СОНК

Платата во образование доцни, реагира лидерот на СОНК

Лидерот на Синдикатот за образование, наука и култура, Јаким Неделков, објави дека платите на вработените во јавниот сектор образование сеуште не се исплатени иако е 17 феврурари и законскиот рок е пробиен.Тој вели дека изработката на списоците од Министерството за образование била навремена и дека од Министерството за финансии добил информација дека наскоро ќе има исплата.„Платата во образование доцни. Според извори блиски до СОНК, МОН благовремено ги доставил списоците до МФ, но од објективни причини во ова министерство се доцни. Но, како што не уверуваат од таму, денес ќе има плата?!“, објави Неделков на социјалните мрежи.

Македонија | пред 1 месец

Огромно незадоволство на членовите на СОНК, оти платите не им се усогласени на професорите

На ден 21.09.2024 година, Советот на Самостојниот синдикат за образование, наука и култура на Република Македонија – СОНК ја одржа својата 30-та редовна седница, на која главен акцент беше Барањето на СОНК за усогласување на платите во основното и средното образование, за 2024 година. На седницата беа донесени Констатации и Заклучоци, кои се доставени до Министерството за образование и наука и Владата.[caption id="attachment_303865" align="alignnone" width="593"] Screenshot[/caption]

Македонија | пред 1 година

Членовите на СОНК нема да учествуваат на никакви партиски организирани протести и строго ќе внимаваат на мешањето на политиката во синдикатот, вели Неделков

Самостојниот синдикат за образование, наука и култура на Република Македонија - СОНК, како најголем синдикат за образование и наука, во кој членуваат над 20 000 просветни работници, се оградува од секаков вид на политички влијанија и дејствија во образованието.“Во период на интензивни преговори за изнаоѓање решение и средства за подигнување на социјалниот статус на вработените во образованието, делувањето на политичките партии и преземањето на улогата на синдикатите, упатува на купување на ситни политички поени и може да има сосема спротивен ефект.Политичките партии имаа и имаат можност да докажат колку се загрижени за просветните работници, а тие знаат тоа најдобро да го оценат.СОНК ќе продолжи да делува со сите расположиви синдикални средства во натамошниот период, се до остварувањето на својата цел.Членовите на СОНК нема да учествуваат на никакви партиски организирани протести и строго ќе внимаваат на мешањето на политиката во синдикатот”, вели претседателот на СОНК, Јаким Неделков.

Македонија | пред 1 година

Ковачевски за платите на наставниците: Ова зголемување е најголемото досега

„Успеавме да постигнеме значаен договор за вработените во образованието и покачување на платите од дури 15%, почнувајќи од септемвриската плата“, вели премиерот Димитар Ковачевски.Тој додава:„Ова зголемување на платите е најголемото досега и заедно со досегашните 21% зголемување е историски најголемата поддршка на вработените во образованието.До пред само 5 години, максималното зголемување на платите беше 4%, без глобални кризи.Сега, во услови на најголема економска и енергетска криза, покрај огромното процентуално зголемување, на вработените во образованието, преку колективните договори ќе им се овозможи и усогласување со минималната плата како и други придобивки. Воедно, ќе се дефинира методологија за континуиран раст на платите со што ќе се заштити стандардот на наставниците и ќе се овозможи континуирано зголемување на плата без потреба од дополнителна владина, институционална или политичка интервенција.Апелирам до СОНК за брзо и целосно прифаќање на договорените условите и одговорност. Да може институциите да продолжат со конкретни активности за спроведување на овој историски раст на платите во образованието“.

Македонија | пред 3 години

Се договрија наставниците со државата, откриен процентот на покачувањето

Министерот за образование и наука, Јетон Шаќири, вечерва информира дека заедно со СОНК ги прифатиле предлозите на медијаторот МТСП во однос на сите отворени теми и причините за штрајкот.-Повисоки плати во образованието ќе има, се договоривме за покачување на платите на сите вработени во образование од 15%, почнувајќи од септемвриската плата. Тоа е во согласно со буџетските можности. Нема да има кратење за времето кога се штрајкуваше. Најдовме целосно разбирање и ќе се исплатат целосни плати за април. Ги допрецизиравме работите и околу колективните договори, рече Шаќири после денешната средба со претседателот на СОНК, Јаким Неделков.

