ПРЕДМЕТИ

Со 16.000 евра се купува правда? Обвинителство со нов случај

Јавен обвинител од Основното јавно обвинителство за гонење на организиран криминал и корупција донесе наредба за спроведување истражна постапка против едно лице, осомничено за кривично дело – примање награда за противзаконито влијание.Според истрагата, во периодот од април до август годинава, осомничениот примил 10.000 евра за да искористи свое претпоставено влијание и да интервенира за извршување службено дејствие кое не смеело да се изврши – односно наводно да влијае врз одлуки во граѓански судски постапки пред Основниот граѓански суд Скопје и Апелациониот суд Скопје.Пријавителот се посомневал во поткуп на судииСлучајот започнал кога управител на едно правно лице, кој бил во судски спор, добил информации дека спротивната страна вршела сериозно влијание врз судиите со поткупи. За да ја провери информацијата, преку пензиониран судија добил контакт од осомничениот, кој му бил претставен како „лице близок со судии од Апелациониот суд Скопје“.При првата средба, осомничениот директно побарал 16.000 евра за да заврши спорот во корист на фирмата на пријавителот. Дополнително ги уверувал дека другата страна давала уште повисоки суми, но судиите не прифаќале да донесат одлука без правна основа.Исплати во рати и апсење на лице местоПоради неможност да обезбеди целата сума, пријавителот со осомничениот се договорил исплатата да се врши во три рати. На 30 април му предал 5.000 евра, по што осомничениот го уверувал дека исходот на постапката е сигурен. Во наредниот период тие останале во постојана комуникација.Меѓутоа, пријавителот потоа ја пријавил трговијата со влијание, а при следната исплата од 5.000 евра, осомничениот бил фатен на лице место и лишен од слобода веднаш по примопредавањето на парите.Предлог за притворЈавниот обвинител до судијата на претходна постапка од Основниот кривичен суд Скопје денеска достави предлог за определување мерка притвор, оценувајќи дека се исполнети законските услови за тоа.

Македонија | пред 7 месеци

Повик за распит 11 часа по кандидатурата – Обвинителството ја „пушта на пауза“ Ивановска до по изборите

По пријава против поранешната антикорупционерка Билјана Ивановска, која ја добиле во февруари, Обвинителството тргна во поход да го расчисти случајот, па покана за распит и испратиле во јули. Ивановска пак, поканата ја доби денеска, 11 часа по нејзината кандидатура за градоначалник на Центар. Откако јавно изреагира и кажа дека ова според неа е притисок, Обвинителството се предомисли па реши да и даде шанса, да се јави на распит после изборите. Ивановска на социјалните мрежи сведочеше како вчеравечер, полиција и дошло пред врата.„Синоќа во 20:30ч двајца полицајци ме побарале да ми врачат кривична пријава, но јас не бев дома. Утринава веднаш појдов да ја подигнам Поканата од ОЈО Скопје за да видам за што станува збор. Ме повикуваат на разговор на 19 август. Јас немам што да кријам, имам чиста совест и не се плашам од никакви закани и ниски удари и притисоци. Мојата цел е достоинствен живот во Центар и нашата битка заедно со „Независни заедно“ е отпор против воспоставените антивредности на коруцпија и клиентелизам кои нè доведоа до оваа ситуација. Ние со вашата поддршка ќе ја вратиме моќта кај граѓаните и нивното достоинство затоа што институциите треба да ни служам нам, а не на центрите чиј интерес е профитот. Јас навреме ќе ве информирам за ситуацијата околу оваа кривична пријава, но секако, адреса на информирање е и Обвнителството како е надлежна институција“, напиша Билјана Ивановска, експретседателка на ДКСК и актуелна кандидатка за градоначалничка на Центар.Основното јавно обвинителство Скопје соопшти дека постапува по приватна кривична пријава поднесена на 18 февруари 2025 година и презема дејствија за проверка на наводите. „Како едно од дејствијата е испитување на наведеното лице кое во периодот на кој се однесува пријавата била претседателка на ДКСК. Поканата за испитување од обвинителството е испратена на 25 јули 2025 година и на ниту еден начин не може да се доведе во релација со политичките активности на поканетата,“ соопштија од ОЈО.По објавата на социјалните мрежи на Билјана Ивановска – експретседателка на ДКСК и кандидат за градоначалник на Општина Центар – дека повикот за распит во Основното јавно обвинителство Скопје го добила само 11 часа по најавата на својата кандидатура, надлежен јавен обвинител телефонски ја контактирал и ѝ понудил, доколку смета дека распитот претставува форма на притисок, истиот да се одложи до завршување на изборите.

Македонија | пред 7 месеци

Уставниот суд во јули отворил 26 нови предмети!

