ЗЕЛЕНСКИ

Зеленски отворено: Се плашам

Украинскиот претседател Володимир Зеленски јавно призна дека стравува оти САД би можеле да го изгубат интересот за организирање мировен договор меѓу Киев и Москва, пренесува „Скај њуз“. На заедничка прес-конференција со ирскиот премиер Михаел Мартин во Даблин, Зеленски изрази умерен оптимизам за текот на преговорите, но и сериозна загриженост дали Вашингтон ќе остане целосно ангажиран.Тој посочи дека е охрабрен од засилената дипломатска активност на американската администрација и напорите да се најде пат кон прекин на конфликтот. „Имаше мал оптимизам во моите зборови поради брзината на разговорите и интересот од американска страна. Тоа покажа дека Америка не се повлекува од дијалогот, и тоа е добро“, рече Зеленски.Но, на директно прашање дали се плаши дека САД би можеле да се изморaт од процесот, тој одговори искрено: „Да, се плашам. Ако некој од нашите сојузници се измори...“ Притоа додаде дека целта на Русија е „да го извлече американскиот интерес од оваа ситуација“.Зеленски најави дека очекува повратни информации од американските претставници по средбата на специјалниот пратеник Стив Виткоф и Џеред Кушнер со рускиот претседател Владимир Путин во Москва. Тој истакна дека е подготвен повторно да се сретне со претседателот Доналд Трамп, но дека средбата зависи од резултатите на разговорите во руската престолнина.Од американска страна се очекува да биде презентирана изменета верзија на планот од 28 точки за прекин на војната – документ што претходно предизвика жестоки критики поради наводната наклонетост кон руските позиции. Украина останува цврста во ставот дека нема да прифати никакви територијални отстапки и дека секој мировен договор мора да гарантира целосен суверенитет и безбедност на државата. Дел од украинските функционери стравуваат дека предложените безбедносни гаранции нема да бидат доволно силни, особено ако не наликуваат на заштитата што ја нуди членот 5 од НАТО.Русија, пак, инсистира дека дополнителни гаранции не се потребни, а Путин изјави дека нема намера да продолжи со непријателствата – но истовремено испрати заканувачка порака до Европа.„Ако Европа сака да започне војна со нас, ние сме подготвени веднаш“, изјави тој, додавајќи дека Москва ја смета ЕУ за оддалечена од преговорите поради прекинатите односи и санкциите.Путин обвини дека европските лидери намерно поставуваат „неприфатливи услови“ за да го прикажат Кремљ како пречка за американските дипломатски напори. Украинската страна, пак, предупредува дека Русија токму преку воени притисоци и пропагандни изјави се обидува да ја засили својата преговарачка позиција во пресрет на новите дипломатски рунди.Ситуацијата останува исклучително неизвесна, а изјавата на Зеленски дека „се плаши“ од можен американски замор дополнително ја нагласува ранливоста на процесот кој би требало да ја одреди иднината на украинско-рускиот конфликт.

Свет | пред 3 месеци

Крахот на човекот од доверба на Зеленски: Јермак поднесе оставка, Киев во политички вртлог

Шефот на кабинетот на украинскиот претседател Володимир Зеленски и негов најблизок советник, Андриј Јермак, поднесе оставка во петокот, само неколку часа откако Националното биро за борба против корупцијата (NABU) изврши претрес во неговите простории. Јермак, кој изгради досега невидено ниво на моќ во украинската извршна власт и имаше влијание врз парламентот, владата и клучните институции, со години беше една од најконтроверзните фигури во политичкиот систем.Заради неговата улога „десна рака“ на Зеленски, западните дипломати често го опишуваа како незаменлив, но и како извор на фрустрации. Европски функционери за Kyiv Independent велат дека бил гледан со скепса и во Брисел и во Вашингтон, а во Украина неговата непопуларност била уште поизразена. Според истите извори, токму Јермак го „повлекол куршумот“ кон антикорупциските институции, обидувајќи се да го ослаби NABU во момент кога земјата е погодена од најголемиот корупциски скандал меѓу соработниците на претседателот.Истражителите тврдат дека Јермак е поврзан со големата шема во државната нуклеарна компанија „Енергоатом“, каде што, според NABU, биле испрани и украдени над 100 милиони долари. Еден од неговите најблиски соработници, Тимур Миндич, беше посочен како организатор на криминалната мрежа, а во јавноста се појавија и видеоснимки на кои, како што тврдат истражителите, се гледаат високи владини личности како примаат мито. Полиција за Kyiv Independent изјавила дека една од луксузните куќи финансирани со парите од оваа шема била наменета токму за Јермак.Активисти за борба против корупцијата сметаат дека ваквата шема тешко можела да функционира без негово знаење. Според Дарја Калениук, извршна директорка на украинскиот Центар за борба против корупцијата, претседателот Зеленски ќе мора да ги отстрани луѓето од неговиот најтесен круг за да ја докаже сопствената неумешност.Неговото име со години беше опкружено со обвиненија за мито и злоупотреби, а неколку негови поранешни заменици веќе се гонат или се под истрага за корупција. Критичарите тврдат дека Јермак создал модел во кој ниту една кадровска или институционална одлука не можела да биде донесена без негов благослов. Тој важеше за човекот кој де факто ја води домашната и надворешната политика, а многу дипломатски извори откриваат дека дури и најважните одлуки на претседателот биле оформувани според ставовите на Јермак.Од повторната победа на Доналд Трамп на изборите, неговата позиција драматично ослабна. Американски официјални лица одбивале да разговараат со него поради неговите блиски врски со претходната администрација во Вашингтон, а украински и европски извори велат дека бил гледан како најмалку посакуван преговарач. И покрај тоа, Зеленски го испраќал да ги води клучните меѓународни разговори и да се сретнува со странски лидери.Низ годините Јермак се сметаше за центар на моќта околу претседателот, а критичарите тврдат дека секој кој ја засенил неговата позиција бил тргнат настрана. Така беше сменет и популарниот генерал Валериј Залужни, а потоа и вицепремиерот за инфраструктура Александар Кубраков — двајца политички профили кои станале потенцијални конкуренти во јавноста.Оставката на Јермак претставува најголем политички потрес за администрацијата на Зеленски од почетокот на војната. Украинските аналитичари предупредуваат дека овој чекор може да има сериозни последици за стабилноста на власта, но и за односите со западните партнери, кои одамна бараат посериозна борба против корупцијата.

