ОСМАНИ

(Видео) „Нека помини Бyjap да му спакувам шо остана од ручек, луѓе сме, да си поможиме“ - го исмејуваат Османи откако кажа дека живее од плата

Поплаките од министерот за надворешни работи, Бујар Османи, дека не може да преживее без плата и дека ќе мора да отвори кредит, се мета на исмејување бидејќи граѓаните сметаат дека тој живее на „висока нога“. Со денови, изјавата за „Плусинфо“ на министерот е мета на коментари на социјалните мрежи. „Bujar Osmani да не ти треба број од iute Macedonia? Даваат кредити без камата!“, пишува Иљче Затаракоски.Смислија и име за нов кредит.„Нека помини Бyjap да му спакувам шо остана од ручек, луѓе сме, да си поможиме…“, нашиша Божидар Божиновски.Кире Михаилов направи и кутија за донации, покрај која се фотографираше.„Добро би било со потписот за Бујар да оставате и по едно влакно. Зошто реално, едно влакно за вас е ништо, но за Бујар е многу“, напиша Иљче Затаракоски.Тој и во нов статус го коментираше Османи.Османи: "Морам да се задолжам за да преживеам ако еден месец не земам плата."Остатокот од земјава: "Морам да се заколам за да преживеам ако еден месец не земам плата."

Коментари | пред 2 години

Нема фотографија

(Видео) Кутија за донации пред МНР: Искрено сме загрижени за Османи и функционерите на ДУИ чии блиски фирми добиваат милионски тендери, а се жалат дека немаат пари

„Искрено и длабоко сме потресени од изјавата на министерот за надворешни работи, Бујар Османи, кој истакна дека секој месец едвај врзува крај со крај, а многупати, се плаши да не треба да се задолжи кај своите пријатели“, вели Илија Ристески, член на ИК на УМС на ВМРО-ДПМНЕ и додава:Во духот на нашиот политички ангажман насочен кон помош на оние кои им е најпотребно, а со оглед на тоа што Османи после 8-ми мај ќе го пратиме во политичка пензија и ќе остане без работа, одлучивме да преземеме акција и да ги направиме неговите опозициски денови поубави.Како УМС на ВМРО-ДПМНЕ, поставивме кутија за донации пред Министерството за надворешни работи, за што испраќаме апел до сите македонски граѓани да донираат.Ситуацијата во Македонија, за жал, е дојдена до ниво да можеме да ја опишеме само на саркастичен начин. Додека функционери чии блиски фирми добиваат милионски тендери и се жалат дека немаат, фондовите и институциите под нивна контрола се нефункционални, а ние како млади луѓе сме приморани сопствените средства, да ги двоиме за лекување на нашите сограѓани.Во ситуација кога над 600.000 наши сограѓани живеат со само 150 денари на ден, кога потрошувачката кошница е 60 илјади денари, а платите изнесуваат околу 30.000 денари, безобразно е Бујар Османи да се жали со неговите над 120.000 денари плата.Деновите до крајот на ова безредие се одбројани. Македонија наскоро повторно ќе добие политичари кои се чесни, нова генерација на лидери кои ќе се грижат не за сопствениот џеб, туку за оние на кои помошта им е најпотребна.

Македонија | пред 2 години

Османи: Ако еден месец да не добијам плата, морам да се задолжам за да преживеам

Ако само еден месец не земе плата, Бујар Османи ќе треба да се задолжи за да преживее. Ова го кажва министерот за надворешни работи и кандидат за претседател во изјава за поткастот на „Плусинфо“. Се пожали дека го исјемувале и пријателите„Пријателите ми се смеат кога им велам дека ако еден месец да не добијам плата, морам да се задолжам. И сите ми велат: „Нема шанси, толку години функционер…“ Еве кажувам најискрен дека еден месец да не добијам плата, јас треба да се задолжам за да преживеам“, рече Османи.Себеси не се смета за коруптивен лик и посочува дека секој може да го обвини за сѐ друго, но не и за коруптивни активности.

Македонија | пред 2 години

Османи со сета дрскост спроведува надворешен диктат и наместо да молчи и да ги слуша пратениците, тој им наредува, вели Ванковска

Министерот за надворешни работи Бујар Османи во пресрет на собраниската седница за уставните измени упати отворено писмо до пратениците во Парламентот во кое порачува дека од нивната одлука ќе зависи дали земјата ќе ги продолжи преговорите или ќе ги запре на подолг рок без гаранција за успех, по што на социјалните мрежи се огласи професорката Билјана Ванковска.„Откако ни/им црташе, сега Бујар им/ни пишува (овој пат двојазично)! Ко писмото на Тито, па и она на Грујо, сега Бујар треба да не’ просветли и диференцира кој е на вистинската страна, а кој не.Тој е министер за НАДВОРЕШНИ работи, а води внатрешна политика. Уставот е највнатрешната и најсуверената работа на една држава. Тој со сета дрскост спроведува надворешен диктат во државата која го поставила за министер и наместо да МОЛЧИ и да ги СЛУША пратениците, тој им НАРЕДУВА! Па уште дава и лични гаранции!!!А притоа лаже, бидејќи ниту Собранието ниту граѓаните расправале и гласале за влез во НАТО“, вели Ванковска.

