ПАЛЕСТИНА

Одлука што менува сѐ: Израел воведува смртна казна за Палестинци?

Контроверзен предлог-закон со кој се воведува смртна казна за Палестинци осудени за тероризам пристигна на финално гласање во Кнесетот, откако парламентарниот Одбор за национална безбедност ја одобри мерката, пренесува „Гардијан“.Законот е инициран од крајнодесничарската партија Оцма Јехудит, предводена од министерот за национална безбедност Итамар Бен-Гвир, и веќе предизвика остри реакции кај критичарите кои предупредуваат на сериозна ескалација на казнената политика на Израел.Пратеници од партијата носеле брошеви во форма на јамка како симболична поддршка за предлогот. Според предложените измени, осудените на смрт би биле сместени во изолирани објекти без право на посети, освен од овластен персонал, додека правната комуникација би се одвивала исклучиво преку видеоврска. Извршувањето на казната би следело во рок од 90 дена од пресудата.Предлогот предвидува судовите да можат да изречат смртна казна и без барање од обвинителството, како и без едногласна одлука – би било доволно обично мнозинство. Воените судови на Западниот Брег исто така би добиле овластување да изрекуваат вакви казни, со можност министерот за одбрана да даде свое мислење.За Палестинците под окупација, законот би ја укинал можноста за жалба или помилување, додека за осудениците во рамки на Израел казната би можела да се преиначи во доживотен затвор. Според извештаите, можно е егзекуциите да се извршуваат со бесење, иако се споменуваат и други методи.Предлогот предизвика сериозни предупредувања од воени и владини претставници, кои сметаат дека може да биде во спротивност со меѓународното право и да ги изложи израелските функционери на правни последици. Министерствата за правда и надворешни работи веќе изразија загриженост во изминатиот период.Критичарите, меѓу кои и пратеникот Гилад Карив, посочуваат дека краткиот рок за извршување на казната без можност за помилување отвора сериозни правни и морални дилеми и може да доведе до постапки пред меѓународни судови. И покрај тоа, предлог-законот продолжува да напредува низ парламентарната процедура.

Свет | пред 5 дена

Прегратки и солзи, последните заложници на Хамас се со семејствата

По точно 738 денови заробеништва, Хамас повеќе не држи заложници. Денеска се ослободени последните живи, како дел од мировниот план за Газа.Некои од заложниците успеале да остварат краток видеоразговор со своите семејства непосредно пред ослободувањето, а снимките од тие моменти се појавија и на социјалните мрежи.Мајката на 25 годишен заложник, Ејнав Зангаукер, кој беше ослободен во претходните мировни договори со Хамас, денеска за Тајмс ов Израел изјави:„Сите доаѓате дома – сите! „Војната заврши.“Во следните часови се очекува ослободување и на 250 палестински затвореници и 1.700 лица, кои ги држи Израел, а меѓу нив има и 22 деца.Според израелските медиуми, затворениците се подготвуваат за напуштање на затворот Офер, лоциран на окупираниот Западен Брег.Списокот на ослободените затвореници беше објавен од израелското Министерство за правда во петокот.Во него не се вклучени седумте високи палестински функционери, меѓу кои Марван Баргути и Ахмад Саадат, кои Хамас ги бараше како дел од размената.Десетици семејства од утринските часови се пред затворот да ги пречекаат своите блиски. Според планот, околу 100 затвореници ќе бидат ослободени на Западниот Брег, други ќе бидат депортирани во Газа или Египет, а мал дел ќе биде ослободен во Источен Ерусалим.

Свет | пред 5 месеци

Војната во Газа: Шансите за мировен договор се навистина добри, тврди Трамп

Разговорите за постигнување конечен мировен договор со кој ќе се стави крај на војната во Газа ќе продолжат во вторник во Шарм Ел Шеик во Египет. Палестински и египетски претставници изјавија за Би-Би-Си дека сесиите се фокусирани на „создавање теренски услови“ за можна размена што би довела до ослободување на сите израелски заложници во замена за голем број палестински затвореници, пренесува Би-Би-Си.Израелскиот премиер изјави дека се надева дека ќе го објави ослободувањето на заложниците „во наредните денови“, а американскиот претседател Доналд Трамп во понеделникот рече: „Имаме навистина добри шанси да постигнеме договор и тоа ќе биде траен договор“.Хамас изјави дека делумно се согласува со предлозите за мировниот план, но не одговори на неколку клучни барања – вклучувајќи го и разоружувањето и немањето никаква идна улога во управувањето со Газа. Висок израелски безбедносен извор изјави дека разговорите првично ќе се фокусираат само на ослободувањето на заложниците и ќе му дадат на Хамас неколку дена да ја заврши таа фаза.Британскиот премиер, Кир Стармер ја повтори својата поддршка за мировниот план, велејќи:„Ја поздравуваме иницијативата на САД за мир на Блискиот Исток и оваа влада ќе направиме сè што е во наша моќ за да се оствари денот кога секое дете на Израел ќе може да живее мирно, заедно со своите палестински соседи, во безбедност и сигурност“.Се очекува овие дискусии да бидат меѓу најзначајните од почетокот на војната и би можеле да одредат дали конечно е на дофат патот кон завршување на конфликтот.