Свет | пред 4 месеци

Шефот на кабинет на Зеленски поднесе оставка поради скандал со корупција

Украинскиот претседател Володимир Зеленски изјави дека неговиот шеф на кабинетот, Андриј Јермак, поднел оставка по рацијата против корупција во неговиот дом.Јермак беше најблискиот советник на Зеленски во текот на војната со Русија. Тој беше под силен притисок поради корупциски скандал, иако не беше обвинет за никакво кривично дело.Украинските антикорупциски агенции извршија рација во неговиот стан во владините простории во Киев.Извори од истрагата откриваат дека се проверува имотот и евентуалните неовластени договори со странски посредници.Зеленски објави видео-порака на Телеграм, дека заминувањето на Јермак е дел од поширок процес на реконструкција.,,Украина во овие околности не смее да прави грешки.Русија навистина сака ние да грешиме, но од нашата страна нема да има грешки“, рекол Зеленски.

Свет | пред 4 месеци

Претрес кај најблискиот соработник на Зеленски

Украинските антикорупциски служби утрово извршија претрес во домот на Андриј Јермак, шеф на кабинетот на украинскиот претседател Володимир Зеленски, јавува „Украинска правда“.Според видеоматеријалот што го објави медиумот, околу десет службеници на Националното биро за борба против корупцијата (NABU) и Специјализираното антикорупциско обвинителство (SAPO) влегле во дел од Киев каде што се наоѓаат клучни владини објекти.Официјални детали за причините и опфатот на истрагата засега не се соопштени. Од NABU и SAPO остануваат воздржани од коментари, додека украинските медиуми јавуваат дека рацијата е дел од поширока акција насочена кон висока корупција во државниот врв.Јермак важи за еден од највлијателните соработници на претседателот Зеленски и човек со значајна улога во државната политика, што придонесе претресот да предизвика силни реакции во јавноста. Очекувањата се дека институциите наскоро ќе излезат со повеќе информации за оваа чувствителна операција.

Свет | пред 4 месеци

Зеленски на пат кон Вашингтон повторно? Со Трамп ќе разговара за најчувствителното прашање од мировниот план!

Соединетите Американски Држави и Украина изработија „дополнет и унапреден мировен план“ за окончување на војната со Русија, се наведува во заедничката изјава на двете држави по завршувањето на преговорите во Женева, на кои учествуваа и европски претставници.План приспособен на украинските барања?Двете страни, како што изгледа, го подготвиле документот врз основа на претходната американска верзија, која Киев и неговите сојузници ја сметаа премногу наклонета кон Москва, пренесе „Ројтерс“.Во заедничката изјава по разговорите во Женева, делегациите наведоа дека воделе „исклучително продуктивни“ дискусии и дека ќе продолжат да работат на планот и наредните денови. Не ги открија деталите за спорните прашања кои допрва треба да се решат, вклучително и темата за безбедносните гаранции за Киев.Белата куќа посебно соопшти дека новата верзија на мировниот план содржи посилни безбедносни гаранции и дека украинската делегација оценила оти документот „ги одразува нивните национални интереси“. Украинските функционери не објавија одвоена изјава и не биле веднаш достапни за коментар, јави „Ројтерс“.Оптимизам од ВашингтонАмериканскиот државен секретар Марко Рубио, кој ги предводеше разговорите, во неделата изјави дека е „многу оптимистичен“ дека договор за Украина може да биде постигнат „многу скоро“.Според него, во преговорите е направен значаен напредок, но конечен договор мора да биде постигнат и потврден од претседателите, а неколку чувствителни прашања остануваат отворени.Рубио додаде дека делегациите и денес продолжуваат да работат на мировниот план, нагласувајќи дека преговорите траат веќе три недели, но дека во последните четири дена биле значително интензивирани.Можно е Зелeнски да патува во ВашингтонСпоред два извора запознаени со процесот, американски и украински претставници разговараат и за евентуална посета на украинскиот претседател Володимир Зеленски на Вашингтон веќе оваа недела, за да разговара со претседателот Доналд Трамп за мировниот план. Засега нема официјална потврда за датум.Еден од изворите навел дека целта е двајцата лидери да ги разгледаат најчувствителните точки од американскиот предлог – вклучително и прашањето за територијата.Американскиот план, според претходните информации, би значел фактичко предавање на целиот Донецк на Русија, додека Украина досега инсистираше примирјето да биде воспоставено според тековните линии на фронтот.Европската алтернативаВчера протече и европскиот контрапредлог на американскиот план, кој суштински се разликува од Вашингтон токму во делот на територијалните решенија. Русија индиректно ставила до знаење дека би прифатила договор доколку украинските сили се повлечат од целиот Донбас, што за Киев и европските земји е целосно неприфатливо.Во европската верзија се наведува дека НАТО се согласува трајно да не распоредува свои сили во Украина во време на мир. Украинската војска би била ограничена на најмногу 800.000 припадници, додека американскиот план предвидува максимум од 600.000.Европа бара Украина да биде финансиски обесштетена, вклучително и преку руската имотна активa која останува замрзната сè додека Русија не ја надомести штетата.Европскиот предлог содржи и точка според која Украина нема да ги враќа своите „окупирани суверени територии“ со воена сила, туку преку преговори за размена на територии, чија основа би биле линиите на контакт. Предвидено е и распишување избори во Украина што е можно побрзо по потпишувањето на мировниот договор.