Македонија | пред 2 години

Османи со писмо до пратениците: Верувам и знам дека секој од вас сака да бидеме членка на Унијата

Во продолжение писмото на министерот за надворешни работи, Бујар Османи пратено до пратениците на Собранието на Република Македонија:„Во петок започнува дискусија по која ќе следи гласање за второто најважно прашање кое било кој парламентарен состав требал да ги донесе во историјата на земјата по независноста – по зачленувањето во НАТО, остварување на втората стратегиска цел на државата за приклучување кон напредното Европско семејство на држави. Во петок Вие ќе одлучувате за европската иднина на Северна Македонија, определба за која работиме и работеа сите Влади во изминатите 30 години. Од Вас ќе зависи дали со прифаќање на промената на Уставот ќе ги продолжиме разговорите по поглавјата за членство во Унијата или ќе запреме во преговорите на подолг рок, до некоја нова шанса, без никаква гаранција за успех, поттикнувајќи го процесот на „пасошизација“ на граѓаните кои бараат европска иднина за себе.Верувам и знам дека секој од вас сака да бидеме членка на Унијата составена од најдемократски и најбогати земји во светот која гарантира мир, демократски развој и економски просперитет.Во процесот на преговорите имавме за цел да го зачуваме и зајакнеме македонскиот јазик и македонскиот национален идентитет. Одговорно тврдам дека во тоа успеавме. Македонскиот јазик за прв пат беше прифатен и гласан во Советот на ЕУ помеѓу земјите членки и е недвосмислено дел од европските јазици. Овој факт не може никој да го побие.Јас ги разбирам сите оние што стравуваат од можностите за натамошни обиди за негирање и наметнување нови билатерални услови. Најодговорно тврдам дека историските и идентитетските прашања не се дел од патоказите и одредниците од кои зависи отворањето и затворањето на поглавјата. Со оваа промена на Уставот, ние само ќе ја зајакнеме нашата меѓународна положба и ќе ја зголемиме меѓународната поддршка за нашите цели. Низ преговорите, шансите да продолжиме да ја промовираме и унапредуваме македонската национална посебност, историја и култура ќе бидат значително подобри и зајакнати.Секој човек и политичар би бил среќен да биде запаметен од историјата дека постапил правилно кога било најважно. Да остане запаметен дека бил на вистинската страна, дека не се колебал во одлуката со која помогнал земјата да оди напред, а луѓето во неа да живеат подобро.Јас лично не се сомневам дека со оваа промена на Уставот ќе направиме било каква грешка, напротив ќе отвориме ново поглавје на развој и стабилност за нашите граѓани.Како што веќе многупати повторував во сите мои јавни настапи, оваа промена не менува ништо во положбата на Бугарите во земјава и во однос на правата што до сега ги имаа и им ги гарантираше Уставот.Оваа промена ни дава можност на Република Бугарија и на светот да им докажеме дека тие не се дискриминирани, бидејќи реално тоа е така. Ова е можност да ги одземеме сите аргументи, а потоа да се втурнеме брзо кон реформските процеси кои се најважни за нашите граѓани и во наш најдобар интерес.Со промената на Уставот, ќе стане јасно дека покрај македонскиот народ во земјава живее и дел од бугарскиот народ, кој е различен.И конечно, одговорно кажувам дека ова не го правиме под диктат на Бугарија, ниту заради уцена од нејзина страна. Ова е компромис во преговорите откако нивниот меморандум до ЕУ за непризнавање на македонскиот јазик и нација не доби поддршка од земјите членки. Компромис со кој го заштитивме македонскиот јазик и идентитет“, се вели во писмото

Македонија | пред 2 години

Не делат само два дена од почетокот на еден од најважните процеси за обезбедување сигурна европска иднина, вели Османи

Во пресрет на почнувањето на собраниската седница за уставните измени закажана за овој петок, министерот за надворешни работи и потпретседател на Демократската унија за интеграција, Бујар Османи денеска преку својот Фејсбук профил повикува „да не дозволиме да се дефокусираме и да се дезориентираме, туку да го задржиме курсот и родителската одговорност пред идните генерации“.-Не делат само два дена од почетокот на еден од најважните процеси за обезбедување сигурна и просперитетна европска иднина за нашите граѓани, собраниската седница за уставни измени. Затоа, ве повикувам да не дозволиме да се дефокусираме сега, кога сме во финале, и да се дезориентираме, туку да го задржиме курсот и родителската одговорност пред идните генерации. Моментот е сега!, напиша Османи.Тој во објавата потенцира дека „со месеци доаѓаа пријатели и министри од целиот свет и не охрабруваа со пријателски совет да се фокусираме на овие предизвици и да ја надминеме оваа последна формална пречка пред отворањето на големиот хоризонт на поглавјата од преговорите“.