Македонија | пред 3 години

Пак се сретнаа, пак не се договорија, но Шаќири дециден: Наредната недела ќе финализираме, ова да е последен штрајк

Министерот за образование, Јетон Шаќири, посочи дека ставовите меѓу СОНК и државата се доближуваат во однос на покачувањето на платите, а договор се очекува на почетокот од наредната недела. Шаќири бара ова да е последен штрајк со прекин на наставата.„Мислам дека на почетокот од наредната недела, понеделник или вторник ќе имаме договор. Се отворија многу дискусии за колективните договори и мислам дека ќе имаме нов колективен договор наредниот период, па ќе имаме за што да продолжиме со преговори. Ставовите се доближуваат, во другиот дел се изнајдуваат решенија. Побарав разбирање од СОНК и наставниците затоа што имавме добра волја за решение. Знаеме во која фаза бевме со буџетот, која фаза сме и каде ќе бидеме за изнајдување на буџет. Не сакам да споменувам процент. Сакам да е ова последен штрајк и прекинат процес на настава. Можеби во наредниот период ќе имаме потреба од други разговори, но да нема прекин на настава“, рече Јетон Шаќири.

Македонија | пред 3 години

Наставниците се договорија со државата дека повторно ќе се сретнат за да преговараат

Денес, во просториите на СОНК, се одржа уште една средба помеѓу СОНК и МОН, во рамките на дополнителниот десет дневен период за помирување.„Тема на оваа средба беа колективните договори за основно и средно образование, а двете страни расправаа по прашања кои треба да бидат составен дел на колективните договори. Исто така, се расправаше и за временската рамка за изработка, потпишување и примена на договорите во периодот кој следува. Конечното усогласување помеѓу двете страни во врска со ова прашање, како и други прашања поврзани со процентот на зголемување на платите, се очекува да биде постигнато во петок, 13.05.2022 година, за кога е закажана и следната средба“, објави Јаким Неделков, претседател на СОНК.

Македонија | пред 3 години

Продолжуваат преговорите помеѓу СОНК и Министерството за образование и наука

Денеска продолжуваат преговорите помеѓу Синдикатот за образование, наука и култура (СОНК) и Министерството за образование и наука (МОН) за платите на просветните работници, откако во средата не беше постигнат напредок.Претседателот на СОНК, Јаким Неделков, тогаш рече дека на состанокот биле дискутирани, анализирани и аргументирани сите прашања врз основа на нивните барања.Минатата недела штрајкот на вработените во образованието беше ставен во мирување.Рокот за медијација е десет дена за усогласување на ставовите.

Македонија | пред 3 години

Нема фотографија

Ако не се покачат платите на наставниците за десет дена, рокот за решение ќе се продолжи за уште десет

На почеток на преговорите сме, што е добар сигнал и продолжуваме каде што сме застанале. За среќа не почнуваме од нула, што би ни одзело многу време и енергија, туку продолжуваме каде што застанавме, изјави денеска претседателот на СОНК, Јаким Неделков.Тој потенцира дека имаат рок од десет дена за усогласување на ставовите по однос на медијацијата и ако во текот на тој рок не се постигне договор, тогаш ќе мора да се продолжат преговорите за уште десет дена.„Сакам да бидам оптимист и убеден дека за десет дена ќе најдеме решенија, ако не ќе мора да одиме на уште десет дена. Што ако Владата остане тврда на ставовите дека има толку средства и дека не може да излезе од тие рамки? Тогаш органите на одлучување на СОНК ќе расправаат за тоа што е понудено, да донесат одлука што понатаму. Јасно е дека штрајкот е ставен во мирување, таа одлука треба да се потврди, односно да се отповика или да се активира штрајкот, рече Неделков.

Македонија | пред 3 години

„Наставниците уценуваат, учениците се ставени во неизвесност!“, СДСМ со тешки обвинувања

„Уценувачкиот однос и политичката агенда што ја спроведува раководството на СОНК се на штета на учениците и наставниот процес. Децата, учениците се ставени во неизвесност“, вели Жаклина Лазаревска, пратеничка на СДСМ.„Со неколкунеделен прекин на наставата се загрозува иднината на над 16.000 матуранти и нивното натамошно студирање.За штетноста од прекинот на наставата предупредија и Народниот правобранител и УНИЦЕФ апелирајќи наставниот процес да продолжи.Владата предводена од СДСМ како никоја Влада претходно покажа грижа за вработените во образованието и детската заштита.Преку социјалниот дијалог се дојде до конкретен предлог за зголемување на платите од 12 отсто, како и нов Општ колективен договор и нова методологија за континуиран раст на платите.Сето тоа во време на најголема светска економска криза.Одбивањето да се покачат платите во просек по околу 3.000 денари од страна на раководството на СОНК покажува дека платите на наставниците не се цел туку политичката агенда на опозицијата.Тоа е истата опозиција која овде, во Собранието цела година блокира Закон за поголеми плати на наставниците.Очигледно се избрза со штрајкот свесно иако во законот за минимална плата стои временски период за усогласување на платите од 6 месеци.Правото на штрајк и протест е уставно гарантирано право, но правото на образование е исто така уставно гарантирано, кога овие права доаѓаат во судир, правата на децата се поважни.Никој не смее да ги загрозува правата на децата, институциите имаат обврска да обезбедат продолжување на наставата.Учениците мора да се вратат на настава, за последиците по нивното образование да не станат уште потешки“ додава таа.

