиран надзор во гостилницата и зеле брисови и мостри храна за микробиолошко испитување.-Преземени се сите хигиено-епидемиолошки соодветни противепидемиски мерки. Објектот е затворен до добивање на негативни резултати на испитуваните материјали, соопштија од ЦЈЗ Куманово.Епидемиолошката состојба се следи.

Македонија | пред 6 месеци

Претреси во Куманово: пронајдени 15 дронови и куршуми

Полициски службеници од СВР Куманово денеска (12.09.2025), по судска наредба, извршиле претреси во домовите на Д.Х. (47) и Д.Г. (51) од Куманово, како и во деловни простории на правното лице на Д.Г.Претресите следеле поради основи на сомнение за неовластено снимање со дрон на зградата на СВР Куманово, службени возила и физичко обезбедување на настан по повод празникот 2 Август.Кај Д.Х. биле пронајдени еден дрон, шест куршуми и нотарски акти со документација, кои ќе бидат дополнително обработени.Кај Д.Г. полицијата пронашла 14 дронови.Со двајцата лица се извршени службени разговори, а случајот се расчистува. Полицијата најави дека ќе следуваат соодветни поднесоци.

Македонија | пред 6 месеци

Изгоре барака на Центарот за управување со кризи во Табановце

Во Транзитниот центар Табановце вчера попладне избил пожар во барака сопственост на Центарот за управување со кризи. Повредени лица нема, а огнот бил изгаснат од кумановските пожарникари, информира МВР.На 02.09.2025 во СВР Куманово било пријавено дека околу 15:45 часот во Транзитен центар Табановце настанал пожар во барака сопственост на Центарот за управување со кризи. Повредени лица нема, а од екипа на Територијалната противпожарна единица Куманово пожарот бил изгаснат. Извршен бил увид од увидна екипа од СВР Куманово.

Македонија | пред 6 месеци

Уапсени возачи од Куманово и Кочани затоа што управувале возила под дејство на алкохол

Министерството за внатрешни работи информира дека во текот на вечерните и ноќните часови на 22 и 23 август 2025 година, полициски службеници привеле тројца возачи кои управувале моторни возила под дејство на алкохол.Во Куманово, на 22 август во 22:50 часот, на крстосницата меѓу улиците „Народна револуција“ и „Тоде Думба“, бил лишен од слобода 44-годишниот Д.Ј. од село Биљановце. При контрола било утврдено дека возел „Цитроен“ со 1,96 промили алкохол во крвта. Неколку часа подоцна, на 23 август во 02:59 часот, полицијата на улицата „Ленинова“ го привела и 51-годишниот Б.М. од Куманово, кој управувал „Ауди“ со 2,04 промили алкохол.Во Кочани, пак, на 22 август во 21:10 часот, полициски службеници од ОВР Кочани го привеле 47-годишниот Е.Д. кој возел со 1,59 промили алкохол во крвта.Сите лица биле задржани во полициските станици, а против нив ќе бидат поднесени соодветни кривични пријави за „безобѕирно управување со моторно возило“ по член 297-а од Кривичниот законик.

Македонија | пред 7 месеци

Уште едно дете се затруло со непозната течност во Куманово!

Кумановската болница синоќа пријавила случај на затруено дете во Куманово. Според информации од кумановската полиција станува збор за четиригодишно дете.– Вчера, во 22.42 часот во СВР Куманово од општа болница Куманово било пријавено дека кај нив било донесено затруено четиригодишно дете од Куманово, соопшти СВР Куманово.Полицијата презема мерки за расчистување на случајот.Од болницата соопштуваат дека детето е примено на педијатрија, по извршениот преглед од страна на дежурниот лекар, стабилизирано е и однесено е на клиника во Скопје.Детето е затруено со консумирање на непозната течност, најверојатно детергент.Во јули, годинава имаше два случаи на затруени деца со лекови, прво едногодишно бебе од липковското село Отља, а неколку дена подоцна и десетмесечно бебе од Куманово.