Македонија | пред 2 години

И Бујар ви црта на табла дека вие, Македонците сте глупави неевропјани, кои ја загрозуваат државата, вели Ванковска

Професорката Билјана Ванковска на својот фејсбук профил ја коментира политичката сцена во албанскиот блок.„Промената на името на една улица е само симбилички чин и назнака за тоа кој каде стои на политичката сцена во албанскиот блок. Преку симболичен судир на Адем Демаќи (не со партизанската бригада туку со) Ибрахим Ругова, двете фракции на ДУИ и другите помали партии си ги утврдуваат политичките позиции и агенди. Што подлабоко, тоа подобро. Верувале или не, лидерот на УЧК е сега (симболички) на страната на Ругова, а опозиционерите сакаат да бидат УЧК наместо УЧК, т.е. поголеми радикали од Ахмети и ДУИ. Опонирајќи на корумпираните и улежени/нафатирани кадри на ДУИ, тие не нудат демократски и либерални принципи, туку нешто сосема друго. Албанските новинари и интелектуалци аплаудираат и фаќаат страни.Е сега видете на што сме како политичка заедница и кои ни се опциите. Од лошо - полошо ... Како да времето застанало, а ви зборуваат за промена на Устав, за Бугари и за ЕУ. И Бујар ви црта на табла дека вие, Македонците сте глупави неевропјани, кои ја загрозуваат државата“, напиша Ванковска.

Коментари | пред 2 години

Не знам дали ПР и стратешкиот тим на МНР и Влада знае дека имаме интернет и гледаме надвор од Македонија, а и дека многу смрди дури и со затнат нос, вели Трајковска

После националистичките и екстремистичките изјави на бугарскиот премиер Денков и претседател Радев дадени на 2 август, со кои уште една јавно, гадно и гласно ја позиционираа бугарската непријателската политика кон Македонија и Македонците, да излезеш на 5 август и да им црташ на табла на Македонците дека само уште сега, за последен пат ќе треба да те понижат и ќе мора да затнеш нос и да голтнеш е во најмала рака трагикомично и безобразно, вели новинарката Жанета Трајковска.„Не знам дали ПР и стратешкиот тим на МНР и Влада знае дека имаме интернет и гледаме надвор од Македонија, а и дека многу смрди дури и со затнат нос и дека ова не се голта.Друго ќе беше, на пример да имавме како држава испратено протесна, ама било каква нота до Бугарија дека со изјавите на нивните челници го негираат постоењето на МАКЕДОНСКИОТ НАРОД и го зголемуваат непријателството и дупката меѓу двата народи и дека такви изјави се неприфатливи за Македонија.Прати некој некое пусулче до Бугарите?! Некоја изјава барем од челниците на државата дека се навредени?! Ноуп! Стратегија скриј се под јорган планина, чекај да помине и земи табла да црташ дека последен пат ќе ги боли сограѓаните, ама ќе мора да голтнат и да се навикнат да живеат со смрдеата која доаѓа од нив самите, оти сами си ја лапнале. А секако, мора да се слуша меѓународниот фактор оти тие се фокусираат кон најлесното решение, а кај нас е најтенко, оти ние немаме идеа за нас, па послушно се слушаат сите други, оти врска немаме што значи автохтона и државна политика.#земисунѓерче“, стои во објавата.

Коментари | пред 2 години

Димовски до Османи: Нема потреба да се трудите да бидете професор, ако е точно тоа што го зборувате поништете ги протоколите со Бугарија

Нема потреба од мачење господине Bujar Osmani, нема потреба да се трудите да бидете некаков професор. Сите ние добро ја читаме и познаваме и преговарачката рамка и европската патека на Македонија, вели Илија Димовски од ВМРО-ДПМНЕ.„Гледам денес се трудите да го намалите значењето и местото на Договорот за добрососедство со Бугарија и катастрофалните протоколи од 2019 и 2022 годинаво процесот на наше зачленување во ЕУ и во преговарачката рамка кои вие ги прифативте (едниот документ е и со ваш потпис).Од која мака господине министер?Зар дури денес ја разбравте штетноста на тие три документи кои ги прифативте, иако ви беше издробено и објаснето како на деца од осмолетка, колку се штетни?Нели бевте горди на тие документи?Нели беа достигнувања?Од каде сега не убедувате дека не се воопшто значајни во преговарачката рамка токму тие документи?Нели тешките компромиси со Бугарија, кои ни ги фалевте, беа влезница и откочивање за почеток на преговори со ЕУ?Нели токму тие документи не донесоа поблизу до ЕУ?Нешто не е во ред? Нешто се смени или пак треба нешто да се скрие од македонскиот народ и граѓаните на Македонија?...Еве ви еден предлог, не дека ќе го прифатите, туку со неприфаќањето да биде јасно дека и денес не зборувате искрено:Ако е точно сето тоа што го зборувате денес, господине министер, поништете ги протоколите со Бугарија и повлечете се од Договорот за добрососедство со Бугарија.Само така ќе докажете дека денес достојно ја зборувате вистината.Штом се безначајни, како што тврдите вие, тие три документи во преговарачката рамка, ниту една европска институција или европска држава нема да има аргументи да се лути, да замери или да не блокира заради таква одлука на Република Македонија.Нема никој да се побуни за толку незначајни документи.Нели, логично е?Или пак си играте маркетинг на сметка на македонските национални прашања?...А доколку, господине Bujar Osmani, почнувате да разбирате дека политичкото насилство кое беше направено врз македонскиот народ и мнозинството граѓани на Република Македонија во последните 5 години нема да даде никаков добар плод, тогаш е време да се извините за сите одлуки кои вие ги донесовте, а се однесуваат на идентитетските и културолошките засебности на македонскиот народ, без никаква согласност од тој народ“, додава тој.

