Инфлацијата во САД достигна највисоко ниво во последните три години

Американските потрошувачи повторно се соочуваат со забрзан раст на цените, откако инфлацијата во мај достигна највисоко ниво во последните три години.

— реклама —

Според официјалните податоци на американското Биро за статистика на трудот, стапката на инфлација во мај изнесувала 4,2 проценти, што претставува највисоко ниво на индексот на потрошувачките цени од април 2023 година.

— реклама —

На растот на цените значително влијаеле повисоките трошоци за нафта и природен гас, кои нагло се зголемија по американските и израелските напади врз Иран. Дополнителен притисок врз енергетските пазари предизвикале нарушувањата во Ормускиот Теснец и штетите врз инфраструктурата за производство на фосилни горива.

— реклама —

Вообичаено, низ Ормускиот Теснец се транспортира околу една петтина од светската нафта и течниот природен гас, па секое нарушување во овој стратешки поморски коридор има глобални последици врз цените на енергенсите.

— реклама —

Новото забрзување на инфлацијата претставува дополнителен предизвик за американскиот претседател Доналд Трамп, кој на власт дојде со ветувања дека ќе ги намали трошоците за живот и ќе го олесни товарот врз американските домаќинства.