ВРЕМЕ

Од среда навечер, како и во четврток, во Македонија нови врнежи од дожд и снег

Променливото време продолжува и во почетокот на оваа работна седмица. Денес (понеделник) особено во јужните предели од државава и во претпладневните часови ќе има повремено врнежи од дожд, додека на планините ќе врне снег. Врнежите сепак полека ќе се намалуваат и ќе престануваат, па така утре (вторник) ќе имаме променливо облачно време со сончеви периоди и ќе биде претежно суво.Нов влажен бран од запад и од југозапад територијата на Македонија ќе ја зафати ноќта среда кон четврток, како и во четврток и истиот ќе услови нови врнежи од дожд и снег на планините. Особено во западните предели снежната граница ќе се спушти до околу 1000 метри надморска височина, има услови таа локално да се спушти и под 1000 метри, па така услови за повремен снег ќе има и во некои повисоки населени места во споменатите предели.Во Скопскиот регион, до средината на работната седмица ќе имаме променливо облачно и претежно суво време. Нови врнежи од дожд ќе има ноќта кон четврток и особено во четврток. На околните планини ќе има услови за повремени врнежи од снег.Ветерот кој го имаме деновиве и кој е од северен и од североисточен правец значително ќе ја намали својата брзина.Што се однесува до температурите, не се очекува некој поголем пораст на истите, па така наутро тие ќе бидат пониски и на повеќе места ќе се спуштаат за некој степен под нулата, додека преку ден тие ќе се искачуваат во интервалот од 4 до 10 степени.

Македонија | пред 1 година

Најстудено на Попова Шапка, најмногу снег во Берово

Сообраќајот на државните патишта се одвива непречено, но по влажни коловози.Слаб снег провејува низ Западна Македонија, а во останатите делови од државата врнежите се од дожд. Од Управата за хидрометеролошки работи информираат дека врнежите од дожд и снег ќе продолжат и во текот на денешниот ден. Ќе дува умерен, наместа долж Повардарието засилен ветер од северен правец. Максималната температура ќе достигне од 2 до 7 степени.Во Скопје, слично време со врнежи од дожд кои повремено ќе бидат пообилни, а во повисоките делови од котлината од дожд и снег. Ќе дува умерен, во делови од котлината повремено засилен ветер од северен правец. Максималната температура ќе достигне до 5 степени.Најстудено утрово беше на Попова Шапка - 5 степени. Во Маврови Анови се измерени -3, во Крушево -2, во Берово -1, во Охрид, Претор и Прилеп 0 степени, во Тетово, Битола, Дебар и Крива Паланка 1, во Струмица и Виница 2, во Скопје-Зајчев Рид, Куманово и Штип 3.Најмногу снег има во Берово 22 сантиметри, во Маврови Анови и на Попова Шапка 10, во Крушево седум и во Претор еден сантиметар. Најмногу дожд наврнало во Струмица 32 л/на м2.

Македонија | пред 1 година

Сув студ: Денешното утро донесе минусни температури на повеќе места во Македонија

Денешното утро во Македонија донесе минусни температури на повеќе места, а времето беше ведро и тивко, но по одделни котлини и речни долини имаше појава на магла или на ниска облачност.Најстудено ова утро до 7 часот беше во Берово со -5 степени. На табелата можете да ги погледнете и останатите температури измерени по градови и места исто така утринава до 7 часот, и тоа на мерните станици на УХМР.

Македонија | пред 1 година

Првата декада од ноември ни носи температури и од под -10 степени, најавува Попоски

Најновото ажурирање на Европскиот модел (ECMWF)  укажува на тоа дека во првата декада од месец ноември, најголем дел од Европскиот Континент, како и целиот Балкан буквално ќе бидат заледени поради продорот на многу ладен воздух кој ќе се спушти кај нас од Арктикот. Во ваква ситуација, на многу места и градови се очекува  и првото провејување на снег за оваа сезона (зборуваме особено за пониските места, односно за градовите).Овој многу ладен воздух со потекло од Арктикот, ќе ни го донесе  и првиот сериозен мраз за оваа сезона, со што очекуваме температури дури и до -10 степени, локално може тие да бидат и пониски, особено на високите планински места.