Македонија | пред 3 години

Министерот за образование нервозен: Се договоривме, но зборот на СОНК не издржа ниту едно деноноќие!

Министерот за образование и наука, Јетон Шаќири излезе со реакција откако СОНК одлучи да продолжи со штрајкот.„Во интерес на учениците и непречен воспитно образовен процес, како и во интерес на наставниците и унапредување на нивниот општествено материјален статус, во текот на вчерашниот ден постигнавме согласност со СОНК , која од претставници на социјалните партнери, а во присуство на највисокото раководство на Европската конфедерација за синдикати за образование, беше соопштена пред целата јавност: 12% повисоки плати во образованието од месец јули, заедничко утврдување на методологија за раст на платите која би се применила од 2023 година и исплата на регрес за годишен одмор исто така од следната година. Но, зборот на СОНК не издржа ниту едно деноноќие. Одлуката на синдикалното раководство денес е променета и тоа на штета на нашите млади, учениците од основните и средните училишта. Министерството за образование и наука цени дека премногу настава е изгубена досега и тоа мора да престане. Доволно голем е јазот во знаењето кој го создаде овој штрајк со целосно блокирање на работата на училиштата и тој повеќе не смее да се продлабочува“, вели Шаќири.Тој додава:„Ги повикуваме директорите на училиштата, како одговорни за организирањето на работата на овие образовни установи, од утре да ги отворат вратите на училиштата и да продолжат да организираат настава согласно законите за основно и средно образование. Имаат надлежности и одговараат за непостапување по истите. Исто така, ги повикуваме и родителите/старателите на учениците од утре да продолжат да ги пуштаат/ носат своите деца на училиште. Тие се најмалку виновни што губат настава поради несериозноста на една организација, но можат многу да помогнат во нормализирањето на состојбите. Да го завршиме ова лошо поглавје од тековната учебна година и да им овозможиме иднина на децата. Многумина од нив ги чекаат уписи во средни училишта или факултети. Многумина одлучиле да се вработат по завршување на средното образование, но неизвесно е доделувањето на дипломите во предвидениот рок. Да не ги уништуваме нивните планови и очекувања. Сите имаме одговорност!“.

Македонија | пред 3 години

Нема фотографија

Училиштата затворени, градинките отворени - решение нема, одлука донесена

Продолжува штрајкот во училиштата, додека во градинките ќе биде ставен во мирување и од утре вратите во предучилишните установи ќе бидат отворени, изјави првиот човек на СОНК, Јаким Неделков.Тој по денешната седница истакна дека од 480 синдикални организации во земјава, 388 се за продолжување на штрајкот од утре.„Советот на СОНК одлучи да продолжи штрајкот и утре се’ до наоѓање на заедничко решение со Владата“, рече Неделков.Како што додаде, градинките ќе ги отворат вратите во интерес на родителите, децата и стопанството кое трпи поради неможноста за згрижување на децата.Советот на СОНК одлучил и да организира голем масовен протест во среда на 4 мај.Неделков пoвтори дека жалат за непријатностите со кои се соочуваат родителите и учениците и повика на разбирање.

Македонија | пред 3 години

Митева: Владата да запре со притисоците кон СОНК и во целост да ги исполни нивните барања

„Продолжуваат притисоците од Владата кон образовниот кадар. Продолжуваат срамните манипулации од СДСМ дека тие инвестирале во образовниот процес. Токму експериментите на СДСМ го урнаа образовниот процес и го нарушија угледот на просветните работници. Во овој момент додека СДСМ вели дека го штити достоинството на образованието Владата пак преводена од СДСМ спроведува најбрутални закани и притисоци кон оние што го користат правото на штрајк. Дополнително, на површина излегува сета политизираност и партизација на Сојузот на синдикати. Димовски како синдикален лидер, за каков што се претставува, застана во одбрана на Владата наместо да ги штити правата на работниците“, вели Марија Митева, портпарол на ВМРО-ДПМНЕ.Таа додава:„Уцените, притисоците и заканите не и успеаја на власта да го скрши штрајкот на СОНК, па сега преку омилениот синдикалец Дарко Димовски измисли социјален дијалог преку кои се обидуваат да ги измамат наставниците, професорите и воспитувачките.Владата на Ковачевски треба да ги прифати барањата на СОНК, а не да се обидува преку нивниот омилен синдикалец да прави квази договори.Со почитување и усогласување на Колективниот договор платата за наставник приправник од 22.764 денари ќе порасне на 41.256 денари, или од 24.782 денари нето платата ќе изнесува 45.054 денари за наставник. Во средните училишта од сегашните 25.000 денари, платата со усогласување на Колективниот договор ќе изнесува 45.000 денари.Ја повикуваме власта да им излезе во пресрет на барањата на просветните работници кои се во генерален штрајк повеќе од две недели и учениците да се вратат во школските клупи, а професорите и наставниците на нивните работни места“.