Македонија | пред 7 месеци

Горан Стојковски-Диро, независен кандидат за градоначалник на Куманово

Куманово го доби својот прв независен кандидат за градоначалник – Горан Стојковски-Диро, кој синоќа ја објави својата кандидатура и ја претстави советничката листа на граѓанската иницијатива „Ред за Куманово“. Настанот се одржа пред градскиот часовник, кој, според него, „дваесет години стои како симбол на застојот и хаосот во кој живее градот“.Стојковски е правник и моментално работи во Секторот за урбанизам во Општина Куманово. Претходно, два мандата го водеше ЈП „Водовод“, каде дојде од приватниот сектор. Тој вели дека излегувањето на избори не е само одговор на неуспехот на политичките партии, туку и обид да се понуди нов модел на управување.„Овде сме за да поставиме нови стандарди и критериуми. Ќе се потпреме на највредниот ресурс – луѓето. Во нашиот тим има компетентни и професионални лица кои знаат и сакаат да работат за граѓаните“, порача Стојковски.Стојковски е трет официјално објавен кандидат за градоначалник на Куманово, по Максим Димитриевски од ЗНАМ и Мартин Костовски од СДСМ, но прв кој настапува како независен. Локалните избори ќе се одржат на 19 октомври, а евентуалниот втор круг на 2 ноември.

Македонија | пред 7 месеци

Нема фотографија

Повредено тримесечно бебе во сообраќајка кај Куманово, се судриле „фиат“ и „ауди“ со бугарски таблички

Тримесечно бебе и уште тројца возрасни лица се повредени, а еден возач е тешко повреден во сообраќајна несреќа што се случила на регионалниот пат Куманово–Свети Николе. Во судирот учествувале „фиат“ и „ауди“ со бугарски ознаки, а полицијата извршила увид на местото на настанот, соопшти МВР.-На 11.08.2025 во 11:10 часот во СВР Куманово било пријавено дека на регионалниот пат Куманово-Свети Николе се случила сообраќајна несреќа помеѓу патничко возило „фиат“ со кумановски регистарски ознаки, управувано од Н.С.(50) од Куманово и патничко возило „ауди“ со бугарски национални ознаки, управувано од М.П.(24) од Куманово.Во несреќата со тешки телесни повреди се здобил возачот Н.С., а со телесни повреди се здобиле возачот М.П., две негови сопатнички М.П.(25), К.П.(22) и тримесечно бебе, сите од Куманово, констатирани во Општа болница Куманово. Извршен бил увид од увидна екипа од СВР Куманово, наведува МВР.

Македонија | пред 7 месеци

Од спорт до скандал – антиалбански скандирања предизвикаа лавина реакции

Бројни реакции и критики беа упатени по кошаркарскиот натпревар меѓу Македонија-Романија кој се одржа во реновираната спортска сала во Куманово. Поради критиките дека навивачите скандирале навредливи и националистички пораки, Обвинителството отвори постапка. Министерот за спорт, Борко Ристовски, рече дека не реагирале оти скандирањата доаѓале од навивачи, а не клубови.„Немаме никаква ингеренција да реагираме кога доаѓа од навивачи. Во Македонија нема потреба за такви скандирања ниту од една, втора, трета страна. Секој нека си ја поддржува својата екипа, ама нема потреба од вакви скандирања. Ние може да работиме на едукација“, рече министерот за спорт Борко Ристовски.Премиерот Христијан Мицкоски, го осуди скандирањето, кое рече дека, дошло од „неколкумина“.„Во текот на вчерашниот ден, домаќинот, Кошаркарската федерација и Општина Куманово, го осудија скандирањето. Додека бев таму, не го забележав тоа, бидејќи стануваше збор за мала група луѓе. Еве ќе ја искористам приликата за испадот на национализмот и ксенофобијата, како и да упатам порака до сите групи да навиваат спортски“, рече премиерот Мицкоски.На социјалната мрежа „Фејсбук“ се огласи поранешниот министер за здравство Арбен Таравари кој упати остри критики кон премиерот, претставниците на ВРЕДИ, министерот Тошковски и други функционери.„Ние, Албанците, бевме проколнати за нашата мајка, семејство, потекло, племе и семе во хор од македонските навивачи! Премиерот молчеше и молчеше… се чинеше како да добива одговор на она што го поттикна пред неколку дена со палење оган меѓу етникумите и користење опасни изрази како „каур“. П.С. Викаа за Чиста Македонија (без Албанци)… Што да кажам?! Ќе изберам молчење како и секогаш, но овој опасен дух за земјата и Регионот што го носи ветерот на Србија, па и подалеку, мора да биде осуден и изгаснат!“ напиша тој во објавата на „Фејсбук“.Вицепремиерот и министерот за животна средина и просторно планирање Изет Меџити исто така ги осуди скандирањата за време на кошаркарскиот натпревар. Тој посочи дека Северна Македонија е заедничка земја за сите и дека спортот треба сите да ги обедини, а не да ги дели.„Најостро ги осудувам расистичките и антиалбанските скандирања што се слушнаа за време на кошаркарскиот натпревар во Куманово. Навредливите зборови и песни што поттикнуваат омраза немаат место во нашата држава и општество. Тие претставуваат напад врз соживотот и еднаквоста што ја прават Северна Македонија единствена. Северна Македонија е заедничка држава за сите: Македонци, Албанци, Турци, Роми, Власи, Бошњаци и други. Сите ние придонесуваме за оваа земја. Сите заслужуваме почит. Спортот треба да нè обединува, а не да нè дели. Фашистичките скандирања не претставуваат никого од нас и не смеат да се повторуваат повторно“ напиша Меџити на неговиот „Фејсбук“ профил.