Коментари | пред 2 години

(ВИДЕО) Османи го имитира Вучиќ, изглуми наставник

Министерот за надворешни работи Бујар Османи влезе во улога на наставник и преку училишна табла, ја објасни преговарачката рамка со Европската Унија.„Кратко објаснување на суштината на преговарачката рамка за преговори со ЕУ, како одговор на бројните шпекулации поврзани со нејзината содржина.Прво, преговарачката рамка е поделена во два дела – општ и специјален дел.Во општиот дел се т.н. општи одредби од преговарачката рамка за коишто ниту се прави писмен извештај од Европската Комисија, ниту е потребно гласање од страна на Европскиот совет, т.е., од стана на земјите-членки на Унијата.Во специјалниот дел се наоѓаат 35-те поглавја, за кои постојат одредници кои мора да се исполнат и за кои Европската Комисија подготвува извештај, а земјите- членки со гласање го одобруваат. Овие одредници се содржани во трите патокази што ќе ги подготвиме после скринингот, а ќе ги усвои Европската Унија. Toa се: патоказ за владеење на право, патоказ за јавна администрација и патоказ за демократски институции. Во еден од овие патокази, патоказот за владеење на право, се наоѓа акциски план за малцинства, за сите малцинства, етнички или неетнички.Она што е поважно е што во ниту едно од овие одредници, патокази или скалила во специјалниот дел од преговарачката рамка нема никаква референца или поврзаност со Договорот за пријателство со Бугарија, никакви референци по прашањето на работата на Историската комисија, ниту пак прегледите од член 12 од истиот Договор.Напротив – и Договорот за пријателство и прегледите од член 12 од Договорот, како и Договорот со Грција се нотирани во општиот дел од рамката, делот за кој ниту се изготвува извештај од страна на Европската Комисија, ниту претставува предмет на гласање, или одобрување од страна на Советот на ЕУ, односно земјите-членки на Унијата. Тоа не значи дека ние нема да работиме на нивната имплементацијата, ние секако ја имаме преземено таа обврска, но и тоа ќе го правиме во добра волја, но тие не се одредници за кои ќе се изготвува Извештај или ќе се гласа и оттука не можат да бидат основа за нова пречка на патот“, напиша Османи.

Македонија | пред 2 години

Османи ќе се обрати пред Комитетот на министри на Советот на Европа во Стразбур

Претседавачот со ОБСЕ и министер за надворешни работи, Бујар Османи, ќе се обрати пред Комитетот на министри на Советот на Европа (СЕ) во Стразбур. Тој пред Комитетот на министри на СЕ, ќе ги презентира досегашните активности во својство на Претседавач со ОБСЕ како и претстојните планови од програмата на Претседавањето на Северна Македонија со Организацијата за безбедност и соработка во Европа.Османи ќе има средба и со Генералната секретарка на Советот на Европа, Марија Пејчиновиќ-Буриќ.Тема на состанокот ќе биде заедничката работа на ОБСЕ и Советот на Европа, во насока на воспоставување на стабилност и безбедност врз основа на демократијата, владеењето на правото и почитувањето на човековите права во Европа и во поширокиот регион на ОБСЕ.Покрај со Пејчиновиќ-Буриќ, Османи ќе има средба и со Комесарката за човекови права на Советот на Европа, Дуња Мијатовиќ.

Македонија | пред 2 години

Османи потврди дека македонски граѓанин е застрелан во Косово

Министерот за надворешни работи, Бујар Османи потврди дека македонски граѓанин е застрелан во Косово.„Нашите инситуции комуницараа со косовските власти и го потврдија тој податок кој беше објавен за наш граѓанин кој беше застрелан во Косово, но повеќе детали ќе ви обезбедат останатите институции. Ние како МНР го направивме првиот контакт и ја потврдивме веста“.Синоќа околу 20 часот, косовските медиуми пренесоа дека во Приштина е убиен државјанин на Македонија, додавајќи дека осомничените сè уште не се идентификувани.Според косовската полиција, на околу еден километар од местото на инцидентот, пронајден е опожарен автомобил со германски регистарски таблички, со кој се сомнева дека осомничените избегале од местото.