Македонија | пред 3 години

(ВИДЕО) На СОНК и новинарите им се криви зошто испаѓале смешни

Претседателот на СОНК, Јаким Неделков денеска пред почетокот на прес конференција се скара со медиумите кои беа присутни на настанот. Тој на арогантен тон на претставникот на МИА му рече: „Ќе се прашам дали друг пат ќе бидете поканети“, откако претходно, реагираше зошто вклучувањта во живо се пред да почне прес-конференцијата.Јаким Неделков: „Ве замолив да бидете коренктни и да пуштите лајв кога ние ќе кажеме готово, почнуваме.Медиумскиот работник: „Не, јас кога ќе кажам тогаш ќе почнеме (со лајв)“.Јаким Неделков: Е па друг пат ќе се прашам и дали ќе бидете поканети.Според Неделков, медиумите пуштале во живо додека они влегуваат и разговараат, а подоцна се сечело секвенци (делови од видеото) со што ги правеле смешни пред јавноста.На новинарско прашање зошто смета дека се смешни, Неделков истакна дека нема да одговори и да внимаваат како се однесуваат.

Македонија | пред 3 години

Извесно дека учениците ќе си останат дома и оваа неделa, штрајкот продолжува: Можам да изразам само надеж

Владата да најде средства и да се договориме во однос на побарувањата на СОНК, се во интерес на учениците, родителите и наставници, вели претседателот на сонк, Јаким Неделков. Тој рече дека „има сигнали“ за продолжување на преговорите. На прес-конференцијата поддршка на СОНК му изрази Сусан Флокен, директор на Европската конфедерација на синдикатите за образование - ETUCE. Денеска очекува нова средба со преставници на владата.„Можам да изразам само надеж дека до вечер ќе имаме добри резултати, доколку членството позитивно“, рече Неделков и порача дека е мошне извесно дека штрајкот ќе продолжи и утре.На прес-конференцијата на СОНК учество имаше Сусан Флокен, директор на Европската конфедерација на синдикатите за образование - ETUCE, која изрази поддршка на СОНК и најави придружување на лидерот на СОНК во преговорите со министерот за образование.Флокен изрази солидарност со синдикалните барања, рече дека јасно ја изразува поддршката и нагласи дека се потребни поголеми вложувања во образованието во Македонија, како и во наставниот кадар.

Македонија | пред 3 години

Ковачевски: СОНК треба да биде искрен пред членовите, заедничко решение може да се најде

Заедничко решение може и ќе се најде, потенцираше премиерот Ковачевски во одговор на новинарско прашање, но СОНК треба да биде искрен пред членовите дека Владата уште од првиот ден е отворена за преговори и за разговори, исто така кажавме дека разговори не се водат под уцена, туку се водат низ дијалог.„Ние ја покачивме минималната плата и постои законски рок од 6 месеци за усогласување на платите, СОНК без да го отвори дијалогот во рамки на тие 6 месеци го започна штрајкот. Според мене ги доведе до заблуда и наставниците бидејќи кога претседателот на СОНК ги образложуваше членовите од договорот за исплаќање на плата во време на штрајк не беше искрен до крај. Не ги кажа точните членови и не ги кажа до крај сите членови во однос на тие законски решенија, тоа треба да го направи“, истакна премиерот Ковачевски.Ковачевски нагласи дека Владата најави дека ќе разговара со репрезентативниот синдикат во однос на зголемувањето на платите во јавниот сектор и за воведување на нова методологија за зголемување во иднината на платите.„Отвораме процес за изработка на нов закон за плати во државата со кој ќе се отстранат голем број на неконзистентности што постојат во јавниот сектор, како и отворање на процес на реформи бидејќи тој брои повеќе од 132.000 вработени. Тие 132.000 се платени од вработените во приватниот сектор и доколку се покачува платата треба да се испорача и подобра услуга за граѓаните што ги плаќаат вработените во јавниот сектор. Најлесно е да се покачи плата во јавен сектор, синдикатот ќе побара, Владата ќе одобри, но треба да платат даночните обврзници. Но, тие даночни обврзници треба да добијат и повисоко ниво на услуга“, рече премиерот Ковачевски.Премиерот Ковачевски дополни дека низ разговор со репрезентативниот синдикат ќе се бара решение за зголемување на платите во јавниот и ги повика наставниците да се вратат во училиштата.„Наставниците се тие кои го градат човечкиот капитал во државата. Тие претставуваат авангарда и интелигенција во секое општеството. Јас секогаш сум бил на нивната страна затоа и го имаме отворено дијалогот кој е во постојан континуитет, освен тогаш кога СОНК ќе реши да штрајкува без да има завршен дијалог за кој што постојат и законски прописи и рокови, меѓутоа јас сум уверен дека ќе дојдеме до достоинствено и долгорочно решение за вработените во јавниот сектор“, посочи претседателот на Владата Димитар Ковачевски.