Свет | пред 5 месеци

Словенија ја затвори вратата за Нетанјаху поради кршење на човековите права

Владата на Словенија донесе одлука премиерот на Израел, Бенјамин Нетанјаху, да не смее да влезе во земјата, со што Словенија стана првата членка на Европската унија која презеде ваква мерка против израелскиот лидер.Оваа одлука следува по претходно санкционирање на двајца израелски министри – министерот за национална безбедност Итaмар Бен-Гвир и министерот за финансии Безалел Смотриќ, кои беа прогласени за непожелни поради, како што беше наведено, „геноцидни изјави“ упатени кон Палестинците.Јавноста е информирана дека против него се водат постапки за воени злосторства и злосторства против човештвото. Меѓународниот суд за правда на 19 јули 2024 година утврди дека низа политики и практики на Израел ги кршат меѓународното хуманитарно право и човековите права, изјави државната секретарка во Министерството за надворешни работи, Нева Грашиќ, по седницата на владата.Словенија во август минатата година стана и првата членка на ЕУ која воведе ембарго за извоз на оружје кон Израел. Во јуни 2024 година, се приклучи на Норвешка, Шпанија и Ирска во признавањето на Палестина како независна држава, со што дополнително го потврди својот став како еден од најгласните европски критичари на израелските акции во Газа.Претседателката на Словенија, Наташа Пирц Мусар, во обраќањето пред Генералното собрание на ОН во вторникот, предупреди за геноцидот во Газа и повика на итна акција од меѓународната заедница:Треба да ги преземеме правилните чекори. Не го запревме Холокаустот, не го запревме геноцидот во Руанда, не го запревме геноцидот во Сребреница. Мораме да го запреме геноцидот во Газа. Повеќе нема изговори. Никаков.

Свет | пред 6 месеци

Израел смисли „брутална одмазда“ за масовното признавање на Палестина: „Анексија“

Франција е последната во постојано растечкиот список на земји кои формално ја признаа Палестина. Претходно тоа го сторија Белгија, Монако, Андора, Малта и Луксембург на Генералното собрание на Обединетите нации, со што вкупниот број земји-членки што ја признаваат Палестина се искачи на три четвртини од ОН.Говорот на Емануел Макрон пред Собранието беше внимателно осмислен. Кој и да го напишал, вешто се погрижил да ги „покрие сите теми“ – повеќепати го спомна пријателството меѓу Израел и Франција, како и легитимното право на Тел Авив да се брани од непријателот кој стои зад најголемиот масакр врз Евреи по Втората светска војна (со цел да им го избие аргументот на оние што би го обвиниле за антисемитизам). Значителен дел од говорот посвети и на категорична осуда на бруталноста на Хамас – терористичка организација која, како што истакна, нема место во идната палестинска власт.Публиката реагираше со громогласен аплауз, а говорот беше проследен со позитивни реакции и од француските медиуми, кои му дадоа краткотрајна медиумска поддршка на сè поомразениот претседател на Петтата република. Очекувано, израелски претставници не беа присутни во салата.Исто така очекувано, израелскиот амбасадор при ОН, Дани Данон, ја исмеа седницата нарекувајќи ја „политички циркус“, по што Израел се закани со одмазда и анексија на Западниот Брег.Премиерот Бенјамин Нетанјаху го потсети својот француски колега дека има овластување да го затвори францускиот конзулат во Ерусалим, и дека сериозно ќе размисли за таков потег по, како што рече, „одлуката на Париз да го награди Хамас за терористичкиот напад од 7 октомври“.Шпанскиот премиер Педро Санчез, вообичаено, ги игнорираше обвинувањата од Израел и искористи прилика да апелира до ОН Палестина да биде примена како полноправна членка. Досега, таа беше само набљудувач без право на глас при донесување резолуции.Тензиите што се надвиснаа над ОН пред 80-годишнината од нивното основање ги обидуваше да ублажи генералниот секретар Антонио Гутереш:„Ништо не може да го оправда страшниот терористички напад на Хамас на 7 октомври, ниту киднапирањето на израелски заложници. Но, исто така, ништо не може да го оправда колективното казнување на палестинскиот народ за тоа злосторство“, рече тој, експлицитно повикувајќи се на ситуацијата во Западниот Брег, кој Израел се заканува да го анектира како одмазда за признавањето на Палестина.„Ништо не може да ги оправда случувањата на Западниот Брег, бидејќи ваквите еднострани потези претставуваат егзистенцијална закана за решението со две држави. Непрекинатото проширување на населбите и заканата со анексија, која полека се вовлекува, го зголемува насилството на доселениците – сето тоа мора итно да престане.“На тоа предупреди и германскиот министер за надворешни работи, Јохан Вадепфул, кој рече дека:„Секој чекор кон нелегална анексија на окупираната територија дополнително ја поткопува можноста за трајно решавање на конфликтот.“Да потсетиме, Германија сè уште не ја признала Палестина, бидејќи, поради (и повеќе од очигледни) историски причини, чувствува одговорност да обезбеди заштита за Евреите.Арапските земји, пак, веднаш го кренаа прстот на предупредување кон Израел за судбината на Западниот Брег. Најавија дека каков било потег на Израел во таа палестинска енклава покрај реката Јордан би можел да резултира со поништување на Аврамовите договори – преку кои, по години дипломатски напори, почнаа нормализацијата на односите меѓу Израел и земјите од Арапскиот Полуостров.И покрај желбата за остар одговор кон сè поголемиот број критичари на меѓународната сцена, и самиот Нетанјаху станува свесен дека меѓународната изолација на Израел се продлабочува, а дека бруталното израелско постапување кон палестинските цивили во Газа е главниот виновник за тоа.Дополнителен предизвик за него претставува и фактот што лидерите на арапските и муслимански земји се договорија да се сретнат со американскиот претседател Доналд Трамп на маргините на Генералното собрание на ОН, каде што ќе му го претстават својот мировен план за Газа. Трамп би требало да се сретне со лидерите на Турција, Обединетите Арапски Емирати, Египет, Катар и Саудиска Арабија.Иако Белата куќа и понатаму остро ги осудува сите нови држави што ја признаваат Палестина – обвинувајќи ги дека го наградуваат тероризмот на Хамас – неколку добро информирани извори за американските медиуми тврдат дека планот на муслиманските земји ќе предвиди соборување на Хамас од власт во Газа.Земјите од Заливот, всушност, имаат клучна улога во поддршката на Хамас. Со нивно повлекување, Хамас би го изгубил најважниот меѓународен сојузник. Преку ограничување на движењето на Хамас, земјите од Заливот би го ограничиле и влијанието на непријателски настроениот Иран.