Македонија | пред 7 месеци

Обвинителството поведе постапка за говор на омраза на кошаркарскиот меч во Куманово

Основното обвинителство-Куманово започна предистражна постапка и му наложи на Секторот за внатрешни работи да испита можни елементи на кривично дело поврзано со говор на омраза, откако за време на натпреварот меѓу Македонија и Романија биле забележани скандирања со навредлива и омаловажувачка содржина од засега непознати лица.-Основното јавно обвинителство Куманово постапува и до СВР Куманово издаде повеќе наредби и насоки за испитување елементи на кривично дело при скандирањата кои содржеа говор на омраза од засега непознати лица на вчерашниот кошаркарски натпревар меѓу репрезентациите на Македонија и Романија, велат оттаму.Како што информираат од обвинителството, издадена е наредба да се прибават видеоснимки од надзорните камери за полесно идентификување на инволвираните лица.Настанот се одиграл на 2 август во спортската сала во Куманово, кога двете репрезентации одиграа натпревар од квалификациите за Светското првенство во кошарка 2027.Натпреварот, во кој македонската селекција беше поразена со 72:80, воедно го означи и повторното отворање на реконструираната спортска сала во Куманово. Меѓу присутните на трибините беа и премиерот Христијан Мицкоски, министерот за внатрешни работи Панче Тошковски и градоначалникот Максим Димитриевски.фото: ФБ

Македонија | пред 7 месеци

Обвинителството се повлече: Против Максим Димитриевски повеќе не се води постапка за злоупотреба

Основното јавно обвинителство Куманово, на само пет дена пред закажаните завршни зборови, се повлече од обвинението против градоначалникот на Куманово, Максим Димитриевски, кој беше обвинет за злоупотреба на службената положба и овластувањата, по пријава од двајца бизнисмени од Куманово за ненавремено издавање дозвола за градба.Основниот суд Куманово денеска објави дека донел пресуда со која обвинението против Димитриевски се одбива.„Основниот суд Куманово, имајќи предвид зголемениот интерес на јавноста за предметот К-115/24 против обвинетиот М.Д. од Куманово, за кривичното дело според член 353 став 4 во врска со став 1 од Кривичниот законик, ја информира јавноста дека на 1 јули 2025 година донесена е пресуда со која се одбива обвинението, согласно член 402 став 1 точка 3 од Законот за кривична постапка, бидејќи јавниот обвинител на 30 јуни 2025 година го повлекол обвинението“, се наведува во соопштението на судот.Судскиот процес започна на 2 април 2024 година, а последното рочиште се одржа на 27 јуни. За 4 јули беше предвидено изнесување завршни зборови, што го најави и судијката Маја Денковска.Во обвинителниот акт се тврдеше дека Димитриевски, во својство на градоначалник на Куманово, од април 2023 година не постапувал по службена должност, односно не потпишал решение за одобрување градба и не ја изготвил пресметката за надомест за уредување градежно земјиште за фирмите „УПМ-ГРУП“ и „Хромак“ од Куманово. Според тужителите, на тој начин е направена штета во износ од 3,3 милиони денари.На денешната седница на Советот на Општина Куманово, градоначалникот Максим Димитриевски изјави дека Обвинителството утврдило оти не постојат елементи на кривично дело, поради што обвинението било повлечено.„Како човек кој верува во системот, учествував во сите рочишта и верував дека постојат чесни луѓе и професионалци кои ќе донесат промени во судството. Но, секогаш сум ги критикувал оние кои се водат од политички мотиви и меѓусебни поврзаности, какви што има многу во Кумановскиот суд, но и во други судови во земјава. Времето ќе покаже кој е дел од тој механизам“, рече Димитриевски.Тој ќе се кандидира за трет мандат на локалните избори како претставник на коалицијата ЗНАМ, која е дел од владината коалиција предводена од ВМРО-ДПМНЕ.