Свет | пред 4 месеци

Зеленски: Украина е благодарна на Трамп, САД и на секое американско срце за напорите за постигнување мир

Претседателот на Украина Володимир Зеленски денеска изјави дека неговата земја им се заблагодарува на САД и на нивниот претседател Доналд Трамп за напорите да го поддржат Киев.„Украина е благодарна на Соединетите Американски Држави, на секое американско срце, а особено на претседателот Трамп за помошта што, почнувајќи со ракетите „Џавелин“, спасува украински животи“, напиша Зеленски на социјалната мрежа Телеграм.Претходно Трамп рече дека украинското раководство изразило „нулта благодарност“ за американската помош.Зеленски, исто така, изрази благодарност и до Европа, Г-7 и Г-20 за нивната помош, велејќи дека нивните напори за поддршка на оваа помош се важни.„Затоа работиме толку внимателно на секоја точка, на секој чекор кон мирот. Сè мора да биде правилно осмислено за да можеме навистина да ја завршиме оваа војна и да спречиме таа да се случи повторно”, напиша Зеленски.

Свет | пред 4 месеци

Трамп: Четврток е клучниот рок за Украина да го прифати мировниот предлог поддржан од САД

Американскиот претседател Доналд Трамп изјави дека верува оти 27 ноември, четврток, е вистинскиот рок до кој Украина треба да го прифати мировниот предлог поддржан од САД, со кој би се ставил крај на војната со Русија.„Имав многу рокови, но ако работите се одвиваат добро, роковите обично се продолжуваат. Но, ние мислиме дека четврток е вистинското време“, рече Трамп во интервју за „Фокс њуз“.Ројтерс, повикувајќи се на извори запознаени со ситуацијата, претходно објави дека САД се подготвени да го прекинат споделувањето разузнавачки информации и испораките на оружје доколку Киев не се согласи на рамковниот мировен договор што Вашингтон го предлага. Според изворите, Украина е под поголем притисок од било кои претходни мировни иницијативи и се очекува договорот да биде потпишан до следниот четврток.Во обраќање до украинската нација, претседателот Володимир Зеленски предупреди дека земјата се соочува со еден од најтешките моменти во својата современа историја.„Сега Украина може да се најде пред многу тежок избор. Или губење на достоинството или ризик од губење на клучен партнер. Или тешки 28 поени или исклучително тешка зима – најтешката – и дополнителни ризици“, изјави Зеленски, нагласувајќи дека земјата е под огромен притисок.

Свет | пред 4 месеци

Зеленски во посета на Грција, грчката полиција забрани протести во Атина

Украинскиот претседател Володимир Зеленски денеска е во посета на Атина и ќе се сретне со претседателот на Грција Константинос Тасулас, со грчкиот премиер Кирјакос Мицотакис, како и со претседателот на парламентот Никтас Какламанис.Посетата на Зеленски на Атина, од безбедносни причини, официјално беше соопштена утрово.Од грчката полиција соопштија дека од безбедносни причини, од 6 часот утрово до 22:00 забранети се собири и протести во центарот на Атина и во неколку блиски населби.Зеленски на Икс најави дека во Грција доаѓа за да потпишат договор за увоз на природен гас.

Свет | пред 4 месеци

Зеленски: Никој не ги тера нашите војници да умираат поради урнатини

Украинскиот претседател Володимир Зеленски ги замоли своите сојузници од Европската Унија да ги надминат своите поделби околу користењето на замрзнатите руски средства, велејќи дека обезбедувањето ново финансирање е клучно за економијата на Украина, разурната од војна.„Се надевам дека ќе ја добиеме оваа одлука. Во спротивно, ќе мора да најдеме алтернатива, тоа е прашање на нашиот опстанок. Затоа ни е толку потребна. И сметам на нашите партнери“, изјави Зеленски за Блумберг.Безусловната западна поддршка за Киев е поткопанаЕвропската Унија ја одложи до декември одлуката за предлогот за користење на замрзнатите руски средства за „кредит за репарација“ од 140 милијарди евра за Украина. Русија, во меѓувреме, бавно напредува на бојното поле и ја напаѓа енергетската инфраструктура на Украина за да ја поткопа нејзината економија додека се приближуваат зимските месеци.Руската инвазија е во својата четврта година, додека украинската влада се бори со разорена економија и исцрпени војници во најлошиот конфликт во Европа од Втората светска војна. Покрај тоа, безусловната западна поддршка за Киев еродираше по враќањето на Доналд Трамп во Белата куќа, анализираат медиумите.Со прекинувањето на финансирањето од САД, европските влади ветија дека ќе ја зголемат помошта за да се одбранат од новата закана од Кремљ.„Русија мора да плати за оваа војна. Парите од замрзнатите средства ќе ѝ помогнат на Украина да купи повеќе воздушна одбрана од САД и Европа и да го финансира производството на беспилотни летала за напади врз руски цели. Немаме дополнителни пари. Ова е начинот и ова е фер“, тврди Зеленски.Тој посочи дека Трамп би можел да испрати „добар сигнал“ до европските лидери со тоа што ќе почне да користи милијарди руски средства замрзнати во САД. „Трамп има повеќе од пет милијарди долари руски средства, можеби ќе одлучи да ги потроши тие пари. Тоа ќе помогне“, истакна Зеленски.„Минатата американска акција, како што се енергетските санкции, исто така ги охрабри европските партнери да донесат некои силни одлуки“, додаде тој. Тој откри дека Украина започнала да произведува беспилотни летала пресретнувачи заедно со САД.Украинскиот лидер верува дека рускиот претседател Владимир Путин води намерна кампања за заплашување на Европа со неодамнешните упади на беспилотни летала и борбени авиони во воздушниот простор на НАТО. „Успеа да ги направи лидерите помалку спремни да испратат системи за воздушна одбрана во Украина. Мислам дека ги исплаши, тоа беше неговата цел и ја постигна. Без сомнение, тоа беше психолошко заплашување“, забележа тој.„Не можеме да ја напуштиме источна Украина“Тој призна дека Украина се соочува со „многу тешка“ ситуација во градот Покровск во регионот Донецк, каде што руските сили се обидуваат да ја преземат контролата по месеци интензивни борби. Зеленски инсистира дека секоја одлука за повлекување на силите е прашање на воените команданти на терен.„Никој не ги принудува да умрат заради урнатини. Ќе ги поддржам нашите војници, особено командантите што се таму. Најважно за нас се нашите војници“, нагласи тој. Тој е убеден дека Русија бара победа во Покровск за да се обиде да го убеди Трамп дека Украина треба да се повлече од целиот Донбас, кој се состои од регионите Донецк и Луганск, за да се стави крај на војната.„Не можеме да ја напуштиме источна Украина. Никој нема да го разбере тоа, луѓето нема да го разберат тоа. А главната работа е дека никој нема да ви гарантира дека ако го освојат овој или оној град, нема да одат понатаму. Нема фактор на одвраќање“, рече тој.