Македонија | пред 1 година

Промената на времето може да доведе до срцеви и психолошки проблеми

На 27 октомври часовниците во многу земји во Европа ќе се вратат еден час порано, со што ќе се означи крајот на летното сметање на времето.Оваа сезонска промена на времето се случува двапати годишно - на пролет, кога часовниците се поместуваат еден час нанапред, се оди на летно сметање на времето, а наесен се враќа на стандардното сметање на времето.Иако промената на времето е стандардизирана практика со години и е вообичаена во поголемиот дел од Европа и САД, како и во делови од Канада, Австралија и Латинска Америка, здравствените експерти предупредуваат дека тоа може да биде штетно за благосостојбата на луѓето.Претходно, оваа недела, тим од истражувачи за спиење од Британското здружение за спиење објавија изјава во која ја повикува владата на Обединетото кралство да ја укине промената на часовникот двапати годишно.Изјавата, објавена во списанието „Journal of Sleep Research“, препорачува воведување стандардно време во текот на целата година, бидејќи е поблиску до „природните циклуси светло-темно на денот и ноќта“.„Враќањето на трајното стандардно време би значело дека нашите часовници ќе бидат тесно усогласени со сончевото време, и додека ова би значело порано зајдисонце во лето, ќе има дополнителни здравствени придобивки од подобрувањето на спиењето и деноноќното подесување поради поголема изложеност на утринска сончева светлина од есен до пролет“, рече Малколм фон Шанц, професор по хронобиологија на Универзитетот Нортамбрија и член на Центарот за истражување на спиењето Нортумбриа.Истражувачите додаваат дека одржувањето на добар режим на спиење и изложувањето на природна дневна светлина наутро се важни компоненти на човековото здравје и дека нарушувањето на кој било од овие фактори може да доведе до негативни здравствени последици.„Ако не сте изложени на утринска светлина, тогаш не го регулирате вашиот телесен часовник, а има навистина одредено време наутро кога ви треба изложување на светлина за да го регулирате часовникот на телото и да ви овозможи доволно сон навечер“, изјави за Euronews д-р Меган Крафорд, виш предавач по психологија на Универзитетот во Стратклајд и главен автор на изјавата.„Ако не го правите тоа, некако ја палите свеќата на двата краја, а потоа губите сон навечер, добивате неквалитетен сон, а неквалитетниот сон е поврзан со многу здравствени последици, и психички и физички“, додаде таа.Една од главните причини зошто експертите се за укинување на зимското и летното сметање на времето е неговото влијание врз човечкиот деноноќен ритам.Деноноќниот ритам е биолошкиот часовник на телото, кој работи на 24-часовен циклус и, според истражувачите, игра улога во регулирањето на основните телесни функции, вклучувајќи го спиењето, ослободувањето на хормоните, метаболизмот и расположението.Нарушувањата кои произлегуваат од зголемувањето или намалувањето на еден час сон го нарушуваат природниот циклус на спиење и влијаат на овие функции.Крафорд објасни дека додека во лето, кога изгрејсонцето е сè уште многу рано, промената на времето „не е навистина важна“, во другите сезони тоа не е важно.„Во текот на пролетта и есента, изгрејсонцето е малку подоцна, така што станувањето еден час порано може да нè подигне во темнина. И тоа е навистина проблематично бидејќи ни треба утринска сончева светлина за да го регулираме часовникот на нашето тело и за оптимален сон“, вели таа.Друга студија на истражувачи во Финска покажа дека хоспитализирањата поради мозочен удар се зголемиле во првите два дена по промената на времето.Студиите, пишува БГНЕС, исто така, ја поврзуваат промената на времето со зголемување на менталните здравствени проблеми и нарушувања на расположението, особено кај ранливите луѓе, вклучително и зголемување на бројот на самоубиства во неделите по почетокот на летното сметање на времето.Крафорд го припиша противењето на прекинот на промената на времето на „неразбирање“, нагласувајќи дека придобивките од продолжената вечерна дневна светлина во лето ќе останат без оглед на тоа дали се користи летното сметање на времето.