Македонија | пред 2 години

Ковачки: Османи потврди дека Ковачевски е кираџија во својата влада, единствено народот дава и зема власт, а не ДУИ

Министерот за надворешни работи и портпарол на ДУИ, Бујар Османи во вечерашната емисија „ClickPlus“ на ТВ21, порача дека ДУИ е подготвена да ја даде и позицијата премиер до избори ако лидерот на ВМРО-ДПМНЕ, Христијан Мицкоски го побара тоа.„Јас сум малку повеќе информиран од другите поради позицијата Министер за надворешни работи. Знам дека сега е време за големи и сериозни компромиси за напредок на државата. Сега се прават отстапки за доброто на сите. Ако Мицкоски ја побара позицијата премиер на Влада до избори, и за тоа сме спремни. Спремни сме да ја дадеме позицијата премиер на ВМРО-ДПМНЕ. Ова се историски времиња и затоа сме спремни на компромис кој води до решение“, порача Османи.На оваа изјава на Османи реагираше Драган Ковачки од ВМРО-ДПМНЕ.„Османи со нова потврда дека Ковачевски е кираџија во својата Влада и дека никој за ништо не го прашува.Тргуваат со неговата позиција, а тој е безгласен како немо "Х" во француска азбука.А Османи и после толку години во политика, не разбрал дека тој ништо не дава ниту зема, туку народот зема и дава власт како што ќе се случи и со неговата позиција“, вели Ковачки

Коментари | пред 2 години

Со советничката на премиерот Петков ги водевме најтешките преговори, вели Османи

Mинистерот за надворешни работи, Бујар Османи изјави дека во разговорите со Весела Чернева, која беше советничка на екс бугарскиот премиер Кирил Петков е направен најмал исчекор во македонско - бугарските односи.На бугарската политичка сцена има сериозни обвинувања дека таа шпионирала во корист на Македонија.„Со Весела Чернева, како советничка на бугарскиот премиер Кирил Петков, ги водевме најтешките преговори“, вели Османи во изјава за 360 степени.Советничката на екс бугарскиот премиер Кирил Петков, Весела Чернева е под истрага за оддавање на тајни информации на власта во Скопје.Тогашната министерка за надворешни работи Теодора Генчовска дури и ја обвини Чернева дека спроведува паралелна надворешна политика и дека самата лобира во преговорите со Македонија.

Македонија | пред 2 години

Ганиу до Османи: Ова што го правиш е партиска анархија

Да обвинуваш за кршење на статутот на партијата во моменти кога работиш за доброто не само за жителите на Чаир, туку и за сите скопјани е многу ниско, се вели во реакцијата на градоначалникот на Општина Чаир Висар Ганиу на изјавата на Бујар Османи кој рече дека незадоволните во ДУИ, или „огнената група“ го прекршила статутот на партијата.„Токму тоа го направи Бујар Османи, човек кој потекнува од Чаир и Скопје, човекот кој треба со душа да им помогне на своите жители, бидејќи е дел од највисоката хиерархија на извршната власт. Но, се чини дека не му е ни гајле за народот, но му е гајле како од позиција на прекршител на статутот, каков што е самиот, да упатува обвинувања за кршење на статутот кон други.И еве од тука го информирам Бујар Османи, кој е портпарол на Демократската унија за интеграција, и кој треба да ги знае сите партиски прашања, а изгледа или не ги знае или не е заинтересиран да ги знае, дека секоја коалиција или соработка и за секој детал од тие коалиции и соработки што ги правевме на локално ниво, било во изборниот период или по изборите, го консултиравме и го информиравме лидерот на партијата Али Ахмети за сѐ и сѐ што направивме, го направивме со неговиот амин.Би било добро Бујар да го прашаш лидерот, оти си портпарол и штета е да не знаеш што се случува во партијата“, вели Ганиу.Според него, токму Османи заедно со Артан Груби го прекршиле партискиот статут кога тајно влегле во централното претседателство на ДУИ без партиски филтер, без да бидат членови на месните комитети, без избор од структурите... и повторно Османи го прекршил статутот кога бил назначен за координатор во Чаир на 5 март.„Статутот го прекршуваш и денеска Бујар кога обвинуваш за кршење на статутот додека работиме за нашиот народ за тие што нѐ избрале. Народот многу очекува од вас, а не да ја играте улогата на адвокат, дали бил прекршен или не партискиот статут. Бујар ова што го правиш и ти и тие другари министри со тебе, ни помалку ни повеќе се нарекува партиска анархија“, вели Ганиу.Портпаролот на ДУИ Бујар Османи во изјава за „360 степени“ за последните превирања со фракционерите рече дека прекршувањето на статутот на партијата, како во сите политички партии, носи одредени одговорности.

Македонија | пред 2 години

Османи во посета на Молдавија

Од денес Претседавачот на ОБСЕ министерот Бујар Османи ќе биде во посета на Мисијата на ОБСЕ во Република Молдавија, со што практично продоложува реализацијата на приоритетните обврски од Прoграмата за претседавањето на Северна Македонија со ОБСЕ во 2023.За време на посетата Преседавачот Османи ќе биде примен од Претседателот на Република Молдавија – Маја Санду, а ќе има состанок и со неговиот домаќин Заменик премиерот и министер за надворешни работи и европска интеграција на оваа земја – Нику Попеску, како и со заменик претседателот на владата и министер за реинтеграција Олег Серебриан. Османи ќе има средби и со авторитетите на Транснистрија – Владимир Красноселски и нивниот главен преговарач Виталиј Игнатиев.Посетата ќе се одвива во време на сложени внатрешно-политички состојби во земјата и после ненадејната оставка поднесена од премиерот на Молдавија – Наталија Гаврилита, но и заради надворешното влијание предизвикано од последиците воената агресија на Руската Федерација врз Украина. Главна цел е да се поттикне процесот на посуштински преговори помеѓу Владата на Молдавија и авторитетите на Транснистрија за реализирање на договорената рамка од 8 области, но и да се даде целосна поддршка на работата на Мисијата на ОБСЕ во Молдавија која има клучна улога во одржувањето на политичкиот дијалог воден од страна на ОБСЕ во формат 5+2, како и за проектите кои се доменот на интеграцијата на државата и социо- економското заздравување на Молдавија.Во текот на дводневната посета Претседавачот на ОБСЕ ќе реалзира и средби на терен, при што ќе се сретне и со младински активисти во Молдавија кои го помагаат прифатот на бегалци од Украина.

