МВР

МВР: Потврдите за платени казни од „Безбеден град“ повеќе не треба да се носат во полиција

Граѓаните кои ги платиле сообраќајните казни од системот „Безбеден град“ немаат обврска да доставуваат потврди во полициска станица, информира Министерството за внатрешни работи.Од МВР појаснуваат дека нивниот систем е автоматски поврзан со системот на Министерството за финансии, со што уплатите се евидентираат без дополнителна постапка од страна на граѓаните.Сепак, од таму потенцираат дека при уплатата мора точно да се пополнат податоците во уплатницата, особено единствениот број од записникот во делот „повикување на број“ и „цел на дознака“, согласно правната поука.„Апелираме до граѓаните да не ги носат потврдите од платените санкции во полициска станица, со цел да се заштеди време и да се избегнат непотребни гужви“, велат од МВР.

Настани | пред 7 часа

Шест возачи уапсени за безобѕирно возење без дозвола

Министерството за внатрешни работи соопшти дека во текот на изминатото деноноќие на територијата на државата се лишени од слобода шест возачи за безобѕирно управување возило, се наведува во соопштение од МВР.Според информациите, сите шест лица управувале возила без возачка дозвола, стои во соопштението.Од МВР појаснуваат дека двајца возачи се лишени од слобода во Скопје, двајца во Куманово, а по еден во Струмица и Штип, се наведува во соопштението.По целосно документирање на случаите ќе бидат поднесени соодветни кривични пријави, стои во соопштението од МВР.Од Министерството упатуваат апел до сите учесници во сообраќајот да ги почитуваат правилата и прописите и да не управуваат возило без возачка дозвола, под дејство на алкохол или при изречена забрана, се наведува во соопштението.

Македонија | пред 8 часа

МВР: Пет пријави за семејно насилство, четворица уапсени

Министерството за внатрешни работи соопшти дека во изминатото деноноќие се поднесени пет пријави за семејно насилство, при што четири лица се лишени од слобода, а со едно лице е извршен службен разговор, се наведува во соопштение од МВР.Од МВР информираат дека на 21 април 2026 година во Скопје, на подрачјето на Карпош, полициски службеници го лишиле од слобода 48-годишен скопјанец по претходна пријава дека физички ја нападнал својата поранешна сопруга и малолетна ќерка, како и дека оштетил дел од покуќнината, стои во соопштението.Во втор случај, на 22 април 2026 година во тетовско село, е лишен од слобода 43-годишен маж по пријава дека физички ја нападнал поранешната сопруга, при што било утврдено дека бил под дејство на алкохол со 1,68 промили, се наведува во соопштението.Од СВР Охрид е информирано дека е извршен службен разговор со 67-годишен жител на општина Дебарца по пријава за упатување закани кон сопругата, стои во соопштението.Во Куманово, полициски службеници лишиле од слобода 35-годишен маж поради повеќекратно психичко и физичко малтретирање на поранешната партнерка, се наведува во соопштението.Во Неготино е лишен од слобода 50-годишен маж од село во неготинско по пријава дека упатувал закани кон својата внука и нејзиното семејство, стои во соопштението од МВР.Од Министерството додаваат дека се преземаат мерки за целосно расчистување на случаите и по нивното документирање ќе бидат поднесени соодветни пријави, се наведува во соопштението.

Македонија | пред 8 часа

На аеродром Скопје уапсен гостиварец баран со меѓународна потерница

Денеска (22.04.2026) во 14:00 часот на Меѓународниот аеродром Скопје, полициски службеници од Секторот за меѓународна полициска соработка – Отсек за потраги го лишија од слобода 66-годишен гостиварец, се наведува во соопштение од МВР.Станува збор за Ѓ.Ѓ. од Гостивар, кој бил баран со меѓународна потерница за издржување затворска казна во траење од осум години, стои во соопштението.Од МВР информираат дека лицето е баранo поради сторено кривично дело согласно член 237 став 4 во врска со член 45 од Кривичниот законик, се наведува во соопштението.По лишувањето од слобода, Ѓ.Ѓ. е спроведен во КПУ „Идризово“ за издржување на казната, стои во соопштението од МВР.