Македонија | пред 8 месеци

Максим ќе бара пак доверба да остане градоначалник во Куманово, партијата најавува борба и за место во Скопје

Претседавачот на Централниот одбор на ЗНАМ, Игор Филков, потврди дека партијата ќе има свој кандидат за градоначалник на Куманово – актуелниот градоначалник и партиски лидер Максим Димитриевски.Преговорите за настап на локалните избори во рамки на коалиција се сѐ уште во тек, а ЗНАМ најавува кандидати и во други општини, вклучително и во Скопје.Филков додаде дека ЗНАМ е подготвена за избори со било кој модел – дури и веднаш.На прес-конференцијата беше објавено и формирањето на градската организација на ЗНАМ во Скопје, што партијата го нарече почеток на „сериозна и решителна политичка борба“.

Македонија | пред 9 месеци

Фатени пијани возачи во Куманово – еден од нив со речиси 2 промили алкохол во крвта

На 15 јуни 2025 година, полициски службеници од Полициската станица за безбедност на патниот сообраќај при СВР Куманово, во два одвоени случаи, привеле двајца возачи кои управувале моторни возила под дејство на алкохол.Во 18:20 часот бил сопрен В.Ц. (30) од Куманово, кој управувал патничко возило марка „Фолксваген Венто“. По извршената контрола, било утврдено дека возачот имал 1.69 промили алкохол во крвта.Неколку часа подоцна, во 20:20 часот, бил сопрен и Е.С. (32) од Скопје, кој управувал „БМВ“. Кај него биле измерени 1.84 промили алкохол, што е речиси четири пати над дозволеното.Двајцата се лишени од слобода, а по целосно документирање на случаите, против нив ќе биде поднесена кривична пријава согласно член 297-а од Кривичниот законик – „безобѕирно управување со моторно возило“.

Македонија | пред 9 месеци

Нема фотографија

Максим Димитриевски сака трет мандат за Куманово

Актуелниот градоначалник и лидер на ЗНАМ, Максим Димитриевски ќе влезе во трка за трет градоначалнички мандат во Куманово.,,Во моментот преговорите се во тек. Но она што можам да го повтврдам сигурно е дека ние ќе имаме кандидат во градот Куманово, тоа е нашиот претседател Максим Димитриевски. Ќе имаме најмалку едно градоначалничко место во општините во Град Скопје, но и други места ширум републиката за кои се уште траат преговорите”, вели Претседавачот на Централниот одбор на ЗНАМ Игор Филков.Според партиски информации, ЗНАМ имаат амбиција во поделбата на колачот со ВМРО-ДПМНЕ, да го добијат Центар.Партијата најави дека ќе одат со сопствени советнички листи.

Македонија | пред 9 месеци

(Фото) Вандализиран автобусот на Чаир 2030 во Куманово на кошаркарскиот натпревар: Ситуацијата ескалираше надвор од паркетот

Кошаркарскиот натпревар меѓу Куманово и Чаир 2030 помина со низа инциденти во салата. Навивачите на Куманово беа избркани од салата поради навредите на национална основа кон гостите од Чаир. Прекинот на мечот траече 40 минути, а за тоа време, полицијата ги бркаше најжестоките фанови на домаќините.Чаирчани преку соопштение се пожалија за тоа што го доживеаа во Куманово и побараа реакција од надлежните.„Кошаркарскиот клуб Чаир 2030 вчера го одигра својот следен натпревар во рамките на Првата лига на Република Македонија против домаќинот, КК Куманово. Натпреварот се одвиваше во исклучително тензична атмосфера, при што за жал се слушнаа навреди и омаловажувања на етничка основа, што е апсолутно неприфатливо во која било сфера, а особено во спортот. Како резултат на навредите и пцовките на етничка основа, делегатот нареди веднаш празнење на салата. Покрај недостигот на соодветна организација од страна на домаќинот – вклучително и технички проблеми со семафорот и осветлувањето – ситуацијата ескалираше надвор од паркетот. По завршувањето на натпреварот, навивачи на домашниот тим се обидоа да го вандализираат автобусот на нашиот клуб, оставајќи и натписи со националистичка и навредлива содржина. КК Чаир 2030 најостро го осудува ова срамно и антидржавно однесување. Спортот треба да биде место на почит, здраво ривалство и обединување, а не омраза и вандализам. Апелираме до надлежните институции веднаш да преземат соодветни мерки и да го истражат овој инцидент, за ваквите појави да не се повторат во нашите спортски арени“, реагира Чаир 2030.

