По масакрот во училиштето во Тамблер Ридж, Британска Колумбија, Канада, Дарјан Квист, ученик и неговата мајка Шели Квист, за CBC радио ја опишаа драмата што се случила.
Според неговото сведоштво, на 13:30 часот по локално време, веднаш штом пристигнал во училиштето, го слушнал алармот во ходниците. Од звучниците следувало предупредување за сите ученици да ги заклучат вратите на училниците.
Дарјан раскажува дека вратите биле затворени некое време, а тој и неговите соученици брзо сфатиле дека нешто сериозно се случува. Тогаш почнале да добиваат фотографии од местото на нападот на мобилните телефони.
„Земавме клупи и ги забарикадиравме вратите“, рече Дарјан.
Вратите останале забарикадирани повеќе од два часа, сè додека полицијата не пристигнала и учениците не биле евакуирани од училиштето. Кога излегле надвор, Дарјан се сретнал со мајка си во центарот на градот, на неколку стотини метри од училиштето.
Подсетуваме, во средното училиште во Тамблер Ридж, Британска Колумбија, дошло до пукање во кое животот го загубиле десет лица, вклучувајќи го и напаѓачот, објавиле властите.