Свет | пред 4 месеци

Зеленски: Русија подготвува нова голема војна во Европа до 2030 година

Украинскиот претседател Володимир Зеленски предупреди дека Русија подготвува нова, голема офанзива на европскиот континент, која, според украинските проценки, би можела да започне во периодот меѓу 2029 и 2030 година. Тој како доказ го посочи интензивираното производство на оружје во Русија, што, според него, покажува дека Москва нема намера да ја прекине војната против Украина.Во објава на „Телеграм“, Зеленски истакна дека Москва значително ја зголемува воената индустрија, што јасно укажува дека целта на Кремљ е продолжување, а не завршување на конфликтот.„Состојбата на фронтот ни покажува дека Русија не е подготвена да сопре. Кога ги гледаме нивните фабрики, складишта и производни капацитети, станува јасно дека тие се подготвуваат за долгорочна војна,“ изјави украинскиот лидер, пренесе агенцијата „Укринформ“.Зеленски нагласи дека само здружениот меѓународен притисок може да ја принуди Русија да ја прекине агресијата, повикувајќи ги земјите-сојузници да дејствуваат сега, додека војната сè уште може да се сопре во рамките на Украина.Во меѓувреме, Министерството за финансии на САД соопшти дека воведува нови санкции против руските енергетски гиганти „Роснефт“ и „Лукоил“, барајќи од Москва итно да прифати прекин на огнот. Според проценките на Киев, овие санкции ќе ѝ нанесат на Русија загуби од најмалку 50 милијарди долари годишно.И Европската унија продолжува со притисокот врз Кремљ – високата претставничка за надворешна политика Каја Калас објави дека Унијата го усвоила 19-тиот пакет санкции насочен кон руската економија и нејзините воени капацитети.

Свет | пред 4 месеци

Како Трамп ја уништи главната надеж на Зеленски: „Многу лоши работи може да се случат“

Односот меѓу американскиот претседател Доналд Трамп и неговиот украински колега Володимир Зеленски очигледно е подобрен, но главната цел на Киев – добивање далекудометни ракети Tomahawk – останува недостижна. И покрај девет месеци интензивна дипломатија, Трамп и понатаму преферира да му даде на рускиот претседател Владимир Путин уште една шанса за разговор наместо да ја ескалира војната, пишува CNN.Иако меѓу изјавите на американскиот лидер имаше комплименти и уверувања дека мирот е „многу близу“, во Вашингтон не е донесена никаква конечна одлука за вооружување на Украина со Tomahawk ракети. Сепак, Трампова порака на неговата мрежа Truth Social – „Треба да застанеме таму каде што сме“ – се толкува како сигнал за можен прекин на огнот долж сегашните фронтовски линии, што би било прифатливо за Киев.„Мора да застанеме таму каде што сме. Важно е да застанеме таму каде што сме, а потоа да разговараме“, изјави Зеленски по средбата со Трамп. Иако украинскиот лидер очекуваше повеќе, денот за него можеше да заврши и полошо.Главна тема на разговорот беа токму проектилите Tomahawk. Трамп ја пофали нивната разорна моќ, но истовремено предупреди дека нивната употреба може да предизвика „многу лоши работи“.„Овде сме поради тоа. Tomahawk е многу опасно оружје... тоа би можело да значи ескалација“, рече американскиот претседател, додавајќи дека се надева дека „војната ќе заврши без да се размислува за Tomahawk“.Иако Трамп отворено ја држи опцијата за испорака на ракети, тој веднаш ја ублажи заканата со порака до Путин дека мирот е „на дофат“. Зад кулисите, меѓутоа, воените аналитичари укажуваат дека САД и немаат доволно залихи за „илјадници Tomahawk-и“, како што изјави Трамп, бидејќи нивното производство е скапо, а дел од ефектот веќе се постигнува преку украинските дронови со сличен дострел. На прашањето дали е оптимист, Зеленски само одговори: „Јас сум реалист“.Во меѓувреме, состојбата на фронтот се промени. И покрај големите загуби и исцрпеноста од летната офанзива на Москва, украинските сили успеаја да ги задржат клучните градови Покровск, Купјанск и Костјантиновка. Тоа претставува изненадувачки успех, имајќи ја предвид кризата со луѓе, ресурси и морал што ја погоди Украина во мај. „Тие прават навистина добри дронови“, призна Трамп, коментирајќи ја украинската иновативност.Од другата страна, притисокот врз Кремљ расте. Неуспесите на бојното поле, недостигот на гориво поради украинските напади врз рафинерии, инфлацијата и падот на моралот го ставаат Путин во незавидна позиција. Аналитичарите предупредуваат дека Русија тешко ќе може да ја продолжи војната уште една зима без сериозни последици.Зеленски, кој летово се соочи со најтешкиот дипломатски период – кога неговиот најважен сојузник се обиде да преговара за мир со Путин без Украина – сега повторно патува низ НАТО-членките, нудејќи им украинска технологија и воено партнерство. Русија, од своја страна, се соочува со истото прашање што сè почесто го поставуваат дури и во Москва: „Кој е следниот потег на Путин?“