Македонија | пред 3 години

Средношколците се огласија за штрајкот на професорите: Брзо склучете договор!

Сојузот на средношколци апелира за солидарност со учениците преку брзо склучување на договор меѓу Владата и СОНК. Нивното соопштение Ви го пренесуваме во целост:„Една од клучните заложби на Сојузот на средношколци е борбата за поквалитетно образование. Токму затоа ние бевме единствената организација во државата, која заедно со претставништвото на УНИЦЕФ, се залагавме континуирано за враќање на учениците во клупите било тоа преку комбинирана настава или настава со физичко присуство. Од тие причини, чувствуваме обврска и одговорност да се огласиме по сегашните случувања во образованието.21 април ќе биде деветиот работен ден од прекинувањето на наставниот процес за огромното мнозинство средношколци во Северна Македонија. Ова значи дека учениците веќе имаат пропуштено цели две работни недели од редовниот образовен процес. Потсетуваме дека станува збор за генерација која веќе изгуби цела учебна година со неквалитетна онлајн настава, а дополнително пак и други две недели со продолжувањето на зимскиот распуст. Со ваквата поставеност на работите, средношколците веќе три години се вон нормалниот образовен процес.Уставот е дециден: тој ги гарантира и правото на штрајк и правото на образование. Членот 38 го гарантира правото на штрајк. Во членот 44 се вели: „Секој има право на образование. Образованието е достапно на секого под еднакви услови“. Меѓутоа, се наоѓаме во ситуација во која остварувањето на едното право го оневзможува остварувањето на другото. На нашата претходна прес-конференција, ние кажавме дека: „Треба да се поттикнува солидарноста меѓу сите учесници во образовниот процес [бидејќи] поквалитетен образовен систем е во интерес на сите“. Најголемата засегната страна во образованието ја трпи најголемата штета со тоа што е лишена од своето право на образование.Обете страни се одговорни за загубата на наставата во изминативе две недели, односно одговорни да најдат решение во интерес на средношколците. Средношколци, дали некој во земјава воопшто мисли на нас и нашите права и интереси и дали го сослушува нашиот глас? Сојузот на средношколци јавно ги повикува двете страни што побрзо да склучат договор со цел намалување на штетата која единствено ја трпат учениците.Изминативе две недели покажаа дека образовните власти во многу мал број од училиштата организираа вонредно одржување на наставата со цел продолжување на наставата непречено. Ова е особено проблематично за матурантите бидејќи кај многумина од нив има голема шанса да се пробијат државните рокови, кои пак негативно ќе им се одразат на амбициозните матуранти кои сакаат да студираат во странство. На пример, рокот за полагање на проектната задача истекува на 21 април. Затоа потребно е итно решавање на проблемот.За крај, Сојузот на средношколци од почетокот на своето постоење се залага образованието да биде посериозно сфатено во рамките на целото општество. Во тој поглед, ние многупати го истакнуваме фактот дека за 30 години се смениле дури 19 министри за образование и наука. Понатаму, наша клучна заложба е зголемување на буџетот за образованието како дел од бруто домашниот производ, т.е. да се одвојуваат 5% од БДП за образование согласно со европскиот просек. Зголемувањето на буџетот треба да оди во насока на подобрување на инфраструктурата, но и во поголема поддршка за кадарот.Заклучно, го повторуваме нашиот апел за брзо решавање на прашањето меѓу Владата и СОНК преку интензивирање на преговорите за претстојниот период. Бараме Сојузот да биде вклучен во наоѓањето на решенија за надоместување на пропуштениот материјал“.