Уставниот суд во текот на месец јули 2025 година оформи 26 нови предмети. Оформени се десет предмети во кои се бара оценување на уставност на закони и подзаконски акти, дванаесет предмети се формирани по поднесување на иницијативи за оценување на уставност и законитост на прописи, формирани се четири предмети за заштита на слободите и правата на граѓани.10 предмети се однесуваат на оценување на уставноста на закони и подзаконски акти,12 предмети се оформени по иницијативи за оценување на уставност и законитост на прописи,4 предмети се поврзани со заштита на слободите и правата на граѓаните.Предмети за оценување на уставност на закони и актиМеѓу оформените случаи има иницијативи за укинување или измена на клучни одредби од:Законот за извршување (прашање за неможност наплата на побарувања од државни органи и јавни претпријатија),Законот за судовите (ограничување на надлежност на судии со помал стаж),Законот за ПИОСМ (усогласување на пензии за пензионери во странство),Законот за облигациони односи (казнена камата и третман на должници),Законот за процена (еднаквост на проценувачи),Законот за стоковите резерви (правна сигурност),Законот за средното образование (право на бесплатен превоз и еднаков третман на ученици),Законот за градење и Законот за Град Скопје (постапка за поништување на одобренија за урбана опрема).Посебно внимание предизвикуваат иницијативите поврзани со пензионерските права, каде неколку подносители тврдат дека измените на законите создаваат дискриминација меѓу пензионерите кои живеат во земјата и оние кои живеат во странство.Предмети за оценување на уставност и законитост на подзаконски актиОспорени се правилници, упатства и одлуки на институции и општини, меѓу кои:Упатство на „Национални шуми“ за одобрение за сеча во хипотекарни шуми,Правилници за професионално усовршување на сметководители,Статут на синдикат кој ограничува истапување на членови,Решение за ограничување на градби во рамки на ГУП на Скопје,Општински одлуки за цени на комунален отпад (Велес),Протокол од меѓувладина комисија со Бугарија (идентитетски прашања),Одлуки поврзани со бројот на членови во советите на општините,Правила за снабдување со топлинска енергија од Регулаторната комисија за енергетика.Барања за заштита на слободите и праватаЧетири предмети се оформени по барања на граѓани за:Право на жалба и правна заштита (случај на асистент на факултет),Дискриминација по социјална припадност (професионални војници на определено време над 20 години),Дискриминација во судска постапка (нееднакви можности за одбрана),Дискриминација по политичка припадност (разрешување од функција и ускратено право на плата по престанок на мандат).Сите иницијативи ќе бидат разгледани во рамките на постапките на Уставниот суд, кој има надлежност да утврди дали оспорените акти се во согласност со Уставот и законите. Дел од предметите носат потенцијални системски последици, особено оние што се однесуваат на пензискиот систем, правата на учениците и надлежностите на судовите.

Македонија | пред 7 месеци

И детето пукало од автоматска пушка во Тетово - се бараат притвори, Обвинителството соопшти детали

Основното јавно обвинителство Тетово отвори истрага против четири лица – тројца возрасни и едно дете – за бруталното пукање на 10 август на улицата „Благоја Тоска“ во Тетово, при кое загина едно лице, а тројца беа тешко повредени, меѓу кои и дете.„Јавен обвинител од Основното јавно обвинителство Тетово донесе Наредба за спроведување истражна постапка против едно лице кои е осомничено дека сторило кривично дело - Убиство по член 123 став 2 точка 3, потоа Неовластено изработување, држење, посредување и тргување со оружје и експлозивни материи по член 396 и Тешки дела против општата сигурност од член 292 став 1 во врска со член 288 став 3 во врска со став 1 од Кривичниот законик.За истите дела со него како соизвршител е осомничено и едно дете за кое е поведена постапка согласно Законот за правда за децата.Наредба за спроведување истражна постапка е донесена и против две лица кои се осомничени дека како соизвршители сториле кривично дело - Убиство (во обид) по член 123 став 2 точка 3 во врска со член 19, потоа Неовластено изработување, држење, посредување и тргување со оружје и експлозивни материи по член 396 и Тешки дела против општата сигурност од член 292 став 1 во врска со член 288 став 3 во врска со став 1 од Кривичниот законик.На 10 август, на улицата „Благоја Тоска“ во Тетово, првиот осомничен и детето во судир со законот, родено во 2010 година, со умисла, како соизвршители и со употреба на огнено оружје – автоматски пушки кои на граѓаните им се забранети, лишиле од живот едно лице, а го довеле во опасност и животот и телото на други лица, вклучувајќи и еден од останатите осомничени. Со автоматските пушки тие испукале повеќе куршуми кон автомобил ’Голф’ со кои го погодиле сега покојниот, кој бил на возачкото седиште. Два проектили завршиле во градниот кош на совозачот кој се здобил со тешки телесни повреди со конкретна опасност по животот. Еден проектил завршил во десната натколеница на дете родено 2012 година кое се затекнало во непосредна близина, по што осомничениот заедно со детето во судир со законот се оддалечиле од лице-место.Иако бил ранет од престрелката, вториот осомничен и уште едно лице извадиле огнено оружје – пиштоли и почнале истовремено да пукаат кон возилото кое се оддалечувало и притоа погодиле друго лице кое се здобило со тешки телесни повреди во торакалниот дел, а куршуми завршиле и во возило на жена чија сигурност исто така била загрозена. За сите осомничени, вклучувајќи го и детето во судир со законот, јавниот обвинител предложи определување мерка притвор”, велат од Обвинителството.

Македонија | пред 7 месеци

Пијан возач од Трубарево предизвика сообраќајка – повредени и две бебиња

Скопското Обвинителство отвори постапка против 57-годишен жител на селото Трубарево за кривично дело „Загрозување на безбедноста во сообраќајот“ според член 297 став 1 од Кривичниот законик.Инцидентот се случил на 8 август на локалниот пат меѓу селата Петровец и Долно Коњари. Осомничениот управувал автомобил „Мерцедес“ со истечена сообраќајна дозвола и под дејство на алкохол. Брзината не ја приспособил на условите на патот, поради што изгубил контрола, преминал во спротивната лента и со предниот лев дел од возилото удрил во „Шкода“.Од ударот полесни повреди добиле возачот и четворица патници во „Шкода“, меѓу кои и две 8-месечни бебиња. По укажаната лекарска помош сите се пуштени на домашно лекување.Јавниот обвинител предложи мерки на претпазливост за возачот – забрана за напуштање на живеалиштето, обврска за редовно јавување во судот и привремено одземање на возачката дозвола од Б-категорија.

