ЗЕЛЕНСКИ

Зеленски најави нова ера: Украина потпиша 10-годишни воени договори со заливските држави

Украинскиот претседател Володимир Зеленски изјави дека Украина склучила „историски“ одбранбени договори со земји од Блискиот Исток, со кои се отвора ново поглавје во воено-технолошката соработка.Договорите се потпишани со Катар, Саудиска Арабија и Обединети Арапски Емирати и предвидуваат стратешка соработка во период од десет години. Иако деталите не се јавно објавени, Зеленски откри дека тие вклучуваат и украинско искуство во справување со беспилотни летала.Клучен сегмент од соработката е размената на технологии, при што Украина нуди поевтини системи за пресретнување на дронови, како алтернатива на скапите противвоздушни ракети што ги користат земјите од Заливот.Овие договори доаѓаат во време на засилени безбедносни предизвици во регионот, каде беспилотните летала стануваат сè почесто средство во современите конфликти, што ја прави украинската експертиза особено барана на меѓународниот пазар.

Свет | пред 10 часа

Зеленски пристигна во Доха – нова дипломатска офанзива

Украинскиот претседател Володимир Зеленски пристигна во Доха на работна посета, продолжувајќи ја својата дипломатска турнеја на Блискиот Исток.Според информациите на Катарската новинска агенција, Зеленски бил пречекан на Меѓународниот аеродром во Доха од државниот министер за надворешни работи Мохамед бин Абдулазиз ал-Кулаифи, како и од украинскиот амбасадор во Катар, Андриј Кузменко.„Неговата екселенција, претседателот на Украина Володимир Зеленски, пристигна утринава во Доха на работна посета“, се наведува во соопштението.Посетата следува по неодамнешната посета на Обединетите Арапски Емирати, каде Зеленски разговараше за безбедносна и одбранбена соработка.Се очекува во наредниот период да бидат објавени повеќе детали за агендата и средбите во рамки на посетата.

Свет | пред 2 дена

Зеленски: Нема услови за трипартитен состанок со САД и Русија

Нема услови за одржување на трипартитен состанок меѓу Украина, САД и Русија, изјави украинскиот претседател Володимир Зеленски, посочувајќи дека безбедносните ограничувања и несогласувањата околу локацијата ги блокираат разговорите.Зеленски нагласи дека комуникацијата со американската страна е континуирана, но дека постојат сериозни пречки за директни средби.„Ние секојдневно разговараме со американската страна, нашиот преговарачки тим разговара со своите колеги. Сепак, постои една потешкотија, се чувствуваме како посредници во овој процес, а не како страна во војната. Зошто? Затоа што сме подготвени да се сретнеме било каде, пожелно во трипартитен формат, но американската страна може само во Америка, а Русија може насекаде, но не во Америка“, изјави Зеленски.Тој посочи дека дополнителен фактор е актуелната безбедносна ситуација.„И засега, поради војната на Блискиот Исток и војната со Иран, Американците, односно тимовите, од безбедносни причини не патуваат во странство“, додаде Зеленски.Поради ваквите околности, засега нема утврден датум за нов трипартитен состанок.

Свет | пред 2 дена

Зеленски бара засилување на санкциите против Русија: „Мора да бидат ефикасни“

Украинскиот претседател Володимир Зеленски во неделата ги повика сојузниците да го зголемат притисокот врз Русија преку санкции, во пресрет на вториот ден од разговорите меѓу украинската и американската делегација за ставање крај на четиригодишната војна започната со руската инвазија. Руски претставници не учествуваат во оваа рунда разговори, кои започнаа во саботата на Флорида.Американската делегација ја предводат специјалниот пратеник Стив Виткоф и Џаред Кушнер. Зеленски порача дека санкциите мора да бидат поефикасни, особено против т.н. „сенчеста флота“ на Русија, која се користи за извоз на нафта и обезбедување приходи за финансирање на војната.„Приходите ѝ даваат на Русија чувство на неказнивост и можност да ја продолжи војната. Затоа притисокот мора да продолжи“, напиша Зеленски, додавајќи дека танкерите поврзани со оваа флота треба да бидат запирани и блокирани.Минатата недела, по наредба на француските власти, беше запленет танкер во Средоземното Море, за кој францускиот претседател Емануел Макрон изјави дека е дел од руската „сенчеста флота“, мрежа што ѝ овозможува на Москва да ги заобиколува западните санкции.Во меѓувреме, мировниот план што го поддржуваат САД вклучува можност за одржување претседателски избори во Украина и потенцијални територијални отстапки. Зеленски се соочува со притисок од Доналд Трамп да распише избори, иако украинските закони не дозволуваат изборен процес за време на воена состојба. Тој изјави дека избори би биле можни доколку се обезбеди двомесечен прекин на огнот.Сепак, поранешниот врховен командант на украинската армија Валериј Залужни се спротивстави на оваа идеја, оценувајќи дека на земјата ѝ е потребен „мир, а не избори во војна“, наместо избори во актуелните услови.

