(Видео) Хаос на автопат, напаѓач пукал во возила, вознемирувачки сцени од Израел, има загинат

Во пукање на крајбрежниот автопат на југот на Израел, еден маж е убиен, а три лица се ранети.

— реклама —

Како што пренесува Тајмс оф Израел, тешко ранетиот починал при транспорт во болница.

— реклама —

Нападот се случил во близина на раскрсницата Јавне, северно од Ашдод, а лекарот кој го запрел својот автомобил за да им помогне на повредените бил полесно повреден кога во него удрил друг автомобил.

— реклама —

Според првичната истрага, полицијата соопшти дека терористот се приближил до патот пеш, пукајќи во полицаецот, а потоа ги повредил другите четворица пред да биде застрелан од волонтер од брзата помош, кој случајно се нашол на местото на настанот.

Сообраќајот на местото на настанот е запрен, а полицијата ја пребарува областа за да го исклучи присуството на втор напаѓач.