Сторителот на убиството во гимназијата во Босна и Херцеговина бил помошен работник во училиштето, мотивот бил несогласувања со убиените

Во вооружен напад во Мешовитата гимназија во Сански Мост загинаа три лица.

— реклама —

Според информациите убиени се директорот на оваа образовна институција Нијаз Халиловиќ, професорката по англиски јазик Гордана Миџан и секретарката на училиштето Нисвета Кљуниќ.

— реклама —

Мотивот наводно се одредени несогласувања кои постоеле и претходно бидејќи убиените биле дел од комисијата која го суспендирала М.В., пишува Независне.

— реклама —

Сторителот на убиството е помошен работник во училиштето, односно чувар. Откако го извршил убиството се обидел да се самоубие. Во таа прилика си нанел тешки телесни повреди и бил пренесен во Универзитетско-клиничкиот центар на Република Српска во Бања Лука.

Според последните информации, здравствената состојба на сторителот на убиството е стабилна.

Освен четворицата, не би требало да има други повреди.