Македонија | пред 8 часа

Притвор за скопјанец поради сомнение за трговија со дрога

Министерството за внатрешни работи соопшти дека е поднесена кривична пријава против 27-годишен скопјанец поради сомнение за неовластено производство и пуштање во промет на наркотични дроги, се наведува во соопштение од МВР.Од МВР информираат дека на 20 април 2026 година, на улицата „Ѓорче Петров“ во Скопје, полициски службеници сопреле патничко возило „мерцедес“ во кое како совозач бил пријавениот, стои во соопштението.При извршен преглед кај лицето биле пронајдени 29,24 грама кокаин, по што тој бил лишен од слобода, се наведува во соопштението.Од Министерството додаваат дека против Е.Љ. (27) е поднесена кривична пријава до Основното јавно обвинителство Скопје, по што е поведена постапка за кривично дело согласно Кривичниот законик, стои во соопштението.Судот му одредил мерка притвор во траење од 30 дена, се наведува во соопштението од МВР.

Македонија | пред 8 часа

Пријава за фалсификат и злоупотреба во Велосипедската федерација

Претседателот на Велосипедската федерација, Е.Ц. (45) од Куманово, пријавил повеќе кривични дела против неколку членови на федерацијата, информира Министерството за внатрешни работи.Пријавата била поднесена на 21 април 2026 година во 11:30 часот во СВР Куманово, а според неа, лицата се сомничат за „фалсификување службена исправа“, „злоупотреба на службена положба и овластување“ и „затајување“.Како што е наведено, тие претходно биле отповикани од функциите членови на Управниот одбор на седница одржана на 11 март 2026 година, но по тоа, со неовластена употреба на печатот на федерацијата – кој им бил даден на користење од поранешниот секретар – покренале иницијатива за свикување собрание на федерацијата.Од МВР велат дека се преземаат мерки за целосно расчистување на случајот.

Македонија | пред 10 часа

Осуденик од прилепскиот затвор пријави дека е измамен: Му ветил намалување на казна и го излажал, тоа го чинело речиси 900.000 денари

Осуденик од Казнено-поправната установа Затвор Прилеп пријавил дека бил измамен за сума од 890.000 денари, информира Министерството за внатрешни работи.Според пријавата, на 21 април 2026 година во 12:30 часот во ОВР Прилеп, осуденикот навел дека пред околу два месеци лицето К.К. го довело во заблуда, ветувајќи му дека ќе му помогне да му се намали затворската казна.За таа „услуга“, како што тврди пријавителот, во повеќе наврати му исплатил вкупно 890.000 денари. Откако сфатил дека станува збор за измама, случајот го пријавил во полиција.Од МВР велат дека се преземаат мерки за целосно расчистување на случајот.

Македонија | пред 10 часа

Физички пресметки во Центар, Карпош и Арачиново: имало напади со боксови и тврди предмети

Во изминатите два дена се регистрирани повеќе одделни случаи на физичко насилство на подрачјето на Скопје, информира Министерството за внатрешни работи.На 21 април 2026 година во 19:30 часот во СВР Скопје, Т.К. (53) од Скопје пријавил дека околу 18:00 часот на подрачјето на Центар бил физички нападнат од Д.В. (48) од Скопје. Од МВР велат дека по целосно документирање на случајот ќе следува соодветен поднесок.Истиот ден, во 21:20 часот, во СВР Скопје било пријавено нарушување на јавниот ред и мир на подрачјето на Карпош, каде дошло до физичка пресметка помеѓу А.Д. (19) и И.Д. (24), двајцата од Скопје. И за овој случај ќе следува соодветен поднесок по негово целосно расчистување.Претходно, на 20 април во 16:56 часот, Б.Л. (79) од село Арачиново пријавил дека во дворот од неговиот дом тој и неговиот син А.Л. (51) биле физички нападнати од две лица, кои употребиле и тврд предмет. Полицијата презема мерки за расчистување на случајот.