Спорт | пред 11 месец

(Видео) Уапсен пироманот кој запали автомобили во Куманово: фатен е на Бит Пазар

Денеска (05.12.2024) во 01.10 часот во Скопје, на подрачјето на Бит Пазар, по претходно добиени оперативни информации и координација на СВР Куманово со Одделот за криминалистичка полиција при Бирото за јавна безбедност и СВР Скопје, полициски службеници од Единицата за интервентна полиција при СВР Скопје го лишиле од слобода Ф.А.(35) од Куманово.Тој се сомничи дека на 02.12.2024 во Куманово опожарил три патнички моторни возила и еден деловен објект.Ф.А. бил приведен и задржан во Полициска станица Куманово и по целосно документирање на случајот против него ќе следува соодветна пријава.

Македонија | пред 1 година

Нема фотографија

Приведен крадец во Куманово

Денеска (03.08.2024) во 08.00 часот во Куманово полициски службеници го лишиле од слобода Н.З.(58) од Куманово поради тоа што околу 06.30 часот на автобуска постојка во с.Пезово, со уште едно женско лице со употреба на физичка сила од С.П.(84) од с.Пезово, кумановско, одзеле пари и го напуштиле местото на настанот со патничко возило „форд галакси“ со кумановски регистарски ознаки, кое на 02.08.2024 околу 16.30 часот го одзеле пред викенд куќа во с.Скачковце, кумановско, сопственост на Ј.М.(47) од Куманово.Возилото и дел од одземените предмети се вратени на оштетените. По целосно документирање на случајот ќе следува соодветен поднесок.

Македонија | пред 1 година

Херојот кој беше убиен во Вејце – Бобан Трајковски, доби споменик

Со почит кон споменот на бранителот Бобан Трајковски, на 28 април, во центарот на Куманово, во 12 часот, ќе биде откриен мурал со неговиот лик, во пресрет на 23-годишнината од неговата херојска смрт.Бобан Трајковски, припадник на Баталјонот за специјални намени „Волци“ на Армијата на Република Македонија на 28 години го положи својот живот на олтарот на татковината против терористите од ОНА во 2001 година кај Вејце.Муралот е изработен од талентираните уметници Младен Трендевски – Трендо, Горан и Дејвид (сограѓани на Бобан).Организатори на настанот се Здружението СИЛА и колегите од специјалната единица ВОЛЦИ.

Македонија | пред 1 година

Министерство за правда ја префрли топката кај кумановскиот суд: Укажавме на несоодветно архивирање, но не преземаа мерки

Комисијата за надзор над функционалноста на АКМИС-системот во судовите при Министерството за правда последниот надзор врз работата на Основниот суд Куманово го изврши на 6 јуни при што беше констатирано следново:Судската архива е сместена во подрумските простории.Архивирањето на предметите било завршено заклучно со 1971 година.Нема континуирано архивирање на предмети.Овој проблем се провлекува со децении и е констатиран уште со првиот надзор кога судот бил задолжен да започне со архивирање.Комисијата за надзор над функционалноста на АКМИС во судовите го задолжи Основниот суд Куманово да започне со континуирано архивирање на предмети и итно расчистување на архивскиот простор.Претседателот на судот се задолжува да постигне договор со архивот и да се продолжи со натамошно архивирање.За време на надзорот од страна на ВД претседателот на судот беше истакната забелешка дека овој процес ќе биде тежок за реализација затоа што судот располагал само со двајца службеници во архивата.Комисијата смета дека внатрешната организација е работа на судот, а архивирањето на предметите е обврска која мора да се почитува.

Македонија | пред 2 години

Пет месеци нема казна за в.д. претседателот на кумановскиот суд за навредите кон вработените и злоупотребите на АКМИС-системот