Македонија | пред 7 месеци

Обвинителство обвини шест лица за фалсификување евра – продале лажни банкноти вредни над 114.000 евра

Основното јавно обвинителство за гонење на организиран криминал и корупција поднесе обвинителен акт против шест лица, осомничени дека како дел од злосторничка група фалсификувале евра и ги дистрибуирале на територијата на Македонија и Србија.Според обвинителството, групата била организирана од првообвинетиот, кој во периодот од крајот на 2023 до февруари 2025 година набавил и користел опрема и материјали за изработка на лажни банкноти во апоени од 20, 50, 100 и 200 евра. Петмина од обвинетите се товарат за кривичното дело „Фалсификување пари“, додека двајца, меѓу кои и организаторот, се обвинети и за „Правење, набавување или отуѓување средства за фалсификување“.Фалсификуваните пари, кои се произведувале во Македонија, се дистрибуирале главно во Србија, по цена од 25 до 30 отсто од нивната номинална вредност. Вкупно, групата во периодот од јуни 2024 до јануари 2025 година успеала да продаде 114.150 лажни евра за 42.400 евра.Шестообвинетиот, според Обвинителството, изработувал и одржувал машините за печатење на лажните пари.Обвинителството со поднесениот акт бара и продолжување на мерката притвор за осомничените. Паралелно, против шест српски државјани, кои наводно биле вклучени во дистрибуција на фалсификатите, се води постапка во Србија.

Македонија | пред 7 месеци

Со 99% слепило, возел товарно возило и усмртил жена во Неготино – обвинителството отвори истрага за лажни документи

Основното јавно обвинителство Кавадарци поднесе обвинение против лице кое, и покрај тоа што имало 99% попреченост на видот, управувало товарно возило и усмртило жена во сообраќајна несреќа. Обвинетиот, кој бил корисник на инвалидска пензија и додаток за попреченост поради слепило, сепак управувал „Ситроен Џампер“ со велешки таблички без важечка возачка дозвола.Несреќата се случила на 3 декември 2024 година, на регионалниот пат Пепелиште–Неготино, на место викано „Лаки“, кога обвинетиот не забележал пешак и со ретровизорот ја удрил 67-годишната Ангелина Ангелова по главата. Жената била отфрлена надвор од коловозот и починала од тешките повреди – скршен череп, пршлени и повеќе коски.Истрагата утврдила дека, иако имало одреден пропуст кај жртвата, тој е оценет како секундарен во споредба со грубото прекршување на правилата од страна на возачот.Најшокантниот дел од случајот – обвинетиот, иако со документирано слепило од 99%, не само што управувал со возило, туку и успеал да ја обнови својата возачка дозвола во текот на истражната постапка.Обвинителството побарало од ОВР Неготино да спроведе дополнителни проверки за тоа како обвинетиот воопшто се стекнал со возачка дозвола и инвалидска пензија, односно дали е можно да се работи за злоупотреба или лажна медицинска документација.

Македонија | пред 7 месеци

Дете е повредено во сообраќајката со тројца загинати на автопатот Тетово-Скопје, се проверува дали возачот на автобусот бил пијан

Дежурен јавен обвинител од Основното јавно обвинителство Тетово извршил увид на местото каде што попладнево се случила тешка сообраќајна несреќа на автопатот кон Скопје, при што загинаа три лица, а едно дете е повредено.Според првичните сознанија, до несреќата дошло при контакт меѓу патничко возило и автобус, по што автомобилот излетал од патот. Во него се наоѓале тројцата загинати и повреденото дете.Обвинителството соопшти дека се преземаат сите дејствија за утврдување на причините и околностите кои довеле до трагедијата. Издадена е наредба за обдукција на починатите, а за возачот на автобусот е наложено испитување за евентуално присуство на алкохол или психоактивни супстанции.Возилата се одземени за технички преглед со цел да се провери нивната исправност во моментот на несреќата. На местото на настанот бил повикан и сообраќаен вештак, а ќе биде изготвено и целосно сообраќајно-техничко вештачење врз основа на собраните траги, фотодокументација и останати докази.

Македонија | пред 7 месеци

Притвор за тетовец кој бил макро на 23-годишната Косовка, која сакаше да се самоубие скокајќи од неговито мотел

Основното јавно обвинителство Тетово поведе истрага против 48-годишен маж, осомничен за посредување при вршење проституција, кривично дело казниво по член 191 став 2 од Кривичниот законик.Според обвинителството, осомничениот во изминатите два месеца повеќепати обезбедувал клиенти за 23-годишна државјанка на Косово, која била сместена во неговиот мотел. Девојката наплаќала за сексуалните услуги, а најголемиот дел од заработката му го давала на осомничениот.По предлог на јавниот обвинител, судот му определи мерка притвор на 48-годишниот маж, а младата жена е сместена во транзитен центар за странци, каде ќе остане до завршување на постапката.За овој случај МВР извести дека успеале да спречат самоубиство, кое девојката сакала да го изврши. Така и откри случајот, кој беше осуден и од јавноста.

Македонија | пред 8 месеци

Брутално претепале човек за лубеници - се бара притвор за две лица

Јавен обвинител од Основното јавно обвинителство Скопје донесе Наредба за спроведување истражна постапка против две лица, осомничени дека заедно како група извршиле кривично дело „Насилство“ согласно член 386 став 6 во врска со став 3 и став 1 од Кривичниот законик.Според обвинението, инцидентот се случил на 24 јули во селото Орешани, откако осомничените – на возраст од 39 и 31 година – сметале дека едно лице украло лубеници од нивата на првоосомничениот.Двајцата осомничени со товарно возило го следеле оштетениот, кој се движел со автомобил од Петровец кон селото Таор. Откако жртвата се паркирала во дворот на куќата на својот внук во Орешани, осомничените веднаш пристигнале, излегле од возилото и го нападнале.„Го извлекле оштетениот насилно од автомобилот и го удирале со тупаници и шамари по главата и телото. Вториот осомничен извадил водоводџиски клешти од камионот и продолжил да го удира, сè додека жртвата не паднала во безсознание“, соопшти Обвинителството.Од силниот напад, жртвата задобила тешки телесни повреди и се наоѓа во животозагрозувачка состојба. Во моментот е хоспитализиран на Клиниката за неврохирургија во Скопје.Освен врз жртвата, насилството предизвикало страв и несигурност кај неговиот внук, кој бил сведок на нападот, како и кај жителите на селото.Ценејќи ги тежината на делото, ризикот од бегство и можноста за повторување на кривично дело, обвинителот поднел предлог до судијата на претходна постапка при Основниот кривичен суд Скопје за определување мерка притвор за двајцата осомничени.Судот треба да одлучи дали лицата ќе бидат задржани во притвор додека трае истрагата за овој брутален напад со опасни последици.