Магазин | пред 1 година

Вечерва почнува зимско сметање на времето: како ова влијае на луѓето

Вечерва почнува зимското сметање на времето. Со поместување на часовникот за еден час наназад, од 27-ми октомври почнува зимското сметање на времето, со што времето во 3 часот ќе се смета како 2 часот.Последните години во Европа, па и во земјава се води јавна дебата дали е потребно да дојде до прекин на сезонските промени на времето од зимско во летно и обратно.Иако промената на времето е во принцип корисна за заштеда на енергија во текот на летото, очигледно има повеќе недостатоци отколку предности.Зимското сметање на времето носи свои проблеми.Практична примена за време на Прва светска војнаВо 1905 година британскиот градежник Вилијам Вилет прв го предложил летното сметање на времето додека јавал на коњ едно летно утро. Бил воодушевен од убавината на утрото и помислил дека е штета што поголемиот дел од лондончаните спијат во најубавото време од денот. Две години подоцна тој го објавил својот предлог, но идејата не била прво прифатена во Британија туку во друга европска земја. Поместувањето на времето за заштеда на дневна светлина го воведува Германската империја во 1916 година.Мерката била воведена со цел да се намали потрошувачката на гориво за осветлување кое е потребно за фронтот. Примерот веднаш го следат и завојуваните страни Англија, Франција и остатокот од континентот распламтен од Првата светска војна. Во САД летното сметање на времето започнало од 31 март 1918 година.Еден век подоцна европската цивилизација не е среде масовни војни, а според анкетите, најголем дел од граѓаните се против летно и зимско сметање на времето поради промена на биоритамот. Сепак, пандемијата со Ковид-19, економската криза, но и Брегзит ја одложија одлуката на европските парламентарци на неодредено.Нема усогласување со биолошкиот часовник на човекотВраќањето на часовникот за еден час наназад или поместувањето на показалките за еден час нанапред не влијаат само на тоа колку време некој ќе спие или ќе работи. Промената на часовникот според студиите на Американската акдемија за медицина на сонот (ААСМ) утврдиле бројни последици врз организмот, здравјето и расположението на луѓето по промена на стандардното време. Според ААСМ стандардното време подобро се усогласува и со внатрешниот часовник на телото.„Со летното време се зголемува нашата утринска изложеност на темнина и вечерната изложеност на сончева светлина, што е главен сигнал за нашиот биолошки часовник. Промената на времето во март го отежнува заспивањето ноќе, го нарушува квалитетот на сонот и доведува до губење на сонот што може негативно да влијае на здравјето и безбедноста“, посочува д-р Шенон Саливан, претседател на Комитетот за јавна безбедност на ААСМ и клинички професор по медицина на сонот на Универзитетот Стенфорд.Економски и административен хаос во ЕвропаГрото од европскиот континент без Русија, Туркије, Белорусија и Исланд кои веќе се откажаа од промената на времето, се потпира на летното и зимското сметање.Европските политичари стравуваат од административен и економски хаос ако настане разногласие меѓу земјите членки и земјите кандидати или партнери. Го посочуваат примерот на островот Ирска. Ако северниот дел кој е дел од Британија го задржи летното и зимското сметање, тогаш јужниот дел со Република Ирска како членка на ЕУ ќе има сосема различно време.Брегзит и корона-кризата ја одложија дебатата за некое догледно време, а дотогаш не заборавајте да ги поместите показалките на 30 октомври еден час наназад.

Магазин | пред 1 година

Променливо облачно со сончеви периоди

Променливо облачно со сончеви периоди. Особено во северните делови од земјата ќе има повремен пороен дожд проследен со грмежи и засилен ветер.Максималната температура ќе достигне од 18 до 26 степени.Во Скопје променливо облачно. Во делови од котлината ќе има појава на пороен дожд проследен со ретки грмежи.Максималната температура ќе достигне до 23 степени.

Македонија | пред 1 година

Циклонската активност над Македонија: Во изминатите 24 часа наврнаа дури 65 литри дожд на м/2

Циклонската активност над Македонија во изминатите 24 часа услови обилни врнежо од дожд во поголем дел од Македонија. Најмногу дожд до 8 часот утринава наврна во Лазарополе и во Пожаране, дури 65 литри дожд на м/2.Во Крушево и Прилеп утринава е најсвежо со 11 степени, додека најтопло е во Гевгелија со измерени 17 степени.На табелата можете да ги погледнете и останатите температури измерени по градови и места во Македонија до 8 часот утринава, како и количеството на врнежи во изминатите 24 часа, и тоа на мерните станици на УХМР.Инаку, викендов и понатаму ќе бидеме под влијание на циклонска активност, па така и понатаму ќе има повремени врнежи од дожд на повеќе места, локално пообилни и проследени со грмежи и засилен ветер.