Свет | пред 5 месеци

Зеленски вчера дозна што всушност сака Трамп

Украинскиот претседател Володимир Зеленски пристигна во Белата куќа барајќи ново оружје за одбрана од Русија, но наиде на американски лидер кој изгледа повеќе заинтересиран за посредување во мировен договор отколку за нови испораки на ракети „Томахавк“.Иако Доналд Трамп не ја исклучи можноста Украина да ги добие американските крстосувачки ракети со долг дострел, неговиот став беше воздржан, особено во пресрет на новиот состанок со Владимир Путин во Будимпешта.По повеќе од два часа разговор со Зеленски, Трамп излезе пред новинарите со порака што изненади многумина: „Запрете ја војната сега. Двете страни треба да се повлечат, да се вратат кај своите семејства. Ова треба да заврши – веднаш на бојното поле.“Трамп наведе дека истата порака му ја упатил и на Путин. Неговата изјава се толкува како прв конкретен сигнал дека е подготвен да прифати мировен договор со замрзнување на фронтот, дури и по цена на тоа Украина да се откаже од дел од својата територија.Во разговорот за вооружувањето, Зеленски отворено побара „Томахавци“, објаснувајќи дека Украина има илјадници дронови подготвени за офанзива, но дека ѝ недостасуваат ракети со долг дострел„Немаме Томахавци, затоа ни се потребни тие проектили,“ изјави Зеленски.Трамп одговори: „Би сакал повеќе да не ви требаат Томахавци. И нам ни се потребни. Не можеме да се откажеме од нешто што е неопходно за нашата безбедност.“По состанокот, Зеленски призна дека САД не сакаат ескалација, но го оцени разговорот како „реален и конструктивен“.„Сметам дека претседателот Трамп може да изврши притисок врз Путин да го сопре овој војна,“ изјави тој.Во меѓувреме, Трамп повторно ја потврди намерата да се сретне со Путин, велејќи дека и двајцата лидери „сакаат крај на војната“, но дека „треба малку повеќе да се договорат“.Аналитичарите предупредуваат дека помирливиот тон на Трамп и подготвеноста за компромис предизвикуваат загриженост кај европските сојузници, кои стравуваат од договор што би бил поволен за Москва.Во позадина на средбата, руските сили продолжуваат со напади врз украинската енергетска инфраструктура, додека Киев инсистира дека ракетите „Томахавк“ би можеле да го израмнат соодносот на силите.Како што заклучува аналитичарот Макс Бергман, потегот на Путин да побара нова средба со Трамп „веројатно има цел да ја намали веројатноста за американска испорака на тоа оружје“.Украинскиот експерт Микола Бјелиесков додава дека „Томахавците не би ја скршиле Русија, но би создавале постојан притисок – и воено, и индустриски“.За сега, Зеленски останува со пораката дека иако САД не дадоа конкретни ветувања, Украина и понатаму ќе смета на американскиот притисок врз Москва – за мир, но не по секоја цена.

Свет | пред 5 месеци

Руски РТ се потсмева на Зеленски: „Томахавк? Не е на менито – доби пилешко и салата“

Рускиот државен медиум RT објави сатирична порака во која се потсмева на украинскиот претседател Володимир Зеленски, откако тој се сретна со американскиот претседател Доналд Трамп во Белата куќа. Во објавата, медиумот саркастично наведува дека на менито за вечера имало пилешко, салата и сладолед – но не и ракетите „Томахавк“ што Украина ги бара од Вашингтон.„Ракети Томахавк? Не се на денешното мени. Зеленски доби печено пилешко и салата“, објави RT, алудирајќи на исходот од средбата која, според руските медиуми, не донела конкретни ветувања за дополнителна воена помош за Киев.Зеленски и Трамп вечерта одговараа на прашања од новинарите пред состанокот зад затворени врати. Американскиот претседател изјави дека „верува оти Путин е подготвен за мир“, додека Зеленски предложи размена – украински дронови за американски „Томахавци“.Само неколку дена претходно, Трамп изјави дека САД би можеле да ја одобрат испораката на ракетите доколку Русија продолжи да го избегнува мировниот процес. Но, по најавата за нов круг директни преговори меѓу Трамп и Путин, руските медиуми тоа го претставија како американско повлекување од претходните закани.Аналитичарите предупредуваат дека ваквите објави се дел од широка пропагандна стратегија на Кремљ, со цел Западот да се прикаже како неодлучен и изморен од војната, во момент кога Москва го засилува темпото на воздушните напади низ Украина.

Свет | пред 5 месеци

Ројтерс: Украина подготви детална презентација за можната употреба на американските ракети

Според извори на агенцијата Ројтерс, украинскиот претседател Володимир Зеленски ќе му презентира на американскиот претседател Доналд Трамп план за тоа како би се користеле ракетите со долг дострел „Томахавк“, доколку САД одобрат нивна испорака. Украинската делегација подготвила детална презентација со објаснување на стратегиската употреба на проектилите и начинот на кој тие, според Киев, би можеле „значително да го променат текот на војната“.Ракетите „Томахавк“ имаат домет од над 1.600 километри, што би ѝ овозможило на Украина да погодува цели длабоко во руската територија, вклучувајќи енергетски и воени објекти. Станува збор за оружје кое САД го имаат користено илјадници пати во Ирак, Авганистан, Јемен и други конфликтни зони.Зеленски во минатото изјави дека ударите врз цели во Русија може да се споредат со „долгорочни санкции“, особено ако се насочат кон енергетската и нафтената инфраструктура.Со ваквите ракети, Украина би можела да погодува руски воздушни бази и други објекти далеку од фронтот, наведува Ројтерс, што би претставувало ново ниво на стратешки капацитет.Сепак, не е јасно дали Трамп ќе биде убеден од украинската презентација. Иако претходно најави дека ја разгледува можноста за испорака, вчера изјави дека САД имаат ограничени залихи на „Томахавци“ и дека е „загрижен за нивното преголемо трошење“.Во меѓувреме, дипломатски извори потврдуваат дека разговорите меѓу Трамп и Путин во Будимпешта ќе бидат вториот обид да се отвори сериозен мировен дијалог, но без присуство на Украина, што предизвика критики од Берлин и Киев.Германскиот министер за надворешни работи Јохан Вадефул изјави дека „Украина мора да биде вклучена во секоја одлука што ја засега нејзината иднина“, додавајќи дека Европа очекува од Трамп и Путин „конечно да покажат сериозност“ во однос на мировниот процес.