Македонија | пред 3 години

Апасиев: Кажете им на Прецедникот и на учкана во МНР дека и во Сирија имаше земјотрес со жртви

Лидерот на Левица Димитар Апасиев со порака до претседателот Стево Пендаровски и министерот за надворешни Бујар Османи:„Кажете им на Прецедникот и на учкана во МНР дека и во СИРИЈА имаше земјотрес со жртви“, вели Апасиев.

Коментари | пред 3 години

Ковачки: Зошто е толку антимакедонски настроен министерот за надворешни работи

Македонското министерство за надворешни ќе прати ли нота со осуда за кршењето на клубот или ќе каже 2 реченици за ТВ и толку е доволно, прашува Драган Ковачки од ВМРО-ДПМНЕ.„Ниту еднаш од позиција на претседавач со ОБСЕ, Бујар Османи не ги спомена правата на Македонците во Бугарија.Ниту еднаш!А сам кажа дека ќе се борел за принципите на ОБСЕ и дека од нив немало да има отстапување. Епа еден од базичните принципи на ОБСЕ е "почитување на правата на малцинствата". Зошто не се обиде да го наметне почитувањето на базичните принципи на ОБСЕ или и од тие принципи ќе си зема тоа што му е потребно за дневна политика?Ни дадоа да претседаваме со ОБСЕ, а не знаеме да го искористиме моментот.Али Ахмети на неговите настапи пред сограѓаните често изјавува дека "Бујар претседава со половина планета".Еве и да се согласиме дека е така, но тогаш што фајде имаме ние од тоа негово претседавање?Зошто е толку антимакедонски настроен министерот за надворешни работи не ми е јасно.Дали е уценет со кривичната за "Пациент", дали е нешто друго во прашање не е јасно, но факт е дека не одработува за Македонија и за македонските национални интереси.* Барем да отидеше да ги собере срчите од демолираниот клуб во Бугарија“, вели Ковачки.

Македонија | пред 3 години

Османи ќе оствари своја прва посета на теренската мисија на ОБСЕ во Скопје

Претседавачот со ОБСЕ, Бујар Османи денеска ќе оствари своја прва посета на теренска мисија во својство на претседавач, со посета на мисијата на ОБСЕ во Скопје при што ќе ги разгледа и разговара за проектите кои мисијата на ОБСЕ ги имплементира во рамките на својот мандат.Османи во мисијата ќе има интерактивен разговор со членовите и шефот на мисијата, амбасадорот, Килиан Вал.Исто така, Османи ќе го посети полицискиот центар во Ѓорче Петров, и ќе разговара со корисници на обука во рамките на програми на мисијата на ОБСЕ каде што заедно со министерот за внатрешни работи, Оливер Спасовски ќе присуствува на показна вежба на припадници на Специјалната антитерористичка единица -Тигар и Единицата К9.Во текот на денот, на агенда на претседавачот е посетата и на теренската канцеларија на ОБСЕ во Тетово.

Македонија | пред 3 години

Екс обвинител до обвинителство: Дали изјавите на Османи дека не е важна истрагата, туку тоа што изјавува наркодилерот го доживуваат како мешање во работата и зошто НЕ?

Во интервју за бугарската БТВ министерот Бујар Османи вели дека за него е битно само тврдењето на Пендиков и неговото семејство дека причина за нападот е етничката припадност, без разлика дали истрагата ќе утврди други околности.„Мене ми е важно тоа што го кажува самиот Христијан и мајката на оштететниот, а тоа е дека е поради изразување на етничка припадност, и покрај тоа што еве сторителите кажуваат обратно, дека имале претходно некакви си разлики“, рече Османи во интервјуто, по што поранешниот обвинител Војо Димоски објави статус во кој вели дека ова е мешање во работата на обвинителстовто.„Од Обвинителството најавија прес за да објаснеле како осомничен за трговија со дрога, без особена причина летна на лечење во странство, дури тие незаинтересирано го проследија со поглед.Добро е некој новинар да искористи прилика и да ги праша: дали изјавите на Бујар Османи дека не била важна истрагата туку за него било важно што изјавува наркодилерот за настанот, ги доживуваат како мешање во работата на ЈО и зошто не?“, вели Димоски.