Министерството за правда преку соопштение до медиумите реагира дека и покрај укажувањата и писмените дописи за констатирани неправилности во работата на Основниот суд Куманово, Судскиот совет одолжува и не постапува по извештајот кој е изготвен од нивна страна и јавно објавен на веб-страницата на Советот.„Судскиот совет беше во работна посета на Основниот суд Куманово на 1 февруари годинава и подготви извештај, каде што се констатирани низа нарушувања на угледот на судиската функција, направени се груби повреди на начелото на недискриминација по која било основа, користење несоодветен вокабулар, навреди и омаловажувања на вработените од страна на в.д. претседателот на судот, како и злоупотреба на АКМИС-системот, што во голема мера влијае на односите и работењето на судот“, соопшти Министерството за правда.Министерот за правда, Кренар Лога, на 11 април испрати писмен допис до Судскиот совет, во кој бара преземање мерки за недостатоците констатирани во извештајот, кој беше на дневниот ред на седница на Судскиот совет на 13 март.„Во извештајот се наведени и злоупотреби на АКМИС-системот, исклучување одредени судии од автоматската распределба на предмети. Од увидот на предметите во работната група констатирано е долго траење и одолжување на постапката, неуредно и неажурно верификување на предметите во АКМИС-системот. Од Судскиот совет добивме известување на 12 април дека дописот е доставен на запознавање и понатамошна надлежност и постапување до координаторот за следење на работата на Основниот суд Куманово, членот на Советот, Ханиф Зендели“, велат од Министерството за правда.Министерот Лога испратил и ургенција за постапување до Судскиот совет.„На 29 јуни од страна на заменик-претседателот на Судскиот совет, Ханиф Зендели, доставен беше одговор дека е изготвен дополнителен извештај, кој е потребно да се разгледа на седница на Судскиот совет по што ќе нè информираат за констатираната состојба“, велат од Министерството за правда.Од Министерството уште еднаш јавно го повикуваат Судскиот совет да постапи во согласност со надлежностите и нагласуваат дека неказнувањето вакви случаи ќе доведе до дополнително нарушување на угледот на Советот, а со тоа и намалување на довербата во правосудството.

Македонија | пред 2 години

„Која по ред е оваа архива на институција што гори сама од себе или се поплавува“, прашува Ковачки

Во пожар што избувнал во 1 часот и 35 минути по полноќ изгореa подрумските простории во зградата на Основниот суд Куманово. Таму се чува архивата на судот.На социјалните мрежи се огласи Драган Ковачки од ВМРО-ДПМНЕ кој праша која по ред е оваа архива која што изгорела сама од себе.„Архивата на Судот во Куманово изгоре.Која по ред е оваа архива на институција што гори сама од себе или се поплавува?“, прашува Ковачки

Коментари | пред 2 години

Уставниот суд ќе одлучува за Одлука на Општина Куманово со која се овозможува градење на станбени згради надвор од централното градско подрачје

На денешната 9. седница која ќе се одржи во 9.15 часот во Уставниот суд покрај предметите предвидени за дискусија на дневен ред, Судот треба да одлучува и по предлог-одлуката за предметот У.бр. 82/2022. Станува збор за Одлука на општина Куманово со којашто се овозможува да се градат станбени згради надвор од централното градско подрачје, односно: „Одлука за спроведување и планирање на површини на градење со намена А2 на парцели лоцирани вон централното градско подрачје во граница на градежен реон на Куманово, број 09-5643/4” од 12 јули 2022 година.За овој предмет Уставниот суд поведе постапка на 20 декември 2022 година со што изрази сомнеж во уставноста и законитоста на Одлуката донесена од Советот на општина Куманово.Имено, Уставниот суд оцени дека со Одлуката директно се влијае на веќе започнатите постапки за добивање на одобрение за градење и се наметнува обврска на граѓаните кои имаат започнати постапки, а не добиле потврда за заверка на проектната документација, повторно од почеток да ја почнат постапката. Уставниот суд смета дека ова води кон правна несигурност, а граѓаните се соочуваат со тешко отстранливи последици.На истата седница Уставниот суд одлучи да го запре извршувањето на поединечни акти или дејствија што се преземаат врз основа на оспорената Одлука, односно воведена е т.н. времена мерка.

Македонија | пред 3 години

Шест месеци бесплатен превоз во Куманово

Градоначалникот на Куманово Максим Димитриевски соопшти дека на денешната Седница, Советот на општината го прифати неговиот предлог и едногласно донесе одлука за субвенционирање на јавен линиски превоз во наредните шест месеци со тенденција да продолжи и во иднина.„Со оваа одлука граѓаните во наредниот период ќе можат бесплатно да го користат јавниот линиски превоз за своите потреби. Во време на економско-енергетска криза граѓаните на Општина Куманово добиваат можност за значителни заштеди во семејниот буџет. Со ова, ќе придонесеме за намалување на сообраќајниот метеж во централното градско подрачје и намалување на загадувањето. Дополнително, ќе се стремиме да се унапреди нивото на услуга во јавниот линиски превоз во Куманово и да стимулираме што е можно повеќе граѓани да користат јавен превоз за сопствените потреби“, вели Димитриевски.

Македонија | пред 3 години