Свет | пред 1 седмица

Зеленски: На Путин му одговара долг конфликт на Блискиот Исток

Украинскиот претседател Володимир Зеленски оцени дека продолжениот конфликт меѓу САД, Израел и Иран оди во прилог на Русија и на претседателот Владимир Путин, бидејќи ја пренасочува глобалната енергија и ресурси од Украина.Во изјава за Би-Би-Си, Зеленски посочи дека Кремљ има директен интерес од долготрајна нестабилност на Блискиот Исток, особено по одлуката на администрацијата на Доналд Трамп за 30-дневно изземање што овозможува купување руска нафта и деривати.Според него, ваквите потези ѝ носат финансиска корист на Москва, која може да ги искористи средствата за продолжување на војната против Украина.„Путин ќе посакува долг конфликт. За него, долга војна со Иран е плус. Тоа влијае врз цените на енергенсите, но и ги троши американските резерви и капацитетите за противвоздушна одбрана“, изјави Зеленски.Тој нагласи дека ваквата ситуација значи пренасочување на воените ресурси, кои наместо да се користат за поддршка на Украина, се трошат во друг конфликт.„Путину му одговара тие ресурси да не одат во Украина. Тој има цел да нè ослабне, а тоа е долгорочен процес. Блискиот Исток е еден од начините тоа да се постигне“, додаде украинскиот претседател.Русија е под санкции од САД и Европската унија од почетокот на инвазијата врз Украина во февруари 2022 година, но аналитичарите предупредуваат дека евентуалното нивно ублажување би можело значително да ја зајакне руската економија и воен капацитет.Изјавите на Зеленски доаѓаат во период на засилени геополитички тензии, при што паралелните конфликти отвораат прашања за распределбата на глобалната поддршка и ресурси.

Свет | пред 1 седмица

Зеленски: Имам многу лошо чувство

Украинскиот претседател Володимир Зеленски изрази сериозна загриженост дека војната меѓу САД и Израел со Иран го пренасочува вниманието на Вашингтон од руската агресија врз Украина.Во интервју за Би-Би-Си, снимено за време на неговата посета на Лондон, Зеленски оцени дека развојот на настаните на Блискиот Исток има директни последици врз украинската позиција на меѓународната сцена.„Имам многу лошо чувство во врска со влијанието на овој конфликт врз Украина. За жал, Америка сега е повеќе фокусирана на Блискиот Исток отколку на Украина“, изјави Зеленски.Како конкретна последица, тој го посочи застојот во дипломатските активности, нагласувајќи дека планираните трилатерални состаноци се одложуваат.„Нашите дипломатски, трилатерални средби постојано се одложуваат. Причината е само една – војната со Иран“, додаде украинскиот претседател.Сепак, Зеленски истакна дека комуникацијата меѓу Киев и Вашингтон продолжува на дневна основа, како и контактите меѓу САД и Русија.Тој откри дека постоел предлог за состанок на највисоко ниво во САД, кој Украина го прифатила, но бил одбиен од руската страна.„Американската страна предложи да биде домаќин на средба меѓу двете страни. Ние се согласивме, но Русија го одби тој предлог. Затоа сега се чека нов термин и локација“, рече Зеленски, додавајќи дека Украина е подготвена да прифати било кој датум и место, освен Русија.Изјавите на Зеленски доаѓаат во момент кога глобалниот фокус сè повеќе се насочува кон ескалацијата на Блискиот Исток, што, според него, директно влијае врз дипломатската и воената поддршка за Украина.

Свет | пред 1 седмица

Украина испрати 228 експерти на Блискиот исток

Украинскиот претседател Володимир Зеленски потврди дека Украина испратила 228 експерти на Блискиот исток за да им помогнат на земјите во одбраната од напади со беспилотни летала, како и дека се работи на склучување „сериозни договори“ со регионалните лидери, објави Reuters.Зеленски најави дека украинските и американските работни групи ќе продолжат да работат на билатерални документи, а за време на викендот во САД ќе се дискутира и за сеопфатен договор за беспилотни летала.Претходно, Русија објави дека преговорите меѓу САД, Русија и Украина за завршување на војната се во „ситуациска пауза“, главно поради конфликтот со Иран. Портпаролот на Кремљ, Дмитриј Песков, рече дека станува збор за привремено запирање и дека Москва очекува продолжување на преговорите штом американската страна повторно се фокусира на украинското прашање.Зеленски порача дека преговорите би можеле да започнат веќе овој викенд, откако Вашингтон испратил сигнали за подготвеност за нов круг. Украинскиот преговарачки тим веќе е на пат за САД, иако сѐ уште не е познато во кој формат ќе се одржат разговорите и кои ќе учествуваат.Директорката на американската национална разузнавачка заедница, Тулси Габард, истакна дека Русија сѐ уште има предност на теренот и веројатно ќе ја продолжи стратегијата на исцрпување додека не се постигне договор.Претходно страните веќе преговарале во Турција, а со посредство на САД и во Абу Даби и Женева, но сѐ уште постојат длабоки разлики, особено околу руските територијални барања кои Украина ги одбива.

