Инфлацијата во Хрватска во август достигна 4,1 отсто на годишно ниво, покажува првата проценка на индексот на потрошувачките цени. Во однос на јули, цените на стоките и услугите пораснале за 0,3 отсто.
Најголем годишен раст е забележан кај енергијата, чии цени се повисоки за дури 17,4 отсто, додека услугите поскапеле за 7,2 отсто. Кај храната, пијалаците и тутунот е регистриран минимален раст од 0,1 отсто, а индустриските производи што не се енергенси поевтиниле за 1,3 отсто.
На месечно ниво, енергијата поскапела за 3,7 отсто, услугите за 0,1 отсто, додека индустриските производи без енергенси поевтиниле за 0,9 отсто. Кај храната, пијалаците и тутунот е забележано намалување од 0,2 отсто.
Според усогласениот индекс на потрошувачките цени, кој се користи за споредба меѓу земјите од Европската Унија, инфлацијата во Хрватска во август изнесувала 3,7 отсто на годишно ниво и 0,3 отсто на месечно ниво.
Истата стапка од 3,7 отсто е проценета и за еврозоната.
Во август, повисока инфлација од Хрватска имале Литванија со 5,8 отсто, Кипар со 5,2 отсто, Бугарија со 5,1 отсто, Шпанија со 4,5 отсто, Белгија со 4,2 отсто и Луксембург со 4 отсто. Грција имала иста стапка на инфлација како Хрватска.
