Деведесет и тригодишен пешак е тешко повреден во сообраќајна несреќа што се случила на 1 април околу 12 часот во Скопје.
Како што информира МВР, несреќата се случила на крстосницата меѓу улиците „Иван Хаџиниколов“ и „Јанко Митиќ“, кога патничко возило „фолксваген туран“ со скопски регистарски ознаки, управувано од М.Ш.(37) од село Студеничани, удрило во пешакот Б.А.(93) од Скопје.
Во несреќата, пешакот се здобил со тешки телесни повреди, кои биле констатирани во ЈЗУ „Св. Наум Охридски“ во Скопје.
Увид на местото на настанот извршила увидна екипа од СВР Скопје.