Свет | пред 1 седмица

Зеленски алармира: Војната на Блискиот Исток ја остава Украина без ракети

Украина се соочува со ризик од сериозен недостиг на клучни ракети за противвоздушна одбрана поради ескалацијата на конфликтот на Блискиот Исток, предупреди украинскиот претседател Володимир Зеленски.Тој оцени дека продолжувањето на војната меѓу САД, Израел и Иран директно влијае врз украинската одбрана, бидејќи ги пренасочува американските ресурси и го намалува капацитетот за снабдување со оружје за Киев.„Имам многу лошо чувство. Преговорите постојано се одложуваат, а причината е една – војната со Иран“, изјави Зеленски, додавајќи дека ваквата состојба му оди во прилог на рускиот претседател Владимир Путин.Според него, долготрајниот конфликт на Блискиот Исток значи зголемување на цените на енергенсите, но и исцрпување на американските резерви и производствени капацитети за противвоздушна одбрана.Зеленски посебно предупреди на можен недостиг од ракети за системот „Патриот“, оценувајќи дека тоа ќе претставува сериозен предизвик за украинската одбрана.„Америка произведува околу 60 до 65 ракети месечно. Тоа се 700 до 800 годишно, а само во првиот ден од војната на Блискиот Исток беа употребени повеќе од 800 ракети“, посочи тој.Украинскиот претседател истакна и дека американскиот претседател Доналд Трамп има амбиција да биде посредник во конфликтот со Русија, но дека неговата стратегија на директна комуникација со Путин отвора прашања за позицијата на Украина.Воедно, Зеленски предупреди на ризик од поделби меѓу западните сојузници и повика на поголема координација, нагласувајќи дека фокусот мора да остане на војната во Украина.„Режимите во Русија и Иран се поврзани и делуваат заеднички. Не смееме да дозволиме такви системи да победат или да ја загрозат Европа“, порача Зеленски.

Свет | пред 1 седмица

Стармер: Не смее да се заборави Украина поради конфликтот во Иран

Британскиот премиер Кир Стармер за време на средбата со украинскиот претседател Володимир Зеленски во Лондон нагласи дека „фокусот мора да остане на Украина“ и покрај тековниот конфликт во Иран. Примачувајќи го Зеленски во Дауннинг Стрит, Стармер посочи дека „Путин не смее да профитира од конфликтот во Иран, ниту преку цените на нафтата, ниту преку укинување на санкциите“.Средбата се одржува во момент кога американско-израелскиот конфликт со Иран влегува во третата недела, додека американскиот претседател Доналд Трамп продолжува со критики кон Обединетото Кралство и други земји за нивниот одговор на ситуацијата.За време на разговорите, двата лидери се договорија за ново одбранбено партнерство насочено кон спречување на напади со евтини дронови. Според соопштението од Дауннинг Стрит, партнерството ќе ја комбинира „украинската експертиза и индустриска база на Обединетото Кралство“ за производство и снабдување со дронови и други воени капацитети, со можност за поширока соработка со трети земји за зајакнување на меѓународната безбедност. Британија ќе обезбеди и 500.000 фунти за финансиирање на Центар за извонредност за вештачка интелигенција во Киев.Стармер потенцира дека поддршката на Обединетото Кралство за Украина останува непоколеблива: „Нашата решеност е несломлива. Јасно е дека на Блискиот исток се одвива конфликт, но не смее да се изгуби од видокруг што се случува во Украина и потребата за нашата поддршка“.Британскиот министер за одбрана Џон Хили додаде дека „се повеќе е важно да се потпреме на украинската експертиза и иновации“, додека Стармер истакна дека дроновите, електронското војување и брзите иновации на бојното поле се клучни за националната и економската безбедност, особено во контекст на конфликтот на Блискиот исток.Зеленски се заблагодари на Обединетото Кралство за поддршката, истакнувајќи дека „бевте со нас во текот на целата тешка зима“. Посетата на Лондон е дел од неговата турнеја по европските престолнини со цел да обезбеди понатамошна поддршка и да го одржи конфликтот со Русија, кој влезе во четвртата година, во центарот на вниманието на сојузниците.Украинскиот претседател нагласи дека Киев има „најголемо искуство во светот во спречување на напади со дронови“, користејќи евтини, масовно произведени дронови пресретачи за заштита на своето небо, а неговите воени експерти се испратени во Катар, ОАЕ и Саудиска Арабија за помош во одбраната од дронови лансирани од Иран.