Македонија | пред 3 години

„СОНК ги доведува во заблуда штрајкувачите“, вели МТСП

Министерството за труд и социјална политика, во врска со денешната прес конференција на СОНК, ја информира јавноста дека одлуката за организирање на генерален штрајк од страна на СОНК е донесена заради усогласување на Колективниот договор за јавните установи за деца во дејноста згрижување и воспитание на деца од предучилишна возраст и во дејноста одмор и рекреација на деца, со порастот на минималната плата, согласно член 8 од Закон за минимална плата.Во член 8 од Закон за минимална плата е уредено дека, колективните договори се усогласуваат во рок од шест месеци. Тоа што одлуката за организирање на штрајк е донесена пред истекот на рокот, значи дека не станува збор за прекршување на работнички права, туку за барање за унапредување на права од работен однос.Колективниот договор за јавните установи за деца во дејноста згрижување и воспитание на деца од предучилишна возраст и во дејноста одмор и рекреација на деца, во член 72 уредува дека правото на штрајк работниците го остваруваат согласно закон.Во ставот 2 од истиот член се вели дека за време на штрајк работодавачот е должен да ум уплатува придонеси и даноци од плата, утврдени со посебните прописи, на минималната основица за плаќање на придонесите. Истото ова е регулирано и во член 240 од Законот за работни односи, а членот 241 дава можност организаторот на штрајкот од свои средства да им обезбеди надоместок на нето плата за време на штрајк на работниците кои учествувале во штрајкот.Од ова на денешната прес конференција на СОНК, произлегува дека со цитирање на членови од Колективен договор кои не содејствуваат со реалната состојба, и кои се однесуваат на услови на штрајк кога се прекршени работнички права и кои не се однесуваат на детската заштита(градинките), СОНК ги става во заблуда штрајкувачите во градинките и образованието.Од тие причини тоа не претставува ниту уцена ниту закана, туку едноставно почитување на законите во државата.Со одлуката за продолжување на штрајкот СОНК повторно ги става личните интереси пред интересите на децата и учениците. Затворените градинки и училишта не носат ништо добро за учениците и децата, ниту за родителите кои не можат да ги згрижат своите деца во градинките.Ги повикуваме СОНК уште еднаш да си ја преиспитаат одлуката и да го почитуваат правото на децата за пристап до образование, како и непречено одвивање на дејноста згрижување и воспитување на децата.Владата, Министерството за труд и социјална политика и Министерството за образование и наука покажаа отвореност и подготвеност за решавање на ова прашање, преку конкретни предлози кои истовремено значат трајно и системско решавање на усогласувањето на платите во образованието и предучилишното воспитание и процент на зголемување на платите со ребаланс на буџетот, земајќи ја превид светската економска и енергетска криза. За разлика од СОНК кои не оставија простор за дијалог, напротив покажаа дека немаат слух за состојбата со кризата која е на глобално ниво, а од која не сме поштедени ниту ние како држава.

Македонија | пред 3 години

Неделков: Додека членовите на СОНК не се произнесат, штрајкот продолжува

СОНК очекува да ги добие денешните заклучоци на Владата а во врска со генералниот штрајк на вработените во детските градинки, основните и средни училишта, вели Јаким Неделков, претседател на СОНК.„Советот на СОНК во текот на утрешниот ден ќе одржи седница на која што детално ќе го проанализираат ставот на Владата и ќе се произнесе по него. Дотогаш, односно додека членовите на СОНК не се произнесат поинаку, штрајкот продолжува“, вели тој.

Македонија | пред 3 години

Владата ги задолжи МOН и МТСП да обезбедат исплата на платите согласно законските одредби во услови на штрајк

Владата на Република Северна Македонија на денешната 40-та седница ја разгледа и усвои Информацијата за состојбите во основните и средните училишта предизвикана од штрајкот на вработените, а согласно одлуката на Синдикатот за образование, наука и култура (СОНК).Со заклучоците по оваа точка Владата го задолжи Министерството за образование и наука, Министерството за труд и социјална политика и Министерството за финансии со ребалансот на Буџетот да предвидат средства за покачување на платите во основното, средното образование и детската заштита во висина од 10%.Владата формираше работна група во која се вклучени заменик-претседателот на Владата, задолжен за економски прашања, координација на економските ресори и инвестиции Фатмир Битиќи, министерот за финансии Фатмир Бесими, министерот за образование и наука Јетон Шакири, министерката за труд и социјална политика Јована Тренчевска и министерот за информатичко општество и администрација Адмирим Алити, да отпочнат процес за преговори за колективен договор со репрезентативниот синдикат и за методологија за континуиран раст на платите во јавниот сектор.Во заклучоците по оваа точка е вклучено и задолжувањето за Министерството за информатичко општество и администрација да започне процес за подготовка на закон за платите во јавниот сектор.Владата воедно ги задолжи Министерството за образование и наука и Министерството за труд и социјална политика да ги преземат сите чекори за одржување настава во основното и средното образование, и згрижувањето на децата во градинките согласно уставно загарантираното право за образование и за предучилишна грижа на децата и согласно законски утврдените одредби за одвивање на настава во услови на штрајк.Владата ги задолжи Министерството за образование и наука и Министерството за труд и социјална политика да обезбедат исплата на платите согласно законските одредби во услови на штрајк.Владата ги задолжи Министерството за образование и наука и Министерството за труд и социјална политика да достават информација до Владата за одговорот на СОНК во врска со овие заклучоци, како и да побара писмено известување врз основа на кој правен акт е прекината наставата во основните и средните училишта и врз основа на кој законски акт персоналот на предучилишните установи одбиваат да ги примат децата.Владата ги повикува раководителите на образовните институции, наставниците и воспитувачите во предшколските установи да продолжат со наставата, учениците да се вратат во училиштата, а родителите да продолжат да ги носат децата во градинките.