Македонија | пред 8 месеци

Трошел за хотели, ресторани, патувања, такси, рента кар...Обвинителството поднесе обвинение против Ване Цветанов

Основното јавно обвинителство за гонење на организиран криминал и корупција поднесе обвинителен предлог против Ване Цветанов, поранешен вршител на должност претседател на Советот за унапредување и надзор на ревизијата на Република Северна Македонија. Според Обвинителството, тој со неизвршување и пречекорување на службени овластувања набавувал стоки и услуги за лични цели, ангажирал блиски лица без одлуки од Советот и склучувал договори кои резултирале со штета врз буџетот на институцијата.Основното јавно обвинителство за гонење на организиран криминал и корупција поднесе Обвинителен предлог против едно лице на кое му се става на товар дека сторило кривично дело – Злоупотреба на службена положба и овластување по чл.353 ст.5 вв ст.1 од Кривичен законик.Според обвинението, во периодот од 2021 година до 15 март 2022 година, обвинетиот, во својство на вршител на должност Претседател на Советот за унапредување и надзор на ревизијата на Република Северна Македонија (СУНРСМ), со неизвршување и пречекорување на службени овластувања, постапувал спротивно на повеќе законски прописи и со тоа прибавил противправна имотна корист за себе и други лица, нанесувајќи притоа значителна штета на буџетот на институцијата.Иако бил свесен дека не се спроведени потребните постапки согласно Законот за јавни набавки, обвинетиот незаконски набавувал стоки и услуги од економски оператори, што главно ги користел за лични цели. Притоа се потрошени:– 1.062.963 денари за ресторански услуги, хотелско сместување во Скопје, безалкохолни пијалаци, кафе, тоалетни производи и сл.– 300.350 денари за конференциски услуги што не биле реализирани, но се исплатени.– 317.859 денари за такси и изнајмување на возила.– 741.649 денари за хотелски и туристички услуги во земјава и странство (вклучувајќи пенали за откажување и промени на патување).Иако Советот како институција немал потреба од ангажирање на надворешно правно лице за обука од областа на менаџирање со работни процеси во институцијата, ниту пак обвинетиот имал потреба да поседува сертификат каков што издавало правното лице, за ваков вид на обуки на правното лице му биле исплатени 295.000 денари.Со пречекорување на границите на своето службено овластување постапил спротивно на Законот за спречување на корупција и судир на интереси, спротивно на одредбите од Статутот на Советот и од Законот за ревизија. Обвинетиот без претходно донесена одлука на Советот на СУНРСМ за потреба од ангажирање на надворешно лице, без предвиден надомест за ангажирање како надворешен советник за специјални цели во Советот склучил последователно три договори со својата невенчана сопруга.Врз основа на склучените договори обвинетиот носел решенија за службени патувања во странство каде трошоците за патувањето и сместувањето биле на товар на СУНР, а трошоците за исхрана биле покриени преку утврдени дневници за кои тој носел одлуки за нивна исплата. На овој начин само по основ на исплата на дневници и патни трошоци обвинетиот го оштетил буџетот на Советот за 93.800 денари.Со пречекорување на границите на своето службено овластување постапил спротивно на одредбите од Законот за ревизија, Статутот на СУНР и Законот за трансформација во редовен работен однос. Обвинетиот без претходно донесена одлука на седница на Советот за потреба од ангажирање на надворешни лица склучил 18 договори за ангажирање на физички лица при што од буџетот на институцијата биле исплатени 1.934.237 денари.Овие средства биле исплатени за: авторски дела – пишан материјал и совети од областа на управување со човечки ресурси; од областа на јавните набавки; за изработка на детална техничка спецификација за набавка на опрема од сегмент на информатички технологии; за пружање професионална поддршка на Комисијата за техничка евалуација на пристигнати понуди за јавна набавка на опрема; интелектуални услуги со утврдени обврски на авторот за промовирање на СУНР пред домашна и меѓународна јавност; консултант за Анти-корупциски практики; Консултант за пронаоѓање/посредување на партнери, инволвирање на институции и експерти од Р.Грција, како посредување помеѓу Министерство за финансии на Р.Грција, Регулаторно тело за комерцијална ревизија на Р.Грција, Стопанска комора на Р.Грција и останати светски институции; изработка на проектно-техничка документација за реконструкција на службени простории во СУНР; Консултант за изготвување на Завршна сметка; ангажман на извршител на спроведување на соодветен пристап при изработка на Завршна сметка и други финансиски обврски, како и логистичка поддршка при работни средби и семинари во организацијата на нарачателот, а за превизори ментори од Р.Бугарија, активности во Скопје и Штип, за месечен надомест во износ од 54.000,00 денари; волонтирање за месечен надомест во износ од 36.000 денари; Развој и истражување врз база на спроведување на ескспресна анализа на специјализирани тематски прашања поврзани со имплементација на Законот за ревизија во информатичко технолошки можности.Обвинетиот со пречекорување на границите на своето службено постапување, спротивно на Статутот на Советот и на Законот за ревизија без претходно донесена одлука на одржана седница на Советот и без склучен договор ангажирал правно лице за инсталирање Апликативен софтвер за основни средства и Апликативен софтвер за финансиско книжење, иако Советот веќе имал склучено договор со друго правно лице за годишно одржување на Апликативен модел за 2022 година и Модул за финансиско сметководство.