Свет | пред 1 седмица

Зеленски ја прифати помошта од ЕУ за поправка на нафтоводот „Дружба“

Украина се согласи на надворешна инспекција на оштетениот нафтовод „Дружба“, која ќе биде финансирана од Европска Унија, потврдија денеска од Брисел. Овој чекор доаѓа само два дена пред клучниот самит на европските лидери, каде што се бара решение за деблокирање на заемот за Украина во вредност од 90 милијарди евра, кој е блокиран поради вето од Унгарија.Политичкиот исчекор се случува во пресрет на состанокот на лидерите на ЕУ, на кој во фокусот ќе биде токму унгарската блокада. Европската Унија се обидува да обезбеди исплата на заемот договорен уште во декември, но ветото на Будимпешта сè уште го попречува процесот. Во заедничка изјава, претседателката на Европска комисија, Урсула фон дер Лајен, и претседателот на Европскиот совет, Антонио Кошта, наведоа дека ЕУ ѝ понудила техничка и финансиска поддршка на Украина, што украинската страна ја прифатила, додавајќи дека европските експерти се веднаш достапни.Унгарскиот премиер Виктор Орбан тврди дека нафтоводот, преку кој се транспортира евтина руска нафта, е функционален и дека украинскиот претседател Володимир Зеленски го блокира од политички причини поврзани со претстојните избори во Унгарија на 12 април. Зеленски, пак, изјави дека е под притисок од европските сојузници повторно да го отвори нафтоводот, што го оцени како лоша идеја, иако нагласи дека станува збор за негов личен став.Во писмо до европските лидери, Зеленски ги отфрли обвинувањата на Орбан како неосновани и посочи дека прекинот во снабдувањето е последица на руски напади врз нафтоводот и придружната инфраструктура кон крајот на јануари. Според него, пумпната станица Броди во источна Украина претрпела сериозни оштетувања, што го прави безбедниот транспорт на нафта невозможен. Тој додаде дека поправката би траела околу месец и половина, доколку не дојде до нови напади.Европските лидери нагласија дека поправката на „Дружба“ станала уште поважна поради нестабилноста на енергетските пазари, поттикната од конфликтите на Блискиот Исток, кои ја зголемија цената на нафтата над 100 долари за барел. Во меѓувреме, одлуката на Соединети Американски Држави да ги ублажи санкциите за руската сурова нафта предизвика критики од европските сојузници.И покрај неизвесноста, Брисел се надева дека новиот компромис ќе помогне да се надмине ќор-сокакот и да се овозможи брза санација на нафтоводот. Сепак, засега останува нејасно дали овој потег ќе биде доволен Виктор Орбан да го повлече ветото пред изборите во април.

Свет | пред 1 седмица

Зеленски: Русија му помогнала на Иран

Претседателот на Украина, Володимир Зеленски, изјави дека Русија му помогнала на Иран да ги унапреди дроновите „Шахед“, кои денес претставуваат закана за земјите на Блискиот Исток.Во интервју за „Jерусалем пост“, што го пренесува Украинформ, Зеленски наведе дека овие дронови значително напредувале во однос на почетните верзии користени на почетокот на војната во Украина.Тој изјави дека Иран, и покрај претходните негирања, испорачал дронови на Русија, ги обучил руските сили за нивна употреба и споделил технологија и лиценци за производство.Според него, Русија сега возвраќа со обезбедување унапредени верзии и техничко знаење за Иран.„Ова е огромна количина знаење од бојното поле. Тоа се нови технологии засновани на иранските развои и сето тоа ќе има влијание врз други региони. Секогаш сум зборувал за Африка, Блискиот Исток и Европа“, додаде украинскиот лидер.Зеленски предупреди дека заканата од дронови се проширила надвор од Украина и сега ги погодува Израел, земјите од Персискиот Залив и американските сили во регионот, оценувајќи дека искуствата од бојното поле доведуваат до развој на нови технологии што влијаат врз повеќе региони во светот.

Свет | пред 1 седмица

Иран: Зеленски се обидува да ја вовлече Украина во конфликт со Техеран

Портпаролот на иранското Министерство за надворешни работи Есмаил Багаеи изјави дека украинскиот претседател Володимир Зеленски веќе четири години го вовлекува украинскиот народ во постојана војна со Русија и се обидува да вовлече и други држави во конфликтот.„Со жалење забележуваме дека народот на Украина навистина падна под влијание на човек кој веќе четири години ја води оваа земја – иако немаме проблем со украинскиот народ – кон неизбежна војна и постојано инсистира на продолжување на тој пат. Бидејќи не успеа да ги постигне целите што му беа наметнати од други, за жал, постојано се обидува да вовлече и други земји во конфликтот“, изјави Багаеи на брифинг, одговарајќи на прашање за изјавите на Зеленски за испраќање воени советници.Тој реагираше на најавите дека украински воени советници би можеле да им помогнат на американските сојузници во одбраната од ирански дронови.„Од самиот почеток изјавивме дека не играме никаква улога и дека не се мешаме во конфликтот во Украина“, додаде тој, истакнувајќи дека обвинувањата дека Иран е вмешан во војната се неосновани.Според него, Зеленски, „заглавен во мочуриштето на војната со Русија“, се обидува да го вовлече украинскиот народ и во конфликт со Иран преку испраќање воени советници на Блискиот Исток за борба против ирански беспилотни летала.Во меѓувреме, тензиите во регионот дополнително се зголемија откако САД и Израел на 28 февруари изведоа серија напади врз цели на територијата на Иран, вклучително и во Техеран. Во нападите имало и цивилни жртви, по што Иран возврати со ракетни напади врз израелска територија и врз американски воени објекти на Блискиот Исток.