Македонија | пред 1 година

Македонија на удар на силен и ладен атмосферски фронт: Температурите нагло ќе опаднат за 10 до 20 степени

Ладниот бран од север, поврзан со Атмосферски фронт, полека го зафаќа Балканскиот Полуостров. Што се однесува за времето во нашата Македонија, до крајот на денов ќе имаме претежно сончево и топло време со температури кои ќе се искачуваат во интервалот од 27 до 33 степени.Во ноќните часови од запад облачнота ќе се зголемува и од запад ќе започнат локални врнежи од дожд. Утре (недела) ќе има поголема облачност проследена со повремени локални врнежи од дожд, локално проследени со грмежи. Уште од претпладневните часови ќе започне да дува северен ветер, кој особено во попладневните и вечерните часови, како и во текот на ноќта кон понеделник, и во понеделник повремено ќе биде силен (над 60 км/час). Најизразен ветерот ќе биде Долж Повардарието.Поради продор на многу постудена воздушна маса од север, утре (недела) попладне и навечер, како и во текот на ноќта кон понеделник не очекува нагло и големо заладување на времето, со пад на температурите за 8 до 1о степени, а во северните предели од државава дури и за околу 15 степени во споредба од оние кои ги имаме денес. Поради заладувањето, не се исклучува можноста и за провејување на снег на највисоките планински места во Македонија.Утре преку ден температурите ќе се искачуваат во интервалот од 19 до 28 степени, додека како што напоменав попладнето и вечерта нагло ќе опаднат. Нјастуден ден ќе биде понеделник кога максималните дневни температури ќе се искачуваат во интервалот само од 10 до 18 степени. Наутро пак во понеделник и вторник температурите на повеќе места ќе се спуштат и под 5 степени, а во Беровскиот регион, како и на повисоките и на планинските места тие ќе се спуштат и под нулата.Во понеделник и во вторник во ноќните и во утринските часови можна е појава дури и на слана и на мраз на повеќе места во Македонија.НАПОМЕНА: Оваа нагла и голема промена на времето која доаѓа во Македонија, особено лошо ќе се одрази врз метеопатите.Да напоменам дека во регионот температурите ќе опаднат дури и за околу 20 степени.

Македонија | пред 1 година

Од утре (вторник) па до крајот на неделава, локално, поројни врнежи проследени со грмежи

Како што и претходно кажав, циклонската активност која не зафати, останува да влијае на времето кај нас се до крајот на оваа седмица, и истата ќе условува потпросечни температури за овој период од годината.Од утре (вторник) во попладневните часови, па се до крајот на седмицава ќе има повремени локални врнежи од дожд со променлив интензитет. Локално ќе се развиваат и конвективни грмотевични облаци, од кои се очекува појава на пороен дожд, грмежи и засилување на ветерот во зоната на нестабилност. Не се исклучува можноста и за ретка појава на град.И во Скопскиот регион од утре (вторник) попладне, па во деновите потоа ќе има појава на повремен локален дожд. Во делови од регионот тој ќе биде пороен и проследен со грмежи, како и со засилување на ветерот.Да напоменам дека за време на оваа нова серија на врнежи, локално повторно ќе наврне позначително количество на воден талог (над 25 л/м2).Температурите како што кажав, ќе се искачуваат во интервалот од 16 до 24 степени, додека наутро тие на многу места ќе се спуштаат и под 10 степени, понекаде дури и под 5 степени, додека на високите планински места не се исклучува можноста тие да се спуштат и до близу 0 степени, со што е можна и појава на првиот мраз за оваа сезона.На следниот линк можете да ја следите алатката за рано предупредување од невреме “НОТАС”, и истата е од голема корист за секој граѓанин https://nothas.finki.ukim.mk/

Македонија | пред 1 година

Снег ја покрива Европа, за време на викендот се очекува нов снег до 2 метри: На Балканот од зима до лето

