Земјотрес со јачина од 3,1 степени според Рихтеровата скала е регистриран ноќеска во источниот дел од државата, информира Сеизмолошката опсерваторија при Природно-математичкиот факултет во Скопје.
Потресот е регистриран во 00:22 часот, а неговиот епицентар потекнува од подрачјето Делчево – Берово, околу 120 километри југоисточно од Скопје.
Според првичните податоци, земјотресот бил почувствуван од жителите на Пехчево, Берово и околните места, со интензитет од III до IV степени според Европската макросеизмичка скала.
Засега нема информации за причинета материјална штета, а станува збор за слаб земјотрес.