Македонија | пред 3 години

„Шести ден од штрајкот веќе отворено почнаа жестоките напади врз штрајкувачите и раководството на СОНК“, вели Неделков

Со лична и колективна дискредитација не се доаѓа до решение и запирање на штрајкот во градинките и училиштата, вели претседателот на СОНК, Јаким Неделков.„Шести ден од штрајкот на СОНК и веќе отворено почнаа жестоките напади врз штрајкувачите и раководството на СОНК. Обид за лична и колективна дискредитација на раководството на СОНК . Со нарачани текстови по одредени портали се прави обид за стекнување на недоверба кон раководството и обид за прекин на штрајкот. Значи, ако мислите да ги поколебате штрајкувачите и се надевате дека ќе го прекинат штрајкот што е нивна лична одлука, страшно се лажете. Единството е како никогаш досега, оправданоста на барањата, исто така. Значи, џабе ви е.Колективната дискредитација е во правец на обидот од владини функционери да претстават во јавноста дека раководството на СОНК заради лични интереси не ги прифаќа понудените 10 %?! Без ниеден аргумент многу лесно обвинуваат и навредуваат, иако многу јасно неколку пати во текот на преговорите им беше кажано дека сите одлуки што ги носи раководството на СОНК ( Советот на СОНК ), се носат по претходно изјаснување на членовите на СОНК. Така беше и овој пат, што е спорно тука? Според владините претставници требало Советот да донесе ,,разумна,, одлука, игнорирајќи го 95% изјаснување на членството да се каже дека ,, понудата не важи,,. Не благодариме!И конечно, одрдени медиуми и владини претставници, вршат обид за пласирање на тезата дека единствено СОНК е виновникот за штрајкот и прекинот на наставата. И самите не веруваат во тоа, а не па јавноста. Кажуваат дека СОНК уценувал а не кажуваат дека впрочем, тие уценуваат. Барањето на Владате е прво да го прекинеме штрајкот па потоа да преговараме. Ова не е класична уцена?Почитувани, Ве замолувам да прекинете со притисоците што ги вршите врз нашите но и ваши партиски членови. Овојпат разберете ја пораката што ви ја праќаат со непослушност. Овојпат се работи за сопствена егзистенција и враќање на достоинството на професијата што ја застапуваат.И да, зад штрајкот на СОНК стојат 25 000 членови, но и нечленови на СОНК, кои без разлика на синдикална, партиска, верска, национална и било каква припадност, рамо до рамо, заеднички штрајкуваат за социјални и законски права, верувајќи му на раководството на СОНК“, додава тој.

Македонија | пред 3 години

Штрајкот се политизира, смета партијата на власт

„Со понудата на Владата платите во образованието се зголемуваат за 31 отсто за четири и пол години, вака штрајкот се политизира. Продолжувањето на штрајкот негативно се одразува врз учениците и воспитно-образовниот процес и децата се држат во неизвесност“, вели СДСМ.Тие додаваат:„Отсуството од наставата веќе извесно ќе доведе до пролонгирање на школската година, негативно ќе влијае врз уписите, како и врз полагањето на стручен испит на околу 500 наставници.Понудата на Владата предводена од СДСМ е зголемување на платите од 10 отсто или 2.500 денари во просек.Претходно низ партнерски дијалог во три наврати ги зголемивме платите во образованието за вкупно 21 отсто, со што со полсеното покачување платите во образованието и детската заштита ќе пораснат за 31 отсто за период од четири и пол години.Тоа е многу повеќе споредено со владеењето на ВМРО-ДПМНЕ кога за пет години платите во образованието се зголемија за само четири отсто, а оваа партија потроши стотици милиони еврра на споменици додека бројни училишни објекти и детски градинки се распаѓаа.Затоа ВМРО-ДПМНЕ е последната партија која може да зборува за платите и условите за работа во образованието и детската заштита.Партијата која со години ги малтретираше и уценуваше наставниците, денес го политизира штрајкот на членовите на СОНК.Интересите на учениците мора да биде на прво место, а штрајкот на СОНК да престане да се политизира.Во најдобар интерес на учениците е тие да се вратат на настава што поскоро а образовниот процес да продолжи да се одвива непречено“.

Македонија | пред 3 години

Влада: Со продолжувањето на штрајкот и одбивањето на понудата ризикот за продолжување на училишната година е извесен

