На социјалните мрежи и во медиумите се појавија фотографии од разрушениот B1 мост во Иран, највисок во земјата и еден од највисоките во регионот, кој беше погоден во воздушен напад.
Мостот, кој се наоѓа на автопатот меѓу Техеран и градот Караџ, претрпел сериозни оштетувања по ударите, при што делови од конструкцијата се урнати. Станува збор за инфраструктурен проект висок околу 130 метри, кој требаше да биде важна сообраќајна врска меѓу двата града.
Според иранските медиуми, во нападот загинале најмалку осум лица, а околу 95 се повредени. Нападот бил изведен во два бранови, при што вториот удар се случил додека спасувачките екипи веќе биле на терен.
Мостот B1 бил еден од најзначајните инфраструктурни проекти во регионот и требало наскоро да биде пуштен во употреба. Нападот е дел од пошироката ескалација на конфликтот во регионот, во кој во последните недели се изведени бројни воздушни напади врз цели во Иран.
Фотографиите од местото на настанот покажуваат големи оштетувања на конструкцијата, а експертите предупредуваат дека нападите врз транспортна инфраструктура можат дополнително да ја зголемат нестабилноста во регионот.