Македонија | пред 8 месеци

Скопјанец кој има 23 години фатен со пиштол и 51 куршум – обвинителството бара притвор

Основното јавно обвинителство Скопје отвори истражна постапка против 23-годишен скопјанец, осомничен за неовластено поседување и тргување со оружје, соопштија од Обвинителството.По наредба на јавен обвинител и со судска одлука, вчера е извршен претрес во неговиот дом во Скопје. Полициските службеници при акцијата пронашле еден полуавтоматски пиштол, 51 куршум со калибар 9мм Para, рамки и други додатоци за оружјето, кое осомничениот го поседувал без дозвола.Обвинителството утрово достави предлог до судија на претходна постапка од Основниот кривичен суд Скопје за определување мерка притвор, поради опасност од бегство и можност за повторување на делото.Против осомничениот се води постапка за кривично дело „Неовластено изработување, држење, посредување и тргување со оружје или распрскувачки материи“, по член 396 став 3 во врска со став 1 од Кривичниот законик.

Македонија | пред 8 месеци

Обвинение за насилство врз Арсовска – притвор за напаѓачот, ослободен второпријавениот

По целосно испитување на настанот, Основното јавно обвинителство Скопје поднесе Обвинителен предлог против едно лице за кривично дело – Насилство од член 386 став 3 во врска со став 1 од Кривичниот законик.На 11 јули, на улицата „Севастополска“ во Скопје, обвинетиот извршил грубо насилство врз градоначалничката на Скопје Данела Арсовска, со кое предизвикал телесна повреда кај оштетената и чувство на несигурност, загрозување и страв во јавноста.Додека градоначалничката заедно со овластени службени лица, присуствувала на локација по претходна пријава на граѓани во врска со бесправно градење и неовластено приклучување на водоводна и електропреносна мрежа на објект, обвинетиот пристигнал со електричен тротинет и ѝ се приближил заканувачки.Потоа физички ја нападнал, удирајќи ја најпрво по лицето и раката, а потоа со нога во пределот на левата потколеница. Откако присутните униформирани полициски службеници реагирале да го спречат во намерата, продолжил и вербално да ја навредува и да и се заканува.Јавниот обвинител до Судот достави и предлог за продолжување на претходно определената мерка притвор за обвинетиот, за кој и натаму постои опасност да се даде во бегство или да го повтори делото.За истиот настан, за насилство со вербални закани кон градоначалничката беше пријавено уште едно лице, меѓутоа по прибирање на сите докази, вербалните искази на сведоците и оштетените, како и извршеното препознавање со соочување се утврди дека оштетените не го препознаваат пријавеното лице како сторител на заканувачки и насилнички дејствија кон нив.Бидејќи не постојат материјални и вербални докази од кои неспорно би се утврдила кривична одговорност на второпријавениот за конкретното кривично дело, јавниот обвинител донесе решение за отфрлање на кривичната пријава против него и на судот му предложи да ги укине претходно определените мерки на претпазливост за тоа лице.

Скопје | пред 8 месеци

(Видео) Од 2023 година до сега, предметот за „Бехтел и Енка“ уште во предистрага, обвинителката покажа со прст кон МВР

Предистражната постапка за договорите поврзани со изградбата на Коридорите 8 и 10Д и ангажманот на американско-турскиот конзорциум „Бехтел и Енка“ сè уште трае, а предметот од Обвинителството се работи во Министерството за внатрешни работи.„Предметот е во предистрага, долго трае затоа што започна од Обвинителството, ама откако истражителите заминаа во МВР, продолжи постапката таму. Целокупната постапка и сите дејствија ги преземаат истражителите од МВР. Тие можат да ви дадат детални одговори“, изјави обвинителката Катерина Коларевиќ од ОЈО за гонење организиран криминал и корупција.Предметот беше отворен уште во март 2023 година, откако опозициските партии и неколку медиуми објавија серија документи и сомнежи за корупција поврзана со изборот на надзорниот конзорциум.Во фокусот на истрагата се три фирми избрани да вршат надзор над работата на „Бехтел и Енка“ – за вкупен износ од над 22 милиони евра.Една од нив е „Електра Солушнс“, компанија која според јавно достапни податоци претходно се занимавала со шиење долна облека, а потоа преминала на информатика и градежништво. Лиценцата за надзор ја добила во текот на самата тендерска постапка, иако немала никакво релевантно искуство во областа.„Евро консалтинг“, друга членка на конзорциумот, се доведува во врска со Бранислав Димитријевиќ – лице гонето со меѓународна потерница и уапсено во Хрватска во 2021 година. Тој се споменува и како поврзан со компанијата „Ептиса“, која одлука на Владата ѝ забрани учество во проекти поради сомнежи за незаконски и неетички дејства.И покрај обвинувањата, тогашниот директор на Јавното претпријатие за државни патишта тврдеше дека изборот бил чист, со објаснување дека не се проверувале акционерите на фирмите.Покрај Обвинителството, предмет отвори и Антикорупциската комисија, но јавноста сè уште чека одговори – дали и кој ќе одговара за спорниот надзор во најскапиот инфраструктурен проект во поновата историја на државата.