Свет | пред 2 седмици

Зеленски: Притисокот да се отвори рускиот нафтовод во замена за оружје е уцена

Украинскиот претседател Володимир Зеленски денеска им порача на европските сојузници дека притисокот повторно да се отвори нафтоводот Дружба, кој транспортира руска нафта, претставува „вид уцена“.Киев тврди дека нафтоводот од советската ера, кој минува низ Украина, бил оштетен во руски напад во јануари. Според украинските власти, поправките може да траат и до шест недели, што предизвика незадоволство кај Унгарија и Словачка, кои значително зависат од овој нафтовод за своите енергетски потреби.Двете земји се заканија дека ќе ја блокираат помошта на Европска Унија за Украина доколку нафтоводот не биде брзо повторно пуштен во употреба. Во меѓувреме, Европска комисија предложи испраќање мисија која ќе ја процени штетата, дополнително вршејќи притисок врз Киев.„Ако сме решиле повторно да пуштиме руска нафта на пазарот, тогаш сакам да знаат дека сум против тоа. Но ако се поставуваат услови дека Украина нема да добие оружје, тогаш, извинете, немоќен сум – тоа се нарекува уцена“, изјави Зеленски пред новинарите.Тој воедно ја критикуваше и владата на Виктор Орбан, обвинувајќи ја дека шири „антиукраински чувства“. Односите меѓу Киев и Будимпешта дополнително се влошија во последните недели поради спорот околу нафтоводот.Во меѓувреме, војната меѓу Израел и Иран сериозно ги потресе глобалните енергетски пазари. Стратешкиот Ормуски теснец, преку кој некогаш минуваше околу една петтина од светската нафта, е речиси парализиран поради конфликтот.Украина, која испрати експертски тимови за одбрана од дронови кај сојузниците на Вашингтон во Персискиот Залив, изрази стравување дека фокусот на Соединетите Американски Држави кон Блискиот Исток може да ја намали поддршката за Киев.Во исто време, Русија продолжува со нападите врз Украина. Во неделата рано наутро, во напад со руски дрон врз возило на брза помош во регионот Харков загинаа двајца медицинари, соопшти локалната полиција.Зеленски изјави дека само во изминатата недела Русија ја нападнала Украина со илјадници дронови и воздушни бомби, како и со десетици ракети. Во меѓувреме, украински дрон предизвикал пожар во складиште за нафта во рускиот Краснодарски крај. Тој најави и дека Франција до крајот на годината ќе ѝ испорача на Украина систем за противвоздушна одбрана способен да пресретнува балистички ракети.

Свет | пред 2 седмици

Ирански функционер: Украина се вмеша во војната и стана легитимна цел

Иранскиот функционер Ебрахим Азизи изјави дека Украина, со наводната поддршка за Израел во тековниот конфликт, се вмешала во војната и со тоа ја направила својата територија легитимна цел за Иран.Азизи тврди дека Киев обезбедува поддршка со беспилотни летала за, како што го нарече, „израелскиот режим“.„Со обезбедувањето беспилотна поддршка за израелскиот режим, пропаднатата Украина всушност се вклучи во војната и, според член 51 од Повелбата на Обединетите нации, ја претвори целата своја територија во легитимна цел за Иран“, изјави тој.Членот 51 од Обединетите нации се однесува на правото на државите на самоодбрана во случај на вооружен напад.Засега нема официјална реакција од украинските власти на овие обвинувања. Изјавата доаѓа во време на зголемени тензии на Блискиот Исток и ширење на конфликтот меѓу Иран, Израел и Соединетите Американски Држави.

Свет | пред 2 седмици

Зеленски пристигна во Париз: Следува средба со Макрон

Претседателот на Украина, Володимир Зеленски, пристигна во Париз, каде што треба да се сретне со францускиот претседател Емануел Макрон, соопшти портпаролот на украинскиот претседател, Сергиј Никифоров.Тој напомена дека програмата на посетата вклучува разговори меѓу претседателите на Украина и Франција, а Зеленски ќе се сретне и со студенти, пренесува Укринформ.Како што беше претходно најавено, двајцата претседатели ќе разговараат за актуелната состојба во Украина, поддршката од Франција и европските партнери во помошта за Киев, како и за начините за зголемување на притисокот врз Русија, вклучително и борбата против таканаречената руска „сенковита флота“, пренесе Укринформ.На средбата соговорниците ќе разменат мислења и за условите за постигнување праведен и траен мир.

Свет | пред 2 седмици

Зеленски во официјална посета на Романија: разговори за одбрана, енергија и обнова на Украина

Претседателот на Украина Володимир Зеленски пристигна во официјална посета на Романија, потврди неговиот портпарол Сергиј Никифоров, пренесе „Украинска правда“.Зеленски ќе се сретне со романскиот претседател Никушор Дан во палатата Котрочени во Букурешт. Се очекува разговорите да се фокусираат на одбранбена и енергетска соработка, обновата на Украина и проширувањето на Европската Унија.За време на посетата тој ќе се сретне и со романскиот премиер Илие Болојан и ќе го посети центарот за обука на пилоти на борбените авиони Ф-16.По посетата на Романија, Зеленски на 13 март треба да отпатува во Париз на разговори со францускиот претседател Емануел Макрон. Се очекува темите да бидат поддршката за Украина и мерките против руската флота во сенка на танкери. Можно е Зеленски да учествува и на состанокот на Европскиот совет на 19 и 20 март во Брисел.