Австрија, Чешка, Словачка и Полска се најтешко погодени. Овие области очекуваат врнежи од 200 до 400 литри дожд на метар квадратен и обилен снег на планините, а на Алпите на запад и југ од Австрија се очекува нов снег до два метри. Областа на Алпите е веќе покриена со снег, а снежната линија се спушти на 800 до 1000 метри надморска височина.За жал, поради екстремно обилните врнежи, централна Европа се плаши од разорни поплави и порои, а водостојот на реките веќе се крева за неколку метри.Нашиот регион е под удар на невреме и драстично заладување, а снег падна и на планините во Босна, Хрватска и Словенија.Снег за време на викендот се очекува и на повисоките планини на Србија.Студениот фронт донесе драстично заладување на нашите простори, а тие паднаа за цели 20 степени.И додека во Македонија денеска има есенски температури,, на истокот на Бугарија и на југот на Грција е вистинско лето, со температури над 30 степени.

Свет | пред 1 година

(Видео) Колапс во Скопје: „Од Ѓорче до Центар денес можете да стигнете со чамец по првата лента на Партизанска“

Дожот направи хаос низ Скопје. Некои од улиците и булеварите се поплавени поради тоа што водата не истекува во канализација, возилата се движат споро, граѓаните се брзаат да стигнат на работа. Ваква е сликата од утринава, а ја има скоро секое утро кога времето нестабилно, па макар и при помал дожд.Граѓаните реагираат.Дел од крстосниците беа блокирани од возила.

Скопје | пред 1 година

Следуваат обилни врнежи и силно невреме: од денес до среда ќе има нов циклон

Од денес (недела) па се до средината на следната седмица, односно некаде до среда, нашата територија ќе биде под влијание на висински циклон кој ќе биде со центар над Италија. Токму поради ова и атмосферата ќе биде исклучително нестабилна и исполнета со многу енергија, и тоа поради долготрајниот екстремно топол бран “ЛУЦИФЕР” кој полека го губи својот интензитет.Во ваква ситуација, се очекува да има честа појава на пороен дожд, грмежи и засилен ветер. На повеќе места во Македонија ќе има и појава на силно невреме, проследено со обилен пороен дожд кој би можел да услови локални поројни поплавувања, силни грмежи и електрични празнења, силен ветер и со појава на град. И во Скопската котлина од денес (недела) во попладневните часови, па се до средината на следната седмица ќе има честа појава на пороен дожд, грмежи и засилен ветер. Во делови од котлината можна е и појава на невреме, проследено со обилен пороен дожд, силен ветер, силни грмежи и електрични празнења и со појава на град.За време на овој циклонски систем, локално ќе наврне позначително количество на воден талог (над 30 л/м2). Токму овие врнежи и тоа како добро ќе дојдат за да помогнат во гаснењето на пожарите во Македонија.Апелираме, во случај на појава на невреме и на електрични празнења, да не се претстојува на отворен простор и под осамени дрвја.Што се однесува до температурите, тие секој нареден ден постепено ќе опаѓаат, па така најсвежо ќе биде во почетокот на следната седмица кога максималните дневни температури ќе се искачуваат во интервалот од 27 до 33 степени.На следниот линк можете да ја следите алатката за рано предупредување од невреме “НОТАС” и истата е од голема корист за секој граѓанин https://nothas.finki.ukim.mk/

Македонија | пред 1 година

Што да се очекува од времето неделава: Постои зголемен ризик од појава на нови шумски пожари во Македонија

Територијата на Македонија и оваа седмица ќе се наоѓа под влијание на топла и стабилна воздушна маса која продира од северните предели на Африка.Времето ќе биде сончево и многу топло со појава на мала до умерена локална облачност во попладневните часови. Исто така, во попладневните часови не се исклучува можноста за многу ретка појава на краткотраен дожд и ретки грмежи, особено во планинските предели.Во текот на оваа седмица повремено ќе засилува ветерот од северен правец, особено Долж Повардарието.Што се однесува до температурите, тие ќе се искачуваат во интервалот од 30 до 37 степени, во Скопје во интервалот помеѓу 34 и 37 степени.НАПОМЕНА: Поради многу сушното и топло време, како и поради ветерот кој повремено ќе биде со засилен интензитет, постои зголемен ризик од појава на нови шумски пожари во Македонија, а поради веќе споменатиот ветер кој го очекуваме постои опасност и од нивно ширење. Токму поради ова, апелираме граѓаните да бидат крајно внимателни како се однесуваат со природата.