Македонија | пред 8 месеци

Обвинение за шефицата на Антикорупциска: „Оддавала службени тајни преку Вибер, a испити за сертификат за тајност и полагал ревизор од ДЗР“

Покренато е обвинение против претседателката на Државната комисија за спречување на корупција, Татјана Димитровска, која се гони за оддавање на службена тајна. Според Обвинителството за гонење организиран криминал, Димитровска, на обвинет во предметот „Адитив“ му доставувала информации кои биле тајни. Тоа го правела со месеци.„Преку својот службен телефон и апликациите Viber и WhatsApp му давала податоци на обвинетиот за поведени постапки, за отворање на предмети против сега обвинетите правни и физички лица во предметот „Адитив“, службени белешки за отворање на предмет и распределба на член на ДКСК,  одлуки по истите, како и податоци за проверка на имот на обвинетиот и на неговото семејство. Со своите дејствија таа открила податоци што согласно закон се сметаат за службена тајна и чие откривање може да има штетни последици како за службата, така и за постапките што се водат пред ОЈОГОКК“, стои во соопштението на ОЈО-ГОКК.Димитровска се гони и затоа што сертификатот за службена тајна го добила откако испитот и го положил ревизор од Државниот завод за ревизија.„На истата обвинета, претседателка на ДКСК, Татјана Димитровска, и се става на товар и дека со цел да добие Сертификат за положен испит, во август 2024 година од службениот телефон преку апликацијата Viber на третообвинетиот – ревизор во ДЗР, му испратила компјутерски податоци – логови за пристап на електронски систем за обука на Дирекцијата за безбедност на класифицирани информации“, додава ОЈО-ГОКК.Обвинение има и за ревизорот.„Третообвинетиот, од службениот електронски уред на Државниот завод за ревизија пристапил од нејзината електронска адреса и во име и за нејзина сметка го положил тестот за класифицирани информации. Сертификатот за успешно завршување на курсот за класифицирани информации издаден од страна на Дирекција за безбедност на класифицирани информации второобвинетата го употребила како вистински компјутерски податок и врз основа на него ѝ бил издаден безбедносен сертификат за пристап до национални класифицирани информации со степен Државна тајна“, додаваат од ОЈО-ГОКК.За обвинетиот ревизор кој полагал во име на претседателката на ДКСК предложени се мерки на претпазливост - привремено одземање на патна или друга исправа за преминување на државната граница. За останатите две обвинети опфатени со поднесените обвиненија активни се мерките определени со започнување на постапката против нив.Истражната постапка беше отворена кон крајот на месец април како резултат на екстрахираните електронски докази во рамките на предметот „Адитив“.„Обвинетиот, како член на група, вработен во едно од обвинетите правни лица, од месец јули 2022 до октомври 2024, со умисла извршил две или повеќе временски поврзани дејствија  и искористувајќи ист траен однос и исти прилики и околности, на управителките на обвинети правни лица во предметот „Адитив“ им ставил на располагање средства и ги отстранил пречките за кривичното дело. На овој начин им помогнал свесно да ги повредат прописите и да ги изиграат постапките за доделување на договорите за јавни набавки. Во периодот од месец август 2023 до ноември 2024 година, обвинетиот на сопствената денарска сметка уплатил парични средства во вкупен износ од 408.300 денари, а од правното лице во коешто бил вработен во 84 наврати примил парични средства на име трошоци за службени патувања во вкупен износ од 1.963.800  денари. Иако знаел дека средствата правното лице ги прибавило со сторување на кривичното дело Злоупотреба на постапка за јавен повик, доделување на договор за јавна набавка или јавно приватно партнерство, со цел да го прикрие понатамошниот нивен тек, ги пуштил во оптек и ги подигнувал во готово, со што ги исполнил битијата на кривичните дела кои сега дополнително му се ставаат на товар“, велат од ОЈО-ГОКК.Потоа се додава дека: „Во обвинителниот предлог првообвинетата е службено лице – Раководител на сектор во Подружница ТЕЦ Неготино АД ЕСМ Скопје која од јули до ноември 2024 година, на неповикано лице обвинето во предметот „Адитив“, на друг начин му сторила достапни податоци што претставуваат службена тајна и се однесуваат на севкупното работење на правното лице. Дополнително, откако од Одделот за криминалистичка полиција кој постапувал по наредба на ОЈОГОКК, било доставено Барање за доставување на документацијата што се однесува на спроведена постапка за набавка на мазут за периодот од 2021-2023 година, таа преку апликација WhatsApp на телефонски број на обвинетиот му испратила фотографија од Известувањето иако сите податоци, документи, известувања и извештаи согласно закон се сметаат за службена тајна и нивно откривање може да има штетни последици за започнатата постапка“.

Македонија | пред 8 месеци

Докторка уапсена со поткуп од 100 евра во болница во Битола

Основното јавно обвинителство Битола покрена постапка против офталмолог вработена во Клиничката болница „Д-р Трифун Пановски“, под сомнение за кривично дело примање поткуп, по член 357 став 6 од Кривичниот законик.Според обвинителството, докторката побарала подарок од 100 евра од лице од Ресен за да изврши операција за отстранување на катаракта кај сопругата на пријавителот — медицинска интервенција која, како јавна здравствена услуга, била обврзана да ја изврши и без надомест.Поткупот според Обвинителстовто се случил на 16 јули, кога таа го повикала пријавителот на одделението за офталмологија, каде што, според договореното, требало да ги земе парите и да закаже операцијата. Но банкнотата од 100 евра што ја примила била претходно обележана во соработка со полицијата.По примопредавањето, бил извршен претрес, при што парите биле пронајдени кај осомничената.Јавниот обвинител, имајќи ги предвид околностите, побарал од судот да ѝ се определи мерка куќен притвор.