Свет | пред 5 месеци

(Видео) Зеленски: Дивјачки руски напад врз цивили, погоден воз полн со патници

Најмалку 30 луѓе се повредени во руски напад со дрон врз железничка станица во украинскиот град Шостка во Сумската област, потврди претседателот Володимир Зеленски.Украинскиот претседател објави на социјалната мрежа X: „Дивјачки руски напад со дрон врз железничка станица во Шостка, Сумска област.“ „Сите итни служби веќе се на терен и почнаа да помагаат на луѓето. Сите информации за повредените се утврдуваат“, додаде тој. „Досега знаеме за најмалку 30 жртви. Прелиминарните извештаи покажуваат дека на местото на нападот имало и персонал и патници.“ „Русите не можеле да не знаат дека го гаѓаат цивилите. Ова е тероризам кој светот нема право да го игнорира“, напиша Зеленски.Регионалниот гувернер Олег Григоров изјави дека погоден е воз кој се движел кон Киев и дека на местото на настанот се лекари и спасувачи. И Зеленски и гувернерот објавија фотографии од местото на настанот кои прикажуваат патнички вагон во пламен.Раководителката на локалната окружна администрација, Оксана Тарасиук, изјави за украинската јавна телевизија дека во нападот се повредени околу 30 луѓе.Зголемени напади врз инфраструктурата Москва во последните месеци ја засили својата кампања на воздушни напади врз украинската железничка инфраструктура, гаѓајќи ја речиси секојдневно. Главниот помошник на Зеленски, Андриј Јермак, ја обвини Русија за намерно гаѓање на станиците и возовите, велејќи дека води „војна против цивилите“.Овој инцидент се случи само еден ден по нападите кои властите ги опишаа како најголем удар врз украинските постројки за природен гас од почетокот на целосната инвазија во февруари 2022 година.

Свет | пред 5 месеци

Зеленски предлага заеднички воздушен штит за Европа против руските дронови

Украинскиот претседател Володимир Зеленски предложи изградба на заеднички противвоздушен штит со своите европски партнери со цел заштита од руските закани. Ова го изјави во понеделникот на безбедносниот форум во Варшава, по серијата инциденти со нарушување на воздушниот простор кои предизвикаа загриженост на источниот крак на НАТО.Членките на НАТО укажуваат дека Русија преку упади во воздушниот простор на Полска и балтичките земји ги тестира подготвеноста и одлучноста на сојузот, додека Киев верува дека украинското искуство во одбрана од воздушни закани би можело да биде корисно за Европа.Украина предлага на Полска и на сите наши партнери да изградиме заеднички, целосно сигурен штит против руските воздушни закани, рече Зеленски. „Ова е можно. Украина може да се спротивстави на сите видови руски дронови и проектили, а ако делуваме заедно во регионот, ќе имаме доволно оружје и производни капацитети.“Украинските војници и инженери веќе најавија дека ќе ја обучуваат полската армија за справување со беспилотни летала. Истовремено, Романија планира да се здружи со Украина за производство на дронови во рамките на новиот механизам на Европската унија за финансирање на одбраната. Сепак, изградбата на повеќеслоен систем за противвоздушна одбрана ќе трае најмалку седум години, според владиниот извор.Романијa во понеделникот откри нови остатоци од дронови во источниот округ Тулча, на границата со Украина, додека германскиот министер за одбрана Борис Писториус потенцира дека „европската и украинската одбранбена индустрија мора да соработуваат поблиску и поефикасно“. Европската унија треба да обезбеди пофлексибилна регулатива за поддршка на одбранбената индустрија во Европа, додаде тој.

Свет | пред 6 месеци

Унгарскиот министер тврди дека Зеленски го „губи разумот“

Унгарскиот министер за надворешни работи, Петер Сијарто, во петок изјави дека украинскиот претседател Володимир Зеленски „почнува да го губи разумот“ откако Зеленски рече дека извиднички беспилотни летала, кои ја нарушиле украинската воздушна граница, веројатно припаѓаат на Унгарија.Претседателот Володимир Зеленски почнува да го губи разумот поради својот непријателски став кон Унгарија, напиша Сијарто на социјалната мрежа Facebook. Сега му се привидуваат чудовишта.Зеленски истакна дека извидничките дронови ја нарушиле украинската воздушна граница, повикувајќи се на прелиминарно воено известување според кое леталата дошле од Унгарија со цел да го испитаат индустрискиот потенцијал на граничните подрачја.Унгарија е членка на Европската унија и НАТО, две организации кои ја поддржуваат Киев во војната против Русија, но односите меѓу Киев и Будимпешта често биле напнати.По руската инвазија на Украина во февруари 2022 година, голем број големи украински компании, особено од источните и јужните региони, се преселиле во западна Украина и други побезбедни области.Унгарскиот премиер Виктор Орбан е скептичен во однос на западната воена помош за Украина и за разлика од другите членки на НАТО и ЕУ, одржува блиски односи со рускиот претседател Владимир Путин.