Македонија | пред 10 часа

Закани и напад со метален предмет: Кривична пријава против жител на гостиварско

Надворешната канцеларија за криминалистички работи Гостивар поднесе кривична пријава против Е.М. (41) од гостиварско поради сомнение за сторени кривични дела „загрозување на сигурноста“ и „телесна повреда“.Според МВР, на 17 април 2026 година пријавениот преку мобилен телефон испратил пораки со заканувачка содржина до 36-годишна жена со која претходно бил во љубовна врска.Следниот ден, на 18 април, на паркинг-простор во Гостивар, тој физички ја нападнал жената со метален предмет.Се преземаат мерки за расчистување на случајот.

Македонија | пред 10 часа

Нов ужас: Родители дозволиле малолетници ќерки да живеат во вонбрачни заедници, едната била и силувана

Надворешната канцеларија за криминалистички работи Делчево поднесе кривични пријави против четири лица поради сомнение за сторени кривични дела поврзани со вонбрачен живот со малолетници, а едно лице се гони и за силување на дете помладо од 15 години.Како што соопшти МВР, пријавени се О.Л. (49) од Делчево и Н.Л. (38), како и Н.П. (27) и О.П. (49) од струмичко село.Според наводите, родителите О.Л. и Н.Л. дозволиле нивната малолетна ќерка од септември 2023 година да живее во вонбрачна заедница со Н.П., при што таа родила дете. Воедно, од март 2024 година дозволиле и нивната втора малолетна ќерка да живее во вонбрачна заедница со О.П..Против Н.П. е поднесена кривична пријава за „вонбрачен живот со дете“ и за „силување на дете кое не наполнило 15 години“, додека останатите се гонат за кривично дело „вонбрачен живот со дете“, согласно Кривичниот законик.Се работи на целосно расчистување на случајот.

Македонија | пред 10 часа

Полицаец од Тетово фатен со изготвен лажен документ кој влијаел врз судска постапка!

Одделот за внатрешна контрола при Министерството за внатрешни работи поднесе кривична пријава до Основното јавно обвинителство за гонење организиран криминал и корупција против полициски службеник од СВР Тетово, осомничен за фалсификување службена исправа.Како што информираат од МВР, пријавениот Д.М. во јуни 2019 година, постапувајќи по барање на адвокат од Тетово, изготвил службен спис за достапност на лице со невистинита содржина, без да изврши теренски проверки.Според наводите, за да го озваничи документот, полицаецот го злоупотребил потписот на раководителот, внел несоодветен деловоднички број и го заверил со службен печат.Фалсификуваниот документ потоа бил предаден на адвокатот спротивно на утврдените процедури за канцелариско и архивско работење.„Списот бил употребен во судска постапка пред Основниот суд Тетово, каде бил евидентиран како доказ на штета на лице од Тетово“, соопштија од МВР.Против пријавениот се води постапка за кривично дело „фалсификување службена исправа“ согласно член 361 од Кривичниот законик.

Македонија | пред 10 часа

Физички нападнат курир на брза пошта, не можеле да се договорат за времето на испорака

На 21.04.2026 во 10:40 часот во Полициската станица Гостивар, З.З.(67) од Гостивар пријавил дека бил физички нападнат додека извршувал работни задачи како доставувач во брза пошта.Според пријавата, на ул.„18 Ноември“, по претходна расправија околу времето на достава, бил физички нападнат од Д.К. од Гостивар.Се преземаат мерки за расчистување на случајот.

Македонија | пред 12 часа

Трагедија кај Гостивар: Метален дел од кран усмрти работник додека се обидувал да ја одглави сајлата

На 21.04.2026 во 17:00 часот во Полициското одделение Галате било пријавено дека во гостиварското село Градец, при изведување градежни работи на приватна куќа, починал И.А.(48) од Тетово.Според пријавеното, при обид да одглави заглавена сајла на кран, дошло до пукање на метален дел од конструкцијата кој го удрил И.А. во пределот на главата.Лекар од Итната медицинска помош констатирал смрт, а увид извршиле јавен обвинител и екипа од ОВР Гостивар. По наредба на обвинител, телото е дадено на обдукција.