Македонија | пред 1 година

Следуваат врнежи, грмежи, силен ветер и невреме

Поради продор на поладен атмосферски фронт на висина, денес (сабота) во попладневните и во вечерните часови ќе дојде до поголема дестабилизација на атмосферата во Македонија, особено во западните, северозападните, северните, како и во делови од централните предели од државава. Токму ова дестабилизација на атмосферата ќе услови локален развој на грмотевични облаци кои ќе условат пороен дожд, грмежи и засилен ветер.Во ваква ситуација, локално во погоре споменатите предели ќе има појава на невреме, проследено со поројни врнежи од дожд, силни грмежи и електрични празнења, силен ветер (над 60 км/час) и со појава на град. Апелираме во случај на појава на невреме и на силни електрични празнења да не се претстојува на отворен простор и под осамени дрвја.И во делови од Скопската котлина денес (сабота) во попладневните и во вечерните часови ќе биде нестабилно со пороен дожд, грмежи, заислен веѕер и со услови за појава на невреме.Утре (недела) во попладневните часови повеќе нестабилност ќе има во западните и југозападните предели од државава која ќе услови локална појава на пороен дожд, грмежи, засилен ветер, а ќе има услови и за појава на краткотрајно невреме.Што се однесува до температурите, тие денес ќе се искачуваат во интервалот од 33 до 39 степени, додека мал пад на истите ќе има утре (недела) кога максималните температури ќе се искачуваат во интервалот од 30 до 37 степени. Во Скопје температурата за време на овој викенд ќе се искачува во интервалот помеѓу 35 и 37 степени.На следниот линк можете да ја следите алатката за рано предупредување на невреме “НОТАС” и истата е од голема корист за секој граѓанин https://nothas.finki.ukim.mk/

Македонија | пред 1 година

Ни следува сушен и топол период, и тоа поради антициклон, придружен со африканскиот топол бран – постои опасност од нови шумски пожари

Пред нас е сушен и топол период, и тоа поради антициклонот кој ќе биде над нашата територија, односно поле на висок воздушен притисок, но и поради Африканскиот топол бран кој ќе условува топло време со температури насекаде над 30 степени, а во најтоплите централни и југоисточни предели, како и во Скопската котлина температурата ќе се искачи до околу 38, 39 степени.На почетокот на следната седмица повремено ќе дува засилен ветер од северен правец.Токму поради ваквата ситуација, повторно расти опасноста од појава на шумски пожари во Македонија. Затоа апелираме граѓаните да бидат крајно внимателни околу тоа како се однесуваат со природата, за да не дојде до повторна појава на шумски пожари.

Македонија | пред 1 година

Eкстремно топлиот бран во Македонија ќе се задржи уште десеттина дена, температури и до 45 степени

Оваа година се повторува она лето од 2007 година, кога имавме екстремно високи температури на воздухот, исто тогаш и тоа на 24 јули 2007 година е соборен и температурниот рекорд во Македонија за највисока температура од кога се мерат температурите, и тоа во Демир Капија каде се измерени дури 45.7 степени.И во следните десеттина дена нашата територија ќе се наоѓа под влијание на овој екстремно топол бран од Африка, па така и температурите ќе бидат екстремно високи насекаде во Македонија, што значи дека тие ќе се искачуваат до околу, па и над 35 степени. Во најтоплите централни и југоисточни предели температурите, особено во текот на следната работна седмица ќе се искачат и до околу 45 степени.Во Скопската котлина, исто така температурите ќе надминуваат 40 степени, односно се очекуваат максимални температури кои ќе се движат во интервалот помеѓу 40 и 43 степени. Ув индексот ќе има екстремно висока вредност 10.Тука се и тропските ноќи, односно, температурите во поголем дел од Македонија и во текот на ноќните и раните утрински часови нема да се спуштаат под 20 степени.Во ваква ситуација, апелираме задолжително да се почитуваат препораките од надлежите, односно препораките кои ги издава Институтот за јавно здравје.