Одбиената понуда за 2500 денари покачување на платата значи дека СОНК ги става личните интереси пред оние на децатаВладата на Република Северна Македонија во преговорите со СОНК понуди зголемување за 10% на платите кои ќе се обезбедат со ребалансот на Буџетот. Тоа значи дека наставниците и воспитувачите би добиле просечно зголемување за 2.500 денари на нивните месечни примања. Воедно и методологијата со која Владата ќе обезбеди континуиран раст на платите, ќе обезбеди трајно решавање на социјалниот статус на вработените во образование.Синдикатот треба да има верба во институциите, бидејќи и претходно низ партнерски дијалог беше постигнато зголемување на платите на наставниците и на вработените во градинките од 21 %. Со ова зголемување платата на наставник/чка во основно образование е порасната за над 3.200 денари плус минат труд и сега е најмалку 24.786 денари. На наставник/чка во средно образование зголемувањето е над 4.300 денари плус минат труд и просечно платата е 25.874 денари. На воспитувачите пак во градинките платата им е зголемена за околу 6.400 денари плус минат труд, додека на негователите за околу 5.000 денари.Дополнително што сметаме дека е исклучително важно кога зборуваме за подобрување на статусот на вработените во образованието, според воспоставената пракса од оваа Влада, во периодот од 2018 година до 13 април годинава на неопределено време се вработени вкупно 2.375 лица, што е половина од вкупната бројка на вработени во градинките која се движи околу 4.600. Меѓу нив има работни места кои се трансформирани од определено на неопределено, но и отворени се нови вработувања. Дополнително во истиот период се обезбедени 416 согласности за унапредување на кадарот.Владата смета дека е неодговорно и покрај понуденото решение за раст на платите во образованието и детската заштита и воспитание да се продолжи со штрајкот и да се руши веќе воспоставениот образовен процес во услови кога се соочуваме со економска и здравствена криза. Најдобриот интерес на децата треба да ни е на прво место, бидејќи правото на образование на секое дете е уставно загрантирано право. Учениците треба да се вратат во училиштата, таму каде што припаѓаат.Со продолжувањето на штрајкот и одбивањето на понудата на Владата со која се отвора простор за трајно решавање и подобрување на стандардот на вработените во образованите, ризикот за продолжување на училишната година е особено извесен. Во овој контекст, несериозно е да се ставаат во ризик и да им се прави штета во личниот развој на децата кои треба да го продолжат образованието, да се запишат во средните училишта, да полагаат матура и да се запишат на факултетите во земјава и странство.Дополнително, согласно Законот за работни односи и Колективниот договор за основно и средно образование, и за вработените во јавните установи за згрижување и воспитание на деца од предучилишна возраст, на вработените кои штрајкуваат ќе им се исплатат само придонесите на платите. Ова произлегува од одлуката на СОНК да организира и одржува генерален штрајк за унапредување на правата на работниците, а во периодот од шест месеци од донесувањето односно зголемувањето на минималната плата. Законската обврска за усогласувањето е шест месеци од донесувањето, односно зголемувањето на минималната плата и Владата, а министерствата и СОНК сѐ уште преговараат во овој законски предвиден рок.Децата и учениците треба да ни се на прво место, затоа нарушувањето на образовниот процес е спротивно на правата загарантирани со Уставот и Законите. Местото на учениците е во училиштата и настава мора да има.

Македонија | пред 3 години

Власта ги предупредува наставниците: СОНК да се врати на дијалогот, пролонгирање на учебната година не е добро

„Сите мора да се водиме од интересот на учениците. Училишната година мора да продолжи да се одвива непречено, што е особено важно затоа што зад нас имавме две училишни години во пандемија со коронавирусот кога учениците следеа онлајн настава или комбинирана настава“, вели Даниела Николова, пратеничка на СДСМ.Таа додава:„Правото на штрајк е уставно загарантирано, но наставниците треба да се водат и од интересите на нивните ученици.Владата предводена од СДСМ како никоја досега претходно покажа вистинска грижа за образованието како клучен сектор во нашето општество.Тоа се гледа и по зголемените плати кои за четири и пол години ги зголемивме од 3.200 до 6.400 денари.Но покрај платите сериозно инвестираме во подобрување на условите за работа на наставниот кадар.За четири и пол години изградивме и реконструиравме над 80 училишта, а за оваа, 2022 година предвидени се над една милијарда денари за капитални проекти во образованието.И оваа година ќе следува раст на платите во образованието, тоа ќе го постигнеме низ дијалог со Синдикатите и сите засегнати страни.Затоа, апелираме СОНК да се врати на дијалогот, наставата да продолжи, ќе се најде решение кое е во интерес на наставниците.Да не дозволиме наставата да се пролонгира и со тоа да се загрозат уписите, државната матура како и полагањето стручен испит на петстотини наставници.Ние како одговорна партија продолжуваме со вистинска грижа за образованието, за наставниците и учениците“.

Македонија | пред 3 години

СОНК: „Петти ден од штрајкот на СОНК, успехот е неизбежен“

Петти ден од штрајкот на СОНК. Последен работен ден во неделата, вели Јаким Неделков, претседател на СОНК.„Честитки за сите штрајкувачи кои имаат верба и самодоверба во себе и во СОНК. Овојпат правите нешто посебно за себе, за семејството, за дејноста. На крајот ќе бидете горди и со исправена глава ќе можете да кажете дека - ,,Да, јас дадов придонес за враќање на достоинството на професијата".Успехот е неизбежен“, стои во објавата.

Македонија | пред 3 години