Македонија | пред 8 месеци

Обвинение за напад врз новинари кај отпадот во Визбегово – се истражува и причината за пожарот

Основното јавно обвинителство Скопје поднесе обвинение против маж и жена кои се товарат дека како соизвршители сториле кривично дело – Спречување службено лице во вршење службено дејствие, по член 382 став 3 од Кривичниот законик.Настанот се случил на 9 јули, во близина на отпад за старо железо на улицата „Индира Ганди“ во скопската населба Визбегово, каде обвинетите со употреба на сила ги попречиле новинар и снимател на телевизијата Алсат М во вршење на нивната професионална задача – известување за пожарот кој избувна на локацијата.Според обвинението, телевизиската екипа пристигнала на местото со јасно видливи новинарски беџови. Откако новинарот и снимателот започнале да снимаат прилог, обвинетите – кои се претставиле како сопственици на отпадот – им забраниле да снимаат со образложение дека станува збор за приватен имот. И покрај тоа, екипата продолжила со снимање, по што следел физички напад.Жената прво физички го нападнала снимателот – го удрила со нога и со тупаница, го фатила за врат и ја оштетила телевизиската камера. Новинарот се обидел да го заштити колегата и опремата, започнувајќи снимање со мобилен телефон. Обвинетата потоа и него го удрила со нога, му го одзела телефонот и го фрлила на земја.Во конфликтот се вклучил и вториот обвинет, кој според обвинението упатил закани и навреди кон новинарот, по што му удрил шлаканица и го истерал од локацијата.Обвинителството до Основниот кривичен суд Скопје достави и предлог за продолжување на мерките: притвор за обвинетиот маж и куќен притвор за обвинетата жена.Паралелно со ова, продолжува и предистражната постапка за утврдување на причините за пожарот во отпадот, како и евентуалното загадување на животната средина.Надлежниот јавен обвинител и вчера изврши увид на теренот, кој сè уште е обезбеден. До Обвинителството се доставени и првичните резултати од мерењето на токсични материи во воздухот по пожарот. Мерењата ги изврши специјализираниот тим од Четата за атомско-биолошка и хемиска одбрана на АРМ, по барање на обвинителството.Резултатите се анализираат, а се преземаат и други истражни дејствија за да се утврди дали има основи за ново кривично дело поврзано со загрозување на животната средина.

Скопје | пред 8 месеци

Куќен притвор доби лицето осомничено дека ја нападнало Арсовска

Куќен притвор доби лицето С.Љ. кое Обвинителството го гони за физички напад и закани упатени кон градоначалничката Данела Арсовска. И второто лице, кое има исти иницијали, доби мерки, односно забрана да и се доближува на Арсовска.„С.Љ., осомничени дека вербално и физички ја нападнал оштетената му се определува мерка куќен притвор во траење од 8 дена, со оглед да се работи за скратена постапка; Додека на второ осомничениот, исто така со иницијали С.Љ, кој се товари дека се заканувал кон оштетената, му се определуваат мерки за претпазливост согласно чл. 146 ст.1 т. 1,2,3 и 6 од ЗКП односно: Забрана за напуштање на живеалиштето, Обврска за повремено јавување во судот, Одземање на патната исправа и Забрана за приближување и контактирање со одредени лица“, велат од Кривичен суд.Претходно:

Македонија | пред 8 месеци

Поднесено обвинение против ексдиректорот на затворот во Шутка и затворски полицајци

Јавен обвинител од Специјализираното одделение за гонење на кривични дела сторени од лица со полициски овластувања поднесе обвинителен предлог против осуммина вработени во КПУ Затвор Скопје, информираа од Обвинителството за гонење организиран криминал и корупција.Меѓу обвинетите се директорот на установата и седум полициски службеници, кои се товарат за злоупотреба на службена положба и овластување, а дел од нив и за несовесно работење во службата.Според Обвинителството, во периодот од март до јули 2024 година, тие со умисла овозможиле незаконски погодности на петмина осуденици, дозволувајќи им да се спроведуваат до своите домови и други приватни локации, спротивно на прописите за изведување на лица лишени од слобода надвор од установа.Постапката беше отворена во февруари годинава против вкупно десетмина, но за две лица е донесено решение за отфрлање поради недостаток на докази.

Македонија | пред 8 месеци

За Јордан Ѓоргиев и Васил Јованов – притвори. За Љури кој го прегази Југо? Се чека одговор на жалбата, па ќе следува одлука

Жалбата на Обвинителството за куќниот притвор на Фатон Љури, осомничен за смртоносното прегазување на скопјанецот Југо, на пешачка патека, на кејот на Вардар, стигнала до Кривичниот суд. Со ова почнуваат роковите, таа да биде доставена до обвинетиот и неговиот адвокат, а потоа Кривичниот совет ќе постапува. Барање за произнесување е пратено, сега се чека одговор.Законот за кривична постапка предвидува одговор на жалбата, судот да добие за 24 часа. Потоа, судиите носат одлука дали оваа мерка ќе опстане или ќе се одреди построга. Засега не е познато дали осомничениот барал укинување на мерката на претпазливост, односно да се брани од слобода.Инаку, Љури, според обвинителите, бил возачот на мотоциклот. Го оставил повредениот другар и усмртениот пешак и избегал. До одлуката на Кривичен совет, јавноста остро реагира и прашува, како е можно, осомничен за прегазување на пешачка патека, кој немал ни возачка, а се дал во бегство и не укажал помош на сега усмртениот скопјанец – да добие куќен, наместо ефективен притвор.Како споредба, се земаат два случаи. Па така, првиот е примерот каде возачот Јордан Ѓоргиев ја усмрти Викторија Николова кај „Сити мол“. Кај него, и покрај олеснителните околности што не избега, беше на лице место, имаше возачка дозвола и соработуваше со органите на прогонот, Кривичниот суд му одреди ефективен притвор и сѐ до пресудата беше во затворска ќелија.Вториот случај е усмртувањето на Фросина Куланова. Возачот Васил Јованов, кој не избега, остана на местото на несреќата и соработуваше со органите на прогонот – доби ефективен притвор.Непознато е кој судија одлучи да не ја уважи мерката ефективен притвор за  Фатон Љури. Особено, бидејќи по настанот избега, а беше најден и уапсен по еден ден. Обвинителството уште истиот ден поднесе жалба на мерката на претпазливост. Тие сметаат дека постои простор за негово повторно бегство и влијание на сведоци.