Коментари | пред 3 години

Замрзнатиот конфликт помеѓу Белград и Приштина треба да заврши, вели Османи

Бујар Османи, министерот за надворешни работи, во емисијата „Студио 10“ на Телевизија 24 рече дека мотивот на денешната седница на Советот за безбедност свикана од кабинетот на претседателот Стево Пендаровски е замрзнатиот конфликт помеѓу Белград и Приштина кој треба да заврши.Паралелно денеска на седницата на Владата на Србија ќе се разговара за германско-францускиот предлог за решавање на односите помеѓу Србија и Косово„Статус-квото не е во интерес на никого, како и отворени прашања кои имаат потенцијал за екскалција и злоупотреба од трети страни. Од замврзнати конфликти има корист Руската федерација во своите планови и стратегии.Тој статус-кво на замрзнати конфликти треба да заврши и ржавите да воспостават нормални односи помеѓу себе и затоа ние го охрабруваме дијалогот помеѓу Србија и Косово. Го следиме внимателно процесот како први соседи и членка на НАТО, а сега и претседавачи со ОБСЕ“, изјави Османи.

Македонија | пред 3 години

Сите ние што ја поддржуваме Украина сме на вистинската страна на историјата, вели Османи

Министерот за надворешни работи, Бујар Османи, во својство на претседавач со ОБСЕ во рамките на денешната посета на Украина го посети градот Бородјанка во киевската област, кој силно е погоден од воените дејства.Османи на почетокот од посетата изрази жалење за сите невини жртви и илјадници Украинци што мораа да ги напуштат своите домови како би ги избегнале разорувачките последици од руската воена агресија.„Сите ние што ѝ даваме поддршка на Украина сме на вистинската страна на историјата, на вистинската страна на хуманоста, на почитувањето на правото на живот. Во вооружените дејства од страна на Русија разрушени се училишта, болници и друга државна инфраструктура, која, за жал, и понатаму се оштетува или уништува“, посочи Османи.Воедно, претседавачот на ОБСЕ го осуди нападот на станбена зграда во Днепар, каде пред два дена загинаа повеќе од 40 лица и над 70 ранети. „Не постои оправдување ако континуирано се гранатираат цивилни цели. Ништо не може да оправда убивање цивили, попречување транспорт на вода и храна, отежнување на работата на хуманитарните конвои. Ништо не може да оправда кога деца и бремени жени се оставени без греење, со недоволно храна“, оцени Османи.Неиспровоцирана агресија е кршење на меѓународното право, потенцијална закана за регионот, но и извор на страв и несигурност за целиот свет. Османи истакна дека Организацијата ќе ги искористи сите механизми и алатки да помогне во напорите да се стави крај на, како што рече, ова страдање и уништување.„Пустошот предизвикан од воената агресија врз Украина длабоко ме потресува. Уништувањето на виталната инфраструктура и страдањето на украинскиот народ мора да запре. Потребна е итна акција за да се стави крај на ова безумие и да се обезбеди помош за оние на кои им е потребна. Мораме да работиме да престане страдањето, а потоа да ги обновиме овие уништени области“, истакна претседавачот на ОБСЕ.Османи, воедно, упати порака дека Северна Македонија како земја претседавач со ОБСЕ ќе се залага да најде начин повторно да ја врати Организацијата во Украина. Тој исто така порача дека комуникацијата со Русија ќе зависи од тоа какви ќе бидат кон принципите и заложбите на Организацијата за што Османи нема да дозволи никакви компромиси.

Македонија | пред 3 години

Македонија денеска го презема претседавањето со ОБСЕ

Македонија денеска го презема годишното претседавање со Организацијата за безбедност и соработка во Европа (ОБСЕ).„Голема одговорност и чест е да го преземеме претседавањето со ОБСЕ во 2023 година. Нашата цел ќе биде да се фокусираме на самите принципи на завршниот акт на Хелсинки, во интерес и потреби на народот“, рече министерот за надворешни работи и новиот претседавач со ОБСЕ Бујар Османи.Османи рече дека планот на ОБСЕ е да им пружи помош на населението погодено од конфликтот, но и на другите на кои им е потребна, бидејќи задача на организацијата е да ги ублажува кризите и да го поддржува мирот.Османи посочи дека Украина ќе остане приоритет и клучно безбедносно прашање, бидејќи војната во таа земја ја поткопа европската безбедност и ги загрозува мирот и стабилноста на континентот и пошироко, соопшти ОБСЕ.Зачувувањето на вредностите на ОБСЕ и почитувањето на меѓународното право мора да бидат заеднички приоритет, посочи Османи.Според него, работата ќе се фокусира и на поддршка на одржливиот економски раст и соработка во областа на животната средина.Османи официјално ќе биде инаугуриран како претседавач и ќе ги претстави приоритетите на Македонија за време на претседавањето на состанокот на Постојаниот совет на ОБСЕ во Виена на 12 јануари.