Свет | пред 6 месеци

Израел го затвора единствениот граничен премин меѓу Западниот Брег и Јордан

Израел на неопределено време ќе го затвори единствениот граничен премин меѓу Западниот Брег и Јордан, само неколку дена откако беше повторно отворен по пукање во кое беа убиени двајца израелски војници.Портпарол на израелските власти кои го надгледуваат преминот Аленби изјави дека преминот ќе биде затворен од среда наутро „по налог на политичкото раководство“. Причините за затворањето не се објавени. Палестинските и јорданските власти во вторникот изјавија дека Израел ќе го затвори граничниот премин во среда.За многу Палестинци од Западниот Брег, овој премин е главен излез кон странство и се користи и за транспорт на стоки меѓу Западниот Брег и Јордан.Канцеларијата на израелскиот премиер Бенјамин Нетанјаху не одговори на барањето за коментар.Преминот беше повторно отворен во понеделник, четири дена откако јордански камионџија уби двајца израелски војници, по што властите го затворија.Нетанјаху во неделата порача дека ќе „одговори“ на земјите кои ја признаваат Палестина, откако ќе се врати од посетата на САД.Франција, Канада, Британија и Австралија се некои од земјите кои ја признаа или најавија дека ќе ја признаат Палестина оваа недела, со цел да го поддржат решението за две држави. Некои десничарски членови на израелската влада сметаат дека Израел треба да го анектира Западниот Брег како одговор на признавањето на Палестина.

Свет | пред 6 месеци

Луксембург, Малта и Монако ја признаа државата Палестина на Генералното собрание на ОН

Премиерите на Луксембург, Малта и Монако официјално ја признаа државата Палестина на вчерашното заседание на Генералното собрание на Обединетите нации.„Ова е почеток на обновена посветеност кон надежта, дипломатијата, дијалогот, соживотот и решението со две држави. Тоа е идеја кревка, но сепак можна – дека мирот може да надвладее“, изјави премиерот на Луксембург, Лук Фриден, додавајќи дека одлуката не е насочена против Израел или неговиот народ.Во меѓувреме, Андора и Белгија најавија дека ќе ја признаат Палестина откако ќе бидат ослободени сите заложници и кога Хамас повеќе нема да биде на власт. Белгискиот премиер Барт де Вевер порача дека воспоставувањето дипломатски односи и отворањето амбасада во Палестина ќе се реализира по исполнувањето на условите од Њујоршката декларација.Во последните денови се забележува бран на нови признанија. Францускиот претседател Емануел Макрон вчера исто така ја призна државата Палестина, истакнувајќи дека тоа е „чекор за мир меѓу израелскиот и палестинскиот народ“ и дека Франција останува верна на својата историска посветеност на Блискиот Исток.Пред два дена Палестина ја признаа и Обединетото Кралство, Канада и Австралија.

Свет | пред 6 месеци

„Сите за Палестина“ со барање до Силјановска Давкова: Македонија да ја признае Палестина

Во пресрет на Генералната дебата на 80-то Генерално собрание на Обединетите нации, Иницијативата „Сите за Палестина“ упати писмо до претседателката Гордана Силјановска-Давкова во кое побара Македонија да ја признае палестинската држава и да го осуди геноцидот врз палестинскиот народ.Иницијативата пред се инсистира, претседателката итно да се побара прекин на огнот и влез на хуманитарна помош во Газа што не е дистрибуирана од Израел.Во писмото, Иницијативата бара Македонија да почне да гласа за солидарност со палестинскиот народ на сите понатамошни гласања на ОН, да се воведат санкции, како и да престане со трговијата, културна, образовна и спортска соработка со Израел.

Македонија | пред 6 месеци

Крвава офанзива во Газа: најмалку 11 убиени, Израел најави „сила без преседан“

Израелските сили денеска убија најмалку 11 Палестинци во Појасот Газа, меѓу кои седум лица во градот Газа, објави Ал Џазира, повикувајќи се на медицински извори од теренот. Израелската армија (ИДФ) најави дека ќе примени „сила без преседан“ во градот Газа, каде што е во тек голема офанзива, и ги повика жителите да се евакуираат кон југ.Според новите процени на ИДФ, досега околу 480.000 Палестинци го напуштиле градот Газа.Францускиот претседател Емануел Макрон денеска остро го обвини Израел дека одржува „трајна војна“ во Појасот Газа и најави дека во Франција ќе се отвори дебата за можни економски санкции кон Израел, доколку конфликтот не биде прекинат.

