ЛИМАНИ

(Фото) Ахмети со Гаши и министерот Лимани беа кај Рама на „Самит на албанската дијаспора“

Лидерот на ДУИ, Али Ахмети, учествуваше на отворањето на четвртиот Самит на албанската дијаспора во Тирана, каде упати порака за единство и заедничка иднина.„Задоволство е да се учествува на отворањето на Самитот на албанската дијаспора – ‘Преку корените се издигнуваме’. Ова е момент што нè потсетува дека нашата сила произлегува од идентитетот, историјата и нераскинливата поврзаност едни со други“, напиша Ахмети.Тој истакна дека самитот претставува важен мост за поврзување на Албанците ширум светот, со цел зајакнување на соработката, размена на искуства и заеднички ангажман за развој и европска перспектива.На настанот присуствуваа и Фатмир Лимани, министер за труд и социјална политика, како и претседателот на Собранието Африм Гаши.Самитот во Тирана собра претставници на дијаспората, политички лидери и институционални претставници, со фокус на поврзување и зајакнување на националната и економската соработка.

Македонија | пред 1 седмица

Фотографијата од Тирана отвори нови тензии во ВЛЕН: Лимани објаснува, Касами најавува преиспитување

Министерот Фатмир Лимани даде објаснување по реакциите во ВЛЕН откако на социјалните мрежи се појави фотографија на која е заедно со лидерите на ДУИ и на АА, Али Ахмети и Арбен Таравари, на ифтар организиран од албанскиот премиер Еди Рама во Тирана.Лимани тврди дека распоредот на гостите го одредил домаќинот, додавајќи дека присуството на заедничка трпеза не значи политичка порака.„На трпеза за добредојде не се оди за политички калкулации или за нарушување на атмосферата, туку за да се почитуваат традицијата и гостопримството. Фотографијата или присуството во заедничка средина не ја менува политичката историја на никого“, изјави Лимани.Тој додаде дека додека дел од јавноста се обидува да создаде дилеми од една фотографија, тој се соочува со, како што вели, „отворен и исклучувачки обид“ против него од луѓе со кои го градел политичкиот проект.Еден од лидерите на ВЛЕН, Билал Касами, изјави дека Лимани во Тирана заминал самостојно, а не како претставник на коалицијата. Касами додаде дека ќе се разгледа и неговата позиција во Владата како кадар на Движењето Беса.„Фотографијата не е најдобра, но ја покажува позицијата на министер кој сè уште е дел од владата предложена од ВЛЕН. Останува на Лимани да објасни зошто седнал на маса со Али Ахмети, за кого самиот кажал дека никогаш не би седел со оние што ги обвини за убиството на неговиот татко“, изјави Касами.Случувањата доаѓаат во период кога ВЛЕН е во процес на обединување во една политичка партија. Во меѓувреме, Арбен Фетаи, кој важеше за претставник на Алијансата за Албанците во коалицијата, остана надвор од процесот, а неговото место го презеде Латиф Арифи, со поддршка од Азир Алиу и Мимоза Муса.

Македонија | пред 1 месец

ВЛЕН бара објаснување од министерот Лимани за фотографијата со Али Ахмети и Арбен Таравари

Коалицијата ВЛЕН побара јавно објаснување од Фатмир Лимани, откако актуелниот министер за социјална политика, демографија и млади од редовите на Беса беше забележан на заедничка фотографија со лидерот на ДУИ, Али Ахмети, и со претседателто на Алијансата а Албанците, Арбен Таравари.Објавената фотографија е направена на ифтарската вечера организирана од премиерот на Албанија, Еди Рама. а од ВЛЕН реагираа дека тој треба лично да објасни зошто седел на заедничка маса со Али Ахмети и Арбен Таравари.„Во интерес на вистината, а со цел да се прекинат различните толкувања за вечерашната ифтарска фотографија кај албанскиот премиер Еди Рама, очекуваме Фатмир Лимани лично да ѝ објасни на пошироката јавност зошто седел на заедничка маса со Али Ахмети и Арбен Таравари. По сè што јавно има изјавено против нив, Лимани има морална обврска да ги разјасни забуните што природно се наметнуваат“, велат од Влен за ТВ21.