Македонија | пред 3 години

Силјановска за Османи: Суперминистеров реши да функционира како албанско-бугарски-македонски министер за сеопшти работи

Суперминистеров не престанува да не изненадува со иновативниот надворешнополитички пристап. Политиката го разбуди и поттикна неговиот интерес за прашања што се далеку од медицината и тој доби несонувана шанса да ги интерпретира и режира МАКЕДОНСКИТЕ ДРЖАВНИ РАБОТИ како што си сака или како што ќе му кажат, вели професорката Гордана Силјановска Давкова во својата објава на социјалните мрежи.„На регионално ниво, толку се посвети на градењето најдобрососедство што реши да функционира како албанско-бугарски-македонски министер за сеопшти работи.Ослободен од внатрешните стеги и притисоци, посебна инспирација за решавање на македонските работи добива надвор, во странство. Едно време, кога зборуваше за различните национални перцепции на историјата, заборави дека за фашизмот и холокаустот има силна, несоборлива, не само историска, тука и сечовечка слика на ЗЛО/ГЕРНИКА, што не смее да се заборави и толерира.На „европската“ мисија, не одолеа да се вмеша во ресорот за правда, па се премори од лаички „аргументации“ за правото на здружување и регистрирање на здруженијата „Ванчо Михајлов“ и „Цар Борис III“. "Фердинанд" му го препушти на министерот за правда!Додека се носеа измените на „Законот за здруженија и фондации“ и „Законот за политички партии“ стивна, ама .... при гласањето за законите, видливо беше отусуството на пратениците – Албанци!„Инспириран“ од дошепнат бугарски глас, се огласи од Софија со идеја за испраќање на измените на Законот за здруженија и фондации на Венецијанска комисија.Чудно е што не се се сети на оваа можност во Скопје и што не му ја пренесе на министерот за правда, во чија надлежност е законот, односно на Владата. Дури и на предлагачот можеше да му ја предочи идејата. Уште почудно е што тоа не го стори кога беа предложени измените, оти мислење од Венецијанската комисија ВООБИЧАЕНО се бара кога актот е во фаза на нацрт/draft, за да може евентуалните препораки да се вградат.Ама, сестраниот министер Османи има искуство на Венецијански трговец. Во 2017 година, дури и по изјавата на г-динот Хан дека Законот за употреба на јазиците не е приоритетен, во организација на г-дин Груби, беше извршена трампа на гласовите за законот и гласањето за Преспанскиот договор. Згора, го протуркаа со европско знаме, иако СЕКОЈ приучен правник знае дека ЕУ нема заедничка јазична политика. Кога некои од нас јавно побараа да се чуе мислењето на Венецијанската комисија, ПОЛИТИЧКИТЕ ТРГОВЦИ најпрво ја замајуваа македонската јавност дека побарале, ама комисијата тоа го негираше. Следеше Артановата изјава дека побарале мислење за дел од одредбите и .... пресече министерката за правда со изјавата дека законот ќе биде пратен. И бидна. Дојде мислењето, ама ДУИ-нг АКЦИЈА беше побрза. Уставниот суд ТРУДНО си молчеше и сеуште молчи, никако да се породи од СТРАВ!Во последниот извештај на Европската комисија , на стр. 19, под наслов „ Ефикасност“, се бара преиспитување на законското решение за би-лингвализам во судските постапки.Па, што? Го помнам инспекторот Бујар Османи кога, врз основа на „евроинтеграциската“ инспекција на спроведувањето на законот, документирана со слики од терен, објаснуваше дека нема никаков проблем за двојазичноста од непознат европски вид.И сега, насмеан, се умилкува среде Софија со зборовите : „сакам да верувам дека колегата Милков и јас ќе направиме се за да не дозволиме други да ни ја водат нашата надворешна политика , други да ги обликуваат нашите билатерални односи“?!Да не сонува човеков да се прогласи за крал, инспириран од царските имиња на здруженијата? Знае ли кој е надлежен за креирање на надворешната политика? Која држава ја претставува? Праша ли за судбината на здружението „ Никола Јонков Вапцаров“? Потсети ли на пресудите на Судот за човекови права?Замислете, оној кој со премиерот и прати писмо на Венецијанска комисија во која ја ШОКИРААТ со тезата дека ние сме SUI GENERIS држава со специфични решенија и дека во Мислењето не треба да се споменува неуставноста на Законот за употреба на јазиците, ниту Уставниот суд затоа што тоа може да доведе до етнички проблеми, СЕГА ќе бара МИСЛЕЊЕ НА ВЕНЕЦИЈАНСКА КОМИСИЈА за Законот за здруженија на граѓаните, иако претходното не го почитувал!Законот за политички партии не го ни споменува иако содржи идентични решенија со оној за здруженијата, оти не е КУРЕНТНО“, додава таа.

Коментари | пред 3 години

Шефот на протокол во МНР си поднесе оставка поради грешката со знамето

Лицето одговорно за протокол во МНР си поднело оставка по поставувањето на словачкото наместо словенечкото знаме.Ова вчера го потврди министерот за надворешни работи Бујар Османи во емисијата 24 Анализа на ТВ 24.„Тоа беше едно од десетте знамиња и кога имате интензивна агенда, се прават грешки. Директорот на протоколот поднесе оставка иако немаше никаква дректна одговорност која ја прифатив. Тоа се други луѓе, а поради морална одговорност поднесе оставка, а работеше една година“ рече Османи.Потсетуваме, словенечката министерка за надворешни работи Тања Фајон на 18 октомври во кабинетот на Османи во Скопје беше пречекана со највиски почести, но и со згрешено знаме од нејзината држава.Наместо знаметонаСловенија, на масата стоеше знамето на Словачка

Македонија | пред 3 години