Свет | пред 6 месеци

Западни држави ја признаа Палестина – Израел со остар одговор

Четири западни држави – Велика Британија, Канада, Австралија и Португалија – формално ја признаа палестинската држава, чекор кој произлезе од длабокото незадоволство од војната во Газа и е насочен кон поддршка на решението со две држави. Ова усогласување со повеќе од 140 земји предизвика бурна реакција од Израел.Одлуката на Лондон има дополнителна симболика поради историската улога на Британија во создавањето на современ Израел по Втората светска војна. „Денес, за да ја обновиме надежта за мир, Обединетото Кралство ја признава Државата Палестина“, изјави премиерот Кир Стармер, додавајќи дека хуманитарната катастрофа во Газа е „неподнослива“.Израелскиот премиер Бенјамин Нетанјаху го осуди потегот, предупредувајќи дека „се наградува тероризмот“ по масакрот на 7 октомври 2023 година, кога Хамас уби 1.200 Израелци и зеде над 250 заложници. „Палестинска држава нема да се воспостави западно од реката Јордан“, изјави тој.Во изминатите речиси две години на израелската офанзива во Газа, според локалните власти, загинале над 65.000 Палестинци, повеќето цивили, со масовно раселување и глад како последица.Хамас го поздрави признавањето, но повика на конкретни чекори за прекин на војната. Палестинскиот претседател Махмуд Абас нагласи дека одлуката ќе овозможи Палестина да постои „рамо до рамо со Израел во мир и безбедност“.Канадскиот премиер Марк Карни потенцира дека признавањето не е легитимирање на тероризмот, туку поддршка на оние што сакаат мир. Португалскиот шеф на дипломатијата, Пауло Рангел, истакна дека решението со две држави е „единствен пат кон праведен мир“, а итно е потребен прекин на огнот.Во САД, најблискиот сојузник на Израел, засега нема официјален став, иако претседателот Доналд Трамп претходно јасно се изјасни против вакво признавање.Израелскиот министер за безбедност, Итамар Бен-Гвир, најави иницијатива за примена на израелски суверенитет на делови од Западниот Брег – чекор што би значел де факто анексија на територија освоена во 1967 година.

Свет | пред 6 месеци

Лубеницата – симбол на палестинската борба и глобален знак на отпор

На пропалестинските демонстрации ширум светот, лубеницата станува сè почест симбол. Нејзиното политичко значење потекнува од 80-тите години и, според сведочења на уметници, инспирирано е од изјава на израелски офицер.Лубеницата ги содржи истите бои како и палестинското знаме: зелената и белата кора, црвената внатрешност и црните семки. Во време кога палестинската знаме било забрането во окупираните територии, секое користење на овие бои можело да биде санкционирано. Палестинскиот уметник Сулејман Мансур во интервју за „Ал Џезира“ во 2021 година раскажа дека израелски војник јасно кажал: „Дури и ако насликате лубеница, ќе биде проблематично.“Така лубеницата станала знак на тивок отпор и симбол на идентитет.Денес таа се појавува на маици, плакати, графити и во уметнички галерии во палестинските подрачја, но и на глобално ниво. На социјалните мрежи, многумина ја користат како емотикон наместо палестинско знаме за да избегнат бришење на политички содржини. Уметникот Халид Хурани редовно слика лубеници, а негово дело беше продадено на аукција за фонд кој им помага на Палестинците во здравствениот сектор.Симболиката на лубеницата, сепак, не е едноставна. Во САД таа долго време имала расистичка конотација: по укинувањето на ропството, многу црнци одгледувале и продавале лубеници, а белите расисти ја користеле таа слика за да шират стереотипи за наводна мрзеливост и примитивност. Илустрации со црнци со карикатурално нагласени усни кои лакомо јадат лубеница биле честа алатка за нивно понижување.Денес, и покрај тоа контроверзно наследство, лубеницата е пред сè глобален симбол на отпорот и солидарноста со Палестина. Како што забележуваат аналитичарите, токму израелската цензура и забраната на палестинското знаме ѝ дале ново значење – претворајќи го едно обично овошје во политичка икона.

Свет | пред 6 месеци

Нови ужаси во Газа, израел бомбардираше детска болница! „Пукаат во се што се движи“

Израелските сили преку ноќ ја нападнале детската болница Ал-Рантиси во Појасот Газа, што доведе до евакуација на околу 40 хоспитализирани пациенти, соопштија од канцеларијата за медиуми на владата на Хамас. Комплексот бил цел на три одделни напади за краток временски период.„Овој злостор го потврдува систематското настојување на окупаторот да го блокира здравствениот систем“, стои во соопштението.Ал-Рантиси е единствената специјализирана болница во Газа која обезбедува онкологија, дијализа и други специфични услуги, вклучувајќи третман на пациенти со респираторни и дигестивни заболувања. Според властите, таму се згрижени 80 пациенти, како и четири интензивни единици за возрасни и осум неонатални оддели со интензивна нега.Градот Газа е претворен во сцена на апокалипса. Додека израелската армија ги проширува своите копнени операции, министерот за одбрана Израел Кац отворено се закани дека ќе го уништи градот до темел. Она што некогаш претставуваше срце на палестинската енклава денес изгледа како море од урнатини, чад и крици на луѓе заробени под бетонските блокови.More than 200,000 Palestinians displaced from Gaza City amid escalating Israeli air strikes and humanitarian crises in besieged areas — in pictures https://t.co/uH1p22Ln61 pic.twitter.com/PMcmVIBHs8— Al Jazeera English (@AJEnglish) September 11, 2025 Иако армијата објави дека отворила привремена рута за евакуација преку улицата Салах ал-Дин, жителите тврдат дека станува збор за измама.„Никој не може да мине. Се пука во сè што се движи“, велат очајни жители. „Гранатирањето е постојано, а опасноста расте од час во час.“Стотици илјади луѓе се принудно раселени од градот Газа додека Израел ја продолжува офанзивата што поголемиот дел од светот ја осудува како геноцидна. Фотографии од патиштата кон југ ја отсликуваат голготата на Палестинците и страдањето што им се наметнува од Израел и неговите сојузници.Нападите врз станбени објекти, училишта и болници не запираат. Според болнички извори за „Ал Џезира“, утрово во Појасот Газа загинале најмалку 12 лица, од кои седум во градот Газа.