Македонија | пред 12 часа

Пијан тетовчанец ја натепал поранешната сопруга

На 22.04.2026 во 02:20 часот во тетовско село, полициски службеници од СВР Тетово го лишиле од слобода Т.М.(43), постапувајќи по претходна пријава дека физички јуа нападнал неговата поранешна 41-годишна сопруга.При преземање мерки и извршено алкотестирање било констатирано дека е под дејство на алкохол, односно му биле измерени 1,68 промили алкохол во крвта.По целосно документирање на случајот, ќе биде поднесена соодветна пријава.

Македонија | пред 12 часа

Закани кон мајка и дете за наводен долг од 1.350 евра

Закани кон 33-годишна жена и нејзиното малолетно дете за наводен долг од 1.350 евра се пријавени во полиција, по што се преземаат мерки за расчистување на случајот.Според МВР, на 20 април 2026 година во 13:00 часот во СВР Скопје, жената пријавила дека претходниот ден добила закани по телефон од лице означено како Џ.„Н“, преку посредник.Како што навела, посредникот на 18 април дошол во продавницата каде што работела и ѝ пренел порака дека лицето, кое е странец, бара да му ги врати парите што наводно ѝ ги дал пред две години за набавка на лек за нејзиното дете.Полицијата работи на расчистување на случајот.

Македонија | пред 1 ден

Тешко повреден 22-годишник во сообраќајка во Ѓорче Петров

Сопатник на мотоцикл е тешко повреден, а возачот се здобил со телесни повреди во сообраќајна несреќа што се случи попладнево во скопската населба Ѓорче Петров.Според информациите од МВР, несреќата била пријавена на 20 април 2026 година околу 15:45 часот, на улицата „Ѓорче Петров“, каде се судриле патничко возило „фолксваген голф“ со скопски регистарски ознаки, управувано од М.Н. (43) од селото Крушопек, и мотоцикл управуван од А.Р. (26) од Скопје.Во несреќата со тешки телесни повреди се здобил сопатникот на мотоциклот, Б.М. (22) од Скопје, додека возачот на мотоциклот добил телесни повреди, констатирани во Комплексот клиники „Мајка Тереза“ во Скопје.По наредба на јавен обвинител, на местото на несреќата извршен е увид од екипа на СВР Скопје.

Македонија | пред 1 ден

Малолетник и 30-годишник приведени, изгореа автомобили, a раскопан бил и гроб - низа случувања во Куманово

Кражби со употреба на сила, пожар на паркирани возила и раскопување гроб во црковен двор – три одделни случаи се пријавени во кумановско во изминатото деноноќие.МВР информира дека на 20 април 2026 година околу 10:30 часот, полициски службеници од СВР Куманово ги лишиле од слобода Р.Р. (30) и 15-годишник, двајцата од Куманово. Тие се сомничат дека со употреба на сила влегле во деловен објект на улицата „Народна револуција“, од каде одзеле повеќе предмети, а се обиделе да одземат предмети и од приватен имот на улицата „Веселин Маслеша“. Двајцата се задржани во полициска станица и по документирање на случајот ќе следува пријава.Во друг случај, на 21 април 2026 година во 01:11 часот било пријавено дека на улицата „Никола Вапцаров“ избувнал пожар во две паркирани возила – „опел“, сопственост на Е.Ф., и „фолксваген тигуан“, сопственост на А.С., даден на користење на В.М., сите од Куманово. Пожарот бил изгаснат од Територијалната противпожарна единица Куманово, а повредени лица нема. Увид извршила полицијата.Дополнително, на 20 април во 18:10 часот било пријавено дека во двор на црква во селото Карпино, општина Старо Нагоричане, било извршено раскопување на гроб кој има назнака на културно наследство, при што бил оштетен.Полицијата презема мерки за расчистување на случаите.