Македонија | пред 8 месеци

Наместо во затворот Шутка, во домашна удобност – судот одреди куќен притвор за возачот кој усмрти пешак и побегна

Наместо ефективен притвор, возачот на мотоциклот „Кавасаки“ кој усмрти пешак и побегна без да му укаже помош, ќе го чека епилогот од истрагата во удобноста на својот дом, дознава „Скопје1“. Судија на претходна постапка, од Кривичниот суд, не ја уважи предлог-мерката на обвинителката која бараше ефективен притвор, односно возачот кој беше во бегство, да биде спроведен во затворот во Шутка.Засега не се познати деталите од решението, односно, зошто судијата се решил лице кое беше во бегство, да го остави во куќен притвор. Од Обвинителството посочуваат дека жалбата за ваквата мерка е веќе дадена и се чека одлуката на Кривичниот совет. Обвинителката инсистира на мерка ефективен притвор.Инаку, трагедијата се случи на скопскиот Кеј, на пешачка патека. Возачот на мотоциклот немал ниту дозвола. Жртвата, скопјанецот Југо (Југослав Николовски), излегол да фрли отпад, а бил усмртен под прозорецот на неговиот стан.

Македонија | пред 8 месеци

Голема акција во Скопје и Куманово

По повеќемесечна предистражна постапка спроведена од Основното јавно обвинителство Скопје, во соработка со Министерството за внатрешни работи, денеска е реализирана голема полициска акција на територијата на Скопје и Куманово.Како што соопштија од Обвинителството, во текот на истрагата биле применети посебни истражни мерки, а денешната акција е спроведена под раководство на јавен обвинител. Полициските екипи извршиле претреси на повеќе локации, при што е запленето поголемо количество амфетамин и се уапсени неколку лица осомничени за поврзаност со недозволена трговија со дрога.Од институциите велат дека повеќе детали ќе бидат соопштени по завршување на сите оперативни дејствија. Акцијата претставува дел од поширокиот напор за сузбивање на организираниот криминал поврзан со дрога на национално ниво.

Македонија | пред 8 месеци

Притвор за битолчанец кој нападнал лекар и полицајци во казино

Основното јавно обвинителство Битола поведе постапка против 28-годишен маж кој на 29 јуни во казино во Битола физички нападнал доктор од Итната медицинска помош, а потоа и двајца полициски службеници.Како што информира Обвинителството, лицето најпрво го нападнало докторот кој се обидувал да му укаже здравствена помош, удирајќи го со тупаница и нанесувајќи му телесна повреда. Подоцна, додека бил пренесен во Клиничката болница во Битола, продолжил да дава отпор на медицинскиот персонал, по што била повикана полиција.При интервенцијата, осомничениот ги нападнал и двајцата полицајци – ги удирал и им се заканувал.Обвинителството го гони за две кривични дела – напад врз здравствен работник при вршење дејност и напад врз службено лице при вршење работи на безбедноста. Поради опасност од бегство и можност за повторување на делото, јавниот обвинител побарал притвор за осомничениот.

Македонија | пред 8 месеци

Обвинение за брутален напад во Старата чаршија во Струга – двајца во притвор, трет осомничен е малолетник

Основното јавно обвинителство Струга поднесе обвинителен предлог против две полнолетни лица од село Радолишта, осомничени за кривично дело насилство, а постапка ќе се води и против трет соизвршител – малолетник, согласно Законот за правда на децата.Настанот се случил на 21 јуни во Старата чаршија во Струга, каде по вербална расправија, тројцата осомничени го нападнале оштетениот. Тој се обидел да побегне, но кога се вратил по мобилниот телефон што го испуштил, бил нападнат со тупаници и клоци.Жртвата побарал помош, а насилството престанало дури кога случаен минувач застанал со автомобил и интервенирал. Повредениот се засолнил во блиско кафуле, а потоа бил пренесен во болниците во Струга и Охрид.Обвинителството побара продолжување на притворот за двајцата полнолетни, со образложение дека покрај нападот, го вознемириле и јавниот ред и мир.

Македонија | пред 9 месеци

54-годишен маж тепал и давел сопруга со чадор во алкохолизирана состојба - обвинение за семејно насилство во Скопје

Јавен обвинител од Основното јавно обвинителство Скопје поднесе Обвинителен предлог против едно лице за кривично дело – Телесна повреда при вршење семејно насилство, односно согласно член 130 став 2 во врска со став 1 од Кривичниот законик.„Обвинетиот 54-годишник, во алкохолизирана состојба вршел телесно ја повредил својата сопруга. Во семејниот дом на улицата ,,Бутелска“, на 20 јуни, тој најпрво влегол во спалната соба каде се наоѓала оштетената, и се доближил држејќи чадор во раката и започнал агресивно да ја навредува. Откако жртвата се повлекла кон дневната соба тој започнал да ја влече, и задал удар со чадорот по главата и таа паднала на под. Во тој момент обвинетиот започнал да ја дави и продолжил да ја удира со чадорот по целото цело, а таа обидувајќи се да се оттргне од него, повредена се влечела по подот до ходникот. Се доближила до влезната врата од куќата која била отворена, по што успеала да излезе надвор и да повика полиција“, велат од Обвинителството.Јавниот обвинител оцени дека во конкретниот случај се уште постојат основите поради кои првично беше определена мерка притвор, па побара притворската мерка за обвинетиот да биде продолжена.

Скопје | пред 9 месеци