Свет | пред 6 месеци

Жестоки напади на Израел во Газа, Палестинците масовно бегаат

Илјадници Палестинци побегнале во текот на ноќта од градот Газа откако израелските воени напади се интензивирале, се наведува во повеќе извештаи.Повикувајќи се на проценките на израелската војска, The Times of Israel објави дека околу 20.000 луѓе ја напуштиле главниот град на Појасот Газа во текот на ноќта.Палестинските власти исто така соопштија дека илјадници луѓе побегнале од разни населби кон југот на територијата, но дека многумина одбиле да го напуштат градот.Повик за евакуација во „хуманитарни зони“Израел во август најави дека неговите сили ќе воспостават целосна контрола врз градот Газа со цел да се справат со Хамас. Жителите беа повикани да се преселат во таканаречени „хуманитарни зони“ подалеку на југ.И покрај опасноста по нивните животи, многумина не сакаат да се преселат во безбедните зони, бидејќи Израел веќе ги нападнал тие подрачја.Израелската војска соопшти дека повеќе од 300.000 Палестинци неодамна го напуштиле градот и заминале во други делови од појасот. Медиумите под контрола на Хамас во Газа го проценија бројот на евакуирани на приближно 350.000.Сведоци изјавија дека израелските напади врз градот Газа во последните неколку часа биле особено силни и дека погодиле бројни згради. Лекарите соопштија дека од полноќ се убиени најмалку 16 лица.Израелската војска уништила десетици високи станбени згради во градот Газа, обвинувајќи го Хамас дека ги користи како набљудувачки позиции и за поставување експлозив.

Свет | пред 6 месеци

„Нема право да истребува народ“ – Санчез со жестока порака до Израел и трајна забрана за оружје

Шпанија воведе трајна забрана за продажба на оружје и муниција на Израел, соопшти денеска премиерот Педро Санчез. Одлуката е дел од пакет мерки со кои, како што рече, треба да се стави крај на „геноцидот во Газа“.Во рамките на мерките, на бродови што пренесуваат нафта за израелската војска нема да им биде дозволено да влегуваат во шпанските пристаништа, а авионите со воен материјал за Израел ќе имаат забрана за користење на воздушниот простор на Шпанија.„Иако Израел има право на одбрана и постоење, тоа не му дава право да истребува беспомошен народ. Заштитата на сопствената земја е едно, а бомбардирањето болници и гладни деца е друго. Шпанија има обврска да стори сè што може за да запре она што специјалниот известувач на ОН и бројни експерти го сметаат за геноцид“, изјави Санчез.Шпанскиот премиер е меѓу најгласните критичари на израелската воена кампања во Газа во рамките на Европската Унија, а минатата година ја призна независноста на Палестина.Кон крајот на јули, Словенија стана првата членка на ЕУ што воведе забрана за извоз на оружје кон Израел.Помош за ПалестинцитеМадрид ќе обезбеди и правно обврзувачка помош за шпанските граѓани што живеат на овие окупирани територии. Санчес, чија земја минатата година ја призна државата Палестина во границите од 1967 година, најави дополнителна соработка со Палестинската самоуправа во областите на земјоделството, храната и здравството.Шпанија ќе плати дополнителни 10 милиони евра на агенцијата на ОН за палестински бегалци, UNRWA, на која Израел не ѝ дозволува да работи. „Знаеме дека овие мерки не се доволни за да се запре инвазијата и воените злосторства, но тие се барем дополнителен притисок за да се даде одмор на страдалното население во Газа и да се стават Шпанците на вистинската страна од историјата“, рече Санчес.

Свет | пред 6 месеци

Прогласен глад во Газа

Гладот ​​го погоди Појасот Газа и веројатно ќе се прошири во септември, соопшти глобалната иницијатива на IPC, во проценка што ќе го зголеми притисокот врз Израел да дозволи повеќе хуманитарна помош во палестинската енклава разорена од војната.Извештајот за Интегрирана класификација на безбедноста на храната (IPC) вели дека 514.000 луѓе, речиси една четвртина од палестинското население во Газа, страдаат од глад и дека тој број би можел да се зголеми на 641.000 до крајот на септември.Околу 280.000 од погодените луѓе се во северниот регион што го вклучува градот Газа, додека останатите се во Деир ал-Балах и Кан Јунис, централни и јужни области за кои IPC предвидува дека ќе бидат во состојба на глад до крајот на следниот месец.Критериуми за прогласување гладЗа еден регион да биде класифициран како регион во состојба на глад, најмалку 20 проценти од населението мора да страда од екстремен недостиг на храна, при што едно од три деца е акутно неухрането, а две лица од секои 10.000 жители умираат од глад, неухранетост или болест секој ден.Анализата на IPC дојде откако Велика Британија, Канада, Австралија и многу европски земји предупредија дека хуманитарната криза достигнала „незамисливи нивоа“ по речиси две години војна меѓу Израел и Хамас, палестинските милитанти. Генералниот секретар на ОН, Антонио Гутереш, долго време предупредува на „епска хуманитарна катастрофа“ во енклавата со повеќе од два милиони луѓе.Ова е петти пат во последните 14 години IPC - иницијатива во која учествуваат 21 хуманитарна организација, агенции на Обединетите нации и регионални организации, а финансирана од Европската Унија, Германија, Обединетото Кралство и Канада - да идентификува глад.IPC претходно ја процени гладта во областите на Сомалија во 2011 година, Јужен Судан во 2017 и 2020 година и Судан во 2024 година.

