Жена го пријавила мажот за кој беше јавно алармирано дека демнел во Гази Баба: тврди дека откако му избегала и дошол под тераса

Откако вчера на социјалните мрежи беше објавена фотографија од мaшко лице за кое имаше предупредување дека демнел жени, од МВР за Скопје1 потврдуваат дека имаат и пријава.

— реклама —

„На 02.03.2026 во СВР Скопје 30-годишна жена пријави дека на 28.02.2026 околу 05:30 часот на подрачјето на Гази Баба едно лице излегло пред неа по што истата се вознемирила и почнала да бега, а лицето трчало по неа.

— реклама —

Исто така на 02.03.2026 лицето дошло пред нејзината зграда и гледало во нејзината тераса.

— реклама —

Во врска со настанот во Полициската станица Гази Баба бил извршен службен разговор со А.М.(41) од Радовиш, со престој во Скопје и против истиот се преземени соодветни мерки“, велат од МВР.

Според вчерашната објава, тој стоел во близина на Факултетот ФОН, бркал девојчиња и жени.

Досега освен оваа пријава во МВР немаат добиено друга.