Македонија | пред 1 ден

Низа инциденти во Скопје: напади, тепачка на Бит Пазар и пожaр во Шуто Оризари

Физички напади, тепачка по кражба и пожар во куќа – неколку инциденти се пријавени во Скопје во текот на 20 април.Од МВР информираат дека во 04:30 часот, 58-годишен скопјанец пријавил дека околу 02:45 часот на подрачјето на Карпош бил физички нападнат од 31-годишно лице од Скопје. По документирање на случајот ќе следува соодветен поднесок.Во 13:00 часот било пријавено нарушување на јавниот ред и мир на Бит Пазар, каде по претходно извршена кражба во продажен објект, настанала физичка пресметка меѓу две жени на возраст од 56 и 64 години, двете од Скопје.Истото попладне, во двор на средно училиште во Кисела Вода, малолетник бил физички нападнат од неколку други малолетници, при што бил употребен и тврд предмет. Полицијата презема мерки за расчистување на случајот.Околу 13:00 часот бил пријавен и пожар во куќа во Шуто Оризари, сопственост на 57-годишен скопјанец. Огнот зафатил и дел од ѕид на соседна куќа, но бил изгаснат од противпожарната единица, без повредени лица.Во уште еден случај, во 21:00 часот, 57-годишен скопјанец пријавил дека околу 15:15 часот во Центар, неговиот малолетен син бил физички нападнат од едно лице. Според пријавата, инцидентот настанал откако малолетници фрлиле балонче со вода кон мотоцикл и го погодиле во задното тркало, по што возачот ги бркал, стигнал едно од децата и го нападнал, а се обидел да прегази и друг малолетник кој успеал да побегне.Полицијата презема мерки за расчистување на сите случаи.

Македонија | пред 1 ден

Артилериска граната од Првата светска војна пронајдена кај Битола

Артилериска граната од Првата светска војна е пронајдена на нива во битолското село Ивањевци и безбедно е отстранета од страна на надлежните служби.Од МВР информираат дека на 20 април 2026 година во 10:40 часот во СВР Битола, пиротехничар од Дирекцијата за заштита и спасување пријавил дека ја подигнал гранатата со калибар од 105 милиметри.Претходно, на 19 април околу 17:25 часот било пријавено дека неексплодираното убојно средство е пронајдено во атарот на селото.Гранатата е безбедно отстранета, а надлежните апелираат до граѓаните при пронаоѓање на вакви предмети веднаш да ги пријават и да не ги допираат.

Македонија | пред 1 ден

Приведени шест лица во Скопје, меѓу нив и малолетници - нова акција на полицијата ноќеска

Шест лица, меѓу кои и двајца малолетници, се лишени од слобода во полициска акција спроведена на повеќе локации во Скопје, откако кај нив била пронајдена марихуана.Како што информира МВР, во текот на ноќта меѓу 19 и 20 април 2026 година, полициски службеници од СВР Скопје ги привеле Т.И. (35), Н.Ј. (21), М.Ц. (42), Ф.С. (27), како и 15-годишник и 17-годишник, сите од Скопје.При прегледите кај нив била пронајдена и одземена марихуана.По целосно документирање на случаите, против сите лица ќе бидат поднесени соодветни поднесоци.

Македонија | пред 1 ден

Пукање со пиштол, дрога и измама со врати - три кривични во Струга

Марихуана пронајдена кај 22-годишник, измама со неиспорачани блиндор врати и пукање со огнено оружје – три одделни случаи резултираа со кривични пријави од струшката полиција.Надворешната канцеларија за криминалистички работи Струга поднесе кривична пријава против Е.В. (22) од Струга поради сомнение за „неовластено производство и пуштање во промет на наркотични дроги“. На 30 септември 2025 година, при полициски преглед кај него била пронајдена и одземена марихуана.Втората пријава е против Ј.Б. од Битола за кривично дело „измама“. Според полицијата, 34-годишник од струшко село во ноември 2025 година договорил изработка на блиндор врати во вредност од 3.040 евра, при што однапред исплатил 2.140 евра. Вратите требало да бидат изработени до 20 јануари 2026 година, но пријавениот постојано ја одложувал изработката и не го исполнил договорот.Третата кривична пријава е поднесена против Р.З. (51) од селото Делогожда за „предизвикување општа опасност“. На 23 март 2026 година, пријавениот пукал од огнено оружје. При претрес во неговиот дом полицијата пронашла пиштол со празна рамка, куршуми калибар 9 милиметри и дозвола за оружјето издадена на негово име.По документирање на случаите, ќе следуваат соодветни постапки пред надлежните институции.