Свет | пред 7 месеци

Израел ја започна копнената офанзива во Газа – жителите масовно ја напуштаат територијата

Израелските одбранбени сили потврдија дека започнале со првични операции кои се дел од долгорочно планираната копнена офанзива за преземање на градот Газа. Според официјалните информации, израелските војници веќе воспоставиле контрола врз делови од периферијата на градот, вклучувајќи ги областите Зејтун и Џабалија.Портпаролот на армијата изјави дека акциите претставуваат подготвителна фаза за целосно освојување на градот, план кој вчера го одобри министерот за одбрана Израел Кац, а оваа недела треба да биде претставен и пред безбедносниот кабинет на израелската влада. За оваа операција во септември беа мобилизирани околу 60.000 резервисти за да го поддржат активниот воен персонал.Од друга страна, Хамас го обвини Израел дека намерно го блокира постигнувањето договор за прекин на огнот, со цел да продолжи, како што велат, „брутална војна против цивилното население“. Во нивната реакција се наведува дека Тел Авив го игнорирал најновиот предлог на медијаторите за ослободување на заложниците и дека премиерот Бенјамин Нетанјаху е „главната пречка за било каков договор“.Палестинските медиуми јавуваат дека жителите на Газа веќе масовно ја напуштаат својата територија, стравувајќи од голема офанзива. Очекувањата се дека стотици илјади луѓе ќе добијат наредба да се евакуираат кон јужниот дел на Појасот Газа, каде се подготвуваат привремени засолништа.Планот на Израел предизвика осуда и кај неговите сојузници. Францускиот претседател Емануел Макрон предупреди дека ваквиот потег може да доведе до „катастрофални последици за двете страни и да ја вовлече целата регија во нов циклус на војување“.Меѓународниот комитет на Црвениот крст, пак, соопшти дека новите раселувања и засилувањето на борбите ќе ја влошат веќе тешката хуманитарна состојба на 2,1 милиони жители на Појасот Газа.Израелската влада уште минатиот месец ја објави намерата да го стави под целосна контрола целиот Појас Газа, откако пропаднаа индиректните преговори со Хамас за прекин на огнот и размена на заложници.

Свет | пред 7 месеци

Палестински деца од Газа ќе бидат пренесена на лекување во Велика Британија

Во наредните недели, помеѓу 30 и 50 тешко болни и повредени палестински деца ќе бидат евакуирани од Газа и префрлени во Велика Британија на медицински третман, јави Би-Би-Си. Ова ќе биде првата група која ќе пристигне во рамки на владината програма за евакуација.Операцијата се реализира во координација на британските министерства за надворешни работи, за внатрешни работи и за здравство. Светската здравствена организација (СЗО) ќе биде одговорна за изборот на децата, кои ќе патуваат заедно со членови на своите семејства преку трета земја, каде што ќе им бидат земени биометриски податоци.Одлуката доаѓа по писмо испратено минатата недела од 96 пратеници од различни политички партии, со кое владата беше повикана итно да ги евакуира болните и повредени деца од Газа. Во писмото се нагласува дека децата се во животна опасност поради колапсот на здравствениот систем и дека сите административни пречки треба веднаш да се отстранат.Иако поединечни случаи на евакуација веќе беа спроведени преку иницијативата „Project Pure Hope“, досега британската влада немаше спроведено сопствена операција во текот на конфликтот. Во август властите најавија забрзување на плановите за прифаќање деца од Газа на лекување.Сè уште не е соопштено преку која трета земја ќе помине групата, колку деца точно ќе бидат опфатени и дали ќе следуваат дополнителни евакуации. Се претпоставува дека дел од нив би можеле да останат во Британија и по завршување на терапијата да поднесат барање за азил, со оглед дека враќањето во Газа е неизвесно.Податоците на УНИЦЕФ покажуваат дека од почетокот на војната во октомври 2023 година повеќе од 50.000 деца се убиени или повредени. Велика Британија досега обезбедуваше средства за лекување на повредени палестинци во болници во регионот и соработуваше со Јордан за доставување на воздушна хуманитарна помош.Децата кои ќе пристигнат во рамки на оваа владина програма ќе бидат згрижени и лекувани во болниците на Националната здравствена служба (НХС). Од Министерството за внатрешни работи информираа дека биометриските проверки ќе бидат направени пред патувањето на децата и нивните старатели.Палестинци со сериозни здравствени состојби веќе се евакуирани и во други држави – само во Италија досега биле примени повеќе од 180 возрасни и деца.Обединетите нации предупредуваат на масовна неухранетост во Газа, а експерти минатиот месец оценија дека се реализира „најлошото сценарио“ со глад. Израел, пак, тврди дека нема ограничувања за доставата на помош и ја обвинува ОН и другите организации за неуспешна дистрибуција.Според Министерството за здравство во Газа, кое е под контрола на Хамас, повеќе од 60.000 лица се убиени од почетокот на израелската офанзива. Израелската воена акција беше одговор на нападот на Хамас од 7 октомври 2023 година, во кој загинаа околу 1.200 луѓе, а 251 лице беше киднапирано.

Свет | пред 7 месеци

Словенија со ембарго за оружје за Израел и повик до светот: Признајте ја Палестина!

Словенија го прекинува секој вид трговија со оружје со Израел – воведе забрана за извоз, увоз и транзит на оружје, станувајќи првата земја во Европската Унија што презела ваков чекор. Одлуката беше донесена на владина седница, а ја соопшти премиерот Роберт Голоб, истакнувајќи дека станува збор за принципиелен став во насока на мир и почитување на меѓународното хуманитарно право.Овој потег следи по претходната одлука на словенечките власти да прогласат двајца министри од израелската влада за непожелни лица (persona non grata). Станува збор за министерот за национална безбедност Итамар Бен-Гвир и министерката за финансии Безалел Смотрич, чие делување, според Словенија, придонело за создавање на „неподнослива состојба“ во Појасот Газа.Министерката за надворешни работи на Словенија, Тања Фајон, на Генералното собрание на Обединетите нации ги повика сите земји-членки да ја признаат државата Палестина, оценувајќи дека единствениот одржлив пат кон мир на Блискиот Исток е решението со две држави. Таа додаде дека „начинот на кој бараме мир денес ќе ја одреди историјата и иднината на генерациите што доаѓаат“.„Историјата не се пишува со големи зборови, туку со дела. А Словенија одлучи да дејствува – ја призна државата Палестина“, рече Фајон, најавувајќи и потпишување на меморандум за соработка со палестинските власти.Словенечката министерка посочи и дека врз некои држави се врши притисок да не ја поддржат Палестина, споменувајќи дека има слободни места во Генералното собрание на ОН, меѓу кои и држави-соседи на Словенија. Таа изрази несогласување со ставовите што го попречуваат прекинот на огнот во Газа и постигнувањето на траен и праведен мир.Словенија ја призна независноста на Палестина во јуни оваа година, по што и Холандија го следеше примерот. Вкупно 147 од 193 држави-членки на Обединетите нации досега официјално ја признале државата Палестина.фото: Unsplash/FB