Свет | пред 6 месеци

Зеленски побара од Трамп ракети Томахавк за да ја притисне Москва

Украинскиот претседател Володимир Зеленски во затворен состанок побара од американскиот претседател Доналд Трамп испорака на крстосувачки ракети Томахавк, јави британскиот „The Telegraph“. Зеленски објаснил дека таквите проектили би ја ставиле Русија во домет на украинските удари и би можеле да ѝ создадат притисок да седне на преговори, пренесуваат повеќе извори кои ја потврдиле средбата како „исклучително позитивна“.Дипломатски извори наведуваат дека Трамп прифатил да разгледа таква опција и по состанокот на Зеленски изјавил дека „ќе работат на тоа“. Сепак, сè уште не е јасно дали барањето ќе биде реализирано: Томахавк има домет до околу 2.400 километри и боевна глава од околу 450 килограми, што го прави многу поефикасен од досегашните долготрајни ракети кои Западот им ги достави на Киев.Во минатиот мандат, администрацијата на поранешниот претседател Џо Бајден одбила слични барања поради ризикот од ескалација и можноста за напади врз цели на руска територија. Зеленски во разговорите на маргините на Обединетите нации повторно ги инсистирал на потребата Украина да добие средства за удари на поголеми далечини, а извори велат дека американскиот државен секретар Марко Рубио имал позитивен тон кон промена на политиката и ги советувал европските партнери да ѝ прифатат како можност.Украинската страна, како што изјави Серхиј Кузан од Центарот за безбедност и соработка, смета дека добивањето далекоплопни ракети е логичен следен чекор откако Украина доби средства како британскиот „Storm Shadow“. Тој подвлече дека, ако Русија располага со таква способност, Украина исто така треба да има опции за погодување на цели на слични длабочини. Зеленски, како што кажал по состанокот, ја добил потврдата од Трамп дека САД „ќе работат на тоа“, но окончна одлука за испорака сè уште не е донесена.

Свет | пред 6 месеци

Зеленски: Подготвен сум да се повлечам по завршувањето на војната со Русија

Украинскиот претседател Володимир Зеленски изјави дека ќе биде подготвен да се повлече од функцијата откако ќе заврши војната со Русија.„Ако ja завршиме војната со Русите, да, подготвен сум да не одам на избори, затоа што изборите не ми се цел. Мојата цел е да заврши војната“, рече Зеленски во видео-интервју за веб-страницата Axios.Тој додаде дека ќе побара од украинскиот парламент да организира избори доколку се постигне примирје.Претседателските избори во Украина требаше да се одржат во 2024 година, но беа одложени поради воената состојба воведена со почетокот на целосната руска инвазија во февруари 2022 година. И покрај тоа, Зеленски и по повеќе од три и пол години војна ужива високо ниво доверба – според анкетата на Киевскиот меѓународен институт за социологија, околу 59% од Украинците имаат доверба во него.Во текот на неделата Зеленски престојуваше во САД, каде што учествуваше на Генералното собрание на Обединетите нации и се сретна со американскиот претседател Доналд Трамп. Тој нагласи дека Киев бара ново оружје со долг дострел од Вашингтон.Зеленски во интервјуто порача дека руските функционери треба да знаат каде е најблиското засолниште, доколку Москва одбие да стави крај на војната. На ова реагираше поранешниот руски претседател Дмитриј Медведев, предупредувајќи дека „Русија може да користи оружје против кое ни засолниште не би помогнало“.Војната продолжува со редовни руски напади врз Украина со беспилотни летала и проектили, додека Киев возвраќа со дронови со долг дострел, насочени кон воени цели и енергетска инфраструктура.

Свет | пред 6 месеци

Зеленски следната недела пак ќе се сретне со Трамп во Њујорк

Украинскиот претседател Володимир Зеленски најави дека следната недела во Њујорк ќе се сретне со американскиот претседател Доналд Трамп, на маргините од заседањето на Генералното собрание на Обединетите нации, пренесува Анадолу.Во интервју за украинските медиуми, Зеленски појасни дека клучни теми на разговорот ќе бидат безбедносните прашања, инвестициите и воената соработка.„Средбата со американскиот претседател Трамп ќе се одржи за време на неделата на високо ниво на Генералното собрание на ОН,“ потврди Зеленски.За време на посетата на САД, Зеленски најави и средби со водечки личности од западните технолошки компании и одбранбениот сектор. Осумдесеттото заседање на Генералното собрание на ОН започна на 9 септември, а генералните дебати на кои ќе учествуваат светските лидери ќе се одржат на 23, 27 и 29 септември.

Свет | пред 6 месеци

Зеленски: „Ова не се случајности, Русија мора да почувствува болка“

Украинскиот претседател Володимир Зеленски го осуди руското нарушување на воздушниот простор на НАТО во Естонија, нарекувајќи го „скандалозно“ и повика на „одлучни мерки“ против Москва.„Ова не се случајности,“ порача Зеленски во објава на социјалната мрежа Х, потсетувајќи на долгиот список на руските нарушувања на европскиот воздушен простор, меѓу кои Полска, Романија и Естонија, како и наводните мешања во изборни процеси во Романија и Молдавија.Тој нагласи дека е потребна системска реакција:„Мора да се преземат силни дејствија – и колективно и поединечно од секоја држава. Русија мора да ја почувствува сè поголемата болка под притисок на светот, пред сè преку својата економија, а тоа најдобро се постигнува со санкции.“Зеленски додаде дека истовремено е клучно загубите на Русија во војната да продолжат да растат, што може да се обезбеди само со „силна украинска армија“.„Им благодарам на сите што помагаат. Европа, САД, групата Г7 – потребни се силни мерки од сите,“ порача украинскиот претседател.

Свет | пред 6 месеци

Руски дрон 50 минути во НАТО-воздушен простор, дали ова е провокација за ширење на војната?