Македонија | пред 1 ден

Кривична против управителка од Крива Паланка: исплатувала 1.000 денари К-15 и објавила матичен број

К-15 од само 1.000 денари, договори што не постојат на хартија и матичен број објавен на огласна табла – ваква е содржината на кривичната пријава што ја поднесе МВР против управителка и фирма од Крива Паланка.Надворешната канцеларија за криминалистички работи Крива Паланка поднесе кривична пријава против В.П. (45) и правно лице од истиот град поради сомнение за „повреда на права од работен однос“ и „злоупотреба на лични податоци“.Според полицијата, пријавената како управител на фирмата на еден работник му исплатила регрес за годишен одмор во намален износ од 1.000 денари. Дополнително, во повеќе наврати не биле изготвувани договори или анекси за вработување и престанок на работен однос во писмена форма, иако работникот во периодот од јули 2018 до октомври 2019 година имал повеќе прекини на работниот однос.Воедно, не била водена уредна писмена евиденција за работното време, што, според МВР, претставува директно прекршување на Законот за работни односи и Општиот колективен договор за приватниот сектор.Покрај тоа, пријавената без согласност на работникот ги користела неговите лични податоци и не обезбедила соодветна заштита. Во еден документ истакнат на огласна табла во просториите на фирмата бил објавен матичниот број на вработениот, спротивно на законските одредби за заштита на личните податоци.Со ваквото постапување, како што наведува полицијата, биле повредени и ограничени правата на работникот, по што ќе следува понатамошна постапка пред надлежните органи.

Македонија | пред 1 ден

Претрес во Кавадарци: Пронајдена дрога, приведено едно лице

Полициски службеници од ОВР Кавадарци лишиле од слобода 40-годишен жител на градот, по претрес во неговиот дом и помошни простории, информираат од Министерството за внатрешни работи во соопштение.Како што се наведува во соопштението, при претресот извршен со судска наредба од Основен суд Кавадарци, биле пронајдени и одземени бела грутчеста и бела прашкаста материја, како и дигитална вага.Лицето било приведено во полициска станица, а за случајот бил известен јавен обвинител, стои во соопштението.По целосно документирање на настанот, против него ќе биде поднесена соодветна пријава, информираат од МВР во соопштението.

Македонија | пред 1 ден

Семејно насилство во Тетово: маж се обидел да ја исфрли сопругата од домот заканувајќи и се со остар предмет

Сопруга пријавила закани со остар предмет, по што тетовец бил лишен од слобода, информираа од СВР Тетово.Станува збор за В.А. (32) од Тетово, кој бил приведен на 20 април околу 23:30 часот на улицата „Киро Ристовски Дрнц“, откако неговата 30-годишна сопруга пријавила дека претходниот ден околу 18 часот ѝ се заканувал со остар предмет и се обидел да ја исфрли од домот.Осомничениот е задржан во полициска станица, а по целосно документирање на случајот ќе следува соодветна пријава.

Македонија | пред 1 ден

Малолетничка нападната во училиште, уште два случаи на насилство во Тетово

Малолетничка пријави физички напад во тетовско средно училиште, а полицијата истовремено работи и на уште два случаи на насилство во градот, информираа од СВР Тетово.Според пријавата, на 20 април во 17:55 часот, 16-годишна ученичка, во присуство на нејзината мајка Ф.Д. (47), пријавила дека за време на голем одмор, по кратка расправија, била физички нападната од друга ученичка од истото училиште. Се преземаат мерки за расчистување на случајот.Претходно, истиот ден во 11:30 часот, 33-годишна жена од Тетово пријавила дека вечерта претходно, околу 21 часот, по вербална расправија, била физички нападната од нејзиниот сопруг Е.Ц..Во трет случај, во 15:40 часот, И.М. (36) од Тетово пријавил дека околу 14:30 часот, во неговата работна просторија на улицата „29 Ноември“, бил физички нападнат од неговиот сосед А.У..Од полицијата информираат дека се преземаат мерки за целосно документирање и расчистување на сите случаи.

Македонија | пред 1 ден