Македонија | пред 1 година

Македонија под влијание на Африка: Температурите ќе бидат во позначителен пораст, очекуваме 38 степени

Територијата на Македонија за време на овој викенд ќе биде под влијание на топол бран кој продира од северните предели на Африка. Времето ќе биде стабилно, суво и сончево со појава на мала локална облачност. Денес ќе дува слаб до умерен ветер од северен, а утре од променлив правец.Претежно сончево и топло време ќе имаме и во Скопскиот регион. И таму ќе дува слаб до умерен ветер претежно од северен правец.Денес максималните дневни температури во Македонија ќе се искачуваат во интервалот од 29 до 37 степени, додека утре тие ќе бидат уште малку повисоки и ќе се искачуваат во интервалот од 30 до 38 степени. Во Скопје температурата овој викенд ќе се искачува во интервалот помеѓу 33 и 35 степени.Ув индексот ќе има многу висока вредност и овој викенд тој ќе има коефициент помеѓу 8 и 9.

Македонија | пред 1 година

Подгответе се: Во склоп со екстремно високите температури, доаѓа силно невреме и во Македонија

Екстремно топлото време во Македонија ќе продолжи и овој викенд, па така и температурите ќе бидат без поголеми промени во одност на оние кои ги имавме до вчера. Токму поради ова, апелираме граѓаните без потреба да не излегуваат во најтоплиот дел од денот, односно во периодот од 11 до 17 часот, но и да пијат што повеќе течности.Сепак од друга страна, од денес попладне нашата територија полека ќе подпаѓа под влијание на веќе споменатиот висински циклон кој се разви над Средоземјето. Во овие околности, денес доцна попладне и навечер можна е изолирана појава на нестабилност, проследена со пороен дожд, грмежи, силен ветер и со услови за појава на покрупен град кој би можел да биде со пречник од 2 cм па дури и покрупен.На повеќе места нестабилно ќе биде утре попладне и навечер и со појава на пороен дожд, грмежи и засилен ветер. Поради големата енергија во атмосферата, токму поради повеќе дневниот екстремно топол бран од Африка, локално и на повеќе места процесите ќе бидат во форма на силно невреме, проследено со обилен пороен дожд, силни грмежи и електрични празнења, силен ветер и со појава на крупен град со пречник од 2 cм па дури и покрупен од 2 cм.Апелираме во случај на појава на силно невреме, граѓаните да бидат крајно внимателни и да не се претстојува на отворен простор и под осамени дрвја. Исто така, во случај на појава на крупен град автомобилите да се заштитат.

Македонија | пред 1 година

Овој викенд, како и во почетокот на следната седмица се очекува силно невреме во Македонија

Под влијание на циклон кој е со центар западно и северозападно од нас, овој викенд, како и во почетокот на следната седмица во Македонија во попладневните часови повторно ќе има локален развој на нестабилна облачност, проследена со пороен дожд, грмежи и засилен ветер.Сепак, поради големата енергија во атмосферата токму поради топлиот бран од Африка, ќе се создадат услови за локално, но силно невреме, проследено со обилен пороен дожд за кратко време кој би можел да предизвика локални поројни поплавувања, силен ветер, силни и чести електрични празнења како и со појава на град кој би можел да биде крупен во ваква ситуација.И во делови од Скопскиот регион постои услови за попладневна нестабилност, но и услови за појава на невреме.Апелираме граѓаните и тоа во случај на појава на невреме и на силни електрични празнења да бидат крајно внимателни, односно да не се претстојува на отворен простор и под осамени дрвја. Секако во случај на појава на крупен град и на силен ветер автомобилите да се заштитат.Што се однесува до температурите, тие овој викенд, како и во почетокот на следната седмица ќе бидат натпросечно високи и ќе се искачуваат во интервалот од 27 до 35 степени, а во најтоплите централни и југоисточни предели тие локално би можеле да надминат и 35 степени. Во Скопје за време на овој топол бран температурата ќе се искачи до околу 31-32 степени.