Македонија | пред 1 месец

Мицкоски по најавата за смена на Лимани: Јас ја составувам Владата, ако некој тоа го заборавил, да го потсетам

Премиерот Христијан Мицкоски го потсети владиниот партнер од Вреди Билал Касами дека само тој како премиер е надлежен за кадровските решенија во Владата. Потсетувањето од премиерот следи откако Касами изјави дека се подготвува можна смена на министерот за социјална политика, демографија и млади Фатмир Лимани, бидејќи не е задоволен од неговата работа во извршната власт. Судирот меѓу Касами и Лимани кулминира по локалните избори откако министерот кој беше кандидат за градоначалник на Кичево ги изгуби изборите.„Јас сум задоволен со работењето на господинот Фатмир Лимани и мислам дека е додадена вредност во Министерството за социјална политика, демографија и млади. Јас сум мандатар на Владата и јас ја составувам Владата, ако некој тоа го заборавил, да го потсетам“ одговори Мицкоски.Касами во гостување на ТВ21 најави дека за вечерва го свикал Централното собрание на Беса за да разговараат за ефикасноста на нивните функционерите во Владата.

Македонија | пред 2 месеци

Лимани: Шоферот на Али Ахмети е милионер, а живееше во куќа со штала

Фатмир Лимани, потпретседател на Движењето Беса ги критикува кадрите на ДУИ и зборува за нивното богатење.„Сите знаеме во каква куќа живееше порано неговиот шофер. Беше тип на куќа во два спрата, штала ја викавме порано, две соби горе, две долу, а долу стоеја животните. Сега има вила и огромно дворно место кое го има узурпирано“, изјави Лимани, на телевизија Алфа.Лимани истакна дека извршителот на мафијата е министерот за политички систем и односи меѓу заедниците, Артан Груби.Рече дека Груби имаше многу голема самодоверба и за време на локалните избори, но во Кичево победија со помош на СДСМ, а имаа самодоверба дека ќе победат и во Тетово, но изгубија со пет советнички места разлика.

Македонија | пред 2 години

Лимани oбјасни во кој случај Беса ќе гласа против внесувањето на Бугарите во Уставот

Беса ќе гласа против вклучувањето на Бугарите во Уставот, доколку формулацијата „20 отсто“ не се замени со „албански јазик“. Потпретседателот на партијата, Фатмир Лимани, во емисијата „200“ на Алсат, која ќе биде емитувана вечерва, вели дека Беса не е против вклучување на Бугарите во Уставот, но инсистираат да се прифати нивниот амандман.„Ние не сме против вклучувањето на секоја заедница во Уставот. Но ние сме против тоа Албанците да се претстават како 20 отсто. Албанците со преамбулата договорена со Охридскиот договор се државотворен народ. И во случај да не се избрише 20 отсто како дефиниција внатре во Уставот, Беса ќе гласа против“, вели Лимани.Лимани рече дека Беса не условува, затоа што „сите партии се согласни да се брише „20 отсто“ од Уставот“. Кажа дека лидерот на ВМРО Христијан Мицкоски не е против бришење на оваа одредница и нејзина замена со „албански јазик“.

Македонија | пред 2 години

Лимани: „Огнената група“ има контрола над 6 пратеници во Собранието

Фатмир Лимани потпретседателот на Беса и некогашен истакнат член на ДУИ, во синоќешната емисија на Клан Македонија рече дека „Огнената група“ има контрола над 6 пратеници во Собранието.Потпретседателот на Движењето Беса, Фатмир Лимани, вели дека состојбата со владеачкото мнозинство е кревко и тоа е затоа што власта ги нема потребните бројки на пратеници. Според него, „Огнетата група“ на ДУИ има под контрола 6 пратеници.„Нема двајца... Кастриот Реџепи, Зејди, Коџаџику, Изети. Има уште двајца пратеници кои не излегуваат, не се појавуваат. Ги знаеме, но нема да бидат дел од разговорот вечерва и не е коректно да ги спомнуваме“, изјави политичарот кој е познат и како внук на лидерот на ДУИ, Али Ахмети.Повика на соработка од сите политички субјекти и групи освен ДУИ.„Движењето Беса ќе соработува со секој што не планира да краде, со секој што нема криминализиран багаж. Ги повикуваме сите албански политички сили кои се ориентирани кон евроинтегративниот процес и сите политички субјекти, Алтернатива, Алијанса, Огнената група, другите групи кои мислат дека заедничкото зло е структурата на ДУИ“, изјави Лимани.

Актуелно | пред 3 години