Романските воздухопловни сили не соборија руски дрон кој во петокот, 13 септември, влезе во воздушниот простор на земјата и таму се задржа околу 50 минути. Инцидентот го потврди министерот за одбрана Јоанут Моштеану за Antena 3 CNN, пренесе The Kyiv Independent.Украинскиот претседател Володимир Зеленски изјави дека леталото навлегло околу 10 километри во длабочина на романска територија за време на руски напад врз Украина. Според него, станува збор за намерна провокација и ширење на војната кон НАТО-просторот.Министерот Моштеану појасни дека дронот бил откриен од радарските системи и дека два ловци F-16 веднаш полетале за да го пресретнат.„Авионите го воочија и беа многу блиску да го соборат, но дронот леташе на многу ниска височина и во еден момент се врати кон Украина“, изјави тој.Од романското министерство за одбрана соопштија дека дронот исчезнал од радарите на околу 20 километри југозападно од селото Чилија Вече и дека не прелетал над населени подрачја, ниту пак претставувал непосредна опасност за цивилното население.Иако Романија има донесено закон што ѝ овозможува на војската да соборува неовластени дронови кои го нарушуваат воздушниот простор во мирнодопски услови, спроведбените правила сè уште не се целосно усогласени.Инцидентот доаѓа само неколку дена по масовниот упад на најмалку 19 руски дронови во полскиот воздушен простор, кога Полска за првпат со помош на НАТО-сојузниците собори дел од леталата. Зеленски повтори дека Русија свесно ги испраќа дроновите и побара од меѓународните партнери построги санкции и заеднички одбранбен систем за спречување на ваквите напади.Руски напаѓачки дронови од 2022 година повеќепати го нарушиле воздушниот простор на НАТО, вклучувајќи ја Литванија, Полска и Романија, додека Москва редовно ги отфрла обвинувањата за намерно таргетирање на териториите на Алијансата.

Свет | пред 6 месеци

Зеленски до Путин: „Во Киев дојди, во Москва не одам“

Украинскиот претседател Володимир Зеленски го одби повикот на рускиот лидер Владимир Путин за преговори во Москва, предлагајќи наместо тоа рускиот претседател да дојде во Киев. Во интервју за ABC News, Зеленски истакна дека не може да патува во главниот град на земја која секојдневно ја напаѓа Украина.„Тој може да дојде во Киев… Јас не можам да одам во Москва додека мојата земја секој ден е под руски напади. Не можам да одам во главниот град на овој терорист. И Путин тоа го разбира“, изјави Зеленски.Тој додаде дека понудата на Путин ја гледа како обид за одложување на вистински состанок.„Ако некој не сака да се сретне за време на војна, тогаш предлага нешто што мене или на другите не може да им биде прифатливо“, нагласи украинскиот претседател.Потсетуваме, Путин претходно изјави дека нема намера да патува надвор од Русија за средба со Зеленски, но дека е подготвен да разговара во Москва. Украинскиот министер за надворешни работи Андриј Сибиха веќе го оцени овој предлог како „неприфатлив“.

Свет | пред 6 месеци

Путин: Ако Зеленски сака – нека дојде во Москва

Рускиот претседател Владимир Путин го оцени својот престој во Кина како позитивен и корисен, нагласувајќи дека постигнал клучен договор за проектот гасовод „Силата на Сибир 2“ и дека разговорите со кинеското раководство биле многу продуктивни.„Форматот на овие средби овозможи да разговараме за секоја тема, што е од големо значење“, изјави Путин, додавајќи дека гасоводот ќе создаде конкурентска предност за Кина, бидејќи ќе добива гас по пазарни, а не по вештачки надуени цени.Прашан за мировни гаранции за Украина, Путин рече дека секој треба да има безбедносни гаранции, вклучително и Украина, но нагласи дека тоа не значи размена на територии.„Не се бориме за земја, се бориме за правата на луѓето да зборуваат руски јазик и да живеат по своите традиции“, изјави тој, додавајќи дека се гледа светло на крајот од тунелот. Рускиот претседател повторно го повика украинскиот колега Володимир Зеленски да дојде во Москва, доколку е подготвен за директни разговори.Осврнувајќи се на состојбата на боиштата, Путин изјави дека руските сили напредуваат на сите фронтови, а Украина нема капацитет за офанзиви од поголем обем. „Можеби подготвуваат нешто, но според нашите експерти, украинската војска во моментов нема такви способности“, додаде тој. За западните санкции тврдеше дека настаните во Украина се само изговор за претходно подготвени економски мерки против Русија и други земји. „Тоа нас не нè засега,“ рече кратко.Во врска со неодамнешната изјава на американскиот претседател Доналд Трамп за наводна завера меѓу Путин, Ким Џонг Ун и Си Џинпинг, рускиот лидер одговори со насмевка: „Трамп има добар смисол за хумор.“ Тој додаде дека никој во Кина за време на посетата не зборувал против Трамп и дека сите ја поддржале средбата во Анкориџ, изразувајќи надеж дека тоа ќе придонесе за крај на војната.

Свет | пред 6 месеци

Аxios: Белата куќа ја обвини Европа дека ја продолжува војната во Украина

Според пишувањето на американскиот портал Axios, високи претставници на Белата куќа сметаат дека дел од европските лидери го продолжуваат војната во Украина, убедувајќи го украинскиот претседател Володимир Зеленски да почека подобар договор со Москва.Фрустрацијата во Вашингтон расте поради отсуство на напредок од разговорите меѓу Владимир Путин и Доналд Трамп што се одржаа пред две недели на Алјаска. Американските претставници веруваат дека некои европски државници ја поттикнуваат Украина да очекува нереални територијални отстапки од Русија.„Европјаните не смеат да го продолжуваат овој војна и да поттикнуваат неразумни очекувања, а истовремено да очекуваат Америка да ја сноси цената,“ изјавил висок претставник на Белата куќа за Axios.Медиумот не прецизира кои земји се на мета на критиките, но наведува дека тоа не се Обединетото Кралство или Франција, кои заедно ја предводат таканаречената „коалиција на подготвените“, лабаво партнерство на западни земји што и ветуваат поддршка на Украина.

Свет | пред 6 месеци