Македонија | пред 1 година

Циклон од запад овој викенд ќе ни донесе нови обилни врнежи и грмежи, а ќе има појава и на ново локално невреме

За време на викендов, и тоа поради влијанието на висински циклон од запад, повторно атмосферата во Македонија позначително ќе се дестабилизира, па така на повеќе места, и тоа особено во западната половина од државава ќе има развој на нестабилна облачност, проследена со пороен дожд, грмежи и засилен ветер.Локално повторно ќе има услови за поинтензивни атмосферски процеси во форма на невреме, проследено со обилен пороен дожд за кратко време кој би можел да предизвика нови локални поројни поплави, силен ветер, силни и чести електрични празнења, силен ветер, како и со појава на град.И во Скопскиот регион од денес попладне ќе биде нестабилно со услови за локална појава на пороен дожд, грмежи и засилен ветер. Во делови од котлината ќе има услови за појава на краткотрајно невреме.Што се однесува до температурите, тие остануваат без промени и ќе се искачуваат во интервалот од 23 до 29 степени, додека утре ќе биде малку посвежо со максимални дневни температури кој ќе се искачуваат во интервалот од 19 до 27 степени.Да напоменеме дека за време на викендов локално ќе наврне позначително количество на воден талог, особено во западната половина од државава, и тоа над 25 литри дожд.

Македонија | пред 1 година

Предупредување за времето денеска и идните денови

Поради присуство на влажна и нестабилна воздушна маса, денес и во следните денови ќе има честа појава на пороен дожд и грмежи, особено во попладневните часови. Локално процесите ќе бидат во форма на краткотрајно невреме со интензивен пороен дожд, силен ветер и изолирана појава на град.Во Скопје денес и во следните денови во попладневните часови ќе биде нестабилно со пороен дожд и грмежи, а во делови од котлината можна е појава на краткотрајно невреме.Препорака: Во случај на појава на електрични празнења се препорачува поголема внимателност, да не се престојува на отворен простор и под осамени дрвја.

Македонија | пред 1 година

Спремете се за пороен дожд и грмежи

Времето денеска сончево и топло со мала до умерена облачност. Ќе дува слаб до умерен ветер претежно од северозападен правец. Попладнето, во северните и источните делови од земја, ќе има услови за изолирана појава на нестабилност со краткотраен пороен дожд и грмежи.Максималната температура ќе биде од 21 до 29 Целзиусови степени.Во Скопје и околината ќе биде сончево и топло со мала до умерена облачност поголема, а од пладневните часови и со умерен ветер од северозападен правец. Највискота температура е до 27 степени.

Македонија | пред 1 година

Метео-предупредување: од пладневните часови на повеќе места врнежи, грмежи и засилен ветер – постои опасност од посилно невреме и поројни поплави

Денес од пладневните часови на повеќе места низ Македонија атмосферата значително ќе се дестабилизира, што значи ќе има развој на нестабилна облачност, проследена со пороен дожд, грмежи и засилен ветер.Атмосферата поради високите температури, спарното време и топлиот бран од југ е многу загреана и исполнета со многу енергија, па така локално, особено во западната половина од државава, Пелагониско, како и во делови од северните предели, но и во Скопскиот регион ќе се создрадат услови за по силно невреме, проследено со обилен пороен дожд за кратко време кој може да предизвика локални поројни поплави, силен ветер, силни и чести електрични празнења, како и со појава на граад кој би можел да биде по крупен.Во случај на појава на невреме и на силни електрични празнења препорачуваме голема внимателност, односно да не се претстојува на отворен простор и под осамени дрвја. Исто така во случај на појава на силен ветер и по крупен град, автомобилите да се заштитат.Температурите денес ќе се искачуваат во интервалот од 23 до 30 степени, во Скопје до околу 28 степени.

Македонија | пред 1 година

Доаѓа ли ново невреме кон Македонија

Според нашата алатка НОТАС, за рана најава на нестабилност и невреме, до крајот на денов и вечерва, како и претстојната ноќ таа прикажува ниво 3 во Македонија, засилен ризик од појава на локално невреме, проследено со обилен пороен дожд, силен ветер, силни и чести електрични празнеа, како и со појава на град.Препорачуваме крајна претпазливост во случај на појава на електрични празнења, односно да не се претстојува на отворен простор и под осамени дрвја. Исто така, во случај на појава на силен ветер, автомобилите да се заштитат, односно да се подалеку од дрвјата.

Македонија | пред 1 година