Свет | пред 2 седмици

Зеленски: Ако никој не ja запре војната на Блискиот исток, може да се претвори во светска војна

Ако конфликтот на Блискиот исток наскоро не се запре, тој би можел да прерасне во светска војна, изјави денеска украинскиот претседател Володимир Зеленски.Ако никој брзо не ja запре војната на Блискиот исток, таа може да трае многу долго и да се претвори во светска војна“, рече Зеленски, пренесува Укринформ.Тој оцени дека светот е многу близу до нова светска војна.Многу сме блиску. Не гледам како операцијата во Иран може да биде брза. Гледам повеќе глобални предизвици. Ако војната не се запре до есен, ќе трае долго“, додаде Зеленски.Украинскиот претседател исто така нагласи дека Русија подоцна би можела да испрати свои единици за помош на Иран.Технички, светот не е подготвен за ова. Европа не е подготвена, освен поединечни земји. Германците се многу брзи, но тоа не е доволно. Нема доволно време да се подготвиме за такви предизвици оваа година“, заклучи Зеленски.

Свет | пред 2 седмици

Орбан до Зеленски: Не ѝ се заканувајте на Унгарија со војници, прекинете со уцените

Унгарскиот премиер Виктор Орбан денеска на социјалната мрежа Икс објави порака упатена до украинскиот претседател Володимир Зеленски, во која го обвини за закани и уцени и побара да престане со притисоците и да овозможи непречен премин на унгарските пратки на нафта.„Претседателе, ја примив вашата порака. Ми се заканивте со војници и преку мене на цела Унгарија. Претседателе, тоа не поминува. Престанете со тоа. Ова е Унгарија. Унгарците не може да се уценуваат, а мене не можете да ме заплашите. Синоќа Унгарците порачаа дека не сакаат влада наклонета кон Украина и не сакаат проукраински премиер во Унгарија. Подобар е мирот. Престанете со уцените и заканите. Прекинете ја нафтената блокада и пуштете ги унгарските пратки на нафта. Наместо закани и уцени, дајте им на Унгарците почитта што ни припаѓа“, напиша Орбан.Нивниот спор во последните денови ескалираше откако Зеленски на средба со новинарите изјави дека би можел „да даде адреса на една личност во Европската Унија“ која ја блокира европската помош за Украина, за украинските војници „да ја повикаат и да разговараат со неа на свој јазик“.Во Будимпешта, но и во дел од Европската Унија, ова беше протолкувано како алузија на Орбан, кој повеќепати се судри со европските партнери околу пакетите помош за Киев. Паралелно трае и спорот околу енергетиката, при што унгарската страна зборува за „нафтена блокада“ и тврди дека се загрозува снабдувањето со енергенси.

Свет | пред 3 седмици

Орбан до Зеленски: Ќе ја пробиеме нафтената блокада, не се плашам од закани по живот

Унгарскиот премиер Виктор Орбан изјави дека лично не е загрижен поради заканите по живот кои, како што тврди, му ги упатил украинскиот претседател Володимир Зеленски, нагласувајќи дека нема да дозволи неговата татковина да биде загрозена.Орбан истакна дека спорот околу нафтоводот „Дружба“ не е прашање што се однесува лично на него, туку, како што рече, станува збор за снабдувањето на Унгарија со енергија.Тој предупреди дека ќе ги искористи сите политички средства за да ја пробие украинската нафтена блокада.Орбан, како што пренесува унгарскиот медиум Hirado, јасно ставил до знаење дека Унгарија не може да биде принудувана или уценувана кога станува збор за енергетската безбедност.Според неговите зборови, Украинците ја ставиле Унгарија под нафтена блокада, што владата има намера да ja спречи со сите расположливи средства.Тој нагласи дека нафтата која чека транзит е сопственост на Унгарија, а украинската страна е должна да ја испорача врз основа на договорите на Европската Унија.Орбан додаде дека ќе ги искористи сите политички и финансиски средства за пробивање на нафтената блокада, но исклучи воена интервенција, бидејќи, како што рече, „унгарската влада стои на страната на мирот“.Енергијата е прашање на внатрешната политика и директно ги погодува џебовите на секое унгарско семејство. Ако не се браниме, Унгарците ќе ја платат цената. Затоа ќе се браниме и ќе го разбиеме ова – ќе ја пробиеме нафтената блокада, и никакви закани по живот не можат да ме одвратат од тоа“, нагласи Орбан.Претходно денеска, украинскиот претседател Зеленски му порача на Орбан дека украинските вооружени сили би можеле да бидат насочени кон него доколку Унгарија продолжи да го блокира заемот на Европската Унија за Украина во износ од 90 милијарди евра.Се надеваме дека одредена личност нема да го блокира кредитот од 90 милијарди евра или неговата прва транша во Европската Унија, а тогаш Украинците ќе имаат оружје. Во спротивно, ќе им ја дадеме адресата на таа личност на нашите вооружени сили, на нашите синови – нека го повикаат и разговараат со него на свој начин“, најави Зеленски, пренесува Hirado.Будимпешта го презеде овој чекор како одговор на одлуката на Киев да го запре транзитот на руска нафта преку нафтоводот „Дружба“.

