Педесет и петгодишен скопјанец е лишен од слобода откако пукал од пиштол во семејниот дом, им се заканувал на сопругата и трите ќерки и физички нападнал една од нив, информира Министерството за внатрешни работи.
Според полицијата, на 6 март околу 00:40 часот на подрачјето на Кисела Вода, полициски службеници од СВР Скопје го привеле Б.С. (55) од Скопје поради сомнение дека со оружје се заканувал на својата 48-годишна сопруга и на нивните три ќерки на возраст од 26, 24 и 18 години.
Од МВР посочуваат дека на 1 март, по претходна расправија во домот, осомничениот испукал еден куршум од пиштол кој завршил во прозорецот. Потоа им се заканувал на 24 и 18-годишната ќерка, при што физички ја нападнал постарата.
Насилното однесување, според пријавата, било повторено и на 5 март околу 22:30 часот, кога повторно со пиштол ѝ се заканувал на сопругата, но бил спречен од ќерките да го употреби оружјето.
Осомничениот е задржан во полициска станица, а по целосно документирање на случајот против него ќе биде поднесена соодветна кривична пријава.
Ново семејно насилство: Скопјанец ноќеска пукал со пиштол во домот, додека им се заканувал на сопругата и трите ќерки
Автор:
Скопје1.мк
објавено пред 3 седмици -
Скопје
Поврзани содржини
Акциска контрола на МВР: 43 санкционирани возачи за пречекорена брзина
Македонија | пред 3 часа
Уапсени осум возачи: шест биле без возачка, а двајца пијани
Македонија | пред 6 часа
Тепачка во Карпош, кога полицијата интервенирала едно од лицата се заканувало кон службеник, па го привеле
Македонија | пред 8 часа
Скопјанец ѝ се заканувал на мајка си, приведен
Скопје | пред 8 часа