Индиски државјанин починал во паркот „Жена борец“ во Скопје

Седумдесет и деветгодишен државјанин на Индија починал во паркот „Жена борец“ во центарот на Скопје, информираат од Министерството за внатрешни работи.

— реклама —

Случајот бил пријавен на 7 јуни околу 22:20 часот, кога од Итната медицинска помош било известено дека во паркот се наоѓа починато лице.

— реклама —

Полициски службеници од СВР Скопје веднаш излегле на местото на настанот и утврдиле дека станува збор за Х.Р.Г. (79) од Индија.

— реклама —

Во разговор со полицијата, Т.М.Л. (43), исто така државјанин на Индија, изјавил дека додека двајцата се движеле низ паркот, неговиот сопатник ненадејно паднал, по што веднаш била повикана Итната медицинска помош.

— реклама —

На местото бил извршен увид, а по наредба на јавен обвинител телото на починатиот е предадено на обдукција во Судска медицина, каде што ќе се утврдуваат точните причини за смртта.