Свет | пред 3 седмици

Зеленски: САД побараа помош од Украина во борбата против иранските дронови

Украинскиот претседател Володимир Зеленски изјави дека Соединетите Американски Држави побарале од Украина помош во одбраната од беспилотни летала на Блискиот Исток.Зеленски во објава на социјалната мрежа Икс појасни дека станува збор за конкретно барање за поддршка во одбраната од иранските дронови од типот „Шахед“.„Добивме од Соединетите Американски Држави барање за конкретна помош во одбраната од ‘Шахед’ на подрачјето на Блискиот Исток“, напиша Зеленски.Тој додаде дека веќе издал наредба да се обезбедат потребните средства и да се ангажираат украински експерти кои можат да ја гарантираат потребната безбедност.

Свет | пред 3 седмици

Фицо: Зеленски лаже, имаме докази дека „Дружба“ не е оштетена

Словачкиот премиер Роберт Фицо изјави дека располага со тајни сателитски снимки кои докажуваат дека нафтопроводот Дружба, по кој порано се пренесувала руска нафта, не е оштетен.Фицо директно го обвини украинскиот претседател Володимир Зеленски дека лаже за состојбата на нафтопроводот, пренесува Kyiv Independent.Освен еден мал резервоар за складирање, главната траса на нафтопроводот Дружба не е оштетена. Значи, претседателот Зеленски очигледно лаже“, изјави Фицо за словачкиот портал Aktuality. „Веројатно мислеше дека на тој начин може да ги уценува Словачка и Унгарија, иако не ми е јасно што сака да постигне.Словачкиот премиер не можеше да ги достави снимките до медиумите, тврдејќи дека фотографиите се класифицирани и не можат да се споделат. Нафтопроводот, кој минува низ Украина, престана со работа во јануари откако Киев соопшти дека е оштетен при руски напад на западот на земјата. Фицо и на крајот на февруари тврдел дека словачката разузнавачка служба „потврдува дека нафтопроводот не е оштетен и дека ништо не го спречува транзитот на нафта“.Во одговор на обвинувањата, советникот на Зеленски, Дмитро Литвин, изјави дека Украина го повикала Фицо за овие „сериозни прашања“ да разговараат лично, наместо да комуницираат преку социјални мрежи.Словачка најави прекин на итните испораки на електрична енергија кон Украина како одговор на запрените испораки на нафта, што предизвика критики од Киев. Унгарија и Словачка исто така го запреле извозот на дизел во Украина.Украина купува електрична енергија, не ја добива бесплатно. Владата на Фицо со тоа само ќе им ја скрати заработката на словачките компании, а Украина ќе ја набави струјата од други извори“, изјави за Kyiv Independent портпаролот на украинското Министерство за надворешни работи, Георхиј Тихи.

Свет | пред 3 седмици

Орбан: Блокадата на нафтоводот „Дружба“ од страна на Украина претставува уцена

Унгарскиот премиер Виктор Орбан повтори дека блокадата на нафтоводот „Дружба“ од страна на Украина претставува уцена од страна на претседателот на таа земја, Володимир Зеленски, со цел да ѝ помогне на унгарската опозициска партија Тиса да дојде на власт.Орбан го напиша ова на својот Фејсбук, прикачувајќи изјава на генералниот директор на националната енергетска компанија MOL, Жолт Хернади, кој рече дека нафтооводот „Дружба“ сам по себе не е оштетен.Унгарија нема да остане пасивна. Ќе ја разбиеме блокадата на нафтата и ќе го заштитиме снабдувањето на Унгарја со енергенти“, напиша Орбан, пренесува MTI.Хернади посочи дека бил претходно информиран дека пожарот ќе биде изгаснат и нафтоводот ќе почне со работа повторно за два или три дена, но украинската страна подоцна соопштила дека сè уште не е донесена одлука за повторно пуштање во функција, што, според него, тешко може да се објасни како технички проблем.Унгарскиот премиер остро реагираше на одговорот на украинскиот претседател Зеленски, нарекувајќи го „дрзок“, откако Украина одби да го отвори нафтоводот „Дружба“ кој ја снабдува Маѓарска со сурова нафта.Орбан на Фејсбук напиша дека додека на Зеленски не му се „врати здравиот разум“, Унгарија ќе ја одбива секоја одлука која ја фаворизира Украина, пренесува MTI.Тој истакна дека Зеленски во петокот дал „циничен“ одговор, барајќи од Унгарија да биде благодарна на Украина, дури и кога „ја затворила славината“ на споменатиот нафтовод.Премиерот на Унгарија нагласи дека Зеленски одбива да го отвори нафтоводот, и покрај постоечките договори меѓу Украина и Европската Унија кои го обврзуваат на тоа.Тој исто така посочи дека испратил писмо до претседателката на Европската комисија, Урсула фон дер Лајен, во кое ја известил за ситуацијата.