Свет | пред 7 месеци

Палестина добива нова поддршка: Канада и Малта ќе ја признаат во септември!

Канада и Малта најавија дека во септември ќе ја признаат државата Палестина, приклучувајќи се на напорите за обновување на решението со две држави (Two-state solution), предлог за решавање на израелско-палестинскиот конфликт, кој предвидува создавање две независни и суверени држави – Израел и Палестина, кои би коегзистирале една до друга во мир. Со ова се предвидува завршување на деценискиот израелско-палестински конфликт. Со тоа, двете земји, односно Канада и Малта се приклучуваат на дипломатските чекори на Франција, како и најавата на Обединетото Кралство, во пресрет на годишното заседание на Генералното собрание на Обединетите нации.Одлуката на Канада беше соопштена по седница на владата, на која премиерот Марк Карни информираше дека признавањето официјално ќе биде објавено на Генералното собрание што започнува на 23 септември. Според него, потегот ќе биде условен со одржување демократски избори во Палестина во 2026 година, без учество на Хамас, како и со целосна демилитаризација на идната палестинска држава. Овие услови, како што посочи, се веќе прифатени од палестинскиот претседател Махмуд Абас во писмо од 10 јуни.Од страна на Малта, постојаниот секретар во Министерството за надворешни работи, Кристофер Кутажар, ја објави одлуката за време на продолжената седница на Генералното собрание на ОН. Тој истакна дека Малта доследно го поддржува правото на самоопределување на палестинскиот народ и дека признанието претставува „конкретен чекор за претворање на тоа решение од концепт во реалност“. Претходно, премиерот Роберт Абела преку социјалните мрежи потврди дека оваа одлука е дел од надворешната политика на земјата за поддршка на траен мир на Блискиот Исток.Со оваа најава, Малта, како членка на Европската унија и поранешна британска колонија, ќе се приклучи на повеќе од 145 земји ширум светот кои веќе ја имаат признато Палестина, вклучувајќи и над десетина европски држави.Во вторникот, британскиот премиер Кир Стармер изјави дека Обединетото Кралство ќе ја признае Палестина пред почетокот на Генералното собрание во септември, освен ако Израел не се согласи на прекин на огнот и воспоставување долгорочен мировен процес во следните осум недели.Франција, Британија и Канада се трите најголеми западни сили членки на Г7 кои најавија ваков чекор. Израел и САД, кои остануваат против решението со две држави, го бојкотираат состанокот во ОН, иако 125 држави ја поддржуваат иницијативата.Израелскиот амбасадор во ОН, Дани Данон, остро ги критикуваше земјите учеснички, обвинувајќи ги дека со поддршката „легитимираат тероризам“ и дека „даваат празни изјави додека нашите заложници се во тунелите на Хамас во Газа“.Во одговор, Кутажар од Малта изјави дека признанието не е симболичен чин, туку „конкретен чекор кон праведен и траен мир“.На седницата, која беше прекината откако зборуваа 128 говорници, високи претставници повикаа на итна акција и изразија „непоколеблива поддршка“ за решението со две држави. Беше усвоена и „Њујоршка декларација“, седумстраничен документ кој предлага патоказ за завршување на конфликтот и формирање на независна, демилитаризирана палестинска држава што ќе коегзистира со Израел и ќе се интегрира во поширокиот регион.Дополнително, 15 западни држави усвоија документ под назив „Њујоршки повик“, со кој се повикуваат сите земји што сè уште не ја признале Палестина, да го сторат тоа. Во документот се наведуваат шест држави што веќе ја признале, девет кои најавиле позитивен став, вклучувајќи ги Малта и Канада, и седум земји кои допрва треба да се изјаснат, меѓу кои Австралија, Финска, Луксембург и Португалија.Постојаниот претставник на Саудиска Арабија во ОН, Абдулазиз Алвасил, соопшти дека финалната верзија на документот е испратена до сите 193 земји-членки и ќе остане отворена за потпишување до почетокот на септември.фото: Unsplash

Свет | пред 7 месеци

Израел го прифати 60-дневниот прекин на огнот; Трамп: „Прифатете ја понудата, следната ќе биде многу полоша“

Американскиот претседател Доналд Трамп во вторникот изјави дека Израел се согласил на условите за постигнување конечен договор за 60-дневен прекин на огнот во Газа, во рамки на обидите за ставање крај на војната во палестинската енклава.„Израел се согласи на потребните услови за конечен, 60-дневен прекин на огнот, за време на кој ќе работиме со сите страни за да го прекинеме воениот конфликт“, објави Трамп на социјалните мрежи.Тој додаде дека Катар и Египет, кои „работеа многу напорно на воспоставување на мир“, ќе го достават конечниот предлог.„Се надевам, за доброто на Блискиот Исток, дека Хамас ќе ја прифати понудата – бидејќи подобра нема да добијат, само полоша“, заклучи американскиот претседател.