Свет | пред 3 седмици

Трамп: Зеленски не е свесен, може да остане без оружје поради Иран

Претседателот на САД, Доналд Трамп, на социјалната мрежа Truth Social истакна дека Соединетите Држави никогаш немале поголеми залихи на муниција, додавајќи дека ги обновил залихите откако, како што тврди, биле потрошени за време на мандатот на неговиот претходник Џо Бајден.Трамп рече дека САД можат да водат војна „засекогаш“ бидејќи залихите се „неограничени“.Залихите на муниција на САД, на средно и повисоко средно ниво, никогаш не биле поголеми или подобри – како што ми беше кажано денес, практично имаме неограничени залихи од ова оружје. Војните можат да се водат ‘засекогаш’ и многу успешно, користејќи ги само овие залихи (кои се подобри од најдоброто оружје на другите земји!)“, истакна американскиот претседател.Сепак, тој додаде дека САД сè уште не се таму каде сакаат да бидат, и покрај тоа што на највисоко ниво располагаат со добри залихи. Трамп исто така го критикуваше Бајден за давање оружје на украинскиот претседател Володимир Зеленски.Зеленски не е свесен, може да остане без оружје поради Иран. Многу дополнително висококвалитетно оружје е складирано за нас во далечни земји. Соничниот Џо Бајден го потроши целото свое време и пари на нашата земја, давајќи го сето тоа на П.Т. Барнум (Зеленски!) од Украина – стотици милијарди долари вредно – и, додека толку многу висококвалитетно оружје го подари (БЕСПЛАТНО!), не се потруди да го замени“, рече Трамп, алудирајќи на американскиот шоумен, бизнисмен и политичар П.Т. Барнум, познат по промовирање на измами и основање на циркусот „Барнум и Бејли“.Среќа што ја обновив војската во мојот прв мандат и продолжувам да го правам тоа. Соединетите Држави се опремени и подготвени за ПОБЕДА, ГОЛЕМА!!!“, заклучи Трамп.

Свет | пред 3 седмици

(Видео) Зеленски: Орбан не сака да ја купи нафтата од Хрватска, тука се работи за европската цена, а таму за руската

Украинскиот претседател Володомир Зеленски изјави дека Унгарија ја одбила понудата на Хрватска за снабдување со нафта бидејќи не ѝ одговара цената.Зеленски рече дека е запознаен со тоа дека Хрватска понудила потребни количини на нафта на Унгарија, но унгарската влада ја одбила понудата, пренесува Ukrinform.Се сретнав со хрватскиот премиер Андреј Пленковиќ. Тој ми потврди дека Хрватска е подготвена да ги обезбеди годишно потребните количини на нафта и за Словачка и за Унгарија. Рече дека Орбан едноставно не сака да ја купи таа нафта“, изјави Зеленски одговарајќи на прашања на новинарите.Според неговото мислење, причината е исклучиво финансиска.Тука се работи за европската цена, а таму за руската. Тоа е сè. Со други зборови, некој сака на тоа да заработува. Јасно е и кој“, додаде украинскиот претседател.Оваа изјава доаѓа во време на зголемени тензии меѓу Киев и Будимпешта поради нафтoводот Дружба, кој е клучен за снабдување на Унгарија и беше оштетен во руски напади.Украинското Министерство за надворешни работи двапати го повика унгарскиот амбасадор на разговор, обвинувајќи ја Будимпешта за искривување на украинската позиција и за изнесување лажни тврдења против Украина.Нафтoводот Дружба, преку кој руската нафта се доставување во Унгарија и Словачка, беше оштетен на 27 јануари, кога руски сили со беспилотни летала го погодиле енергетскиот инфраструктурен комплекс во регионот на Лавов. Украинската компанија Naftogaz потврди напад, наведувајќи дека тоа бил 15-ти напад на нивните постројки во еден месец, без да прецизира кои делови точно биле погодени.Унгарија ја прекина испораката на дизел гориво кон Украина додека транзитот на нафтата преку Дружба не се обнови. Исто така, најави дека ќе разгледа и прекин на извозот на електрична енергија и гас доколку Киев не обезбеди продолжување на испораките на руската нафта.

Свет | пред 3 седмици

Зеленски: Ќе помогнеме против иранските дронови ако има едномесечно примирје со Русија

Украинскиот претседател Володимир Зеленски понуди испраќање на украински експерти за противдронска одбрана на Блискиот Исток, но со јасен услов – арапските лидери да извршат притисок врз рускиот претседател Владимир Путин за да прифати едномесечно примирје во војната во Украина.Како што пренесува Bloomberg, Зеленски во телефонски разговор од Киев изјавил дека лидерите од регионот имаат добри односи со Москва и можат да посредуваат.„Би предложил следново – челниците на Блискиот Исток имаат добри односи со Русија. Би можеле да побараат од Русите едномесечно примирје во војната со Украина“, изјавил Зеленски, алудирајќи на раководствата на Обединети Арапски Емирати, Катар и Саудиска Арабија.Според неговите зборови, доколку примирјето стапи во сила, Украина е подготвена да испрати тим од најискусни специјалисти за соборување беспилотни летала, со цел да помогне во одбраната од иранските напади во регионот.Понудата доаѓа во момент кога повеќе градови на Блискиот Исток, меѓу кои и Дубаи, беа цел на ирански напади со дронови и проектили. Техеран ги изведе тие удари како одговор на американско-израелските воздушни операции, во кои, според ирански извори, бил убиен ајатолахот Али Хамнеи и други високи претставници на иранскиот режим.Со оваа иницијатива, Киев настојува да ја поврзе безбедносната динамика на Блискиот Исток со војната во Украина, нудејќи експертска поддршка во замена за дипломатско влијание врз Кремљ.

Свет | пред 4 седмици