Свет | пред 8 месеци

Крајот на војната во Газа е „близу“, но бројот на жртви расте – Израел потврдува, Палестина тврди за масакр

Израелскиот министер за одбрана, Исраел Кац, изјави дека „операцијата во Газа се приближува кон својот крај“, наведувајќи го ослободувањето на заложниците и уништувањето на Хамас како клучни цели. Изјавата доаѓа по краткиот, но интензивен судир меѓу Израел и Иран минатата недела, и откако американскиот претседател Доналд Трамп изјави дека очекува „брз прекин на огнот“.Но, на теренот – крвопролевањето продолжува.Палестински извори известуваат дека само во понеделник се убиени најмалку 100 лица во Појасот Газа, вклучувајќи најмалку 34 во напад врз кафуле на крајбрежната шеталишна зона во градот Газа. Меѓу загинатите има деца, жени и новинар, според медицински извори од болницата „Шифа“.Хамас тврди дека израелската ракета погодила камп за раселени лица, додека израелската армија соопшти дека целта биле „оперативци на Хамас“ во северна Газа и дека биле преземени мерки за заштита на цивили, вклучително и воздушно извидување. Случајот е во тек на истрага, но не се објавени информации за цивилни жртви од страна на израелските власти.И покрај најавите за деескалација, понеделникот беше еден од најсмртоносните денови во последните недели. Хуманитарните организации предупредуваат дека состојбата на теренот е катастрофална, а населението страда без вода, струја и медицинска помош.

Свет | пред 8 месеци

Палестински извори: Во израелски напади во Газа загинале 14 лица, меѓу нив и тројца деца

Најмалку 14 Палестинци, меѓу кои и тројца деца, загинале во најновите израелски воздушни и копнени напади ширум Појасот Газа, соопшти денеска Цивилната заштита на палестинската енклава. Според портпаролот на организацијата, Махмуд Басал, десетици други се повредени и пренесени во болници.Басал наведе дека 13 лица загинале во напади извршени со дронови и воени авиони: петмина на североистокот од градот Газа, две деца во истиот град, една жена во нејзиниот дом во Хан Јунис и уште пет лица – меѓу нив дете и две жени – во бегалски шатор во Ал-Маваси, на југот од Газа.Дополнително, 18-годишен маж бил убиен од израелска огнена сила додека чекал ред за дистрибуција на храна во секторот Ал-Алама, исто така на југот на Појасот Газа.Француската новинска агенција AFP објави дека не може независно да ги потврди овие информации.Во меѓувреме, израелската армија денеска издаде нов повик за евакуација на неколку населби на северот на Газа, каде што, според нивните тврдења, се одвиваат интензивни воени операции против борци на Хамас.

Свет | пред 9 месеци

(Видео) Во Скопје марш за „слободна Палестина“: транспаренти ‘Нема гордост во геноцид’ низ центарот

Десетина граѓани денеска маршираа низ центарот на Скопје, носејќи транспаренти со пораки „слободна Палестина“, „нема гордост во геноцид“ и „тишината е смрт“. Акцијата беше проследена со извикувања преку разглас и гласно изразен став против насилството врз палестинскиот народ.Иако бројот на присутни беше симболичен, пораките беа директни и јасни.Овие пароли се дел од глобалниот протестен вокабулар против израелските воени дејства во Газа, кои предизвикаа масовни цивилни жртви, уништена инфраструктура и хуманитарна катастрофа. Војната избувна по нападите на Хамас врз Израел.

Македонија | пред 9 месеци

Палестинци: Израел истрела проектили кон бегалски шатори, најмалку 25 мртви

Цивилната одбрана на Палестина денеска соопшти дека 25 лица загинале на неколку локации во Појасот Газа во израелските воздушни напади врз шатори во кои се сместени раселените лица.„Најмалку 16 лица загинаа, главно жени и деца, а уште 23 се повредени откако два израелски проектили директно погодија неколку шатори каде раселените семејства престојуваа во областа Ал-Маваси во Кан Јунис на југот на палестинската територија“, изјави за АФП портпаролот на цивилната одбрана Махмуд Басал.Во друг напад на шатор за раселени лица, во Беит Лахиа на северот на Појасот Газа, загинаа седум лица, „главно жени и деца“, а 13 беа ранети, додаде тој.Дете и неговиот татко беа убиени, а 13 лица беа повредени во трет напад на населба со шатори, исто така во близина на областа Ал-Маваси, рече тој.Израелската армија, контактирана од АФП, се уште не ја коментира оваа информација.Новинската агенција Анадолу пишува дека по бомбардирањето, во Хан Јунис избувнал голем пожар кој ги зафатил импровизираните засолништа, додека жителите се обидувале да ги спасат луѓето заробени во запалените шатори. Во нападот изгореа некои цивили.

Свет | пред 11 месец

ИДФ: Го убивме шефот на Хамас во град на Западниот Брег; Палестинците: Ова е масакр

Најмалку 18 Палестинци загинаа во израелски воздушен напад врз градот Тулкарм на Западниот Брег, соопшти Министерството за здравство на Газа, управувано од Хамас. Израелската војска претходно соопшти дека извршила напад врз Тулкарм во кој загина шефот на мрежата на Хамас во градот.Захи Јасер Абд ал-Разек Оуфи, наводно, доставувал оружје за терористите на Западниот Брег и планирал да изврши терористички напад во „непосредна“ иднина. ИДФ додаде дека во нападот биле елиминирани „неколку други значајни терористи“.Во пост на X, палестинскиот премиер Мохамед Мустафа го нарече нападот „масакр“ и рече дека Израел „ги игнорира глобалните повици за правда“.

Свет | пред 1 година